Yeˬsaˬgeˬlaˇ 16:25 - Akha

²⁵ Nawˬ-euˬ aˇ gʼehˇ muiˬ-eu jeˬ lah yaˬ-ahˇ nawˇ gʼeu pahˬ-awˇ, kʼaˇ mawˇ le-eu tsawˇ haˬ-ahˇ nawˬ-euˬ gʼawˇ mawˇ dehˬ nuiꞈ nehˬ-eu meh. Tiˬ nah taꞈ-ehˇ tiˬ nah nawˇ dehꞈ jawꞈ dui dui luꞈ meh.

Yeˬsaˬgeˬlaˇ 16:25 Referans Kwoze

Yeˬsaˬgeˬlaˇ 16:31

Gaˇ ma yawˬ kahˇ na luꞈ tahˬ pahˬ aˬ ma mawˇ kawˇ-ahˇ uˬ duˬ tahˬ-eu jawˇ duˬ nawˇ tsoˆ doe-awˇ, meh maˬ laˇ geuꞈ doe jiˇ-euˬ meh. Ehˇ kʼawꞈ, meh maˬ laˇ nui deuˬ loꞈ-ehˇ, pyuˇ za laˇ ni nawˇ meh maˬ laˇ geuꞈ-euˬ maˬ ngeuˇ-a.

Yeˬlaˬmiˇ 3:2

Gawˬ duˇ aˬ yawꞈ duˇ yawꞈ-ahˇ haw gʼeh sheˇ. Nawˬ neh kʼaˬ miˬ maˬ sheu doe-euˬ aˬ gaˇ jaˆ ta. Aˬlaˆ tsawˇ haˬ bawˇ tsahˬ-ahˇ tahˇ joe deh-eu loꞈ luꞈ-eu loꞈ-ehˇ, nawˬ nehˬ-ehˇ kʼaˬ miˬ sheu taꞈ-euˬ tsawˇ haˬ deuˬ-ahˇ, gaˇ ma gaˇ dzeˇ doe ni nawˇ loꞈ-eu meh. Nawˇ meh maˬ laˇ geuꞈ-awˇ dehꞈ doeˇ-eu baˬ da neh, miˇ tsaˬ tahˬ kʼawˇ jawꞈ dui dui-iˇ-euˬ meh.

Panmaeq 17:16

Nawˬ neh ya mawˇ-euˬ uˬ coeˇ kʼoeˇ tseˇ coeˇ hawˇ-eu jeˬ zaˬ yaw haiˬ kʼoeˇ mawˇ meh maˬ laˇ kʼoeˇ gʼaˬ-ahˇ muiˇ-awˇ, aˬ yawꞈ kʼaˇ jaˆ-eu jeˬ dawˬ tawˆ luꞈ yuˇ geuꞈ jiˇ-awˇ, neˇ myawˆ ni byehˇ dzeh yaꞈ tehꞈ-a. Aˬ yawꞈ maꞈ aˬ yawˬ-euˬ shaˬ jiˇ dzaˬ-awˇ, aˬ yawꞈ-ahˇ miˬ dzaˬ keuˬ dzeh tehꞈ-a.

Yeˬsaˬgeˬlaˇ 23:32

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˬ-euˬ aˬ yuiꞈ neh dawˇ dzeuˇ-euˬ, huiˬ-eu naꞈ-eu kʼmˬ maˬ kʼoeˇ kʼmˬ, nawˇ ciˬ-awˇ paˇ dawˇ poˆ tehꞈ-a. Kʼmˬ maˬ tiˬ byah dahˬ-eu miˇ neh, aˬ cawˬ nawˬ-ahˇ naˬ gʼa tehꞈ-a.

Yeˬsaˬgeˬlaˇ 16:15

“Ehˇ kʼawꞈ, nawˇ aˇ gʼehˇ muiˬ-awˇ tsawˇ myahˇ doˆ dui dui miˇ-a lehˇ noeˬ noeˬ-ehˇ, kʼaˇ puˬ kʼaˇ mawˇ le-eu tsawˇ haˬ nehˬ-ehˇ yuꞈ-euˬ meh.

Yeˬlaˬmiˇ 6:15

Gaˇ yaw jawꞈ heu deuˬ mˇ-euˬ baˬ da neh, aˬ yawꞈ maꞈ maˬ shaꞈ dawˇ-a loˇ. Aˬ yawꞈ maꞈ tiˬ pawꞈ-iˬ maˬ shaꞈ dawˇ-ehˇ, myaˆ pyawˬ tiˬ pawꞈ-iˬ maˬ cawˆ-a. Kʼoeˇ baˬ da neh aˬ cawˬ loꞈ-ehˇ aˬ yawꞈ maꞈ kʼawꞈ ya coˬ-iˇ-awˇ, aˬ yawꞈ maꞈ-ahˇ ngaˇ kʼehˬ nehˬ ngeh, aˬ yawꞈ maꞈ-euˬ aˇ nah jiˇ le meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Iˇsaˬyaˇ 3:9

Aˬ yawꞈ maꞈ myaˆ pyawˬ huiˬ nyiˇ tseˇ-euˬ saˇ kiˇ jaˆ-awˇ, aˬ yawꞈ maꞈ-euˬ iˬ baˇ maˬ zaꞈ taˬ ni, Sawˇdoˬ meuˬ-euˬ iˬ baˇ loꞈ-ehˇ bya cehˆ ni jaˆ-eu meh.

