Yeˬsaˬgeˬlaˇ 17:21 - Akha

²¹ Nya dui kʼaˬ dui dui-eu aˬ yawꞈ-euˬ yehˇ deuˬ guiˇ deuˆ gaˇ bi sehꞈ jiˇ-awˇ, maˬ bi sehꞈ ni dzeuˇ-iˇ-euˬ yehˇ deuˬ tiˬ paw tiˬ gʼaˬ-ehˇ cehˆ byaˆ jiˇ tehꞈ-a. Kʼoeˇ ngeh jawˇ, Sahˬpaˬ Miˬyehˇ pyeuꞈ-eu ngaˬ neh ngehˬ-euˬ dawˬ naw maꞈ-ahˇ siˬ duˬ laˇ tehꞈ-a.”

Yeˬsaˬgeˬlaˇ 17:21 Referans Kwoze

2 Sahˬpaˬ 25:11

Meuˬ laꞈ kʼoeˇ dzeˇ yaꞈ-euˬ tsawˇ haˬ deuˬ hawˇ-eu laꞈ myawˬ laꞈ sawˆ nya-eu deuˬ-ahˇ, Baˬbuˇloˬ sahˬ paˬ jawˇ gaˇ cehˆ jawˇ leˇ-euˬ tsawˇ haˬ deuˬ nehˬ-ehˇ tiˬ kawˆ loꞈ-ehˇ, Baˬbuˇloˬ miˇ kʼahˬ-ahˇ Neˬbuˬzaˬlaˬdaˬ neh sheuˬ gʼeh-euˬ meh.

2 Sahˬpaˬ 25:5

Ehˇ kʼawꞈ, Baˬbuˇloˬ guiˇ maꞈ deuˬ sahˬ paˬ Zeˬdaˬkiˇ-euˬ mehˬ nah teh-awˇ, Yeˬliˇkoˇ meuˬ dawˬ peh jaˆ-eu deh ga-ahˇ, aˬ yawꞈ-ahˇ nyehꞈ mi-euˬ meh. Aˬ yawꞈ-euˬ yehˇ dawˬ tawˆ luꞈ aˬ yawꞈ-ahˇ byehˇ dzeh-awˇ cehˆ-euˬ meh.

Yeˬsaˬgeˬlaˇ 12:14

Aˬ yawꞈ-euˬ saˇ naˇ-ahˇ gaˇ mˇ-eu yaw huiˬ yaw mahˇ deuˬ, aˬ yawꞈ-ahˇ nui noeˬ nui duˇ biꞈ-eu deuˬ hawˇ-eu, aˬ yawꞈ-ahˇ loꞈ piˇ-eu deuˬ-ahˇ tiˬ gʼaˬ tiˬ paw ngaˇ teh byaˆ nehˬ jiˇ-awˇ, aˬ cawˬ aˬ yawꞈ maꞈ-ahˇ sehꞈ-eu lehˇ poˆ tehꞈ-a.

Yeˬsaˬgeˬlaˇ 5:12

Nawˬ-euˬ tsawˇ haˬ smˬ bymˇ tiˬ bymˇ-aˬ, naˇ-eu gawˇ-eu jeˬ hawˇ-eu mehꞈ-eu shuꞈ-eu jeˬ baˬ da neh meuˬ laꞈ kʼoeˇ ya shiˇ tehꞈ-a. Smˬ bymˇ tiˬ bymˇ-aˬ, meuˬ-euˬ laꞈ nyiˇ mi cehˇ neh bi sehꞈ tehꞈ-a. Dzeˇ-eu smˬ bymˇ tiˬ bymˬ-ahˇ jaˬ lehˇ laꞈ kʼoeˇ byaˆ dzeh-awˇ, ngaˬ-euˬ mi cehˇ neh caw teh ma.

