Biblia Todo Logo
Bib sou entènèt

- Piblisite -




Yeˬsaˬgeˬlaˇ 16:11 - Akha

11 Myawˬ guˇ deuˬ bi geuꞈ-awˇ, laꞈ duꞈ lahˇ dah nyehꞈ duꞈ nyehꞈ dah nehˬ-euˬ ma.

Gade chapit la Kopi




Yeˬsaˬgeˬlaˇ 16:11
31 Referans Kwoze  

Leˬbehˇkaꞈ law taw-ahˇ iˇ cuꞈ bi dawˇ gʼaˬ ngeh, zaˬ kʼaˆ kʼoeˇ gʼaˬ zaˬ miˬ zaˬ-euˬ naˇ mehˇ-ahˇ geuꞈ-eu aˇ poeˬ kʼaˆ-eu shuiˇ laꞈ behˬ yuˇ doˆ-awˇ, Leˬbehˇkaꞈ-euˬ naˇ mehˇ-ahˇ bi geuꞈ-euˬ meh. Shuiˇ laꞈ duꞈ nyiˬ duꞈ paˇ yuˇ doˆ-awˇ, Leˬbehˇkaꞈ-euˬ laꞈ du-ahˇ nyehꞈ duꞈ nehˬ-euˬ meh.


laꞈ du-ahˇ kʼaˇ duꞈ luꞈ-eu jeˬ maˬ ehˇ, myaˆ pyawˬ-ahˇ tsahˇ kaˬ-eu jeˬ maˬ ehˇ,


Sahˬ paˬ kʼoeˇ gʼaˬ-aˬ, sahˬ paˬ-euˬ jmˬ diˬ taˬ-euˬ aˬ yawꞈ-euˬ shuiˇ laꞈ behˬ lehˆ doˆ-awˇ, Yoˇsehˆ-ahˇ bi behˬ-euˬ meh. Yoˇsehˆ-ahˇ muiˬ dui dui-eu pehˇ kʼahˬ pehˇ mahˇ bi dm-awˇ, shuiˇ lawˇ dah bi dah-euˬ meh.


‘Nawˬ da aˬ suˇ gʼaˬ-a’ lehˇ aˬ yawꞈ-ahˇ ngaˇ naˇ haˬ ngeh, ,‘Ngaˬ da-aˬ, Naˬkawˬ hawˇ-eu Miˇlaˬkah-euˬ aˬ li Beˬtuˬlaˇ meh’ lehˇ aˬ yawꞈ ehˇ-eu meh. Kʼoeˇ ngeh, aˬ yawꞈ-euˬ naˇ mehˇ-ahˇ shuiˇ laꞈ behˬ bi geuꞈ-awˇ, aˬ yawꞈ-euˬ laꞈ du-ahˇ shuiˇ laꞈ duꞈ nyehꞈ duꞈ nehˬ-euˬ ma.


Dawˬ kʼoeˇ deuˬ nawˬ-euˬ uˬ duˬ-ahˇ geuꞈ luꞈ-eu aˇ yehˆ hawˇ-eu, nawˬ-euˬ kawˬ lahˇ-ahˇ dah luꞈ-eu lahˇ dah loꞈ-ehˇ, nawˬ-ahˇ bi haw jaˬ-eu meh.


Kʼaˇ shuiꞈ deh ga miˇ kʼahˬ paw neh oe-euˬ, kʼaˇ dehꞈ mawꞈ-eu dehꞈ-eu tsawˇ haˬ deuˬ kʼoeˇ gaˇ byawˬ gʼa luꞈ-eu teˇ saˇ, lawꞈ lawꞈ-ehˇ jaˆ-eu meh. Zaˬ miˬ zaˬ kʼoeˇ nyiˬ mehˇ nmˇ-ahˇ aˬ yawꞈ maꞈ laꞈ duꞈ nyehꞈ duꞈ nehˬ-awˇ, uˬ duˬ-ahˇ haw muiˬ dui dui-eu shuiˇ uˬ kʼoˆ bi kʼoˆ-euˬ meh.


