Yeˬsaˬgeˬlaˇ 16:7 - Akha

⁷ Deh ga-ahˇ dehꞈ-eu baw duˆ loꞈ-ehˇ, nawˬ-ahˇ ngaˇ bi mehˇ laˇ-euˬ ma. Nawˇ goˇ laˇ loˆ laˇ-awˇ, miˬ daꞈ daꞈ laˇ-euˬ meh. Nawˬ-euˬ kʼahˬ dzm laˇ-awˇ, uˬ duˬ tsehˇ kʼahˇ mahˇ le-euˬ meh. Ehˇ kʼawꞈ, nawˇ neˇ myawˆ ni jawˇ-a siˬ.

Yeˬsaˬgeˬlaˇ 16:7 Referans Kwoze

Dawˬmehˬ 1:10

Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, naw maꞈ-ahˇ mˬ kʼoeˇ taˆ tsehˬ-eu aˬ guiˇ loꞈ-ehˇ bi myaˬ bi behˇ laˇ taˬ-euˬ meh.

Doˆ-iˇ 1:7

Ehˇ kʼawꞈ, aˬ yawꞈ maꞈ-euˬ zaˬ deuˬ uˆ deuˬ pyeuꞈ-eu Iˇsaˬleˬlaˆ tsawˇ haˬ deuˬ behˇ laˇ-awˇ, myaˬ dui dui laˇ-euˬ miˇ neh, Iˇjiˇtuˆ miˇ kʼahˬ laꞈ kʼoeˇ jawˇ byah-euˬ meh.

Iˇsaˬyaˇ 62:3

Nawˇ-aˬ, Sahˬpaˬ Miˬyehˇ gʼaˇ duˬ, muiˬ dui dui-eu shuiˇ uˬ kʼoˆ loꞈ-ehˇ duˇ tehꞈ-a.

Gʼaˬkʼehˇ 7:17

“Miˬyehˇ neh Aˬbyaˬhaˬ-ahˇ saˇ jaˇ dzaˬ taˬ-euˬ loꞈ-ehˇ bi byah laˇ-eu aˇ yamˬ tsaˬ laˇ ngeh, Iˇjiˇtuˆ miˇ kʼahˬ laꞈ kʼoeˇ jawˇ luꞈ-eu aˬ dui-euˬ tsawˇ jeuˬ myaˬ dui dui laˇ taˬ-euˬ meh.

Hawˇseˬ 2:3

Dawˬ tsoˆ gʼoˆ-awˇ maˬ dehꞈ paˇ naˇ, aˬ yawꞈ dehꞈ doˆ le ngeh loꞈ-ehˇ, mehˬ tsoeˬ lehˆ neˇ-awˇ bi shaˬ ma. Koˆ dui dui-awˇ gui dui dui-eu, bawˇ tsahˬ bawˇ dahˇ tiˬ tsahˇ loꞈ-ehˇ, iˇ cuꞈ mehꞈ-awˇ bi shiˇ leˇ ma.

Yeˬsaˬgeˬlaˇ 16:22

Nawˇ meh maˬ laˇ geuꞈ-awˇ dehꞈ doeˇ dui dui luꞈ ngeh, aˇ hu nawˇ yaw nyiˇ gʼeh ngeh neˇ myawˆ ni shiˬ laꞈ kʼoeˇ teuˆ teuˆ-ehˇ jawˇ-euˬ gaˇ, tiˬ jawˇ-iˬ maˬ noeˬ mawˇ-a.”

Yeˬsaˬgeˬlaˇ 16:16

Nawˬ-euˬ mehˬ tsoeˬ tiˬ paˆ na deuˬ nawˇ yuˇ-awˇ, nawˇ uˬ duˬ tahˬ-eu jawˇ duˬ-ahˇ laˆ muiˬ-awˇ, meh maˬ laˇ loꞈ-ehˇ kʼaˇ mawˇ le-eu gʼaˬ nehˬ-ehˇ joe-euˬ meh.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Dawˬ caˇ 4:5

Nawˬ-euˬ kʼahˬ nyiˬ pyawˬ-aˬ, boeˬ nmˬ tseuˆ dzaˬ luꞈ-eu kʼaˬ tsehˆ zaˬ nyiˬ mawˇ-ahˇ duˇ-eu meh.

