Yeˬsaˬgeˬlaˇ 14:8 - Akha

⁸ Aˬ yawꞈ-ahˇ ngaˇ myaˆ maˬ haw cawˬ nehˬ ni, aˬ yawꞈ-ahˇ haw-awˇ aˬ cawˬ-ahˇ siˬ leˇ paˬ-ehˇ ngaˇ jahˇ nehˬ ma. Ngaˇ Sahˬpaˬ Miˬyehˇ pyeuꞈ-eu naw maꞈ-ahˇ siˬ leˇ ni, ngaˬ-euˬ tsawˇ haˬ-euˬ baꞈ dzah laꞈ kʼoeˇ, aˬ yawꞈ-ahˇ paˬ tseuˆ tseuˆ dzeh nehˬ ma.

Yeˬsaˬgeˬlaˇ 14:8 Referans Kwoze

Yeˬsaˬgeˬlaˇ 15:7

Aˬ yawꞈ maꞈ-ahˇ ngaˇ myaˆ haw maˬ cawˬ nehˬ. Aˬ yawꞈ maꞈ miˬ dzaˬ-ahˇ cehˆ dzeuˇ-euˬ kʼawꞈ, miˬ dzaˬ neh paˇ bi puiˆ dzaˬ tehꞈ-a. Aˬ yawꞈ maꞈ-ahˇ ngaˇ kʼehˬ nehˬ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ ya siˬ duˬ tehꞈ-a.

Yeˬsaˬgeˬlaˇ 5:15

“Nawˬ-ahˇ ngaˇ nui ma pehˇ-awˇ kʼehˬ nehˬ kʼaˆ nehˬ ngeh, nawˬ-euˬ tiˬ jawˬ jawˇ-eu tsawˇ jeuˬ dawˬ tawˆ luꞈ tsawˬ guˆ-iˇ tehꞈ-a. Aˬ yawꞈ maