Yeˬsaˬgeˬlaˇ 16:23 - Akha

²³ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˇ ya noeˬ shaˬ dui dui tehꞈ-a. Nawˇ ya noeˬ shaˬ dui dui tehꞈ-a. Yaw haiˬ jeˬ dawˬ tawˆ luꞈ nawˇ mˇ jiˇ-euˬ meh.

Yeˬsaˬgeˬlaˇ 16:23 Referans Kwoze

Panmaeq 12:12

Kʼoeˇ miˇ neh, mˬ hawˇ-eu mˬ kʼoeˇ taˆ kʼaˇ jawˇ kʼaˇ deuˬ laˬ kʼaˬ cehˇ-awˬ. Ehˇ kʼawꞈ, miˇ tsaˬ hawˇ-eu iˬ ma laˆ shaˆ naw nyaꞈ aˇ naˆ ni noeˬ shaˬ paˬ-ehˇ gʼeh-eu nga. Aˬ jeˬ miˇ neh ehˇ naˇ, Nehꞈ sahˬ paˬ naw nyaꞈ jawˇ gaˇ zaꞈ ka keuˆ le-awˇ, aˬ yawꞈ gʼaˇ duˬ aˇ yamˬ ui cuiˆ maˬ ngeuˇ naˇ maˬ paˇ jaˆ meh lehˇ siˬ nya-eu miˇ neh, nui ma pehˇ dui dui-eu meh.

Panmaeq 8:13

Kʼoeˇ naˇ, ngaˇ haw gʼeh ngeh, yaw goˇ-ahˇ zaw luꞈ-eu kʼaˬ dzeˇ dzeˇ ma tiˬ mawˇ yaw kʼaˆ-ehˇ guˇ-awˇ heu loꞈ-ehˇ ehˇ-eu teˇ saˇ ya gaˬ-euˬ ma. “Aˇ loˇ. Guˆ-eu gaˆ-eu jeˬ, guˆ-eu gaˆ-eu jeˬ. Dzeˇ-eu mˬ taˆ gʼaˬ kʼehˇ kʼoeˇ smˇ gʼaˬ daˇ heh paˇ baw laˇ naˇ, miˇ tsaˬ kʼoeˇ taˆ kʼaˇ jawˇ-eu deuˬ aˇ naˆ ni ya guˆ ya gaˆ, ya shaˬ ya zahˬ-eu maˬ paˇ ehˇ jiˇ coeˇ ngaˇ.”

Maꞈtehˬ 11:21

“Kawˇlaˬseˬ meuˬ-oˇ, nawˇ ya noeˬ shaˬ dui dui tehꞈ-a. Behˬdzeˇdaˬ meuˬ-oˇ, nawˇ jiˇ ya noeˬ shaˬ dui dui tehꞈ-a. Naw nyaꞈ-ahˇ mˇ mehˬ nehˬ-euˬ zahˬ dui dui leˇ paˬ-ehˇ gʼeh-eu gaˇ kʼoeˇ deuˬ, Duˇlu meuˬ hawˇ-eu Siˇdoˬ meuˬ-ahˇ mˇ mehˬ nehˬ-euˬ law nmˇ-aˬ, aˬ yawꞈ maꞈ aˬ myah ba neh iˬ baˇ noeˬ poˆ-awˇ, guˬ daˇ pehˇ zeuˇ mehˬ tsoeˬ dm-awˇ, uˬ duˬ-ahˇ kʼaˬ lehˇ tawˆ daˆ tawˆ daˆ-ehˇ jawˇ-euˬ maˬ siˬ.

Zeˬpaˬniˇ 3:1

Aˬ cawˬ-ahˇ nawˬ dzaˬ kʼaˆ dzaˬ-awˇ, yaw cawˆ mˇ-awˇ puiˬ mawꞈ-eu meuˬ, yaw kʼaˆ-ehˇ ya noeˬ shaˬ tehꞈ-a.

Yeˬsaˬgeˬlaˇ 24:6

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ-ahˇ sehꞈ-euˬ meuˬ kʼoeˇ taˆ noeˬ shaˬ noeˬ zahˬ-eu jeˬ keuˆ le luꞈ-uˇ. Meuˬ kʼoeˇ-aˬ, tiˬ jawˇ-iˬ maˬ joˆ shawˇ-ehˇ shmˇ kaw kaw leˇ taˬ-euˬ oeˬ lahˬ-ahˇ duˇ-eu meh. Shaˬ jiˇ tiˬ jehꞈ saˇ-iˬ tiˬ jehꞈ tsi doˆ jiˇ-awˇ, tiˬ jehꞈ iˬ maˬ dzeˇ-a.