Jaceuq 148:14

Aˬ yawꞈ-euˬ tsawˇ jeuˬ-ahˇ aˬ yawꞈ gʼaˬ bi kʼaˆ laˇ-euˬ meh. Kʼoeˇ miˇ neh aˬ yawꞈ-euˬ tsawˇ haˬ deuˬ aˬ yawꞈ-ahˇ ja ceuˬ-awˬ. Aˬ yawꞈ-ahˇ peh-eu Iˇsaˬleˬlaˆ tsawˇ haˬ deuˬ aˬ yawꞈ-ahˇ ja ceuˬ-awˬ. Sahˬpaˬ Miˬyehˇ-ahˇ ja ceuˬ-awˬ.

Jaceuq 147:20

Aˬ cawˬ tsawˇ jeuˬ-ahˇ aˬ yawꞈ kʼoeˇ loꞈ-ehˇ maˬ jahˇ nehˬ-ehˇ, aˬ yawꞈ-euˬ zahˇ dawˬ kʼoꞈ dawˬ-ahˇ aˬ yawꞈ maꞈ maˬ siˬ nya-a. Sahˬpaˬ Miˬyehˇ-ahˇ ja ceuˬ-awˬ.

Jaceuq 135:4

Aˬ yawꞈ-euˬ tsawˇ haˬ bi geuꞈ-eu gʼaˇ duˬ Yaˬkoˆ-ahˇ tseˇ doˆ-awˇ, aˬ yawꞈ-euˬ tsawˇ jeuˬ bi geuꞈ-eu gʼaˇ duˬ Iˇsaˬleˬlaˆ-ahˇ aˬ yawꞈ tseˇ doˆ-euˬ meh.

Yawˇbaˆ 1:21

Aˬ yawꞈ ehˇ-eu, “Ngaˇ ngaˬ ma-euˬ uˬ maˆ laꞈ kʼoeˇ dehꞈ doˆ le ngeh tiˬ jeˬ-iˬ maˬ yuˇ leꞈ-euˬ loꞈ-ehˇ, shiˇ ngeh kʼawꞈ tiˬ jeˬ-iˬ maˬ paˇ yuˇ gʼeh ma. Sahˬpaˬ Miˬyehˇ-aˬ, biꞈ-eu gʼaˬ pyeuꞈ-eu loꞈ-ehˇ, yuˇ kʼoꞈ-eu gʼaˬ kʼawꞈ pyeuꞈ luꞈ-uˇ. Aˬ yawꞈ-euˬ tsawˇ myahˇ-ahˇ ja ceuˬ-eu jeˬ oꞈ luꞈ-uˇ.”

Dawˬmehˬ 4:8

Aˇ naˆ ni huiˬ-eu tsawˇ jeuˬ maˬ kaˬ, iˬ nah naw maꞈ-ahˇ ngaˇ mehˬ nehˬ tsoˆ nehˬ-euˬ zahˇ dawˬ kʼoꞈ dawˬ heu deuˬ loꞈ-ehˇ tsaˬ dui dawˇ dui dui-eu zahˇ dawˬ kʼoꞈ dawˬ maˬ jaˆ-a.

Doˆ-iˇ 12:37

Laˬmaˬsehˇ meuˬ-ahˇ neh, Suˇkoˆ lehˇ kuˇ-eu jawˇ duˬ-ahˇ, Iˇsaˬleˬlaˆ tsawˇ haˬ deuˬ kuiˇ zoˬ cah gʼeh-euˬ meh. Aˬ yawꞈ maꞈ-aˬ, zaˬ miˬ zaˬ hawˇ-eu zaˬ deuˬ maˬ gui ahˇ-ehˇ, kʼaˬ dzeˇ zaˬ tehꞈ-ehˇ koꞈ seh gʼaˬ byah-eu meh.

