Yeˬsaˬgeˬlaˇ 17:3 - Akha

³ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, aˬ yawꞈ maꞈ-ahˇ heu loꞈ-ehˇ ehˇ-eu gaˇ kawˆ bi siˬ-awˬ. Muiˬ dui dui-eu caꞈ hm tsoꞈ-awˇ, aˬ dahˇ mahˇ dui dui-eu kʼaˬ dzeˇ dzeˇ ma tiˬ mawˇ jawˇ-eu meh. Leˬbaˬnoˬ gawˬ jawˬ-ahˇ aˬ yawꞈ zaw gʼeh-awˇ, shuˬ liˇ aˇ bawˇ-euˬ uˬ dzo toˆ tsehˆ-euˬ meh.

Yeˬsaˬgeˬlaˇ 17:3 Referans Kwoze

Hawˇseˬ 8:1

Sahˬpaˬ Miˬyehˇ ehˇ-eu dawˬ-aˬ, “Daˇ heh ciˬ tsehꞈ-awˇ baw gaˬ-awˬ. Ngaˬ-euˬ dawˬ ma saˇ jaˇ hawˇ-eu, ngaˬ-euˬ zahˇ dawˬ kʼoꞈ dawˬ deuˬ-ahˇ, ngaˬ-euˬ tsawˇ haˬ puiˬ-euˬ miˇ neh, muiˇ-eu deuˬ kʼaˬ dzeˇ ma loꞈ-ehˇ, ngaˬ-euˬ miˇ kʼahˬ heu kʼahˬ laꞈ kʼoeˇ, byoeˇ uˇ leꞈ-eu lehˇ gʼeh-eu meh.

Yeˬlaˬmiˇ 48:40

Sahˬpaˬ Miˬyehˇ heu loꞈ-ehˇ ehˇ-eu meh. “Kʼaˬ dzeˇ aˬ dahˇ mˇ pyeh-awˇ ga le-eu loꞈ-ehˇ, Mawˇbaˆ miˇ kʼahˬ kʼoeˇ taˆ tsawˇ jeuˬ tiˬ jeuˬ ga dawꞈ le tehꞈ-a.

Daˬyeˬlaˇ 4:22

“Sahˬ paˬ-oˇ, nawˇ-aˬ, huiˬ dui goˇ dui dui-eu aˇ bawˇ kʼoeˇ bawˇ meh. Nawˇ huiˬ dui mahˇ dui dui laˇ-euˬ miˇ neh, mˬ-ahˇ tuˆ leˇ-awˇ, nawˬ-euˬ baoˬ miˇ tsaˬ dawˬ tawˆ luꞈ kʼoeˇ taˆ uˆ tehˬ taˬ-euˬ meh.

Yeˬsaˬgeˬlaˇ 17:7

“Caꞈ hm tsoꞈ myaˬ dui dui-awˇ, aˬ dahˇ mahˇ dui dui-eu kʼaˬ dzeˇ dzeˇ ma tiˬ mawˇ paˇ jawˇ-eu meh. Aˬ gaꞈ baw duˆ kʼoeˇ duˆ-aˬ, aˬ yawꞈ dehꞈ luꞈ-eu yaˇ kmˇ-ahˇ jaˆ-eu iˇ cuꞈ myaˆ maˬ tseˇ, kʼaˬ dzeˇ kʼoeˇ mawˇ iˇ cuꞈ biꞈ laꞈ tehꞈ-a lehˇ, noeˬ tmˬ-awˇ aˬ yawꞈ-euˬ duˬ ciˇ maˬ ehˇ, aˇ paꞈ maˬ ehˇ, kʼaˬ dzeˇ kʼoeˇ mawˇ jawˇ paw ciˬ pyawˇ-euˬ meh.

Maꞈtehˬ 24:28

“Tsawˇ shiˇ kʼaˇ ga gaˇ kʼaˬ dzeˇ jeˬ shiˇ uiˬ le tehꞈ-a.