Aˬmoˆ 9:1

Lawˇ duˬ dawˬ peh Sahˬpaˬ Miˬyehˇ yawꞈ luꞈ gaˇ ngaˇ mawˇ-awˇ, heu loꞈ-ehˇ dawˬ biꞈ luꞈ-eu ya gaˬ-euˬ ma. “Uˬ duˬ tahˬ nymˇ nymˇ ma-euˬ dawˬ peh luˆ laˇ-awˇ, tsawˇ haˬ zaˬ deuˬ-euˬ uˬ duˬ-ahˇ coˬ pyaˆ deh ni, Uˬ duˬ tahˬ nymˇ nymˇ ma-euˬ kʼawˇ zeuˇ uˬ du yaw kʼaˆ kʼaˆ-ehˇ kʼoˆ-awˬ. Maˬ shiˇ-ehˇ kʼaˇ dzeuˇ-iˇ-euˬ deuˬ-ahˇ guiˇ deuˆ-eu laꞈ kʼoeˇ ngaˇ bi shiˇ jiˇ-awˇ, tiˬ gʼaˬ-iˬ maˬ paˇ bi buˬ bi law-iˇma.

Yeˬsaˬgeˬlaˇ 15:7

Aˬ yawꞈ maꞈ-ahˇ ngaˇ myaˆ haw maˬ cawˬ nehˬ. Aˬ yawꞈ maꞈ miˬ dzaˬ-ahˇ cehˆ dzeuˇ-euˬ kʼawꞈ, miˬ dzaˬ neh paˇ bi puiˆ dzaˬ tehꞈ-a. Aˬ yawꞈ maꞈ-ahˇ ngaˇ kʼehˬ nehˬ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ ya siˬ duˬ tehꞈ-a.

Yeˬsaˬgeˬlaˇ 13:23

Kʼoeˇ miˇ neh, naw maꞈ neh yaw sahˇ laꞈ kʼoeˇ ya mawˇ-euˬ maˬ tsaˬ-eu jeˬ hawˇ-eu, tsawˇ haˬ zaˬ-ahˇ sheuˬ bahˬ-eu mehˬ hu paw pyeuꞈ laˇ-eu gaˇ kawˆ mehˬ-eu jeˬ, nymˬ-mˇ neh dahˬ beh-awˇ, naw maꞈ maˬ paˇ bi mˇ ma. Ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ-ahˇ siˬ duˬ leˇ ni, naw maꞈ-euˬ baoˬ uˬ moˆ ngaˬ-euˬ tsawˇ haˬ deuˬ-ahˇ ngaˇ ka kʼoꞈ ma.”

Yeˬsaˬgeˬlaˇ 13:14

Aˬ yawꞈ maꞈ neh lu boeˬ lehꞈ pyuˇ taˬ-euˬ meuˬ lahˇ kʼoeˇ, bi coˬ pyaˆ bi coꞈ shaˆ jiˇ-awˇ, dawˬ pehˬ buˇ law ni bi mawˇ laˇ ma. Meuˬ lahˇ kʼoeˇ coˬ le-awˇ, naw maꞈ-ahˇ deh sehꞈ jiˇ tehꞈ-a. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ ya siˬ duˬ tehꞈ-a.

Yeˬsaˬgeˬlaˇ 6:10

Ngaˇ Sahˬpaˬ Miˬyehˇ aˬ diˇ pyeuꞈ-eu gaˇ kawˆ hawˇ-eu, ngaˬ neh kʼaˇ ehˇ taˬ-euˬ dawˬ deuˬ, ehˇ niˇ gʼa-eu jeˬ ma ngeuˇ-eu gaˇ kawˆ, aˬ yawꞈ maꞈ-ahˇ siˬ duˬ leˇ tehꞈ-a.”

Yeˬsaˬgeˬlaˇ 6:7

Yawˬ gaˇ na luꞈ tsawˇ haˬ shiˇ-awˇ, maˬ shiˇ-ehˇ kʼaˇ dzeˇ-eu deuˬ, ngaˇ Sahˬpaˬ Miˬyehˇ pyeuꞈ-eu gaˇ kawˆ siˬ duˬ tehꞈ-a.

Yeˬsaˬgeˬlaˇ 5:10

Kʼoeˇ loꞈ-ehˇ jahˇ nehˬ ngeh jawˇ, Yeˬluˇsaˬlehˬ meuˬ-ahˇ jawˇ-eu deuˬ, aˬ ma aˬ da deuˬ zaˬ deuˬ-euˬ shaˬ jiˇ ya dzaˬ gaˇ keuˆ-awˇ, zaˬ deuˬ aˬ ma aˬ da-euˬ shaˬ jiˇ ya dzaˬ gaˇ keuˆ tehꞈ-a. Nawˬ-ahˇ ngaˇ kʼehˬ-awˇ, yawˬ paw na luꞈ byaˆ dzeh gʼeh ngeh, yaw dehꞈ-ehˇ aˬ suˇ gʼaˬ dzeuˇ-iˇ nya nmˇ.

