Yeˬsaˬgeˬlaˇ 16:15 - Akha

¹⁵ “Ehˇ kʼawꞈ, nawˇ aˇ gʼehˇ muiˬ-awˇ tsawˇ myahˇ doˆ dui dui miˇ-a lehˇ noeˬ noeˬ-ehˇ, kʼaˇ puˬ kʼaˇ mawˇ le-eu tsawˇ haˬ nehˬ-ehˇ yuꞈ-euˬ meh.

Yeˬsaˬgeˬlaˇ 16:15 Referans Kwoze

Yeˬsaˬgeˬlaˇ 16:25

Nawˬ-euˬ aˇ gʼehˇ muiˬ-eu jeˬ lah yaˬ-ahˇ nawˇ gʼeu pahˬ-awˇ, kʼaˇ mawˇ le-eu tsawˇ haˬ-ahˇ nawˬ-euˬ gʼawˇ mawˇ dehˬ nuiꞈ nehˬ-eu meh. Tiˬ nah taꞈ-ehˇ tiˬ nah nawˇ dehꞈ jawꞈ dui dui luꞈ meh.

Yeˬlaˬmiˇ 2:20

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu, “Iˇsaˬleˬlaˆ-oˇ, nawˇ aˇ hu ngaˬ-euˬ baoˬ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ-eu uˬ taꞈ, ngaˬ-ahˇ nawˇ uˬ duˬ maˬ tahˬ-a. Gawˬ duˇ kʼaˇ goˇ gaˇ hawˇ-eu aˇ bawˇ naˇ shmˇ kʼaˇ muiˬ gaˇ, miˇ muiˬ miˬ yehˇ deuˬ-ahˇ nawˇ uˬ duˬ tahˬ-euˬ meh.

Iˇsaˬyaˇ 57:8

Naw maꞈ-euˬ nymˇ laˇ gʼoˆ naˇ kʼah, lawˇ ciꞈ zaˬ-euˬ tahˬ pahˬ aˬ ma mawˇ kawˇ ciˬ taˬ-euˬ meh. Naw maꞈ ngaˬ-ahˇ byehˇ dzeh yaꞈ-eu laꞈ kʼoeˇ, mehˬ tsoeˬ neˇ myawˆ ni lehˆ dzeh-awˇ, jeˇ lo ni kʼawˬ taˬ-euˬ yuꞈ zaˇ kʼoeˇ taˆ, naw maꞈ nui kʼahˇ jaˆ-eu tsawˇ haˬ nehˬ-ehˇ, nui kʼahˇ tiˬ shiˇ joe taꞈ-euˬ meh.

Yeˬsaˬgeˬlaˇ 23:3

Aˬ yawꞈ nyaꞈ zaˬ guˬ guˬ ngeh, miˬ shuiꞈ maˬ shuiꞈ ni, meh maˬ laˇ geuꞈ-euˬ meh.

Yeˬlaˬmiˇ 7:4

Heu-aˬ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma meh. Aˬ dui maꞈ tiˬ jeˬ-iˬ kʼahˬ lahˇ kʼaˇ maˬ za-a’ lehˇ ehˇ-awˇ jaˬ myawꞈ myawꞈ gaˇ taˬ paˇ naˇ haˬ.

Hawˇseˬ 1:2

Hawˇseˬ-ahˇ gʼoe-awˇ Iˇsaˬleˬlaˆ miˇ kʼahˬ-ahˇ Sahˬpaˬ Miˬyehˇ dawˬ ngehˬ cawˬ dahˬ beh ngeh, Hawˇseˬ-ahˇ heu loꞈ-ehˇ ehˇ nehˬ-euˬ meh. “Iˇ-awˇ miˬ zaˬ sheuˬ-iˇ-awˬ. Nawˬ-euˬ miˬ zaˬ kʼoeˇ gʼaˬ nawˬ-ahˇ saˇ jaˇ maˬ ziꞈ-aˇ. Nawˬ-euˬ zaˬ deuˬ kʼawꞈ, aˬ yawꞈ loꞈ-ehˇ saˇ jaˇ maˬ ziꞈ-aˇ. Kʼoeˇ gaˇ duˇ ni, ngaˬ-euˬ tsawˇ haˬ deuˬ ngaˬ-ahˇ byehˇ dzeh-awˇ saˇ jaˇ maˬ ziꞈ ni pyeuꞈ-iˇ-euˬ meh.”

