Yeˬsaˬgeˬlaˇ 18:16 - Akha

¹⁶ Aˬ cawˬ-euˬ miˬ zaˬ-ahˇ aˬ yawꞈ maˬ bahˬ-a. Aˬ cawˬ-ahˇ nawˬ dzaˬ kʼaˆ dzaˬ-awˇ, tahˇ joe joe dzaˬ-eu jeˬ maˬ mˇ-a. Aˬ cawˬ neh kʼaˇ biꞈ daˇ laˇ-euˬ jeˬ aˬ yawꞈ biꞈ kʼoꞈ nehˬ-awˇ, mehꞈ-eu shuꞈ-eu tsawˇ haˬ deuˬ-ahˇ bi dzaˬ bi dawˇ-eu uˬ taꞈ, dm gʼaˬ dm lmˇ maˬ jaˆ-eu deuˬ-ahˇ dm gʼaˬ dm lmˇ biꞈ-eu meh.

Yeˬsaˬgeˬlaˇ 18:16 Referans Kwoze

Yeˬsaˬgeˬlaˇ 18:7

Tsawˇ haˬ tiˬ gʼaˬ-ahˇ-iˬ aˬ yawꞈ maˬ myawꞈ maˬ shuiˇ dzaˬ-ehˇ, tahˇ joe kʼawꞈ maˬ joe dzaˬ-a. Aˬ cawˬ neh aˬ yawꞈ-ahˇ kʼaˇ biꞈ daˇ taˬ-euˬ jeˬ aˬ yawꞈ biꞈ kʼoꞈ nehˬ-eu meh. Mehꞈ-eu shuꞈ-eu deuˬ-ahˇ aˬ yawꞈ bi dzaˬ bi dawˇ-awˇ, dm gʼaˬ dm lmˇ maˬ jaˆ-eu deuˬ-ahˇ dm gʼaˬ dm lmˇ biꞈ-eu meh.

Luˇkaꞈ 14:13

Ehˇ kʼawꞈ, nawˇ hawˬ byawˇ lawˇ ngeh, shaˬ-euˬ zahˬ-eu tsawˇ haˬ deuˬ, kuiˇ kuˆ laꞈ kuˆ kuˆ-eu tsawˇ haˬ deuˬ, kuiˇ shiˇ laꞈ shiˇ shiˇ-eu tsawˇ haˬ deuˬ hawˇ-eu, myaˆ behꞈ behꞈ-eu tsawˇ haˬ deuˬ-ahˇ kuˇ-awˬ.

Luˇkaꞈ 11:41

Ehˇ kʼawꞈ, naw maꞈ-euˬ kʼmˬ maˬ laꞈ kʼoeˇ ahˇ-eu jeˬ shaˬ-eu zahˬ-eu tsawˇ haˬ deuˬ-ahˇ gamꞈ nehˬ-awˬ. Kʼoeˇ loꞈ-ehˇ jahˇ naˇ, naw maꞈ muiˬ laˇ shawˇ laˇ tehꞈ-a.

Dawqdaq 31:20

Shaˬ-eu zahˬ-eu tsawˇ haˬ-ahˇ aˬ yawꞈ caw ba nehˬ-awˇ, mehꞈ-eu shuꞈ-eu tsawˇ haˬ-ahˇ aˬ yawꞈ bi dzaˬ bi dawˇ-eu meh.

Dawqdaq 25:21

Nawˬ-ahˇ muiˇ-eu tsawˇ haˬ hawˬ mehꞈ naˇ, hawˬ bi dzaˬ-awˬ.

Dawqdaq 22:9

Tsawˇ tsiˇ maˬ tsiˇ ni shaˬ zaˬ zahˬ zaˬ-ahˇ bi dzaˬ bi dawˇ-awˬ. Nawˇ guiˬ lahˬ za tehꞈ-a.

Jaceuq 41:1

Yaw shaˬzaˬ-ahˇngehˬgʼeh-eu deuˬ, guiˬlahˬhuiˬ-eu tsawˇhaˬdeuˬmeh. Yawꞈmaꞈshaˬle zahˬle ngeh jawˇ, SahˬpaˬMiˬyehˇcaw ba tehꞈ-a.

Yawˇbaˆ 31:19

Tsawˇ haˬ tiˬ gʼaˬ na shaˬ dui dui-awˇ, mehˬ tsoeˬ maˬ zeuˇ dm nya gaˇ ngaˇ ya mawˇ ngeh,

Yawˇbaˆ 22:7

Gʼaˬ doeˇ doeˇ-eu tsawˇ haˬ-ahˇ nawˇ iˇ cuꞈ maˬ bi dawˇ-ehˇ, hawˬ mehꞈ-eu tsawˇ haˬ-ahˇ nawˇ hawˬ maˬ bi dzaˬ-a.

Maꞈtehˬ 25:35

Ngaˇ hawˬ mehꞈ ngeh naw maꞈ bi dzaˬ laꞈ-awˇ, ngaˇ iˇ cuꞈ mehꞈ ngeh naw maꞈ bi dawˇ laꞈ-euˬ meh. Ngaˇ daˬ yah pyeuꞈ ngeh naw maꞈ ha nehˬ laꞈ-euˬ meh.

Maꞈtehˬ 25:36

Ngaˇ mehˬ tsoeˬ maˬ ahˇ ngeh, naw maꞈ bi dm laꞈ-euˬ meh. Ngaˇ jawˇ saˇ maˬ doˆ ngeh, naw maꞈ bo saˆ laꞈ-euˬ meh. Ngaˇ paꞈ kuˆ-ahˇ uˇ ngeh, naw maꞈ haw le-euˬ meh.’

Yawˇbaˆ 22:6

Nawˬ-euˬ mehˇ nmˇ nawˬ-ahˇ dziˇ dzoˆ tsoeˬ ni, aˬ yawꞈ-euˬ mehˬ tsoeˬ nawˇ lehˆ doˆ-awˇ, mehˬ tsoeˬ dm-eu maˬ jaˆ ni bi shaˬ-euˬ meh.

Yawˇbaˆ 31:16

Shaˬ zaˬ zahˬ zaˬ deuˬ-ahˇ ngaˇ maˬ caw ba ni maˬ byehˇ dzeh-aˬ. Miˬ coeˬ miˬ ma deuˬ-ahˇ ngehˬ maˬ gʼeh ni maˬ bi shaˬ-aˬ.

Yawˇbaˆ 31:20

ngaˬ-euˬ yawˇ yawˇ maꞈ-euˬ caꞈ hm tehˬ-awˇ zaꞈ-euˬ, yawˇ caꞈ hm mehˬ tsoeˬ biꞈ nehˬ-euˬ miˇ neh, aˬ yawꞈ-euˬ nui ma laꞈ kʼoeˇ keuˆ ni ngaˬ-ahˇ guiˬ lahˬ huiˬ-eu meh.

Yeˬsaˬgeˬlaˇ 18:12

Shaˬ zaˬ zahˬ zaˬ-ahˇ myawꞈ dzaˬ shuiˇ dzaˬ-awˇ, tahˇ joe kʼawꞈ joe dzaˬ-euˬ meh. Aˬ cawˬ neh biꞈ daˇ laˇ-euˬ mˇ myawˬ aˬ yawꞈ maˬ biꞈ kʼoꞈ nehˬ-a. Lawˇ ciꞈ zaˬ deuˬ uˬ duˬ tahˬ-eu jawˇ duˬ-ahˇ le-awˇ, nui daˆ daˆ laˇ paˬ-ehˇ gʼeh-eu tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ-eu meh.

Yeˬsaˬgeˬlaˇ 18:15

Iˇsaˬleˬlaˆ tsawˇ haˬ deuˬ-euˬ tahˬ pahˬ aˬ ma mawˇ kawˇ deuˬ-ahˇ aˬ yawꞈ uˬ duˬ maˬ tahˬ-ehˇ, gawˬ jawˬ gawˬ duˇ doe ni jaˆ-eu uˬ duˬ tahˬ-eu jawˇ duˬ deuˬ-ahˇ lawˇ-euˬ dzaˇ aˬ yawꞈ maˬ dzaˬ-a.