Yeˬsaˬgeˬlaˇ 16:5 - Akha

⁵ Nawˬ-ahˇ kʼoeˇ loꞈ-ehˇ jahˇ nehˬ paˬ-ehˇ gʼawˬ shaˬ gaˬ nehˬ-eu tiˬ gʼaˬ-iˬ maˬ jawˇ-a. Nawˇ dehꞈ le ngeh, nawˬ-ahˇ gaˬ-eu tiˬ gʼaˬ-iˬ maˬ jawˇ-ehˇ, deh ga-ahˇ ciˬ dzeh-awˇ bi ga-euˬ meh.

Yeˬsaˬgeˬlaˇ 16:5 Referans Kwoze

Dawˬmehˬ 32:10

“Jaˬ lehˇ neh bi hehˇ dzaˬ jiˇ-euˬ, kʼaˇ shuiꞈ deh yaˇ bawˇ tsahˬ laꞈ kʼoeˇ, yawꞈ maꞈ shaˬ luꞈ gaˇ ya mawˇ-awˇ, yawˬ ha gʼawˇ mawˇ loꞈ-ehˇ sawˇ-awˇ, yawꞈ maꞈ-ahˇ bo saˆ nehˬ-euˬ meh.

Ngoeˇ dawˬ 4:3

Haiˬ-eu kʼaˬ yehˇ tiˬ mawˇ keuˆ ni, zaˬ-ahˇ aˬ coeˇ bi dawˇ huiˬ meh. Ehˇ kʼawꞈ ngaˬ-euˬ tsawˇ haˬ deuˬ-aˬ, law taw aˇ jiˇ jiˇ ma loꞈ-ehˇ, zaˬ-ahˇ kʼehˬ nehˬ kʼaˆ nehˬ-eu meh.

Bawˇtsahˬ 19:16

Aˬ cawˬ neh bi sehꞈ-awˇ laꞈ nyiˇ paw shiˇ taˬ-euˬ tsawˇ haˬ-ahˇ maˬ ehˇ, tsawˇ haˬ-euˬ shaˬ yoeˬ-ahˇ maˬ ehˇ, lmˬ bymˇ-ahˇ maˬ ehˇ, kʼaˇ toeˬ ciˆ-euˬ tsawˇ haˬ aˬ geu gʼaˬ maˬ kaˬ, shiꞈ nah keuˆ ni maˬ shawˇ-eu tsawˇ haˬ pyeuꞈ-eu meh.

Doˆ-iˇ 1:22

Kʼoeˇ naˇ, “Kʼaˇ dehꞈ le-euˬ Heˬbyehˇ tsawˇ jeuˬ aˬ li deuˬ-ahˇ Niˬlaˇ lawˇ baˬ laꞈ kʼoeˇ biˬ puꞈ-awˬ. Ehˇ kʼawꞈ, aˬ buˇ deuˬ bi dehꞈ-awˬ” lehˇ, aˬ yawꞈ-euˬ tsawˇ haˬ deuˬ-ahˇ sahˬ paˬ dawˬ biꞈ-euˬ meh.

Aˇ dahˬ 21:10

Zaˬ kʼoeˇ nyiˬ gʼaˬ aˬ mui mui luꞈ gaˇ Saˬlaˇ ya mawˇ ngeh, “Zaˬ miˬ zaˬ zaˬ kʼaˆ heu gʼaˬ hawˇ-eu aˬ yawꞈ-euˬ aˬ li-ahˇ teh dzeh-awˬ. Ngaˬ li za geuˇ-eu nawˬ-euˬ pyuˇ shuiˇ myawˬ gahˬ deuˬ hawˇ-eu jeˬ biˇ deuˬ, zaˬ miˬ zaˬ heu gʼaˬ-euˬ aˬ li tiˬ pawꞈ-iˬ maˬ bi za mawꞈ nya” lehˇ, Aˬbyaˬhaˬ-ahˇ ehˇ nehˬ-euˬ meh.

