Yeˬsaˬgeˬlaˇ 16:8 - Akha

⁸ “Ngaˇ yawˬ poˆ yawˬ paˇ oe tsehˆ ngeh, nawˇ cawˬ shaˇ baw yamˬ tsaˬ laˇ taˬ-euˬ meh. Neˇ myawˆ ni gʼeh-eu nawˬ-euˬ gʼawˇ mawˇ-ahˇ, ngaˬ-euˬ pehˇ kʼahˬ neh tsahˇ lahˇ nehˬ-awˇ, nawˬ-ahˇ sheuˬ ma lehˇ saˇ jaˇ biꞈ yaꞈ-euˬ ma. Ngeuˇ ma. Nawˬ-ahˇ sheuˬ-eu gʼaˇ duˬ ngaˇ saˇ jaˇ dzaˬ gʼaˬ-awˇ, nawˇ ngaˬ-euˬ zaˬ kʼaˬ pyeuꞈ laˇ gʼaˬ-euˬ ma” lehˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 16:8 Referans Kwoze

Luˇta 3:9

“Aˬ suˇ gʼaˬ te” lehˇ naˇ haˬ-euˬ meh. Luˇta ehˇ-eu, “Ngaˇ-aˬ, iˇ shaˬ zaˬ Luˇta ma. Nawˇ-aˬ, ngaˬ-ahˇ haw piˇ-eu tsaˬ-eu ngaˬ-euˬ aˬ yuiꞈ aˬ nyiˇ meh. Teu miˇ neh, gʼawˬ shaˬ gaˬ-awˇ, ngaˬ-ahˇ sheuˬ nehˬ laꞈ-awˬ.”

Lormav 5:8

Ehˇ kʼawꞈ, Miˬyehˇ-aˬ, aˬ dui iˬ baˇ zaˬ pyeuꞈ luꞈ ngeh, aˬ dui-euˬ gʼaˇ duˬ Ka li-ahˇ bi kamˇ shiˇ-eu laꞈ kʼoeˇ, aˬ dui-ahˇ aˇ naˆ ni gaˬ-eu gaˇ kawˆ bi mawˇ duˬ laꞈ-eu meh.

Iˇsaˬyaˇ 43:4

Ngaˬ-euˬ mehˬ shi nawˇ aˇ poeˬ kʼaˆ-eu miˇ neh, nawˬ-euˬ saꞈ laˇ ka kʼoꞈ geuꞈ-eu gʼaˇ duˬ, tsawˇ jeuˬ dawˬ tawˆ luꞈ biꞈ dah coeˇ ma.

Hawˇseˬ 11:1

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ yaw nyiˇ gʼeh ngeh, aˬ yawꞈ-ahˇ ngaˇ gaˬ dui dui-awˇ, ngaˬ-euˬ aˬ li tiˬ gʼaˬ loꞈ-ehˇ, Iˇjiˇtuˆ miˇ kʼahˬ laꞈ kʼoeˇ neh, ngaˬ neh sheuˬ kʼoꞈ doˆ laꞈ-euˬ ma.

Dawˬmehˬ 4:31

Aˬ yawꞈ-aˬ, gʼawˬ shaˬ gaˬ nya-eu Miˬyehˇ pyeuꞈ-eu meh. Naw maꞈ-ahˇ aˬ yawꞈ maˬ byehˇ dzeh-a. Maˬ laˆ luˬ maˬ laˆ seˇ-a. Naw maꞈ-euˬ aˬ poeˬ aˬ bawˇ deuˬ nehˬ-ehˇ aˬ yawꞈ neh dzaˬ taˬ-euˬ dawˬ ma saˇ jaˇ-ahˇ aˬ yawꞈ maˬ ngehˇ-a.

Doˆ-iˇ 32:13

Aˬbyaˬhaˬ, Iˇtsaˆ hawˇ-eu, Yaˬkoˆ-ahˇ noeˬ keuˆ-awˬ. Aˬ yawꞈ maꞈ nehˬ-ehˇ nawˇ dawˬ ma saˇ jaˇ dzaˬ-awˇ, aˬ yawꞈ maꞈ-euˬ zaˬ deuˬ uˆ deuˬ, mˬ kʼoeˇ taˆ tsehˬ-eu aˬ guiˇ loꞈ-ehˇ bi myaˬ bi behˇ laˇ-awˇ, nawˬ neh aˬ yawꞈ maꞈ-ahˇ biꞈ ma lehˇ saˇ jaˇ dzaˬ taˬ-euˬ miˇ kʼahˬ dawˬ tawˆ luꞈ, aˬ yawꞈ maꞈ-euˬ zaˬ deuˬ-ahˇ mˬ maˬ maˬ byaˆ zaˇ ziˇ biꞈ tsehˆ ma lehˇ ehˇ taˬ-euˬ gaˇ noeˬ keuˆ-awˬ.”

1 Saˬmeuˬlaˆ 12:22

Sahˬpaˬ Miˬyehˇ-aˬ, naꞈ dui dui-eu saˇ jaˇ dzaˬ taˬ-awˇ, naw maꞈ-ahˇ aˬ yawꞈ-euˬ tsawˇ jeuˬ bi pyeuꞈ laˇ ma lehˇ noeˬ tsehˆ taˬ-euˬ miˇ neh, naw maꞈ-ahˇ maˬ byehˇ dzeh nehˬ laꞈ-a.

Yeˬsaˬgeˬlaˇ 16:6

Kʼoeˇ naˇ, nawˬ-euˬ dawˬ peh ngaˇ oe tsehˆ ngeh, nawˬ-euˬ shiˬ laꞈ kʼoeˇ nawˇ teuˆ teuˆ-ehˇ jawˇ gaˇ ngaˇ mawˇ-euˬ ma. Nawˬ-euˬ shiˬ lah lehꞈ lah gʼa-awˇ jawˇ ngeh, nawˬ-ahˇ ngaˇ maˬ bi shiˇ-aˬ.

Yeˬlaˬmiˇ 31:3

Gaˇ mahˇ kaˬ-eu jawˇ duˬ-ahˇ neh Sahˬpaˬ Miˬyehˇ oe-awˇ, nga maꞈ-ahˇ heu loꞈ-ehˇ ehˇ le-euˬ meh. “Mˬ maˬ maˬ byaˆ zaˇ ziˇ ziꞈ-eu gʼoeˇ-eu gaˬ-eu jeˬ neh, naw maꞈ-ahˇ ngaˇ gaˬ-awˇ, naw maꞈ-ahˇ gʼawˬ shaˬ gaˬ-eu jeˬ laꞈ kʼoeˇ, iˬ nah keuˆ ni ngaˇ saˇ jaˇ ziꞈ luꞈ ma.

Maˬlaˬkiˇ 1:2

“Naw maꞈ-ahˇ ngaˇ aˬ myah luꞈ gaˬ-euˬ ma” lehˇ, Sahˬpaˬ Miˬyehˇ ehˇ ngeh, “Nawˇ nga maꞈ-ahˇ gaˬ-eu aˬ joˆ-ehˇ bi siˬ laꞈ teˬ” lehˇ, aˬ yawꞈ-euˬ tsawˇ haˬ deuˬ ehˇ-eu meh. Sahˬpaˬ Miˬyehˇ ehˇ-eu, “Iˇsawˇ hawˇ-eu Yaˬkoˆ aˬ nyaꞈ tiˬ mehˇ nmˇ meh. Ehˇ kʼawꞈ, Yaˬkoˆ hawˇ-eu aˬ yawꞈ-euˬ zaˬ deuˬ uˆ deuˬ-ahˇ ngaˇ gaˬ-euˬ ma.

Yeˬlaˬmiˇ 31:32

Dawˬ ma saˇ jaˇ yaw shuiꞈ heu-aˬ, aˬ yawꞈ maꞈ-euˬ aˬ poeˬ aˬ bawˇ deuˬ-ahˇ, Iˇjiˇtuˆ miˇ kʼahˬ laꞈ kʼoeˇ shaˬ luꞈ gaˇ, ngaˬ neh aˬ laꞈ-ahˇ tuˆ tehˬ-awˇ tsahˇ doˆ nehˬ ngeh, aˬ yawꞈ maꞈ nehˬ-ehˇ ngaˇ dzaˬ-euˬ dawˬ ma saˇ jaˇ yaw oeˇ-ahˇ maˬ duˇ-a. Ngaˇ-aˬ, aˬ yawꞈ maꞈ-euˬ kʼaˬ dzeˇ zaˬ-ahˇ duˇ kʼawꞈ, dawˬ ma saˇ jaˇ kʼoeˇ hmˬ-ahˇ aˬ yawꞈ maꞈ maˬ ziꞈ-a.