Kʼoeˇ miˇ neh, nga maꞈ yawˬ gʼaˬ na luꞈ yawˬ ha neh za-euˬ shuiˇ myawˬ guˇ deuˬ, laꞈ duꞈ deuˬ, naˇ mehˇ naˇ yoˆ deuˬ, laꞈ behˬ deuˬ, naˬ bawˇ naˬ yoˆ deuˬ hawˇ-eu lahˇ dah deuˬ yuˇ laꞈ-awˇ, Sahˬpaˬ Miˬyehˇ nga maꞈ-ahˇ haw piˇ nehˬ laꞈ ni, nga maꞈ-euˬ saꞈ laˇ aˇ poeˬ aˬ yawꞈ-ahˇ damˬ nehˬ-eu ma.”


aˬ yuiꞈ aˬ tsu kʼoeˇ nyiˬ tseˇ oeˬ gʼaˬ, dzoeˬ dzaˬ nuiˇ mahˬ kʼoeˇ taˆ nuiˇ luꞈ-eu gʼaˬ mehˬ shi awˆ byaˆ-awˇ, mˬ maˬ maˬ byaˆ zaˇ ziˇ dehꞈ-eu gʼaˬ pyeuꞈ-eu aˬ yawꞈ-ahˇ uˬ duˬ tahˬ-eu meh. Dzoeˬ dzaˬ nuiˇ mahˬ mehˬ shi aˬ yawꞈ maꞈ shuiˇ uˬ kʼoˆ dzeh taˬ-awˇ,


Dzoeˬ dzaˬ nuiˇ mahˬ kʼoeˇ-euˬ tiˬ jawˬ, dzoeˬ dzaˬ nuiˇ mahˬ nyiˬ tseˇ oeˬ mahˬ jaˆ-awˇ, mehˬ tsoeˬ yaw pyuˇ dm-awˇ shuiˇ uˬ kʼoˆ kʼoˆ luꞈ-eu aˬ yuiꞈ aˬ tsu nyiˬ tseˇ oeˬ gʼaˬ nuiˇ luꞈ-eu meh.


Nawˇ ya daˬ-eu lehˇ gʼeh-eu kʼehˬ-eu kʼaˆ-eu jeˬ-ahˇ taˬ guˆ. Nehꞈ sahˬ paˬ-aˬ, nawˬ-euˬ tsawˇ haˬ tiˬ paˆ na deuˬ-ahˇ tawˬ-ahˇ dawˆ-eu laꞈ kʼoeˇ lawˬ haw-awˇ, tseˇ nah byah ni nawˇ shaˬ zahˬ ya mˇ tehꞈ-a. Shiˇ gaˇ keuˆ kʼawꞈ, ngaˬ-ahˇ saˇ jaˇ ziꞈ-awˬ. Kʼoeˇ loꞈ-ehˇ saˇ jaˇ ziꞈ naˇ, gʼaˬ leˇ-euˬ laꞈ sawˬ pyeuꞈ-eu dehꞈ-eu jeˬ ngaˇ nawˬ-ahˇ biꞈ ma.


Baˬlaˇ miˬ yehˇ-ahˇ bawˬ-iˬ gʼeh-awˇ, yaw saw jeˬ doꞈ damˬ-euˬ uˬ taꞈ, myawˬ guˇ geuꞈ-awˇ jahˇ gʼeh haw-awˇ, zaˬ kʼaˬ deuˬ nehˬ-ehˇ cah cah-ehˇ, ngaˬ-ahˇ aˬ yawꞈ ngehˇ-euˬ miˇ neh, aˬ yawꞈ-ahˇ ngaˇ kʼehˬ nehˬ ma lehˇ, Sahˬpaˬ Miˬyehˇ ehˇ taˬ-euˬ meh.


Beˬlaˇshaˬzaˬ neh aˬ yawꞈ-euˬ tsawˇ haˬ deuˬ-ahˇ tiˬ poˆ tehꞈ-ehˇ dawˬ biꞈ-awˇ, Daˬyeˬlaˇ-ahˇ sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, taˬ huiˬ taˬ mahˇ-eu shuiˇ shuiˇ caˆ kawˬ lahˇ-ahˇ nyehꞈ dah nehˬ-euˬ meh. Kʼoeˇ naˇ, miˇ kʼahˬ kʼoeˇ taˆ aˬ cawˬ naˆ maˬ tseˇ huiˬ-eu sahˬ paˬ smˇ gʼaˬ tiˬ gʼaˬ bi geuꞈ-euˬ meh.


