Yeˬsaˬgeˬlaˇ 16:53 - Akha

⁵³ Yeˬluˇsaˬlehˬ meuˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬ yawꞈ nyaꞈ-ahˇ ngaˇ paˇ bi dehꞈ dzaˬ laˇ ma. Sawˇdoˬ meuˬ hawˇ-eu aˬ yawꞈ-euˬ aˬ buˇ pyeuꞈ-eu pu deuˬ maˬ ehˇ, Saˬmaˬliˆ meuˬ hawˇ-eu aˬ yawꞈ-euˬ aˬ buˇ pyeuꞈ-eu pu deuˬ maˬ ehˇ, bi baw bi za le ma. Nawˬ-ahˇ kʼawꞈ ngaˇ bi baw bi za le ma.

Yeˬsaˬgeˬlaˇ 16:53 Referans Kwoze

Yeˬsaˬgeˬlaˇ 39:25

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ehˇ kʼawꞈ, nymˬ-mˇ ngaˇ Yaˬkoˆ-euˬ zaˬ deuˬ uˆ deuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ gʼawˬ shaˬ gaˬ-awˇ, paˇ bi dehꞈ dzaˬ laˇ ma. Ngaˬ-euˬ muiˬ-eu shawˇ-eu tsawˇ myahˇ maˬ ya cawˆ ni ngaˇ jeˬ hmˬ bo saˆ ma.

Yeˬsaˬgeˬlaˇ 29:14

Aˬ yawꞈ maꞈ-euˬ nymˇ jiˇ jaˆ-eu Iˇjiˇtuˆ miˇ kʼahˬ laꞈ oˆ dzaˬ-ahˇ paˇ bi jawˇ kʼoꞈ le ma. Aˬ yawꞈ maꞈ-aˬ, gʼaˬ baˬ-eu miˇ kʼahˬ tiˬ kʼahˬ pyeuꞈ tehꞈ-a.

Yeˬlaˬmiˇ 12:16

Aˬ yawꞈ maꞈ-euˬ nui ma gʼawˇ mawˇ dawˬ tawˆ luꞈ, ngaˬ-euˬ tsawˇ jeuˬ-euˬ uˬ duˬ tahˬ-eu zahˇ sahˇ kʼoꞈ-ahˇ ha geuꞈ-awˇ, aˇ hu Baˬlaˇ miˬ yehˇ-euˬ tsawˇ myahˇ-ahˇ gʼoe-awˇ saˇ jaˇ dzaˬ ni ngaˬ-euˬ tsawˇ haˬ deuˬ-ahˇ aˬ yawꞈ maꞈ neh mehˬ nehˬ taˬ-euˬ jaˆ-eu loꞈ-ehˇ, nymˬ-mˇ aˬ yawꞈ maꞈ, “Sahˬpaˬ Miˬyehˇ kʼaˇ dehꞈ kʼoeˇ keuˆ ni” lehˇ ehˇ-awˇ saˇ jaˇ dzaˬ naˇ, aˬ yawꞈ maꞈ kʼawꞈ ngaˬ-euˬ tsawˇ jeuˬ ya pyeuꞈ-awˇ, baw le za le tehꞈ-a.

Yawˇlaˆ 3:1

Sahˬpaˬ Miˬyehˇ ehˇ-eu dawˬ-aˬ, “Aˇ nah aˇ yamˬ kʼoeˇ keuˆ le ngeh, Yuˇdaˆ miˇ kʼahˬ laꞈ kʼoeˇ maˬ ehˇ, Yeˬluˇsaˬlehˬ meuˬ-ahˇ maˬ ehˇ, baw le za le-eu guiˬ lahˬ kʼoeˇ, aˇ hu loꞈ-ehˇ paˇ biꞈ nehˬ ma.

