Yeˬsaˬgeˬlaˇ 16:22 - Akha

²² Nawˇ meh maˬ laˇ geuꞈ-awˇ dehꞈ doeˇ dui dui luꞈ ngeh, aˇ hu nawˇ yaw nyiˇ gʼeh ngeh neˇ myawˆ ni shiˬ laꞈ kʼoeˇ teuˆ teuˆ-ehˇ jawˇ-euˬ gaˇ, tiˬ jawˇ-iˬ maˬ noeˬ mawˇ-a.”

Yeˬsaˬgeˬlaˇ 16:22 Referans Kwoze

Yeˬlaˬmiˇ 2:2

“Yeˬluˇsaˬlehˬ meuˬ-ahˇ iˇ-awˇ, tsawˇ haˬ yawˬ gʼaˬ na luꞈ-ahˇ heu loꞈ-ehˇ ehˇ nehˬ-awˬ. “Iˇsaˬleˬlaˆ-oˇ, nawˇ yaw nyiˇ gʼeh ngeh, ngaˬ-ahˇ saˇ jaˇ ziꞈ-euˬ ngaˇ siˬ nya ma. Aˇ nyaꞈ sheuˬ dahˬ dzaˬ-euˬ yaw shuiꞈ pyeuꞈ ngeh, nawˇ ngaˬ-ahˇ gaˬ dui dui-euˬ meh. Kʼaˇ shuiꞈ deh ga bawˇ tsahˬ bawˇ dahˇ hawˇ-eu, yaˇ maˬ mˇ dzaˬ haw-euˬ miˇ gahˬ gahˬ ma laꞈ kʼoeˇ, ngaˬ-euˬ mehˬ nah nawˇ caw teh laꞈ-euˬ meh.

Hawˇseˬ 11:1

Sahˬpaˬ Miˬyehˇ ehˇ-eu dawˬ-aˬ, “Iˇsaˬleˬlaˆ yaw nyiˇ gʼeh ngeh, aˬ yawꞈ-ahˇ ngaˇ gaˬ dui dui-awˇ, ngaˬ-euˬ aˬ li tiˬ gʼaˬ loꞈ-ehˇ, Iˇjiˇtuˆ miˇ kʼahˬ laꞈ kʼoeˇ neh, ngaˬ neh sheuˬ kʼoꞈ doˆ laꞈ-euˬ ma.

Yeˬsaˬgeˬlaˇ 16:43

Nawˇ zaˬ guˬ pyeuꞈ ngeh ngaˬ neh nawˬ-ahˇ mˇ nehˬ-euˬ jeˬ nawˇ ngehˇ jiˇ-awˇ, nawˬ neh kʼaˇ mˇ-euˬ yawˬ jeˬ na luꞈ ngaˬ-ahˇ nui ma laˆ pehˇ nehˬ laꞈ-euˬ meh. Kʼoeˇ miˇ neh, kʼoeˇ deuˬ dawˬ tawˆ luꞈ aˇ poeˬ nawˬ-ahˇ ngaˇ paˇ jahˇ kʼoꞈ-euˬ ma. Kʼaˇ jawꞈ kʼaˇ doeˇ-eu jeˬ mˇ-euˬ uˬ taꞈ-ehˇ, aˬ jeˬ miˇ neh ciˇ piˇ piˇ te” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Hawˇseˬ 2:3

Dawˬ tsoˆ gʼoˆ-awˇ maˬ dehꞈ paˇ naˇ, aˬ yawꞈ dehꞈ doˆ le ngeh loꞈ-ehˇ, mehˬ tsoeˬ lehˆ neˇ-awˇ bi shaˬ ma. Koˆ dui dui-awˇ gui dui dui-eu, bawˇ tsahˬ bawˇ dahˇ tiˬ tsahˇ loꞈ-ehˇ, iˇ cuꞈ mehꞈ-awˇ bi shiˇ leˇ ma.

Jaceuq 129:1

Iˇsaˬleˬlaˆ-oˇ, nyiˇ ngeh neh muiˇ-eu deuˬ nawˬ-ahˇ aˬ joˆ-ehˇ kʼehˬ nehˬ laꞈ-euˬ gaˇ kawˆ, nga maꞈ-ahˇ dzawˇ nehˬ laꞈ sheˇ.

Yeˬsaˬgeˬlaˇ 16:23

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nawˇ ya noeˬ shaˬ dui dui tehꞈ-a. Nawˇ ya noeˬ shaˬ dui dui tehꞈ-a. Yaw haiˬ jeˬ dawˬ tawˆ luꞈ nawˇ mˇ jiˇ-euˬ meh.