Aˇ dahˬ 22:16

“Nawˇ smˇ muiˬ muiˬ dui dui laˇ ni guiˬ lahˬ biꞈ-eu gʼaˇ duˬ, ngaˬ-euˬ tsawˇ myahˇ uˬ moˆ ngaˇ nawˬ-ahˇ saˇ jaˇ dzaˬ-eu ma lehˇ, Sahˬpaˬ Miˬyehˇ ehˇ-eu meh. Aˬ jeˬ miˇ neh ehˇ naˇ, nawˬ li tiˬ gʼaˬ tehꞈ-ehˇ jawˇ-eu kʼawꞈ, ngaˬ-euˬ gʼaˇ duˬ nawˇ lawˇ nehˬ peuˬ-eu meh.

Hawˇseˬ 2:7

Zaˬ kʼaˬ mehˬ nah yawꞈ caw teh kʼawꞈ, zaˬ kʼaˬ deuˬ-ahˇ maˬ teh miˇ-aˇ. Zaˬ kʼaˬ kʼoeˇ deuˬ-ahˇ poˆ doe kʼawꞈ, maˬ poˆ mawˇ nya-ehˇ pyeuꞈ laˇ-awˇ, ‘Kʼaˬdzeˇzaˬ yaw beh gʼaˬ jawˇgaˇ, ngaˇ paˇ gʼoꞈ poˆ-iˇ shaw-iˬ ma. Aˇ hu aˬ yawꞈ nehˬ-ehˇ dehꞈ ngeh, iˬ nah dehꞈ luꞈ-eu naˆ maˬ tseˇ, maˬ gaˇ dui dui law miˇ-a’ lehˇ, aˬ yawꞈ ehˇ-eu yaw duˬ baw meh.

Hawˇseˬ 2:15

Aˬ yawꞈ-euˬ aˬ gaꞈ yaˇ kmˇ deuˬ, aˬ yawꞈ-ahˇ ngaˇ paˇ biꞈ kʼoꞈ-awˇ, shaˬ zahˬ deh kʼawꞈ kuˇ-euˬ kʼoeˇ tsahˇ, noeˬ tmˬ duˬ laˇ gʼoˆ bi pyeuꞈ ma. Aˇ hu aˬ yawꞈ miˬ daꞈ geuꞈ-awˇ, Iˇjiˇtuˆ miˇ kʼahˬ laꞈ kʼoeˇ neh, doˆ laˇ ngeh ngehˬ cawˬ-euˬ loꞈ-ehˇ, ngaˬ-ahˇ ngehˬ cawˬ poˆ laˇ tehꞈ-a.

Doˆ-iˇ 15:16

Noeˬ shaˬ noeˬ zahˬ-awˇ guˆ-eu jeˬ, tsawˇ haˬ kʼoeˇ deuˬ kʼoeˇ taˆ keuˆ le-euˬ meh. Sahˬpaˬ Miˬyehˇ-oˇ, nawˬ-euˬ baoˬ-ahˇ aˬ yawꞈ maꞈ ya mawˇ-awˇ, aˬ cawˬ zaˬ kʼaˆ geuˬ-eu laꞈ kʼoeˇ nawˬ neh bi buˬ-iˇ-euˬ nawˬ-euˬ tsawˇ haˬ deuˬ maˬ iˇ dzeuˇ kʼoeˇ keuˆ ni, guˆ-eu laꞈ kʼoeˇ, tiˬ gaˇ-iˬ uˬ duˬ tahˬ shaˇ kʼaˇ maˬ za ni aˬ yawꞈ maꞈ jawˇ luꞈ-eu meh.

Iˇsaˬyaˇ 43:1

Iˇsaˬleˬlaˆ-oˇ, nawˬ-ahˇ beh-euˬ Miˬyehˇ heu loꞈ-ehˇ ehˇ-eu meh. “Taˬ guˆ. Nawˬ-ahˇ ngaˇ ka kʼoꞈ ma. Nawˬ-ahˇ ngaˇ tsawˇ myahˇ kuˇ-awˇ tseˇ-euˬ ma. Nawˇ ngaˬ-euˬ tsawˇ haˬ ma.