Yeˬlaˬmiˇ 49:39

Ehˇ kʼawꞈ, Eˇlamˬ tsawˇ haˬ deuˬ aˬ kaˇ paˇ baw paˇ za le ni jahˇ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 49:6

“Ehˇ kʼawꞈ, aˬ kaˇ Aˬmoˬ miˇ kʼahˬ paˇ dehꞈ dzaˬ laˇ ni ngaˇ jahˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 48:47

Ehˇ kʼawꞈ, aˬ kaˇ keuˆ laˇ-eu aˇ yamˬ laꞈ kʼoeˇ, Mawˇbaˆ miˇ kʼahˬ paˇ dehꞈ dzaˬ laˇ ni, Sahˬpaˬ Miˬyehˇ jahˇ tehꞈ-a. Sahˬpaˬ Miˬyehˇ neh kʼaˇ ehˇ taˬ-euˬ heu deuˬ dawˬ tawˆ luꞈ Mawˇbaˆ miˇ kʼahˬ kʼoeˇ taˆ keuˆ le tehꞈ-a.

Yeˬlaˬmiˇ 31:23

Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ jeuˬ heu jeuˬ-ahˇ aˬ yawꞈ maꞈ-euˬ miˇ kʼahˬ laꞈ kʼoeˇ ngaˇ sheuˬ kʼoꞈ gʼeh nehˬ-awˇ paˇ bi jawˇ ngeh, Yuˇdaˆ miˇ kʼahˬ hawˇ-eu kʼoeˇ gaˇ jaˆ-eu meuˬ deuˬ laꞈ kʼoeˇ, aˬ yawꞈ maꞈ heu loꞈ-ehˇ paˇ ya ehˇ tehꞈ-a. ‘Yaw tsaˬ yaw dawˇ jeˬ jawˇ-eu jawˇ duˬ-oˇ, muiˬ-eu shawˇ-eu gawˬ jawˬ-oˇ Sahˬpaˬ Miˬyehˇ nawˬ-ahˇ guiˬ lahˬ biꞈ luꞈ-uˇ’ lehˇ ya ehˇ tehꞈ-a.

Yeˬlaˬmiˇ 20:16

Sahˬpaˬ Miˬyehˇ gʼawˬ shaˬ maˬ gaˬ nehˬ ni, laˆ cawˆ nehˬ-euˬ meuˬ deuˬ loꞈ-ehˇ, tsawˇ haˬ kʼoeˇ gʼaˬ-euˬ guiˬ lahˬ doeˇ luꞈ-uˇ. Uˬ shawˬ paw naˇ-awˇ mahˇ-eu teˇ saˇ-ahˇ ya gaˬ-awˇ, nah gʼahˇ paw guiˇ deuˆ-awˇ guˇ-eu teˇ saˇ ya gaˬ luꞈ-uˇ.

Iˇsaˬyaˇ 1:9

Baoˬ huiˬ-eu Sahˬpaˬ Miˬyehˇ neh, aˬ dui tiˬ paˆ na deuˬ-ahˇ maˬ bi dzeuˇ-iˇ law nmˇ-aˬ, Sawˇdoˬ meuˬ hawˇ-eu Gawˇmawˇlaˆ meuˬ loꞈ-ehˇ, ya shiˇ cuˆ jiˇ-eu yaw duˬ baw law hawˇ nga.

Jaceuq 126:1

Sahˬpaˬ Miˬyehˇ aˬ dui-ahˇ Yeˬluˇsaˬlehˬ meuˬ-ahˇ sheuˬ kʼoꞈ laꞈ ngeh, yuꞈ maˆ maˆ gaˇ duˇ miˇ-a.

Jaceuq 85:1

Sahˬpaˬ Miˬyehˇ-oˇ, nawˬ-euˬ miˇ kʼahˬ-ahˇ nawˇ gʼawˬ shaˬ gaˬ-euˬ meh. Iˇsaˬleˬlaˆ miˇ kʼahˬ paˇ baw paˇ za le ni, nawˇ ngehˬ gʼeh-euˬ meh.

