Yeˬsaˬgeˬlaˇ 16:16 - Akha

¹⁶ Nawˬ-euˬ mehˬ tsoeˬ tiˬ paˆ na deuˬ nawˇ yuˇ-awˇ, nawˇ uˬ duˬ tahˬ-eu jawˇ duˬ-ahˇ laˆ muiˬ-awˇ, meh maˬ laˇ loꞈ-ehˇ kʼaˇ mawˇ le-eu gʼaˬ nehˬ-ehˇ joe-euˬ meh.

Yeˬsaˬgeˬlaˇ 16:16 Referans Kwoze

2 Sahˬpaˬ 23:7

Uˬ duˬ tahˬ nymˇ nymˇ ma laꞈ kʼoeˇ, zaˬ miˬ zaˬ hawˇ-eu kʼaˬ dzeˇ zaˬ meh maˬ laˇ deuˬ jawˇ-eu jawˇ duˬ aˬ yawꞈ laˆ cawˆ-euˬ meh. Jawˇ duˬ kʼoeˇ tsahˇ-aˬ, Aˬsheˇlaˬ miˬyehˇ ma-ahˇ uˬ duˬ tahˬ ngeh dm-eu pehˇ kʼahˬ pehˇ mahˇ deuˬ-ahˇ, zaˬ miˬ zaˬ deuˬ guꞈ luꞈ-eu jawˇ duˬ kʼawꞈ pyeuꞈ-eu meh.

Hawˇseˬ 2:8

Cehˇ, aˬ gaꞈ dzaˇ uiˇ, saˬ loˬ tsiˇ, heu deuˬ dawˬ tawˆ yawꞈ-ahˇ biꞈ-awˇ, Baˬlaˇ-ahˇ uˬ duˬ tahˬ leˇ ngeh, aˬ yawꞈ zmˬ-euˬ myawˬ gahˬ pyeuꞈ-eu, Pyuˇkʼoˇ shuiˇkʼoˇ biꞈ-euˬ kʼoeˇ gʼaˬ, ngaˇ meh lehˇ yawꞈ maˬ siˬ nya-a.

Yeˬsaˬgeˬlaˇ 7:20

Aˇ hu, muiˬ dui dui-eu pyuˇ shuiˇ myawˬ guˇ deuˬ-ahˇ aˬ yawꞈ maꞈ kʼahˬ sehˇ jehˆ-euˬ meh. Ehˇ kʼawꞈ, kʼoeˇ deuˬ yuˇ-awˇ aˬ yawꞈ maꞈ tahˬ pahˬ aˬ ma mawˇ kawˇ tehˆ-euˬ meh. Kʼoeˇ miˇ neh, aˬ yawꞈ maꞈ-euˬ pyuˇ shuiˇ myawˬ gahˬ deuˬ aˬ yawꞈ maꞈ-ahˇ paˇ bi laˆ jawꞈ ni, Sahˬpaˬ Miˬyehˇ jahˇ-euˬ meh.

2 Laˬsaˬbaˬ 28:24

Kʼoeˇ uˬ taꞈ, Uˬ duˬ tahˬ nymˇ nymˇ ma laꞈ kʼoeˇ jaˆ-eu mˇ myawˬ keu ka deuˬ-ahˇ aˬ yawˬ laˆ kʼehꞈ laˆ kʼoeˆ jiˇ-euˬ meh. Uˬ duˬ tahˬ nymˇ nymˇ ma -ahˇ aˬ yawꞈ piˬ tehˬ-awˇ, Yeˬluˇsaˬlehˬ meuˬ doe ni lawˇ duˬ deuˬ baꞈ taˬ doe-awˇ bi jaˆ-euˬ meh.

Iˇsaˬyaˇ 57:7

Lawˇ-eu shehˇ-eu gʼaˇ duˬ hawˇ-eu kʼaˬ miˬ sheu-eu gʼaˇ duˬ, gawˬ jawˬ yaw goˇ-ahˇ naw maꞈ le-euˬ meh.

Yeˬsaˬgeˬlaˇ 16:15

“Ehˇ kʼawꞈ, nawˇ aˇ gʼehˇ muiˬ-awˇ tsawˇ myahˇ doˆ dui dui miˇ-a lehˇ noeˬ noeˬ-ehˇ, kʼaˇ puˬ kʼaˇ mawˇ le-eu tsawˇ haˬ nehˬ-ehˇ yuꞈ-euˬ meh.

Yeˬsaˬgeˬlaˇ 16:17

Ngaˬ neh biꞈ-euˬ pyuˇ hawˇ-eu shuiˇ myawˬ guˇ deuˬ neh, kʼaˬ dzeˇ zaˬ tahˬ pahˬ aˬ ma mawˇ kawˇ nawˇ jahˇ-awˇ, kʼoeˇ nehˬ-ehˇ nawˇ bahˬ-euˬ meh.

Yeˬlaˬmiˇ 2:10

Nahˇ ma ga kʼehˬ paw jaˆ luꞈ-eu, Guˇbaˬluˇ iˇ jaw lahˇ-ahˇ iˇ haw-awˬ. Nahˇ ma doˆ kʼehˬ paw jaˆ-eu Geˬdaˬ miˇ kʼahˬ-ahˇ, tsawˇ haˬ pyehˬ-awˇ bi iˇ haw-awˬ. Heu loꞈ-ehˇ gʼeh-eu jeˬ maˬ pyeuꞈ laˇ haw-euˬ gaˇ, naw maꞈ yaw duˬ duˬ-ehˇ ya siˬ tehꞈ-a.

Yeˬsaˬgeˬlaˇ 23:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Hawˇseˬ 2:10

Yawꞈ-euˬ zaˬ kʼaˬ deuˬ-euˬ mehˬ shi, yawꞈ-ahˇ neˇ myawˆ ni lehˆ dzeh-awˇ, ngaˬ-euˬ baoˬ uˬ moˆ bi shaˬ ngeh, ka kʼoꞈ nehˬ-eu gʼaˬ maˬ jawˇ-aˇ.