Yeˬsaˬgeˬlaˇ 13:18

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ aˬ yawꞈ maꞈ-ahˇ heu loꞈ-ehˇ ehˇ-eu meh lehˇ ehˇ nehˬ-awˬ. “Aˬ cawˬ-ahˇ ja maw laꞈ tuiˆ paꞈ nehˬ-awˇ, naˇ kʼawˇ-ahˇ ja maw paˇ dzeh lahˇ nehˬ-eu naw maꞈ zaˬ miˬ zaˬ deuˬ, ya noeˬ shaˬ dui dui tehꞈ-a. Aˬ cawˬ -euˬ saꞈ laˇ kʼoeˇ taˆ dzoeˬ nya-eu baoˬ ahˇ laˇ ni, naw maꞈ kʼoeˇ loꞈ-ehˇ jahˇ nehˬ-euˬ meh. Ngaˬ-euˬ tsawˇ haˬ deuˬ-euˬ saꞈ laˇ shiˇ ni jahˇ-awˇ, aˬ cawˬ-euˬ saꞈ laˇ dehꞈ ni jahˇ-eu laꞈ kʼoeˇ, naw maꞈ-ahˇ muiˬ laˇ ni, mˇ mawꞈ-eu meh.

Yeˬsaˬgeˬlaˇ 13:3

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Miˬyehˇ gʼaˇ duˬ ngehˬ dah-eu aˬ dzawˬ aˇ gah heu deuˬ shaˬ zahˬ naꞈ dui dui tehꞈ-a. Aˬ yawꞈ maꞈ yawˬ ha neh kʼaˇ noeˬ doˆ-euˬ jeˬ ngehˬ dah-eu meh.

Yeˬsaˬgeˬlaˇ 2:10

Aˬ laꞈ kʼoeˇ laꞈ sahˬ boꞈ paˇ yoˆ kʼoeˇ puiˇ ka leꞈ ngeh, nyiˬ pyawˬ luꞈ sahˬ boꞈ boꞈ taˬ-eu gaˇ ya mawˇ-euˬ ma. Shaˬ zahˬ naꞈ-awˇ ngoeˇ-eu dawˬ, tsawˇ ngoeˇ ngoeˇ-eu dawˬ hawˇ-eu, noeˬ shaˬ-eu dawˬ deuˬ boꞈ ahˇ taˬ-euˬ meh.

Yeˬlaˬmiˇ 13:27

Aˬ yawꞈ bye-eu jeˬ naw maꞈ mˇ luꞈ gaˇ, aˬ yawꞈ haw dehˆ laꞈ taˬ-euˬ meh. Aˬ cawˬ miˬ zaˬ-ahˇ bahˬ-eu kʼaˬ dzeˇ zaˬ loꞈ-ehˇ, mahˬ ma mehˬ nah teh-eu mahˬ paˬ yaw gʼeh loꞈ-ehˇ, gawˬ jawˬ gawˬ duˇ hawˇ-eu deh ga doe ni, lawˇ ciꞈ zaˬ-euˬ miˬ yehˇ-ahˇ naw maꞈ caw teh gaˇ, aˬ yawꞈ haw dehˆ laꞈ-euˬ meh. Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, naw maꞈ shaˬ zahˬ ya mˇ dui dui tehꞈ-a. Aˬ myah muiˬ laˇ shawˇ laˇ-eu lehˇ gʼeh te.

Yeˬsaˬgeˬlaˇ 16:22

Nawˇ meh maˬ laˇ geuꞈ-awˇ dehꞈ doeˇ dui dui luꞈ ngeh, aˇ hu nawˇ yaw nyiˇ gʼeh ngeh neˇ myawˆ ni shiˬ laꞈ kʼoeˇ teuˆ teuˆ-ehˇ jawˇ-euˬ gaˇ, tiˬ jawˇ-iˬ maˬ noeˬ mawˇ-a.”

Yeˬsaˬgeˬlaˇ 16:24

Kʼoeˇ uˬ taꞈ, gaˇ ma aˬ yawꞈ kahˇ yawꞈ-euˬ gaˇ dzeˇ, tahˬ pahˬ aˬ ma mawˇ kawˇ-ahˇ uˬ duˬ tahˬ-eu jawˇ duˬ nawˇ tsoˆ byah-awˇ, meh maˬ laˇ dehꞈ pyeuꞈ taˬ-euˬ meh.