Yeˬsaˬgeˬlaˇ 18:10 - Akha

¹⁰ “Kʼoeˇ naˇ, tsawˇ haˬ kʼoeˇ gʼaˬ aˬ li tiˬ li jawˇ-eu ehˇ-awˬ. Aˬ li kʼoeˇ li-aˬ, tahˇ joe joe, tsawˇ haˬ sehꞈ-awˇ aˬ da gʼaˬ maˬ mˇ haw-euˬ jeˬ mˇ-eu meh.

Yeˬsaˬgeˬlaˇ 18:10 Referans Kwoze

Doˆ-iˇ 21:12

“Tsawˇ haˬ aˬ geu gʼaˬ maˬ kaˬ, tsawˇ haˬ tiˬ gʼaˬ na-ahˇ laˆ tahˬ-awˇ bi shiˇ naˇ, aˬ yawꞈ-ahˇ ya sehꞈ meh.

1 Yoˇhaˬ 3:12

Aˬ dui-aˬ, Gaˬiˇnaˆ loꞈ-ehˇ maˬ ya gʼeh-a. Aˬ yawꞈ-aˬ, Haiˬ dui dui-eu Gʼaˬ-ahˇ taꞈ-eu tsawˇ haˬ pyeuꞈ-awˇ, aˬ yawꞈ-euˬ aˬ nyiˇ tsi tsi ni gʼeh-eu Aˬbeˬlaˆ-ahˇ sehꞈ-euˬ meh. Aˬ jeˬ miˇ neh yawˬ ha-euˬ aˬ nyiˇ-ahˇ sehꞈ-euˬ ta. Aˬ yawꞈ neh mˇ-euˬ jeˬ lehˬ-awˇ, aˬ yawꞈ-euˬ aˬ nyiˇ neh mˇ-euˬ jeˬ tsaˬ-eu miˇ neh sehꞈ-euˬ meh.

Yoˇhaˬ 18:40

Aˬ yawꞈ maꞈ yaw kʼaˆ-ehˇ guˇ-awˇ ehˇ-eu, “Aˬ yawꞈ-ahˇ taˬ pyehˬ. Baˬlaˬbaˇ-ahˇ pyehˬ-awˬ.” Baˬlaˬbaˇ-aˬ, Loˇmaˆ sahˬ paˬ-ahˇ puiˬ-euˬ tsawˇ haˬ tiˬ gʼaˬ pyeuꞈ-eu meh.

Bawˇtsahˬ 35:31

Aˬ cawˬ-ahˇ sehꞈ-euˬ tsawˇ haˬ-ahˇ paˇ ya sehꞈ poˆ meh.

Uˬ duˬ 19:13

“Aˬ cawˬ kʼoeˇ taˆ mehˇ shuiˇ taˬ shuiˇ dzaˬ. Tahˇ joe taˬ joe dzaˬ. Yawˬ ha-ahˇ gʼaˬ mahˇ mahˇ dzaˬ-eu tsawˇ haˬ-ahˇ gʼaˬ gaˇ aˇ poeˬ maˬ biꞈ ni, tiˬ miˇ tehꞈ-ehˇ kʼawꞈ taˬ bi dzeuˇ-iˇ.

Doˆ-iˇ 22:2

Smˇ kʼoeˬ tiˬ gʼaˬ, smˇ kʼoeˬ kʼoeˬ luꞈ gaˇ aˬ cawˬ mawˇ-awˇ bi sehꞈ naˇ, sehꞈ-eu gʼaˬ kʼoeˇ taˆ iˬ baˇ maˬ jaˆ-a.

Yeˬsaˬgeˬlaˇ 18:9

Tsawˇ haˬ kʼoeˇ gʼaˬ-aˬ, ngaˬ-euˬ dawˬ-ahˇ naˇ haˬ geuꞈ-awˇ, ngaˬ-euˬ zahˇ dawˬ kʼoꞈ dawˬ-ahˇ yaw muiˬ paˬ-ehˇ caw teh-eu meh. Aˬ yawꞈ-aˬ, yaw tsaˬ yaw dawˇ tsawˇ haˬ pyeuꞈ-awˇ, aˬ diˇ aˬ maˇ ya dehꞈ tehꞈ-a” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 18:11

Aˬ da gʼaˬ kʼoeˇ loꞈ-ehˇ gʼeh-eu tiˬ jeˬ-iˬ maˬ mˇ haw-aˬ. Ehˇ kʼawꞈ, aˬ li kʼoeˇ gʼaˬ gawˬ jawˬ gawˬ duˇ doe ni jaˆ-eu uˬ duˬ tahˬ-eu jawˇ duˬ-ahˇ lawˇ-euˬ dzaˇ dzaˬ-awˇ, aˬ cawˬ-euˬ miˬ zaˬ-ahˇ bahˬ-euˬ meh.

Hawˇseˬ 12:14

Sahˬpaˬ Miˬyehˇ nui ma naˇ ni, Iˇsaˬleˬlaˆ tsawˇ haˬ mˇ-awˇ, aˬ yawꞈ maꞈ neh mˇ-euˬ yaw lehˬ, shiˇ gaˇ keuˆ ni daˬ-eu tsaˬ meh. Sahˬpaˬ Miˬyehˇ myaˆ pyawˬ cawˆ ni, aˬ yawꞈ maꞈ mˇ-euˬ baˬ da neh, kʼehˬ-eu jeˬ-ahˇ ya daˬ tehꞈ-a.