Yeˬsaˬgeˬlaˇ 23:8

Aˬ yawꞈ miˬ daꞈ daꞈ ngeh Iˇjiˇtuˆ miˇ kʼahˬ laꞈ kʼoeˇ meh maˬ laˇ geuꞈ-euˬ loꞈ-ehˇ, iˬ nah keuˆ ni maˬ byehˇ ni geuꞈ luꞈ-eu meh. Aˬ yawꞈ aˬ buˇ zaˬ guˬ pyeuꞈ ngeh neh, kʼaˬ dzeˇ zaˬ deuˬ aˬ yawꞈ nehˬ-ehˇ yuꞈ-awˇ meh maˬ laˇ bi geuꞈ-euˬ meh.

Iˇsaˬyaˇ 1:21

Yaw beh saˇ jaˇ ziꞈ-eu meuˬ, meh maˬ laˇ-ahˇ dehꞈ duˇ taˬ-euˬ meh. Yaw beh yaw tsaˬ yaw dawˇ jeˬ byah-awˇ, yaw muiˬ yaw shawˇ jeˬ jaˆ-euˬ kʼawꞈ, nymˬ-mˇ aˬ cawˬ-ahˇ sehꞈ-eu tsawˇ haˬ tehꞈ meh.

Panmaeq 17:5

Zaꞈ taˬ-euˬ dawˬ tsuiꞈ ahˇ-eu tsawˇ myahˇ tiˬ myahˇ aˬ yawꞈ-euˬ naˇ kʼawˇ-ahˇ heu loꞈ-ehˇ boꞈ taˬ-euˬ meh. “Meh maˬ laˇ deuˬ hawˇ-eu, miˇ tsaˬ kʼoeˇ taˆ nui daˆ daˆ laˇ paˬ-ehˇ gʼeh-eu jeˬ dawˬ tawˆ luꞈ-euˬ aˬ ma yaw dzahˇ Baˬbuˬloˬ meuˬ meuˬ ma” lehˇ boꞈ taˬ-euˬ meh.

Maꞈtehˬ 3:9

Aˬbyaˬhaˬ naw maꞈ-euˬ aˬ da ma lehˇ ehˇ naˇ, kʼehˬ-eu kʼaˆ-eu jeˬ-ahˇ ya buˬ-iˇ ma lehˇ naw maꞈ taˬ noeˬ. Ngaˇ naw maꞈ-ahˇ ehˇ nehˬ nyaˇ. Kʼaˬ lo heu deuˬ kʼawꞈ Aˬbyaˬhaˬ-euˬ zaˬ pyeuꞈ jiˇ laˇ ni Miˬyehˇ jahˇ nya meh.

Zeˬpaˬniˇ 3:11

Aˇ yamˬ kʼoeˇ yamˬ keuˆ laˇ ngeh jawˇ, nui ma huiˬ-eu mahˇ-eu tsawˇ haˬ, ngaˇ laˆ byoˆ jiˇ nehˬ-euˬ miˇ neh, ngaˬ-euˬ gawˬ duˇ yaw shawˇ kʼoeˇ taˆ, naw maꞈ iˬ baˇ maˬ paˇ mˇ-ehˇ, ngaˬ-euˬ tsawˇ haˬ pyeuꞈ-eu naw maꞈ, aˇ hu ngaˬ-ahˇ puiˬ-euˬ gaˇ kawˆ, shaꞈ dawˇ poˆ-eu maˬ paˇ loˬ meh.

Miˇkaˬ 3:11

Meuˬ-ahˇ uˆ lahˇ-eu deuˬ, laꞈ nmꞈ nmꞈ nehˬ gaˇ haw-awˇ uˆ lahˇ luꞈ meh. Piˇ ma deuˬ-aˬ, aˇ poeˬ za gaˇ haw-awˇ zahˇ dawˬ kʼoꞈ dawˬ-euˬ dawˬ tsuiꞈ yuˇ doˆ nehˬ luꞈ-awˇ, Miˬyehˇ gʼaˇ duˬ ngehˬ dah-eu deuˬ kʼawꞈ, pyuˇ myaˆ pyawˬ-ahˇ haw-awˇ ngehˬ dah luꞈ-eu meh. Ehˇ kʼawꞈ, aˬ yawꞈ maꞈ dawˬ tawˆ luꞈ Sahˬpaˬ Miˬyehˇ aˬ yawꞈ maꞈ nehˬ-ehˇ jawˇ meh lehˇ ehˇ-eu meh. “Luˬ-iˇ seˇ-iˇ-eu jeˬ nga maꞈ kʼoeˇ taˆ maˬ keuˆ le-aˇ. Sahˬpaˬ Miˬyehˇ nga maꞈ nehˬ-ehˇ jawˇ ma” lehˇ aˬ yawꞈ maꞈ ehˇ-eu meh.