Zaꞈ taˬ-euˬ gaˇ kawˆ deuˬ hawˇ-eu, naꞈ dui dui-eu dawˬ tsuiꞈ deuˬ nawˇ yuˇ doˆ nya meh lehˇ ngaˇ ya gaˬ-euˬ ma. Heu gaˇ boꞈ taˬ-euˬ sahˬ boꞈ heu nawˇ gui-awˇ ngaˬ-ahˇ dawˬ tsuiꞈ yuˇ doˆ nehˬ laꞈ nya naˇ, sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, taˬ huiˬ taˬ mahˇ-eu shuiˇ shuiˇ caˆ nawˬ-euˬ kawˬ lahˇ-ahˇ sheu dah nehˬ-awˇ, miˇ kʼahˬ heu kʼahˬ laꞈ kʼoeˇ aˬ cawˬ taꞈ-ehˇ huiˬ dzehˬ-eu sahˬ paˬ smˇ gʼaˬ tiˬ gʼaˬ bi geuꞈ ma.”


Nyiˇ paˬ shaˆ ma deuˬ hawˇ-eu mah loˬ ja maw deuˬ kuˇ laꞈ-eu gʼaˇ duˬ aˬ yawꞈ dawˬ biꞈ-euˬ meh. Aˬ yawꞈ maꞈ laˇ keuˆ ngeh, heu loꞈ-ehˇ ehˇ nehˬ-euˬ meh. “Heu gaˇ boꞈ taˬ-euˬ gaˇ kawˆ heu gui doˆ nya-awˇ, ngaˬ-ahˇ kʼaˇ dzawˇ poˆ nehˬ laꞈ nya-eu gʼaˬ-ahˇ, sahˬ paˬ dm-eu pehˇ kʼahˬ pehˇ mahˇ yaw neˇ bi dm-awˇ, kawˬ lahˇ-ahˇ taˬ huiˬ taˬ mahˇ-eu shuiˇ shuiˇ caˆ bi dah-awˇ, miˇ kʼahˬ heu kʼahˬ laꞈ kʼoeˇ aˬ cawˬ taꞈ-ehˇ huiˬ-eu sahˬ paˬ smˇ gʼaˬ tiˬ gʼaˬ bi geuꞈ-ma.”


“Gaˇ mahˇ kaˬ gaˇ jawˇ-eu tsawˇ haˬ deuˬ jawˇ gaˇ aˬ yawꞈ nyaꞈ tsawˇ haˬ pyehˬ gʼeh-awˇ bi kuˇ laˬ-iˇ-eu meh. Kʼoeˇ naˇ, aˬ yawꞈ nyaꞈ iˇ cuꞈ dzuiꞈ buˇ-awˇ, myaˆ nuiˆ lehꞈ muiˬ-awˇ, myawˬ guˇ geuꞈ-eu meh.


Yaw shehꞈ kʼahˬ sehˇ byoˆ jiˇ miˇ-a. Nga maꞈ iˬ baˇ mˇ-euˬ miˇ neh, noeˬ shaˬ noeˬ zahˬ dui dui luꞈ ma.


Aˇ nah kʼoeˇ nah keuˆ le ngeh jawˇ, Baoˬ huiˬ-eu Sahˬpaˬ Miˬyehˇ-aˬ, dzeuˇ-iˇ-euˬ aˬ yawꞈ-euˬ tsawˇ haˬ deuˬ gʼaˇ duˬ, kʼahˬ sehˇ jaˆ-eu aˇ yehˆ uˬ kʼoˆ loꞈ-ehˇ pyeuꞈ tehꞈ-a.


laꞈ noeˇ-ahˇ behˬ luꞈ-eu laꞈ behˬ hawˇ-eu, naˇ mehˇ-ahˇ geuꞈ luꞈ-eu naˇ mehˇ naˇ yoˆ maˬ ehˇ,


Ngaˇ gaˬ-eu gʼaˬ-oˇ, nawˬ-euˬ myaˆ nuiˆ haw cawˬ laˇ ngeh, ngaˬ-euˬ myaˆ nuiˆ kʼeuꞈ doˆ geuꞈ gaˇ duˇ nya. Nawˬ-euˬ kawˬ lahˇ-ahˇ dah luꞈ-eu lawˇ dah-ahˇ haw ngeh, ngaˬ-euˬ nui ma-ahˇ deuˬ laˇ nya.


