Yeˬsaˬgeˬlaˇ 18:11 - Akha

¹¹ Aˬ da gʼaˬ kʼoeˇ loꞈ-ehˇ gʼeh-eu tiˬ jeˬ-iˬ maˬ mˇ haw-aˬ. Ehˇ kʼawꞈ, aˬ li kʼoeˇ gʼaˬ gawˬ jawˬ gawˬ duˇ doe ni jaˆ-eu uˬ duˬ tahˬ-eu jawˇ duˬ-ahˇ lawˇ-euˬ dzaˇ dzaˬ-awˇ, aˬ cawˬ-euˬ miˬ zaˬ-ahˇ bahˬ-euˬ meh.

Yeˬsaˬgeˬlaˇ 18:11 Referans Kwoze

Panmaeq 22:14

Yawˬ ha-euˬ pehˇ kʼahˬ pehˇ mahˇ yaw muiˬ paˬ-ehˇ tsiˬ shawˇ-eu baˬ da neh dehꞈ-eu saꞈ laˇ aˇ bawˇ-euˬ aˇ siˬ ya dzaˬ-awˇ, meuˬ kʼoeˇ meuˬ-euˬ lahˇ kʼehˬ-ahˇ neh meuˬ-ahˇ ya uˇ leˇ-eu aˬ kawˬ-aˬ za-euˬ tsawˇ haˬ deuˬ-aˬ, guiˬ lahˬ huiˬ-eu meh.

1 Yoˇhaˬ 3:22

Aˬ yawꞈ-euˬ dawˬ-ahˇ aˬ dui naˇ haꞈ geuꞈ-awˇ, aˬ yawꞈ nui kʼahˇ shiˇ-eu jeˬ aˬ dui mˇ-eu miˇ neh, aˬ yawꞈ-ahˇ kʼaˇ shaˇ-eu jeˬ aˬ dui za-eu ma.

Yaˬkoˆ 2:17

Kʼoeˇ miˇ neh, jah-eu jeˬ-aˬ, mˇ-eu shaˇ-eu jeˬ maˬ ahˇ naˇ, shiˇtaˬ-euˬ gaˇ duˇ-eu meh.

Piˇliˇpiˆ 4:9

Ngaˬ neh ngehˬ-euˬ tmˇ-euˬ hawˇ-eu mˇ-euˬ shaˇ-euˬ jeˬ laꞈ kʼoeˇ naw maꞈ neh haw geuꞈ taˬ-euˬ jeˬ mˇ doˆ shaˇ doˆ laꞈ-awˬ. Aˬ dui-ahˇ nui saˇ oꞈ-eu jeˬ biꞈ laꞈ-eu gʼaˬ pyeuꞈ-eu Miˬyehˇ naw maꞈ nehˬ-ehˇ jawˇ tehꞈ-a.

Yoˇhaˬ 15:14

Ngaˬ neh dawˬ biꞈ taˬ-euˬ loꞈ-ehˇ naw maꞈ mˇ naˇ, naw maꞈ ngaˬ-euˬ cawˬ ma.

Yoˇhaˬ 13:17

Nymˬ-mˇ, gaˇ kawˆ heu deuˬ naw maꞈ ya siˬ gʼaˬ jiˇ-euˬ meh. Siˬ nya-eu loꞈ-ehˇ mˇ naˇ, naw maꞈ aˇ naˆ ni guiˬ lahˬ huiˬ-eu nga.

Luˇkaꞈ 11:28

Ehˇ kʼawꞈ, Yeˬsuˇ ehˇ-eu, “Maˇ maˇ ni guiˬ lahˬ huiˬ-eu deuˬ-aˬ, Miˬyehˇ-euˬ dawˬ gaˬ-awˇ naˇ haˬ geuꞈ-eu deuˬ meh.”

Yeˬsaˬgeˬlaˇ 18:15

Iˇsaˬleˬlaˆ tsawˇ haˬ deuˬ-euˬ tahˬ pahˬ aˬ ma mawˇ kawˇ deuˬ-ahˇ aˬ yawꞈ uˬ duˬ maˬ tahˬ-ehˇ, gawˬ jawˬ gawˬ duˇ doe ni jaˆ-eu uˬ duˬ tahˬ-eu jawˇ duˬ deuˬ-ahˇ lawˇ-euˬ dzaˇ aˬ yawꞈ maˬ dzaˬ-a.

1 Sahˬpaˬ 13:22

Aˬ yawꞈ neh taˬ dzaˬ taˬ dawˇ lehˇ ehˇ taˬ-euˬ jawˇ duˬ-ahˇ nawˇ paˇ gʼoꞈ poˆ laˇ-awˇ, hawˬ tiˬ byawˇ dzaˬ laˇ-euˬ meh. Kʼoeˇ baˬ da neh nawˇ ya shiˇ tehꞈ-a. Ehˇ kʼawꞈ, nawˬ-euˬ aˬ poeˬ aˬ bawˇ deuˬ-euˬ lmˬ bymˇ-ahˇ nawˬ-ahˇ maˬ baꞈ pahˬ nehˬ-aˇ.”

1 Sahˬpaˬ 13:8

Miˬyehˇ gʼaˇ duˬ ngehˬ dah-eu kʼoeˇ gʼaˬ sahˬ paˬ-ahˇ ehˇ-eu, “Nawˬ-euˬ pyuˇ shuiˇ myawˬ gahˬ ngaˬ-ahˇ tiˬ paˆ paˆ nehˬ laꞈ kʼawꞈ, ngaˇ nawˬ nehˬ-ehˇ le-awˇ tiˬ jeˬ-iˬ maˬ dzaˬ maˬ dawˇ leˇ.

1 Gawˇliˬtu 6:9

Maˬ tsaˬ maˬ dawˇ-eu tsawˇ haˬ Miˬyehˇ Miˇkʼahˬ laꞈ kʼoeˇ maˬ ya uˇ leˇ-a lehˇ naw maꞈ siˬ duˬ luꞈ meh. Naw maꞈ taˬ noeˬ lehˬ. Aˬ cawˬ nehˬ-ehˇ joe-eu tsawˇ haˬ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ, aˬ cawˬ-euˬ miˬ zaˬ yo zaˬ-ahˇ bahˬ-eu tsawˇ haˬ, kʼaˬ dzeˇ zaˬ cawˬ cawˬ kʼaˬ miˬ sheu-eu tsawˇ haˬ,

Yeˬsaˬgeˬlaˇ 18:10

“Kʼoeˇ naˇ, tsawˇ haˬ kʼoeˇ gʼaˬ aˬ li tiˬ li jawˇ-eu ehˇ-awˬ. Aˬ li kʼoeˇ li-aˬ, tahˇ joe joe, tsawˇ haˬ sehꞈ-awˇ aˬ da gʼaˬ maˬ mˇ haw-euˬ jeˬ mˇ-eu meh.

Yeˬsaˬgeˬlaˇ 22:11

Tiˬ paˆ na deuˬ aˬ cawˬ-euˬ miˬ zaˬ-ahˇ bahˬ-awˇ, tiˬ poˆ na deuˬ-aˬ, yawˬ ha-euˬ kuiˬ ma-ahˇ bahˬ-euˬ meh. Tiˬ paˆ na deuˬ yawˬ ha aˬ da-euˬ ma caw-ahˇ bahˬ-euˬ meh.