Yeˬsaˬgeˬlaˇ 16:10 - Akha

¹⁰ Aˇ boꞈ aˇ yehˆ yehˆ taˬ-euˬ pi di di mahˇ bi dm-awˇ, muiˬ dui dui-eu shaˬ kʼoˆ neh guꞈ taˬ-euˬ sehˬ nawˆ bi nawˬ-euˬ ma. Shawˇ jehˆ ni gʼeh-eu saˬ paˇ neh guꞈ taˬ-euˬ uˬ dzahˬ bi dzahˬ-awˇ, boeˬ kahˇ neh zaꞈ taˬ-euˬ pehˇ kʼahˬ bi dm-euˬ ma.

Yeˬsaˬgeˬlaˇ 16:10 Referans Kwoze

Yeˬsaˬgeˬlaˇ 16:18

Ngaˬ neh biꞈ-euˬ aˇ boꞈ aˇ yehˆ yehˆ-eu mehˬ tsoeˬ deuˬ, tahˬ pahˬ aˬ ma mawˇ kawˇ kʼoeˇ deuˬ-ahˇ nawˇ sheu lahˇ-awˇ, ngaˬ neh biꞈ-euˬ saˬ loˬ tsiˇ hawˇ-eu tsiˇ yaw saw jeˬ neh doꞈ damˬ nehˬ-euˬ meh.

Yeˬsaˬgeˬlaˇ 16:13

Pyuˇ hawˇ-eu shuiˇ myawˬ guˇ deuˬ nawˇ geuꞈ byah luꞈ-awˇ, shawˇ jehˆ ni gʼeh-eu saˬ paˇ neh guꞈ-awˇ, aˇ boꞈ aˇ yehˆ yehˆ taˬ-euˬ muiˬ dui dui-eu mehˬ tsoeˬ hawˇ-eu, boeˬ kahˇ neh zaꞈ taˬ-euˬ mehˬ tsoeˬ tehꞈ-ehˇ aˬ myah luꞈ nawˇ dm-euˬ meh. Muiˬ dui dui-eu cehˇ meu neh jahˇ taˬ-euˬ kaˬ muˇ nawˇ ya dzaˬ-awˇ, byaˬ byaˬ uiˇ hawˇ-eu saˬ loˬ tsiˇ tiˬ jawˇ-iˬ maˬ tsehˆ-iˇ haw-aˬ. Nawˇ aˇ dzehˬ dzeuˇ ni aˇ gʼehˇ muiˬ-awˇ, sahˬpaˬ-euˬ miˬ zaˬ loꞈ-ehˇ keuˆ leˇ taˬ-euˬ meh.

Iˇsaˬyaˇ 61:10

Sahˬpaˬ Miˬyehˇ mˇ-euˬ gaˇ-ahˇ, Yeˬluˇsaˬlehˬ meuˬ laˬ kʼaˬ cehˇ-eu meh. Yeˬluˇsaˬlehˬ meuˬ-euˬ muiˬ-eu aˇ gʼehˇ, oeˇ mˇ baˇ-eu mehˬ tsoeˬ dm-euˬ zaˬ miˬ-ahˇ duˇ-eu meh. Ka kʼoꞈ-eu jeˬ hawˇ-eu gʼaˬ leˇ-eu jeˬ, Miˬyehˇ aˬ yawꞈ-ahˇ bi dm taˬ-euˬ meh.

Doˆ-iˇ 26:36

“Nyoeˇ leuˬ leuˬ-eu, neˇ naˆ naˆ-eu hawˇ-eu neˇ tseuˆ ni gʼeh-eu saˬ kahˇ deuˬ neh zaꞈ-awˇ, aˇ boꞈ boꞈ taˬ-euˬ shawˇ jehˆ ni gʼeh-eu saˬ paˇ paˇ ma yuˇ-awˇ, sehˬ gʼawˆ gʼoˆ kʼehˬ-ahˇ sheu taw taˬ-awˬ.

Panmaeq 19:8

Dahˬ dzaˬ-iˇ-eu zaˬ miˬ gʼaˬ-ahˇ, yaw shehꞈ bya-eu paˇ pyuˇ paˇ shawˇ, bi dm-eu lehˇ jahˇ taˬ-euˬ meh.” (Paˇ pyuˇ paˇ shawˇ kʼoeˇ-aˬ, Miˬyehˇ-euˬ tsawˇ haˬ deuˬ neh mˇ-euˬ yaw tsaˬ yaw dawˇ jeˬ-euˬ dawˬ tsuiꞈ pyeuꞈ-eu meh.)

