Yeˬsaˬgeˬlaˇ 18:21 - Akha

²¹ “Haiˬ-eu tsawˇ haˬ tiˬ gʼaˬ iˬ baˇ maˬ mˇ ni byehˇ-awˇ, ngaˬ-euˬ zahˇ dawˬ kʼoꞈ dawˬ mehˬ nah caw teh-eu laꞈ kʼoeˇ, yaw tsaˬ yaw dawˇ jeˬ mˇ naˇ, aˬ yawꞈ maˬ ya shiˇ ni, aˬ diˇ aˬ maˇ ya dehꞈ tehꞈ-a.

Yeˬsaˬgeˬlaˇ 18:21 Referans Kwoze

Yeˬsaˬgeˬlaˇ 33:19

Haiˬ-eu tsawˇ haˬ tiˬ gʼaˬ iˬ baˇ maˬ mˇ ni byehˇ-awˇ, yaw tsaˬ yaw dawˇ jeˬ hawˇ-eu yaw muiˬ jeˬ mˇ laˇ naˇ, aˬ yawꞈ yawˬ haˇ yawˬ ha ka kʼoꞈ-euˬ meh.

Dawqdaq 28:13

Yawˬ ha-euˬ iˬ baˇ laˆ zaꞈ-eu lehˇ leh jeh-eu tsawˇ haˬ tiˬ jawˇ-iˬ maˬ dehꞈ dzaˬ laˇ-a. Yawˬ ha-euˬ iˬ baˇ pah mehˬ-eu tsawˇ haˬ-ahˇ Miˬyehˇ gʼawˬ shaˬ gaˬ nehˬ tehꞈ-a.

Gʼaˬkʼehˇ 3:19

Naw maꞈ-euˬ iˬ baˇ bi pyehˬ nehˬ-eu gʼaˇ duˬ, iˬ baˇ noeˬ poˆ-awˇ Miˬyehˇ jawˇ paw gʼoꞈ kʼoꞈ laˇ-awˬ. Naw maꞈ kʼoeˇ loꞈ-ehˇ jahˇ naˇ,

Lormav 8:13

Aˬ jeˬ miˇ neh ehˇ naˇ, shiˬ shaˬ jiˇ nui noeˬ mehˬ nah naw maꞈ dehꞈ gʼeh naˇ, ya shiˇ tehꞈ-a. Ehˇ kʼawꞈ, Yaw sahˇ miˬyehˇ-ahˇ gʼoe-eu laꞈ kʼoeˇ iˬ baˇ mˇ-eu nui ma-ahˇ laˆ sehꞈ naˇ, ya dehꞈ tehꞈ-a.

Luˇkaꞈ 24:47

Kʼoeˇ naˇ, Yeˬluˇsaˬlehˬ meuˬ-ahˇ neh dahˬ beh-awˇ, tsawˇ jeuˬ dawˬ tawˆ luꞈ-ahˇ iˬ baˇ noeˬ poˆ-eu gaˇ kawˆ hawˇ-eu, Miˬyehˇ iˬ baˇ pyehˬ nehˬ-eu gaˇ kawˆ, aˬ yawꞈ-euˬ tsawˇ myahˇ uˬ moˆ ya mehˬ nehˬ-iˇ meh lehˇ boꞈ taˬ-euˬ meh.

Yeˬsaˬgeˬlaˇ 18:9

Tsawˇ haˬ kʼoeˇ gʼaˬ-aˬ, ngaˬ-euˬ dawˬ-ahˇ naˇ haˬ geuꞈ-awˇ, ngaˬ-euˬ zahˇ dawˬ kʼoꞈ dawˬ-ahˇ yaw muiˬ paˬ-ehˇ caw teh-eu meh. Aˬ yawꞈ-aˬ, yaw tsaˬ yaw dawˇ tsawˇ haˬ pyeuꞈ-awˇ, aˬ diˇ aˬ maˇ ya dehꞈ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yaˬkoˆ 2:26

Kʼoeˇ baˬ da neh, saꞈ laˇ maˬ ahˇ-eu gʼawˇ mawˇ-aˬ, yaw shiˇ pyeuꞈ-eu loꞈ-ehˇ, mˇ-eu shaˇ-eu jeˬ maˬ ahˇ-eu jah-eu jeˬ kʼawꞈ, yaw shiˇ meh.