Aˇ dahˬ 38:21

“Gaˇ ma-ahˇ jawˇ-awˇ gʼawˇ mawˇ ahˬ dzaˬ-eu zaˬ miˬ zaˬ kʼoeˇ gʼaˬ aˬ gaˇ iˇ taˬ” lehˇ, Eˬneˬ meuˬ-ahˇ jawˇ-eu tsawˇ haˬ deuˬ-ahˇ aˬ yawꞈ naˇ haˬ ngeh, “Heu gaˇ gʼawˇ mawˇ ahˬ dzaˬ-eu zaˬ miˬ zaˬ tiˬ gʼaˬ-iˬ maˬ jawˇ-a” lehˇ, tsawˇ haˬ kʼoeˇ deuˬ aˬ yawꞈ-ahˇ ehˇ kʼoꞈ nehˬ-euˬ meh.

Aˇ dahˬ 38:14

Kʼoeˇ ngeh, Taˬmaˬ-aˬ, aˬ yawꞈ dm luꞈ-eu miˬ coeˬ miˬ ma deuˬ dm-eu mehˬ tsoeˬ lehˆ dzeh-awˇ, aˬ yawꞈ-euˬ myaˆ pyawˬ-ahˇ paˇ jeh dehˬ kaˬ-awˇ, Tmˇnahˬ meuˬ-ahˇ iˇ-eu gaˇ ma-ahˇ jaˆ-eu Eˬneˬ meuˬ-euˬ lahˇ kʼehˬ-ahˇ nuiˇ-awˇ loꞈ-euˬ meh. Aˬ jeˬ miˇ neh ehˇ naˇ, Sheˬlahˬ huiˬ loˆ laˇ-awˇ, zaˬ daꞈ daꞈ laˇ-euˬ gaˇ aˬ yawꞈ ya mawˇ-euˬ kʼawꞈ, aˬ yawꞈ-ahˇ maˬ bi sheuˬ le-eu miˇ neh, aˬ yawꞈ kʼoeˇ loꞈ-ehˇ jahˇ-euˬ meh.

Iˇsaˬyaˇ 23:17

Aˇ kʼoꞈ kʼoeˇ shiꞈ tseˇ kʼoꞈ dzeuˇ-iˇ ngeh, Sahˬpaˬ Miˬyehˇ Siˇdoˬ meuˬ-ahˇ dzeuˇ laˇ ngeh loꞈ-ehˇ jeˬ gaꞈ jeˬ ka bi mˇ poˆ-awˇ, miˇ kʼahˬ dawˬ tawˆ luꞈ nehˬ-ehˇ jeˬ ya gaꞈ taꞈ tehꞈ-a.

Yeˬlaˬmiˇ 11:15

Sahˬpaˬ Miˬyehˇ ehˇ-eu, “Ngaˇ gaˬ-eu tsawˇ haˬ deuˬ yaw haiˬ jeˬ mˇ luꞈ meh. Aˬ yawꞈ maꞈ ngaˬ-euˬ Uˬ duˬ tahˬ nymˇ nymˇ ma-ahˇ aˬ jeˬ taꞈ ta. Saˇ jaˇ dzaˬ-awˇ jeˬ zaˬ lawˇ-eu shehˇ-eu laꞈ kʼoeˇ, guˆ-eu gaˆ-eu jeˬ maˬ bi keuˆ le ni aˬ yawꞈ maꞈ jahˇ nya ma lehˇ noeˬ ta loˇ. Kʼoeˇ baˬ da neh aˬ yawꞈ maꞈ nui saˇ za ta loˇ.

Naˬhmˬ 3:4

Aˇ gʼehˇ muiˬ-awˇ aˬ cawˬ mawꞈ-eu, miˇ tsaˬ zaˬ baˬ ya baw uiˬ-awˇ, aˬ yawꞈ zaˬ kʼaˆ bi geuꞈ jiˇ-euˬ, Niˇnaˬbeˬ meh maˬ laˇ meuˬ-aˬ, kʼehˬ-eu kʼaˆ-eu jeˬ daˬ luꞈ meh.

Yeˬlaˬmiˇ 3:20

Ehˇ kʼawꞈ, saˇ jaˇ maˬ ziꞈ-eu miˬ zaˬ tiˬ gʼaˬ loꞈ-ehˇ, nawˇ ngaˬ-ahˇ saˇ jaˇ puiˬ-euˬ meh lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”