Luˇkaꞈ 15:22

Ehˇ kʼawꞈ, aˬ da gʼaˬ aˬ yawꞈ-euˬ zaˬ kʼaˆ deuˬ-ahˇ kuˇ-awˇ ehˇ-eu, ‘Aˬ cawˬ naˆ maˬ tseˇ muiˬ dzehˬ-eu pehˇ kʼahˬ pehˇ mahˇ yuˇ leꞈ-awˇ ngaˬ li-ahˇ yaw kawˇ-ehˇ bi dm sheˇ. Laꞈ behˬ gʼeh bi behˬ-awˇ, sehˬ nawˆ gʼeh bi nawˆ-awˬ.

Yeˬsaˬgeˬlaˇ 27:16

Suˇliˆ tsawˇ haˬ deuˬ nawˬ nehˬ-ehˇ jeˬ gaꞈ jeˬ ka gʼeh-awˇ, nawˬ neh jahˇ doˆ-euˬ myawˬ gahˬ deuˬ zeuˇ-euˬ meh. Nawˬ-euˬ myawˬ gahˬ deuˬ paˇ geuꞈ-eu gʼaˇ duˬ, nyoeˇ naˆ naˆ-eu kʼaˬ lo sehˇ, neˇ nyoeˇ nyoeˇ-eu saˬ paˇ, aˇ boꞈ aˇ yehˆ yehˆ taˬ-euˬ saˬ paˇ, muiˬ dui dui-eu shawˇ jehˆ ni gʼeh-eu saˬ paˇ, laˆ shaˆ kʼaˬ lo aˇ yehˆ, neˇ tseuˆ ni gʼeh-eu kʼaˬ lo sehˇ heu deuˬ, aˬ yawꞈ maꞈ yuˇ leꞈ-euˬ meh.

Iˇsaˬyaˇ 61:3

Ziˇoˬ meuˬ-ahˇ ngoeˇ luꞈ-eu tsawˇ haˬ deuˬ, nui noeˬ shaˬ-eu dah zaˇ laˬ kʼaˬ cehˇ laˇ nya ni, shaˬ zahˬ mˇ-eu dah zaˇ ja ceuˬ-eu caˇ dawˬ caˇ nya ni, aˬ yawꞈ ngaˬ-ahˇ pyehˬ leꞈ-euˬ meh. Aˬ yawꞈ maꞈ Sahˬpaˬ Miˬyehˇ neh ka-euˬ aˇ bawˇ-ahˇ duˇ tehꞈ-a. Aˬ yawꞈ maꞈ dawˬ tawˆ yaw tsaˬ yaw dawˇ jeˬ mˇ-eu miˇ neh, Miˬyehˇ-ahˇ aˬ cawˬ ya ja ceuˬ tehꞈ-a.

Doˆ-iˇ 28:5

Nyoeˇ leuˬ leuˬ-eu, neˇ naˆ naˆ-eu hawˇ-eu, shawˇ jehˆ ni gʼeh-eu saˬ paˇ, shuiˇ saˬ kahˇ hawˇ-eu shawˇ jehˆ ni gʼeh-eu saˬ paˇ heu deuˬ-ahˇ, dm gʼaˬ dm lmˇ guꞈ-eu paw zaˬ siˬ tsawˇ gahˇ ahˇ-eu tsawˇ haˬ deuˬ ya zmˬ meh.

Doˆ-iˇ 26:14

“Sehˬ gʼawˆ-ahˇ dehˬ kaˬ-eu gʼaˇ duˬ, naˬ yawˬ neˇ taˬ-euˬ yawˇ baˆ kʼoˆ hawˇ-eu, kʼoeˇ taˆ tiˬ tiˆ paˇ dehˬ kaˬ-eu gʼaˇ duˬ, shawˇ jehˆ ni gʼeh-eu shaˬ kʼoˆ guꞈ-awˬ.

Aˇ dahˬ 41:42

Sahˬ paˬ kʼoeˇ gʼaˬ-aˬ, sahˬ paˬ-euˬ jmˬ diˬ taˬ-euˬ aˬ yawꞈ-euˬ shuiˇ laꞈ behˬ lehˆ doˆ-awˇ, Yoˇsehˆ-ahˇ bi behˬ-euˬ meh. Yoˇsehˆ-ahˇ muiˬ dui dui-eu pehˇ kʼahˬ pehˇ mahˇ bi dm-awˇ, shuiˇ lawˇ dah bi dah-euˬ meh.

Panmaeq 21:2

Kʼoeˇ ngeh, Muiˬ-eu shawˇ-eu Meuˬ pyeuꞈ-eu Yeˬluˇsaˬlehˬ meuˬ-aˬ, smˇ miˇ iˇ-eu lehˇ gʼeh-eu zaˬ miˬ zaˬ tiˬ gʼaˬ yawˬ ha-euˬ kʼaˬ dzeˇ zaˬ jawˇ gaˇ iˇ-eu lehˇ dm gʼaˬ dm lmˇ tiˬ kuꞈ dm-awˇ lehˬ hmˬ taˬ-euˬ loꞈ-ehˇ, mˬ-ahˇ Miˬyehˇ jawˇ gaˇ neh zaꞈ ka le-euˬ meh.