Hawˇseˬ 4:10

Naw maꞈ oꞈ-eu lawˇ dzaˇ dzaˬ kʼawꞈ, uˬ maˆ dehˆ laˇ-euˬ maˬ baw-aˇ. Jeuˬ le o le-eu miˬyehˇ-ahˇ, naw maꞈ uˬ duˬ tahˬ shaˇ leˇ kʼawꞈ, zaˬ oeˬ sahˇ le-eu maˬ baw-aˇ. Aˬ jeˬ miˇ neh ehˇ naˇ, miˬyehˇ nui deuˬ mehˬ nah iˇ-awˇ, naw maꞈ ngaˬ-ahˇ byehˇ dzeh-euˬ meh.”

Yeˬsaˬgeˬlaˇ 33:13

Tsawˇ muiˬ tiˬ gʼaˬ maˬ shiˇ ni ya dehꞈ tehꞈ-a lehˇ, ngaˇ saˇ jaˇ dzaˬ-euˬ ma. Ehˇ kʼawꞈ, aˬ yawꞈ yaw muiˬ jeˬ mˇ byah gʼaˬ-euˬ ma lehˇ noeˬ-awˇ, iˬ baˇ mˇ dahˬ beh laˇ naˇ, aˬ yawꞈ neh mˇ-euˬ yaw muiˬ jeˬ-ahˇ ngaˇ tiˬ pawꞈ-iˬ maˬ paˇ noeˬ keuˆ nehˬ ma. Aˬ yawꞈ neh mˇ-euˬ iˬ baˇ kʼoeˇ baˬ da neh ya shiˇ-eu yaw duˬ baw tehꞈ-a.

Yeˬsaˬgeˬlaˇ 27:3

Iˬ ma laˆ shaˆ dawˬ peh jaˆ-awˇ, iˬ ma laˆ shaˆ lawˇ deh-ahˇ kʼaˇ jawˇ-eu tsawˇ haˬ deuˬ nehˬ-ehˇ jeˬ gaꞈ taꞈ-eu meuˬ kʼoeˇ meuˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. Yawˬ ha aˇ gʼehˇ muiˬ-eu gaˇ kawˆ, Duˇlu nawˇ kʼahˬ sehˇ jehˆ-euˬ meh.

Yeˬsaˬgeˬlaˇ 20:8

Ehˇ kʼawꞈ, aˬ yawꞈ maꞈ ngaˬ-ahˇ puiˬ-awˇ, ngaˬ-euˬ ehˇ dawˬ maˬ naˇ haˬ geuꞈ-a. Nui daˆ daˆ laˇ paˬ-ehˇ gʼeh-eu aˬ yawꞈ maꞈ-euˬ tahˬ pahˬ aˬ ma mawˇ kawˇ kʼoeˇ deuˬ-ahˇ maˬ biˬ dzeh-ehˇ, nui daˆ daˆ laˇ paˬ-ehˇ gʼeh-eu Iˇjiˇtuˆ miˬyehˇ deuˬ-ahˇ kʼawꞈ, aˬ yawꞈ maꞈ maˬ byehˇ coeˇ-a. Kʼoeˇ gaˇ, Iˇjiˇtuˆ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˬ-euˬ nui ma bi mawˇ-eu lehˇ ngaˇ noeˬ tsehˆ-euˬ ma.

Yeˬlaˬmiˇ 3:1

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ tiˬ gʼaˬ miˬ zaˬ kʼoꞈ-awˇ, aˬ cawˬ-ahˇ paˇ mˇ dzaˬ-iˇ gʼaˬ-euˬ gaˇ, sheuˬ kʼoꞈ geuꞈ nya ta loˇ. Kʼoeˇ loꞈ-ehˇ jahˇ-eu jeˬ miˇ tsaˬ tahˬ kʼawˇ-ahˇ bahˬ-eu meh. Ehˇ kʼawꞈ Iˇsaˬleˬlaˆ nawˇ-aˬ, miˇ kʼahˬ doe ni meh maˬ laˇ geuꞈ doe-awˇ, ngaˇ jawˇ gaˇ paˇ gʼoꞈ poˆ laˇ mawꞈ-eu meh.

