Yeˬsaˬgeˬlaˇ 15:2 - Akha

² “Tsawˇ haˬ zaˬ-oˇ, aˬ gaꞈ baw duˆ tiˬ duˆ, aˇ bawˇ tiˬ bawˇ-ahˇ aˬ joˆ-ehˇ shaˇ cehˆ nya nmˇ. Aˬ gaꞈ ciˇ ni ni zaˬ tiˬ ni-aˬ, aˇ bawˇ sahˬ kʼaˆ-ahˇ dehꞈ-eu aˇ bawˇ tiˬ bawˇ-ahˇ ciˬ cehˆ haw naˇ, aˬ jeˬ gaˇ dahˇ tsoeˬ nmˇ.

Yeˬsaˬgeˬlaˇ 15:2 Referans Kwoze

Hawˇseˬ 10:1

Iˇsaˬleˬlaˆ tsawˇ haˬ deuˬ-aˬ, aˇ siˬ tiˬ byah ni siˬ luꞈ-eu, aˬ gaꞈ baw duˆ-ahˇ duˇ-eu meh. Ngehˬ-ehˇ dehꞈ dzaˬ laˇ naˇ ngehˬ-ehˇ, lawˇ duˬ gʼawˬ mya ni tsoˆ lahˬ-awˇ, ngehˬ-ehˇ jaˆ laˇ naˇ ngehˬ-ehˇ, uˬ duˬ tahˬ-eu kʼaˬ lo kʼawˇ zeuˇ, muiˬ dui dui ni laˆ saˆ-eu meh.

Yeˬlaˬmiˇ 2:21

Muiˬ dui dui-eu aˇ nuiˆ pahˬ-awˇ ka-euˬ aˬ gaꞈ baw duˆ loꞈ-ehˇ, nawˬ-ahˇ ngaˇ ka-euˬ ma. Ehˇ kʼawꞈ, nymˬ-mˇ nawˬ-ahˇ haw ngeh, buꞈ-iˇ-awˇ gaˇ dahˇ maˬ tsoeˬ-eu aˬ gaꞈ baw duˆ-ahˇ duˇ-eu meh.

Dawˬ caˇ 7:12

Aˇ nyaꞈ uˬ shawˬ yaw naꞈ-ehˇ tuˇ-awˇ, aˬ gaꞈ baw nmˬ nmˬ laˇ ngaˬ loˇ lehˇ haw-iˇ kaˇ-euˇ. Aˇ cuˬ cuˬ laˇ ngaˬ loˇ lehˇ haw-iˇ kaˇ-euˇ. Aˇ ka uˆ aˇ bawˇ aˇ yehˆ yehˆ laˇ ngaˬ loˇ lehˇ haw-iˇ kaˇ-euˇ. Kʼoeˇ gaˇ, ngaˬ-euˬ nui gaˬ nawˬ-ahˇ biꞈ ma.

Dawˬ caˇ 6:11

Aˬ laˬ moˬ aˇ bawˇ yaw kaˬ-ahˇ ngaˇ oe ka-euˬ ma. Deh kʼawꞈ-ahˇ dehꞈ laˇ-euˬ bawˇ byeꞈ deuˬ-ahˇ haw le-euˬ ma. Aˬ gaꞈ baw nmˬ nmˬ laˇ gaˇ haw le-euˬ ma. Aˇ ka uˆ aˇ bawˬ aˇ yehˆ yehˆ gaˇ haw le-euˬ ma.

Dawˬ caˇ 2:15

Kʼaˬ yehˇ deuˬ-ahˇ nyehꞈ-awˬ. Aˇ yehˆ yehˆ luꞈ-eu aˬ dui-euˬ aˬ gaꞈ yaˇ kmˇ maˬ bi laˆ cawˆ mi naˆ-ehˇ, kʼaˬ yehˇ zaˬ kʼoeˇ deuˬ-ahˇ nyehꞈ-awˬ.