Daˬyeˬlaˇ 7:4

Yaw beh mawˇ-aˬ, aˇ laˬ jaˬ shiˇ-ahˇ duˇ-eu meh. Ehˇ kʼawꞈ, kʼaˬ dzeˇ dzeˇ ma loꞈ-ehˇ aˬ dahˇ tsoꞈ-eu meh. Ngaˇ haw haw-ehˇ jawˇ ngeh, aˬ dahˇ kʼoeˇ ga-iˇ jiˇ-awˇ, tuˇ laˇ-awˇ tsawˇ haˬ loꞈ-ehˇ gawˬ yawꞈ yawꞈ laˇ-euˬ meh. Kʼoeˇ naˇ aˬ yawꞈ laꞈ kʼoeˇ tsawˇ haˬ zaˬ-euˬ nui ma ahˇ laˇ-euˬ meh.

Daˬyeˬlaˇ 2:38

Miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ maˬ ehˇ, jeˬ zaˬ hawˇ-eu ho zaˬ nga jiˇ dawˬ tawˆ luꞈ kʼoeˇ taˆ maˬ ehˇ, nawˇ bi uˆ lahˇ-euˬ meh. Nawˇ-aˬ, shuiˇ uˬ duˬ kʼoeˇ siˬ meh.

Ngoeˇ dawˬ 4:19

Nga maꞈ-euˬ mehˬ nah teh-eu deuˬ, mˬ taˆ kʼaˬ dzeˇ maˬ tseˇ kawˇ-awˇ, gawˬ jawˬ kʼoeˇ taˆ teh ka leꞈ-awˇ, bawˇ tsahˬ-ahˇ jawˇ-awˇ loꞈ luꞈ meh.

Yeˬlaˬmiˇ 49:16

Nawˇ nui ma huiˬ-eu mahˇ-eu jeˬ, nawˬ-ahˇ mehˇ shuiˇ shuiˇ-euˬ meh. Nawˬ neh noeˬ-euˬ loꞈ-ehˇ, aˬ cawˬ tiˬ gʼaˬ-iˬ nawˬ-ahˇ maˬ guˆ-a. Gawˬ jawˬ uˬ du jaˆ-eu lo guˇ uˬ gʼmˬ-ahˇ nawˇ jawˇ-eu meh. Kʼaˬ dzeˇ loꞈ-ehˇ goˇ dui dui-eu tsahˇ-ahˇ jawˇ kʼawꞈ, Sahˬpaˬ Miˬyehˇ nawˬ-ahˇ dehˬ ka nya meh lehˇ, Sahˬpaˬ Miˬyehˇ ehˇ taˬ-euˬ dawˬ jaˆ meh.”

Yeˬlaˬmiˇ 24:1

Uˬ duˬ tahˬ nymˇ nymˇ ma mehˬ shi ciˬ taˬ-euˬ siˬ guˬ aˇ siˬ kʼaˆ puˬ nyiˬ puˬ, Sahˬpaˬ Miˬyehˇ ngaˬ-ahˇ mehˬ nehˬ laꞈ-euˬ meh. (Heu-aˬ, Yeˬhawˇyaˬkmˬ-euˬ aˬ li pyeuꞈ-eu Yuˇdaˆ sahˬ paˬ Yeˬhawˇyaˬciˬ-ahˇ, Yuˇdaˆ miˇ kʼahˬ-ahˇ aˬ yuiꞈ aˬ tsu geuꞈ luꞈ-eu deuˬ hawˇ-eu, ba jiˬ deuˬ, laꞈ saˇ maˇ deuˬ, laꞈ myawˬ laꞈ muˆ nya-eu deuˬ nehˬ-ehˇ tiˬ kawˆ loꞈ-ehˇ, Baˬbuˇloˬ sahˬ paˬ Neˬbuˬkaˬneˬzaˬ neh bi nyehꞈ daˆ leꞈ gʼaˬ miˇ tsa meh.)