Yeˬsaˬgeˬlaˇ 18:5

“Muiˬ dui dui-eu yaw sui yaw dawˇ tsawˇ haˬ tiˬ gʼaˬ jawˇ-eu ehˇ lawˬ.

Yeˬsaˬgeˬlaˇ 18:30

“Nymˬ-mˇ poˆ jawˇ-aˬ, naw maꞈ Iˇsaˬleˬlaˆ tsawˇ haˬ yawˬ gʼaˬ na luꞈ-ahˇ, yawˬ ha neh kʼaˇ mˇ kʼaˇ shaˇ-euˬ gaˇ haw-awˇ yaˇ kʼaˬ daˇ nehˬ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Naw maꞈ-euˬ iˬ baˇ neh naw maꞈ-ahˇ maˬ bi laˆ cawˆ ni, naw maꞈ mˇ luꞈ-eu yaw haiˬ jeˬ byehˇ dzeh jiˇ-awˬ.

Yeˬsaˬgeˬlaˇ 18:19

“Ehˇ kʼawꞈ, naw maꞈ heu loꞈ-ehˇ ehˇ-eu meh. Aˬ jeˬ miˇ neh aˬ da-euˬ iˬ baˇ baˬ da neh aˬ li gʼaˬ kʼehˬ-eu kʼaˆ-eu jeˬ-ahˇ maˬ ya daˬ ta lehˇ ehˇ-eu meh. Aˬ li gʼaˬ yaw tsaˬ yaw dawˇ jeˬ mˇ-eu meh. Ngaˬ-euˬ zahˇ dawˬ kʼoꞈ dawˬ-ahˇ aˬ yawꞈ yaw muiˬ-ehˇ caw teh-euˬ miˇ neh, aˬ yawꞈ aˬ diˇ aˬ maˇ ya dehꞈ tehꞈ-a.

Jaceuq 119:112

Ngaˇ shiˇ ngeh keuˆ ni nawˬ-euˬ zahˇ dawˬ-ahˇ naˇ haˬ geuꞈ-eu gʼaˇ duˬ, noeˬ tsehˆ gʼaˬ taˬ-euˬ ma.

Jaceuq 119:80

Nawˬ-euˬ zahˇ dawˬ kʼoꞈ dawˬ-ahˇ ngaˇ tiˬ byah tiˬ loꞈ naˇ haˬ geuꞈ-eu miˇ neh, daˬ maˬ ga ni bi dehꞈ laꞈ luꞈ-uˇ.

Yaˬkoˆ 2:14

Aˬ yuiꞈ aˬ nyiˇ Ka li zaˬ deuˬ-oˇ, tsawˇ haˬ tiˬ gʼaˬ na jah ma lehˇ ehˇ kʼawꞈ, maˬ mˇ maˬ shaˇ naˇ, aˬ jeˬ gaˇ dahˇ tsoeˬ nmˇ. Jah-eu kʼoeˇ neh aˬ yawꞈ-ahˇ ka kʼoꞈ nehˬ nya tehꞈ-a loˇ.

Luˇkaꞈ 1:6

Nyiˬ dzeˇ zaˬ luꞈ Miˬyehˇ mehˬ shi dawˇ coe ni dehꞈ-awˇ, SahˬpaˬMiˬyehˇ-euˬ zahˇ dawˬ kʼoꞈ dawˬ hawˇ-eu zahˇ sahˇ kʼoꞈ dawˬ tawˆ luꞈ-ahˇ caw teh-eu meh.

Yeˬsaˬgeˬlaˇ 36:27

Ngaˬ-euˬ yaw sahˇ naw maꞈ laꞈ kʼoeˇ bi jawˇ le-awˇ, ngaˬ-euˬ zahˇ dawˬ kʼoꞈ deuˬ hawˇ-eu ngaˬ neh biꞈ-euˬ dawˬ deuˬ-ahˇ naw maꞈ caw teh ni bi laˆ noeˬ ma.

Yeˬsaˬgeˬlaˇ 18:17

Yaw haiˬ jeˬ aˬ yawꞈ maˬ mˇ-a. Pyuˇ paˇ nehˬ-awˇ jiˇ jeuˬ maˬ yuˇ dzaˬ-a. Ngaˬ-euˬ zahˇ dawˬ kʼoꞈ dawˬ mehˬ nah aˬ yawꞈ caw teh-awˇ, ngaˬ-euˬ dawˬ naˇ haˬ geuꞈ-eu meh. Aˬ yawꞈ aˬ da-euˬ iˬ baˇ baˬ da neh aˬ yawꞈ maˬ ya shiˇ-ehˇ maˇ maˇ ni ya dehꞈ tehꞈ-a.