Iˇsaˬyaˇ 49:15

Kʼoeˇ miˇ neh Sahˬpaˬ Miˬyehˇ heu loꞈ-ehˇ ehˇ-eu meh. “Aˬ ma tiˬ gʼaˬ yawˬ ha-euˬ aˬ coeˇ dawˇ zaˬ-ahˇ ngehˇ-awˇ, yawˬ ha neh baw-euˬ zaˬ-ahˇ maˬ gaˬ ni jawˇ coeˇ ta loˇ. Aˬ ma zaˬ-ahˇ ngehˇ gaˇ keuˆ kʼawꞈ, naw maꞈ-ahˇ ngaˇ maˬ ngehˇ.

Yeˬsaˬgeˬlaˇ 2:6

“Ehˇ kʼawꞈ, tsawˇ haˬ zaˬ-oˇ, aˬ yawꞈ maꞈ-ahˇ maˬ ehˇ, aˬ yawꞈ maꞈ-euˬ dawˬ-ahˇ maˬ ehˇ, nawˇ maˬ ya guˆ-a. Aˬ yawꞈ maꞈ nawˬ-ahˇ yaˬ kʼehˇ yaˬ yaˬ-ehˇ ja bu ja doeˇ tehꞈ-a. Nawˇ-aˬ, boeˬ kaˬ laˬ ma yaw kaˬ-ahˇ yaw dehꞈ ya dehꞈ gaˇ duˇ tehꞈ-a. Ehˇ kʼawꞈ, ngaˬ-ahˇ puiˬ-eu tsawˇ haˬ kʼoeˇ deuˬ-ahˇ maˬ kaˬ, aˬ yawꞈ maꞈ-euˬ dawˬ-ahˇ maˬ kaˬ, nawˇ taˬ guˆ.

Ngoeˇ dawˬ 4:10

Ngaˬ-euˬ tsawˇ haˬ shaˬ zahˬ naꞈ-eu, ngaˬ-ahˇ uˇ gawˇ dui dui laˇ nya. Aˬ ma deuˬ yawˬ ha-euˬ zaˬ-ahˇ, puꞈ jaꞈ-awˇ dzaˬ gaˇ keuˆ ni meh.

Ngoeˇ dawˬ 2:19

Uˬ ciꞈ miˇ lah ni toˇ toˇ-ehˇ, Sahˬpaˬ Miˬyehˇ-ahˇ guˇ gaˬ-awˬ. Meuˬ-euˬ gʼahˇ ceh gaˇ ma doe ni, mehꞈ-eu shuꞈ-eu shiˇ leˇ luꞈ-eu, nawˬ-euˬ aˬ buˇ aˬ li deuˬ-ahˇ, Sahˬpaˬ Miˬyehˇ gʼawˬ shaˬ gaˬ ni, nawˬ-euˬ nui ma tahˬ kʼaˇ nehˬ-awˬ.

Ngoeˇ dawˬ 2:11

Ngaˬ-euˬ myaˆ nuiˆ maˬ ngoeˇ coeˇ-ehˇ, ngaˬ-euˬ saꞈ laˇ maˬ shaˬ coeˇ nya. Ngaˬ-euˬ tsawˇ haˬ shiˇ jiˇ-euˬ gaˇ, nui ma tsawˬ paˆ shaw-euˬ miˇ-a. Zaˬ nahˬ hawˇ-eu zaˬ yaw nyiˇ deuˬ, meuˬ-euˬ gʼahˇ ceh gaˇ ma doe ni, maˬ shiˇ tsehˆ-ehˇ ga luꞈ-eu meh.

Yeˬlaˬmiˇ 22:19

Mahˬ tahˬ laˆ shiˇ ngeh gʼeu dzeh-eu loꞈ-ehˇ, Yeˬluˇsaˬlehˬ meuˬ-euˬ lahˇ kʼehˬ laꞈ nyiˇ, aˬ yawꞈ-ahˇ gʼeu dzeh ha tehꞈ-a.”

Yeˬsaˬgeˬlaˇ 16:6

Kʼoeˇ naˇ, nawˬ-euˬ dawˬ peh ngaˇ oe tsehˆ ngeh, nawˬ-euˬ shiˬ laꞈ kʼoeˇ nawˇ teuˆ teuˆ-ehˇ jawˇ gaˇ ngaˇ mawˇ-euˬ ma. Nawˬ-euˬ shiˬ lah lehꞈ lah gʼa-awˇ jawˇ ngeh, nawˬ-ahˇ ngaˇ maˬ bi shiˇ-aˬ.