Doˆ-iˇ 3:22

Iˇsaˬleˬlaˆ tsawˇ haˬ zaˬ miˬ zaˬ yawˬ gʼaˬ yawˬ na luꞈ, yawˬ ha nehˬ-ehˇ nymˇ kaˬ taꞈ-eu Iˇjiˇtuˆ tsawˇ haˬ deuˬ jawˇ gaˇ maˬ ehˇ, yawˬ ha-euˬ nymˇ laꞈ kʼoeˇ jawˇ luꞈ-eu Iˇjiˇtuˆ tsawˇ haˬ zaˬ miˬ zaˬ deuˬ jawˇ gaˇ maˬ ehˇ, iˇ-awˇ, dm gʼaˬ dm lmˇ, pyuˇ, shuiˇ hawˇ-eu aˇ poeˬ kʼaˆ-eu myawˬ guˇ deuˬ shaˇ-iˇ tehꞈ-a. Iˇsaˬleˬlaˆ tsawˇ haˬ deuˬ-aˬ, mˇ myawˬ kʼoeˇ deuˬ yuˇ-awˇ, yawˬ ha-euˬ aˬ buˇ aˬ li deuˬ-ahˇ bi geuꞈ jiˇ tehꞈ-a. Kʼoeˇ loꞈ-ehˇ jahˇ-awˇ, Iˇsaˬleˬlaˆ tsawˇ haˬ deuˬ, Iˇjiˇtuˆ tsawˇ haˬ deuˬ-euˬ pyuˇ shuiˇ myawˬ gahˬ yuˇ geuꞈ gʼeh tehꞈ-a.”

Aˇ dahˬ 22:17

Nawˬ-euˬ zaˬ nawˬ-euˬ uˆ deuˬ-ahˇ, mˬ kʼoeˇ taˆ jaˆ-eu aˬ guiˇ deuˬ loꞈ-ehˇ maˬ ehˇ, iˬ ma laˆ shaˆ lawˇ deh-ahˇ jaˆ-eu kʼaˇ shuiꞈ deh loꞈ-ehˇ maˬ ehˇ, ngaˇ bi jeuˬ bi o le ma. Aˬ yawꞈ maꞈ-aˬ, aˬ yawꞈ maꞈ-ahˇ muiˇ-eu deuˬ-ahˇ gʼaˬ leˇ tehꞈ-a.

Dawˬ caˇ 8:8

Ngaˬ ha mehˇ nmˇ dmˇ ma yaw nyiˇ tiˬ gʼaˬ jawˇ ma. Aˬ yawꞈ-euˬ kʼahˬ nyiˬ pyawˬ yaw nyiˇ aˬ siˬ. Zaˬ guˬ aˬ yawꞈ-ahˇ ngehˬ cawˬ laˇ naˇ, aˬ joˆ-ehˇ jahˇ paˬ nga.

Dawˬ caˇ 8:10

Ngaˇ-aˬ, meuˬ meuˬ lahˇ ma. Ngaˬ-euˬ kʼahˬ nyiˬ pyawˬ-aˬ, kʼoeˇ-euˬ nymˇ goˇ ma. Ngaˬ-euˬ zaˬ kʼaˬ nehˬ-ehˇ ngaˇ ya jawˇ naˇ nui saˇ oꞈ-eu, ngaˬ-euˬ zaˬ kʼaˬ siˬ duˬ-eu meh.

Yeˬsaˬgeˬlaˇ 16:6

Kʼoeˇ naˇ, nawˬ-euˬ dawˬ peh ngaˇ oe tsehˆ ngeh, nawˬ-euˬ shiˬ laꞈ kʼoeˇ nawˇ teuˆ teuˆ-ehˇ jawˇ gaˇ ngaˇ mawˇ-euˬ ma. Nawˬ-euˬ shiˬ lah lehꞈ lah gʼa-awˇ jawˇ ngeh, nawˬ-ahˇ ngaˇ maˬ bi shiˇ-aˬ.

Dawˬmehˬ 1:11

Naw maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahꞈpaˬ Miˬyehˇ saˇ jaˇ dzaˬ taˬ-euˬ loꞈ-ehˇ, naw maꞈ-ahˇ heu myaˆ maˬ tseˇ tiˬ heˇ bymˇ paˇ bi myaˬ paˇ bi behˇ laˇ-awˇ, bi baw bi za le luꞈ-uˇ.