Yeˬsaˬgeˬlaˇ 3:21

Yaw tsaˬ yaw dawˇ tsawˇ haˬ tiˬ gʼaˬ-ahˇ iˬ baˇ maˬ ya mˇ ni nawˇ mehˬ nehˬ tsoˆ nehˬ-awˇ, nawˬ-euˬ ehˇ dawˬ-ahˇ naˇ haˬ-eu laꞈ kʼoeˇ, iˬ baˇ maˬ mˇ ni jawˇ naˇ, aˬ yawꞈ maˬ ya shiˇ-ehˇ, nawˇ kʼawꞈ shiˇ gaˇ ya buˬ-iˇ tehꞈ-a.”

Jaceuq 119:1

Sahˬpaˬ Miˬyehˇ-euˬ zahˇ dawˬ kʼoꞈ dawˬ-ahˇ caw teh-awˇ, iˬ baˇ taˬ kʼaˇ maˬ za ni dehꞈ-eu deuˬ guiˬ lahˬ huiˬ luꞈ-uˇ.

Aˇ dahˬ 26:5

Aˬbyaˬhaˬ ngaˬ-euˬ ehˇ dawˬ naˇ haˬ-awˇ, ngaˬ-euˬ zahˇ dawˬ kʼoꞈ dawˬ dawˬ tawˆ luꞈ-ahˇ caw teh-euˬ miˇ neh, ngaˇ nawˬ-ahˇ guiˬ lahˬ biꞈ-eu ma.”

Yeˬlaˬmiˇ 18:8

tsawˇ jeuˬ kʼoeˇ jeuˬ noeˬ paˇ-awˇ yaw haiˬ jeˬ maˬ mˇ ni byehˇ naˇ, ngaˬ neh ehˇ-euˬ loꞈ-ehˇ maˬ jahˇ nehˬ ni byehˇ nya ma.

Yeˬsaˬgeˬlaˇ 13:22

“Ngaˇ maˬ bi mˇ coeˬ mawꞈ-eu tsawˇ muiˬ deuˬ-ahˇ, naw maꞈ jaˬ myawꞈ mehˇ shuiˇ neh guˆ tsiˬ nyehꞈ-euˬ meh. Haiˬ-eu tsawˇ haˬ deuˬ yaw haiˬ jeˬ byehˇ dzeh-awˇ, saꞈ laˇ buˬ-iˇ ni maˬ bi mˇ-eu gʼaˇ duˬ, naw maꞈ laˆ tsoeˬ-euˬ meh.

Daˬyeˬlaˇ 4:27

Kʼoeˇ miˇ neh sahˬ paˬ-oˇ, ngaˬ-euˬ ehˇ dawˬ geuꞈ nehˬ laꞈ. Iˬ baˇ maˬ mˇ ni byehˇ-awˇ, yaw tsaˬ yaw dawˇ jeˬ mˇ-eu laꞈ kʼoeˇ, shaˬ zaˬ zahˬ zaˬ deuˬ-ahˇ gʼawˬ shaˬ gaˬ nehˬ-awˬ. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ nui saˇ oꞈ-eu jeˬ maˬ byoˆ-iˇ-aˇ.”

Yeˬlaˬmiˇ 26:3

Tsawˇ haˬ kʼoeˇ deuˬ ngaˬ-euˬ dawˬ-ahˇ naˇ haˬ geuꞈ-awˇ, aˬ yawꞈ maꞈ-euˬ haiˬ-eu dehꞈ jeˬ dehꞈ kawˆ-ahˇ byehˇ dzeh-eu baw le. Aˬ yawꞈ maꞈ kʼoeˇ loꞈ-ehˇ dehꞈ paˇ naˇ, aˬ yawꞈ maꞈ neh mˇ-euˬ yaw haiˬ jeˬ baˬ da neh, aˬ yawꞈ maꞈ kʼoeˇ taˆ bi keuˆ le-eu lehˇ ngaˬ neh lehˬ hmˬ taˬ-eu luˬ-iˇ seˇ-iˇ-eu jeˬ, maˬ paˇ bi keuˆ le ni byehˇ ma.”