Iˇsaˬyaˇ 48:1

Yuˇdaˆ-euˬ zaˬ deuˬ uˆ deuˬ pyeuꞈ-eu, Iˇsaˬleˬlaˆ tsawˇ haˬ deuˬ heu gaˇ naˇ haˬ-awˬ. Sahˬpaˬ Miˬyehˇ tsawˇ myahˇ uˬ moˆ naw maꞈ kamˬ-awˇ, Iˇsaˬleˬlaˆ-euˬ Miˬyehˇ-ahˇ uˬ duˬ tahˬ ma lehˇ ehˇ-euˬ meh. Ehˇ kʼawꞈ ehˇ taˬ-euˬ loꞈ-ehˇ maˬ jaˆ-a.

Jaceuq 106:35

Ehˇ kʼawꞈ kʼoeˇ deuˬ nehˬ-ehˇ sheuˬ dahˬ dzaˬ taꞈ-awˇ, aˬ cawˬ-euˬ zahˇ sahˇ kʼoꞈ-ahˇ caw teh-euˬ meh.

2 Sahˬpaˬ 21:3

Aˬ yawꞈ-euˬ aˬ da Heˬsaˬgiˇ neh laˆ cawˆ yaꞈ-euˬ lawˇ ciꞈ zaˬ deuˬ uˬ duˬ tahˬ-eu jawˇ duˬ kʼoeˇ deuˬ-ahˇ, aˬ yawꞈ neh paˇ tsoˆ muiˬ-euˬ meh. Iˇsaˬleˬlaˆ sahˬ paˬ Aˬhaˆ neh mˇ-euˬ loꞈ-ehˇ, Baˬlaˇ miˬyehˇ-ahˇ uˬ duˬ tahˬ-eu gʼaˇ duˬ, aˬ yawꞈ lawˇ duˬ tsoˆ-awˇ, Aˬsheˇlaˬ miˬyehˇ ma-euˬ mawˇ kawˇ aˬ yawꞈ tehˆ-euˬ meh. Aˬ guiˇ deuˬ-ahˇ kʼawꞈ aˬ yawꞈ uˬ duˬ tahˬ-euˬ meh.

2 Sahˬpaˬ 17:7

Iˇsaˬleˬlaˆ tsawˇ haˬ deuˬ-aˬ, aˬ yawꞈ maꞈ-ahˇ Iˇjiˇtuˆ sahˬ paˬ-euˬ aˬ laꞈ laꞈ kʼoeˇ neh ka kʼoꞈ-awˇ sheuˬ doˆ nehˬ-euˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-euˬ mehˬ shi iˬ baˇ mˇ-euˬ miˇ neh, Saˬmaˬliˆ meuˬ-ahˇ aˬ cawˬ neh bi deuˆ gʼaˬ-euˬ meh. Miˬyehˇ nui deuˬ-ahˇ aˬ yawꞈ maꞈ uˬ duˬ tahˬ-euˬ meh.

1 Sahˬpaˬ 12:28

Aˬ yawꞈ kʼoeˇ loꞈ-ehˇ noeˬ mawˇ-awˇ, shuiˇ mawˇ neˇ mawˇ kawˇ nyiˬ kawˇ kʼaˇ-awˇ, aˬ yawꞈ-euˬ tsawˇ haˬ deuˬ-ahˇ ehˇ nehˬ-eu, “Naw maꞈ Yeˬluˇsaˬlehˬ meuˬ-ahˇ iˇ iˇ-ehˇ uˬ duˬ tahˬ-eu myahˇ laˇ-euˬ meh. Iˇsaˬleˬlaˆ tsawˇ haˬ deuˬ-oˇ, heu deuˬ-aˬ, naw maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ laꞈ-euˬ naw maꞈ-euˬ miˬ yehˇ deuˬ meh.”

1 Sahˬpaˬ 11:5

Siˇdoˬ tsawˇ jeuˬ-euˬ Aˬsaˇtaˬteˬ miˬ yehˇ ma hawˇ-eu, Aˬmoˬ tsawˇ jeuˬ-euˬ miˬ yehˇ pyeuꞈ-eu nui daˆ daˆ laˇ paˬ-ehˇ gʼeh-eu Moˇlehˆ miˬ yehˇ-ahˇ, aˬ yawꞈ uˬ duˬ tahˬ-euˬ meh.