Yeˬlaˬmiˇ 52:8

Ehˇ kʼawꞈ, Baˬbuˇloˬ guiˇ maꞈ sahˬ paˬ Zeˬdaˬkiˇ-euˬ mehˬ nah teh-awˇ, Yeˬliˇkoˇ meuˬ dawˬ peh jaˆ-eu deh ga-ahˇ nyehꞈ mi-euˬ meh. Kʼoeˇ ngeh, aˬ yawꞈ-euˬ yehˇ dawˬ tawˆ luꞈ, aˬ yawꞈ-ahˇ byehˇ dzeh-awˇ cehˆ-euˬ meh.

Yeˬlaˬmiˇ 48:44

Guˆ-eu gaˆ-eu jeˬ-ahˇ buˬ-iˇ ni cehˆ-eu tsawˇ haˬ deuˬ duˬ kʼahˬ-ahˇ ga ahˇ-awˇ, duˬ kʼahˬ-ahˇ neh daˆ doˆ laˇ-eu tsawˇ haˬ deuˬ lahˇ ju-ahˇ paꞈ leˇ tehꞈ-a. Aˬ jeˬ miˇ neh ehˇ naˇ, Sahˬpaˬ Miˬyehˇ neh Mawˇbaˆ miˇ kʼahˬ ya cawˆ-iˇ-eu aˇ yamˬ bi keuˆ le taˬ-euˬ meh.

Iˇsaˬyaˇ 26:11

Nawˇ kʼehˬ-eu kʼaˆ-eu lehˇ gʼeh-eu gaˇ kawˆ-ahˇ, nawˬ-ahˇ muiˇ-eu kʼoeˇ deuˬ maˬ siˬ nya-a. Sahˬpaˬ Miˬyehˇ-oˇ, aˬ yawꞈ maꞈ-ahˇ bi shaꞈ dawˇ-awˇ, shaˬ zahˬ bi mˇ-awˬ. Nawˬ neh lehˬ hmˬ taˬ-euˬ kʼehˬ-eu kʼaˆ-eu jeˬ, aˬ yawꞈ maꞈ kʼoeˇ taˆ bi keuˆ le-awˇ, nawˬ-euˬ tsawˇ jeuˬ-ahˇ nawˇ aˇ naˆ ni gaˬ-eu gaˇ kawˆ, aˬ yawꞈ maꞈ bi siˬ bi mawˇ-awˬ.

Yeˬsaˬgeˬlaˇ 5:2

Nawˬ-euˬ uˬ duˬ tsehˇ kahˇ smˬ bymˇ saˆ paˆ-awˬ. Meuˬ-ahˇ loꞈ jawˬ-euˬ aˇ yamˬ jiˇ ngeh, tiˬ bymˇ keuˬ dzeh-awˬ. Tiˬ bymˇ-aˬ, meuˬ-euˬ laꞈ nyiˇ nawˇ cah ngeh, mi cehˇ neh byehˆ byehˆ-ehˇ cah-awˬ. Tiˬ bymˇ-aˬ, jaˬ lehˇ laꞈ kʼoeˇ byaˆ gʼeh-awˬ. Kʼoeˇ-euˬ mehˬ nah ngaˬ-euˬ mi cehˇ neh ngaˇ caw teh gʼeh ma.

Yeˬsaˬgeˬlaˇ 5:13

Ngaˇ nui kʼahˇ tiˬ shiˇ maˬ ya jahˇ nehˬ gʼaˬ kʼoeˇ keuˆ ni, ngaˬ-euˬ nui pehˇ naw maꞈ ya mawˇ duˬ tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ saˇ jaˇ maˬ ziꞈ gaˇ ngaˇ nui ma pehˇ dui dui-awˇ ehˇ luꞈ-eu ngaˇ lehˇ, naw maꞈ ya siˬ duˬ tehꞈ-a.