Zaˬkaˬliˇ 11:2

Guˇ baˬ luˇ aˇ bawˇ deuˬ ngoeˇ-awˬ. Shuˬ liˇ aˇ bawˇ coˬ jiˇ-euˬ meh. Muiˬ-eu poeˬ-eu aˇ bawˇ kʼoeˇ deuˬ, byoˆ-iˇ cawˆ-iˇ jiˇ shaw-euˬ meh. Baˬshaˬ tsuiꞈ kaˆ aˇ bawˇ deuˬ-oˇ, sahˬ kʼaˆ kʼaˆ ma teˬ byoˆ-euˬ gaˇ, myaˆ biˇ doˆ-awˇ ngoeˇ dui dui-awˬ.

Miˇkaˬ 3:12

Naw maꞈ baˬ da neh Yeˬluˇsaˬlehˬ meuˬ-ahˇ deh yaˇ tsehˬ-eu loꞈ-ehˇ bi tsehˬ-awˇ, kʼaˬ lo tsaˬ byaˆ yaw cawˆ deuˬ baꞈ bymˇ taˬ-euˬ loꞈ-ehˇ jaˆ tehꞈ-a. Uˬ duˬ tahˬ nymˇ nymˇ ma jaˆ-eu gawˬ duˇ kʼoeˇ duˇ kʼawꞈ, yaˇ saˬ kʼehˬ ma loꞈ-ehˇ pyeuꞈ-iˇ tehꞈ-a.

Iˇsaˬyaˇ 44:23

Mˬ-oˇ, laˬ kʼaˬ cehˇ-awˇ guˇ-awˬ. Miˇ tsaˬ yaw naꞈ tsahˇ-oˇ, guˇ-awˬ. Gawˬ jawˬ deuˬ laˬ kʼaˬ cehˇ-awˇ yaw kʼaˆ-ehˇ guˇ-awˬ. Sahˬ kʼaˆ-ahˇ kʼaˇ dehꞈ-eu aˇ bawˇ yawˬ bawˇ na luꞈ guˇ-awˬ. Iˇsaˬleˬlaˆ tsawˇ jeuˬ-ahˇ Sahˬpaˬ Miˬyehˇ ka kʼoꞈ-eu laꞈ kʼoeˇ, aˬ yawꞈ huiˬ-eu mahˇ-eu gaˇ kawˆ bi mawˇ-euˬ meh.

Dawˬ caˇ 2:13

Siˬ guˬ aˇ siˬ awꞈ yamˬ keuˆ laˇ-awˇ, jaˬ lehˇ baw ngeh aˬ gaꞈ aˇ yehˆ saw dui dui nya. Ngaˇ gaˬ-eu gʼaˬ-oˇ, laˇ-awˬ. Ngaˬ-euˬ zaˬ kʼaˬ-oˇ, ngaˬ nehˬ-ehˇ laˇ-awˬ.

Yeˬsaˬgeˬlaˇ 15:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬsaˬgeˬlaˇ 15:3

Aˬ gaꞈ ciˇ ni kʼoeˇ nawˇ yuˇ-awˇ tiˬ jeˬ paˬ jahˇ gaˇ geuꞈ nya te loˇ. Daˇ taꞈ geuꞈ-awˇ tiˬ jeˬ paˬ ciˬ ceuˬ nya ta loˇ.

Yeˬsaˬgeˬlaˇ 19:12

Ehˇ kʼawꞈ nui ma pehˇ-eu jeˬ neh gʼawˇ lehˆ-awˇ biˬ dzeh nehˬ-euˬ meh. Nahˇ ma doˆ kʼehˬ paw neh oe-euˬ lahˇ dui dui-eu jaˬ lehˇ baˬ da, aˇ siˬ nyoeˬ jiˇ koˆ jiˇ-euˬ meh. Uˬ pyaˬ uˬ laꞈ koˆ-iˇ jiˇ-awˇ, miˬ dzaˬ bi keuˬ puiˆ dzeh-euˬ meh.