Panmaeq 18:12

A yawꞈ maꞈ-euˬ shuiˇ deuˬ, pyuˇ deuˬ, aˇ poeˬ kʼaˆ-eu kʼaˬ lo sehˇ deuˬ, aˇ caˇ caˇ kʼawꞈ sehˇ deuˬ, shawˇ jehˆ ni gʼeh-eu saˬ paˇ paˇ pyuˇ deuˬ, neˇ naˆ naˆ-eu saˬ paˇ deuˬ, boeˬ saˬ paˇ deuˬ, poeˬ dui dui-eu daˇ kawˬ deuˬ, ya ma juiˇ hawˇ-eu aˇ poeˬ kʼaˆ-eu daˇ kawˬ neh jahˇ taˬ-euˬ mˇ myawˬ deuˬ, guiˬ shuiˇ, shmˇ hawˇ-eu lo pyuˇ neh jahˇ taˬ-euˬ mˇ myawˬ deuˬ,

Yeˬsaˬgeˬlaˇ 27:7

Iˇjiˇtuˆ-euˬ saˬ paˇ paˇ shawˇ, aˇ boꞈ aˇ yehˆ yehˆ-awˇ guꞈ-euˬ, nawˬ-euˬ saˇ baoˬ saˬ paˇ kʼoeˇ-ahˇ, gaˇ mahˇ jawˇ-awˇ haw siˬ nya meh. Nawˬ-euˬ saˇ baoˬ joe shmˇ-euˬ-aˬ, Guˇbaˬluˇ-ahˇ neh yuˇ leꞈ-euˬ, neˇ nyoeˇ nyoeˇ-eu saˬ paˇ neh meh.

Yeˬsaˬgeˬlaˇ 26:16

Iˬ ma laˆ shaˆ paw kʼaˇ jawˇ-eu sahˬ paˬdawˬ tawˆ luꞈ sahˬ paˬ-euˬ nuiˇ mahˬ-ahˇ byehˇ-awˇ, pehˇ kʼahˬ pehˇ mahˇ hawˇ-eu aˇ boꞈ aˇ yehˆ yehˆ taˬ-euˬ mehˬ tsoeˬ deuˬ lehˆ dzeh-awˇ, yaw dzuˬ dzuˬ dzuˬ-ehˇ miˇ tsa ga nuiˇ tehꞈ-a. Nawˇ guiˬ lahˬ doeˇ gaˇ aˬ yawꞈ maꞈ haw guˆ-awˇ, yaw dzuˬ dzuˬ-eu maˬ naˬ leˇ nya-ehˇ shaˬ tehꞈ-a.

Yeˬsaˬgeˬlaˇ 16:7

Deh ga-ahˇ dehꞈ-eu baw duˆ loꞈ-ehˇ, nawˬ-ahˇ ngaˇ bi mehˇ laˇ-euˬ ma. Nawˇ goˇ laˇ loˆ laˇ-awˇ, miˬ daꞈ daꞈ laˇ-euˬ meh. Nawˬ-euˬ kʼahˬ dzm laˇ-awˇ, uˬ duˬ tsehˇ kʼahˇ mahˇ le-euˬ meh. Ehˇ kʼawꞈ, nawˇ neˇ myawˆ ni jawˇ-a siˬ.

Dawqdaq 31:22

Aˬ yawꞈ yuꞈ zaˇ kʼawˬ daˬ yaw muiˬ paˬ-ehˇ guꞈ taˬ-awˇ, neˇ tseuˆ ni gʼeh-eu muiˬ dui dui-eu mehˬ tsoeˬ deuˬ dm-eu meh.

Doˆ-iˇ 25:5

naˬ yawˬ neˇ taˬ-euˬ yawˇ aˬ buˬ-euˬ baˆ kʼoˆ, aˬkaˬshaˇ daˇ kawˬ,

Jaceuq 45:15

Laˬ kʼaˬ cehˇ dui dui-eu laꞈ kʼoeˇ aˬ yawꞈ maꞈ laˇ-awˇ, sahˬ paˬ-euˬ nymˇ-ahˇ uˇ leˇ-eu meh.

Iˇsaˬyaˇ 3:23

shaˬ jiˇ mawˇ laˇ-eu pehˇ kʼahˬ maˬ ehˇ, paˇ jeh maˬ ehˇ, uˬ boeˬ maˬ ehˇ, myaˆ pyawˬ-ahˇ tsahˇ kaˬ-eu paˇ dzeh dzeh mahˇ maˬ ehˇ, bi yuˇ dzeh jiˇ tehꞈ-a.