Jaceuq 14:7

Iˇsaˬleˬlaˆ-ahˇ ka kʼoꞈ-eu, Ziˇoˬgawˬjawˬ-ahˇneh oe meh. Aˬyawꞈmaꞈpaˇdehꞈdzaˬlaˇni, SahˬpaˬMiˬyehˇ caw ba nehˬngeh, Yaˬkoˆlaˬkʼaˬcehˇdui dui-awˇ, Iˇsaˬleˬlaˆ byawˬdui tehꞈ-a.

Yawˇbaˆ 42:10

Kʼoeˇ naˇ, aˬ yawꞈ-euˬ cawˬ kʼoeˇ smˇ gʼaˬ gʼaˇ duˬ Yawˇbaˆ guiˬ lahˬ shaˇ gʼaˬ ngeh, Sahˬpaˬ Miˬyehˇ neh aˬ yawꞈ-ahˇ baw le za le-eu guiˬ lahˬ paˇ biꞈ nehˬ-awˇ, yaw beh myaˆ maˬ tseˇ nyiˬ bymˇ paˇ bi jaˆ dzehˬ laˇ-euˬ meh.

Yeˬsaˬgeˬlaˇ 16:52

Nymˬ-mˇ poˆ jawˇ-aˬ, shaꞈ dawˇ dui dui-eu jeˬ-ahˇ nawˇ ya daˬ tehꞈ-a. Nawˬ-euˬ iˬ baˇ-aˬ, nawˬ-euˬ mehˇ nmˇ aˬ buˇ kʼoeˇ nyiˬ gʼaˬ-euˬ iˬ baˇ myaˆ maˬ tseˇ myaˬ dui dui-eu miˇ neh, aˬ yawꞈ nyaꞈ iˬ baˇ ahˇ gaˇ maˬ duˇ-a. Shaꞈ dawˇ dui dui-eu jeˬ-ahˇ nawˇ daˬ-awˬ. Aˬ jeˬ miˇ neh naˇ, nawˬ-euˬ mehˇ nmˇ kʼoeˇ nyiˬ gʼaˬ-euˬ iˬ baˇ aˬ cawˬ haw byoˆ gaˇ keuˆ ni, nawˬ-euˬ yaw lehˬ aˇ dzehˬ dzeuˇ-euˬ meh.”

Yeˬsaˬgeˬlaˇ 16:54

Nawˇ yawˬ haˇ yawˬ ha ya shaꞈ dawˇ tehꞈ-a. Nawˇ ya shaꞈ dawˇ-eu jeˬ baˬ da neh, nawˬ-euˬ mehˇ nmˇ aˬ buˇ kʼoeˇ nyiˬ buˇ dehꞈ dzaˬ-eu jeˬ doˆ dzehˬ laˇ tehꞈ-a.

Yeˬsaˬgeˬlaˇ 26:6

Meuˬ laꞈ kʼoeˇ jawˇ-eu tsawˇ haˬ deuˬ-ahˇ mi cehˇ neh aˬ yawꞈ maꞈ sehꞈ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ Duˇlu meuˬ ya siˬ duˬ tehꞈ-a.”

Yeˬlaˬmiˇ 46:27

“Ngaˬ-euˬ tsawˇ jeuˬ-oˇ, taˬ guˆ. Iˇsaˬleˬlaˆ-oˇ, nui ma taˬ cawˆ. Naw maꞈ-ahˇ bi nyehꞈ byoˆ gʼeh-euˬ, gaˇ mahˇ kaˬ-eu miˇ kʼahˬ kʼoeˇ-euˬ laꞈ-ahˇ, naw maꞈ-ahˇ ngaˇ ka kʼoꞈ nehˬ ma. Naw maꞈ iˇ kahˇ gʼoꞈ keuˆ laˇ-awˇ, nui saˇ oꞈ-eu laꞈ kʼoeˇ ya dehꞈ tehꞈ-a. Nawˬ-ahˇ laˆ guˆ-eu tsawˇ haˬ maˬ jawˇ ni, kʼaˬ duˬ ni nawˇ ya dehꞈ tehꞈ-a.