Yaˇ kʼaˬ daˇ 10:6

Iˇsaˬleˬlaˆ tsawˇ haˬ deuˬ-aˬ, Baˬlaˇ miˬ yehˇ hawˇ-eu Aˬshaˇtaˬyoˇ miˬ yehˇ deuˬ-ahˇ maˬ ehˇ, Siˇdoˬ miˬ yehˇ deuˬ-ahˇ maˬ ehˇ, Mawˇbaˆ miˬ yehˇ deuˬ-ahˇ maˬ ehˇ, Aˬmoˬ miˬ yehˇ deuˬ-ahˇ maˬ ehˇ, Piˇliˇtiˆ miˬ yehˇ deuˬ-ahˇ maˬ ehˇ, uˬ duˬ tahˬ-eu laꞈ kʼoeˇ, Sahˬpaˬ Miˬyehˇ mehˬ shi iˬ baˇ mˇ-euˬ meh. Sahˬpaˬ Miˬyehˇ-ahˇ aˬ yawꞈ maꞈ uˬ duˬ maˬ tahˬ ni byehˇ dzeh-euˬ meh.

Yaˇ kʼaˬ daˇ 3:6

Tsawˇ jeuˬ kʼoeˇ deuˬ nehˬ-ehˇ sheuˬ dahˬ dzaˬ taꞈ-awˇ, tsawˇ jeuˬ kʼoeˇ deuˬ-euˬ miˬyehˇ deuˬ-ahˇ uˬ duˬ tahˬ-euˬ meh.

Yaˇ kʼaˬ daˇ 2:12

Aˬ yawꞈ maꞈ-ahˇ Iˇjiˇtuˆ miˇ kʼahˬ laꞈ kʼoeˇ neh sheuˬ doˆ nehˬ-euˬ Miˬyehˇ pyeuꞈ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ uˬ duˬ maˬ tahˬ ni byehˇ dzeh-awˇ, aˬ yawꞈ maꞈ-euˬ jawˬ jawˬ-ehˇ jawˇ-eu tsawˇ jeuˬ deuˬ-euˬ miˬyehˇ deuˬ-ahˇ aˬ yawꞈ maꞈ uˬ duˬ tahˬ-euˬ meh. Miˬyehˇ kʼoeˇ deuˬ-euˬ mehˬ shi awˆ byaˆ-eu laꞈ kʼoeˇ, Sahˬpaˬ Miˬyehˇ nui ma pehˇ ni aˬ yawꞈ maꞈ mˇ-euˬ meh.

Dawˬmehˬ 32:15

“Sahˬpaˬ Miˬyehˇ-euˬ tsawˇ haˬ deuˬ, mahˬ paˬ cu tsuˇ yawꞈ-ahˇ behˆ-awˇ, bi dzaˬ tsuˇ-euˬ Beh-euˬ yaw sahˇ, Miˬyehˇ-ahˇ myaˆ maˬ haw cawˬ ni, ka kʼoꞈ-eu gʼaˬ-ahˇ byehˇ-euˬ meh.

Yeˬsaˬgeˬlaˇ 16:16

Nawˬ-euˬ mehˬ tsoeˬ tiˬ paˆ na deuˬ nawˇ yuˇ-awˇ, nawˇ uˬ duˬ tahˬ-eu jawˇ duˬ-ahˇ laˆ muiˬ-awˇ, meh maˬ laˇ loꞈ-ehˇ kʼaˇ mawˇ le-eu gʼaˬ nehˬ-ehˇ joe-euˬ meh.

Hawˇseˬ 4:18

Jiˇ baˬ yehꞈ-eu aˇ muˇ kʼoeˇ muˇ, meh maˬ laˇ-ahˇ cehˇ gʼa-eu meh. Yaw shehꞈ kʼahˬ sehˇ-ahˇ naˆ maˬ tseˇ, daˬ ga-eu jeˬ-ahˇ mawꞈ-eu meh.

Hawˇseˬ 9:1

Iˇsaˬleˬlaˆ tsawˇ haˬ deuˬ-oˇ, lawˇ ciꞈ zaˬ deuˬ byawˬ-eu loꞈ-ehˇ, bawˬ-iˬ gʼeh-eu jeˬ byehˇ dzeh jiˇ-awˬ. Naw maꞈ Miˬyehˇ-ahˇ byehˇ dzeh-awˇ, aˬ yawꞈ-ahˇ saˇ jaˇ maˬ ziꞈ-ehˇ, meh maˬ laˇ geuꞈ dzaˬ-eu loꞈ-ehˇ, miˇ kʼahˬ doe ni naw maꞈ gʼawˇ mawˇ, Baˬlaˇ miˬyehˇ-ahˇ ahˬ dzaˬ-awˇ, yawꞈ biꞈ laꞈ-euˬ lehˇ noeˬ-eu, cehˇ-ahˇ naw maꞈ nui kʼahˇ jaˆ meh.