Yeˬlaˬmiˇ 4:13

Haw yawˬ. Muiˇ-eu gʼaˬ mˬ dmˇ loꞈ-ehˇ oe luꞈ meh. Aˬ yawꞈ-euˬ mahˬ laˆ lawˬ jaˬ lehˇ lehˇ zeuˆ-ahˇ duˇ leˇ-awˇ, aˬ yawꞈ-euˬ mahˬ kʼaˬ dzeˇ naˆ maˬ tseˇ kawˇ-eu meh. Aˬ dui shaˬ zahˬ naꞈ ngaˇ. Aˬ dui ya cawˆ-iˇ ngaˇ.

Dawˬmehˬ 28:49

Mˬ dzeˇ miˇ dzeˇ jawˇ-eu tsawˇ jeuˬ tiˬ jeuˬ-ahˇ, naw maꞈ jawˇ gaˇ Sahˬpaˬ Miˬyehˇ pyehˬ gʼeh leꞈ tehꞈ-a. Aˬ yawꞈ maꞈ-euˬ dawˬ naw maꞈ maˬ siˬ nya-a. Kʼaˬ dzeˇ ga le-eu loꞈ-ehˇ, naw maꞈ jawˇ gaˇ aˬ yawꞈ maꞈ ja pyuˬ ni ga keuˆ le tehꞈ-a.

Maꞈtehˬ 4:24

Yeˬsuˇ-euˬ gaˇ kawˆ Suˇliˆ miˇ kʼahˬ kʼahˬ lah ni gaˬ doe-iˇ-awˇ, pyaˬ-eu tsawˇ haˬ deuˬ, naˇ gawˇ gʼawˬ mya jeˬ pi luꞈ-eu tsawˇ haˬ deuˬ, nehꞈ uˇ-eu tsawˇ haˬ deuˬ, mawˇ bawˬ seu-eu tsawˇ haˬ deuˬ hawˇ-eu, kuiˇ shiˇ laꞈ shiˇ shiˇ-eu tsawˇ haˬ deuˬ-ahˇ aˬ yawꞈ jawˇ gaˇ sheuˬ uiˬ laꞈ-awˇ, aˬ yawꞈ laˆ taˬ-euˬ meh.

Yeˬsaˬgeˬlaˇ 17:4

Shuˬ liˇ uˬ dzo kʼoeˇ, jeˬ gaꞈ jeˬ ka mˇ-eu miˇ kʼahˬ-ahˇ aˬ yawꞈ tsi kʼoꞈ leꞈ-awˇ, baw gaꞈ deuˬ-euˬ meuˬ-ahˇ tsi taˬ-euˬ meh.

Yeˬsaˬgeˬlaˇ 31:3

Uˬ pyaˬ uˬ laꞈ aˇ paꞈ sahˇ-awˇ, mˬ dmˇ tuˆ ni goˇ-awˇ muiˬ-eu, Leˬbaˬnoˬ gawˬ jawˬ-ahˇ dehꞈ-eu, shuˬ liˇ aˇ bawˇ-ahˇ nawˇ duˇ meh.

Haˬbaˬkuˆ 1:8

“Aˬ yawꞈ maꞈ-euˬ dziˬ mahˬ kʼoeˇ deuˬ, kʼaˬ zuiˬ naˆ maˬ tseˇ kawˇ dzehˬ-awˇ, uˬ ciꞈ gaˆ-eu kʼaˬ yehˇ maˬ tseˇ, guˆ laˇ paˬ-ehˇ gʼeh-eu uˬ taꞈ, gaˇ mahˇ kaˬ gaˇ neh coeˬ leꞈ-euˬ, mahˬ dziˬ kʼehˬ jiˇ jahˇ gʼeh haw-eu, kʼaˬ dzeˇ byoeˇ leꞈ-eu naˆ maˬ tseˇ, mahˬ pyehˬ teh kawˇ dui dui-eu meh.