Nawˬ-euˬ baˬ ba kʼoeˇ taˆ jaˆ-eu uˬ duˬ tsehˇ kahˇ muiˬ dui dui-awˇ, shuiˇ caˆ sehˇ caˆ loꞈ-ehˇ kawˬ lahˇ kʼoeˇ taˆ ga gʼeu-eu meh.


Naˇ haˬ geuꞈ mawꞈ-eu tsawˇ haˬ tiˬ gʼaˬ yahˇ nya ni, siˬ duˬ mawˇ duˬ haw-euˬ gʼaˬ neh mehˬ nehˬ tsoˆ nehˬ-euˬ dawˬ-aˬ, muiˬ dui dui-eu shuiˇ neh jahˇ taˬ-euˬ laꞈ behˬ hawˇ-eu myawˬ guˇ naˆ maˬ tseˇ aˇ poeˬ kʼaˆ-eu meh.


Aˬ yawꞈ nawˬ-ahˇ aˇ yehˆ uˬ kʼoˆ bi kʼoˆ nehˬ laꞈ-awˇ, muiˬ dui dui-eu shuiˇ uˬ kʼoˆ biꞈ laꞈ tehꞈ-a.


Yawˇbaˆ-euˬ mehˇ nmˇ deuˬ, dmˇ ma deuˬ hawˇ-eu cawˬ deuˬ aˬ yawꞈ jawˇ gaˇ dawˬ deh gʼa laˇ-awˇ, aˬ yawꞈ-euˬ nymˇ laꞈ kʼoeˇ aˬ yawꞈ nehˬ-ehˇ dzaˬ taꞈ dawˇ taꞈ-euˬ meh. Sahˬpaˬ Miˬyehˇ neh aˬ yawꞈ kʼoeˇ taˆ bi keuˆ le-euˬ shaˬ zahˬ dawˬ tawˆ luꞈ gʼaˇ duˬ, aˬ yawꞈ maꞈ aˬ yawꞈ-ahˇ gʼawˬ shaˬ gaˬ-euˬ gaˇ kawˆ ja doˆ-awˇ, aˬ yawꞈ-ahˇ gʼaˬ biꞈ-euˬ meh. Yawˬ gʼaˬ yawˬ na luꞈ, pyuˇ ui cuiˆ hawˇ-eu shuiˇ laꞈ behˬ tiˬ behˬ aˬ yawꞈ-ahˇ biꞈ-euˬ meh.


Zaˬ miˬ aˬ buˇ zaˬ guˬ dawˬ tawˆ luꞈ laꞈ kʼoeˇ, aˬ yawꞈ-ahˇ sahˬ paˬ mawꞈ dzehˬ leˇ-awˇ, dawˬ tawˆ luꞈ naˆ maˬ tseˇ aˬ yawꞈ-ahˇ gaˬ dzehˬ-euˬ meh. Aˬ yawꞈ-euˬ uˬ duˬ-ahˇ sahˬ paˬ miˬ zaˬ kʼoˆ-eu shuiˇ uˬ kʼoˆ nyehꞈ kʼoˆ nehˬ-awˇ, Baˬshaˬtiˇ-euˬ dah zaˇ sahˬ paˬ miˬ zaˬ bi geuꞈ-euˬ meh.


Ehˇ kʼawꞈ, aˬ yawꞈ heu loꞈ-ehˇ paˇ ehˇ-eu meh. “Naw maꞈ-ahˇ ngaˇ heu loꞈ-ehˇ shaˇ-eu ma. Naw maꞈ yawˬ gʼaˬ na luꞈ, yawˬ ha neh yuˇ taˬ-euˬ naˬ bawˇ naˬ yoˆ ngaˬ-ahˇ biꞈ laꞈ-awˬ.” (Miˇdiˬyaˬ tsawˇ haˬ deuˬ kʼawꞈ, nahˇ ma doˆ kʼehˬ paw jawˇ-eu tsawˇ jeuˬ deuˬ loꞈ-ehˇ, shuiˇ naˬ bawˇ naˬ yoˆ geuꞈ-eu meh.)


Aˬ yawꞈ-euˬ uˬ duˬ-ahˇ uˬ dzahˬ bi dzahˬ-awˇ, Sahˬpaˬ Miˬyehˇ neh dawˬ biꞈ taˬ-eu loꞈ-ehˇ, a nehˬ-eu gaˇ taꞈ leˇ-eu muiˬ-eu shawˇ-eu saˇ kiˇ pyeuꞈ-eu muiˬ-eu shawˇ-eu shuiˇ pehˇ gʼawˆ yuˇ-awˇ, uˬ dzahˬ-euˬ mehˬ shi paꞈ tawꞈ nehˬ-euˬ meh.


Kʼaˬ dzeˇ zaˬ maˬ ehˇ, zaˬ miˬ zaˬ maˬ ehˇ, nui ma keuˆ-eu tsawˇ haˬ yawˬ gʼaˬ na luꞈ, aˇ boꞈ boꞈ taˬ-euˬ taꞈ cmˬ deuˬ, shuiˇ naˬ bawˇ naˬ yoˆ deuˬ, shuiˇ laꞈ behˬ deuˬ, lahˇ dah deuˬ hawˇ-eu, kʼaˇ jaˆ-eu shuiˇ myawˬ guˇ deuˬ yuˇ laꞈ-awˇ, Sahˬpaˬ Miˬyehˇ-ahˇ damˬ nehˬ-euˬ meh.


Kʼoeˇ ngeh, “Naw maꞈ-euˬ miˬ zaˬ deuˬ hawˇ-eu aˬ buˇ aˬ li deuˬ geuꞈ luꞈ-eu shuiˇ naˬ bawˇ naˬ yoˆ deuˬ lehˆ doˆ-awˇ, ngaˇ jawˇ gaˇ yuˇ laꞈ-awˬ” lehˇ, aˬ yawꞈ maꞈ-ahˇ Aˬloˬ ehˇ nehˬ-euˬ meh.


Kʼoeˇ ngeh, tahˬ pahˬ aˬ ma mawˇ kawˇ dawˬ tawˆ luꞈ hawˇ-eu, aˬ yawꞈ maꞈ-euˬ naˬ bawˇ naˬ yoˆ deuˬ, Yaˬkoˆ-ahˇ aˬ yawꞈ maꞈ biꞈ nehˬ-euˬ meh. Myawˬ kʼoeˇ deuˬ-ahˇ Yaˬkoˆ yuˇ-awˇ, Sheˬkmˬ meuˬ dawˬ peh bawˇ-eu tsuiꞈ kaˆ aˇ bawˇ dawˬ pehˬ-ahˇ duˬ pahˬ yaꞈ-euˬ meh.


Kʼoeˇ naˇ, dm gʼaˬ dm lmˇ hawˇ-eu pyuˇ myawˬ guˇ, shuiˇ myawˬ guˇ deuˬ aˬ yawꞈ yuˇ doˆ-awˇ, Leˬbehˇkaꞈ-ahˇ biꞈ-euˬ meh. Leˬbehˇkaꞈ-euˬ aˬ mahˇ aˬ da hawˇ-eu aˬ ma gʼaˬ-ahˇ kʼawꞈ, aˇ poeˬ kʼaˆ-eu myawˬ deuˬ aˬ yawꞈ biꞈ-euˬ meh.


Ngaˬ neh biꞈ-euˬ pyuˇ hawˇ-eu shuiˇ myawˬ guˇ deuˬ neh, kʼaˬ dzeˇ zaˬ tahˬ pahˬ aˬ ma mawˇ kawˇ nawˇ jahˇ-awˇ, kʼoeˇ nehˬ-ehˇ nawˇ bahˬ-euˬ meh.


Swiv nou:

Piblisite


Piblisite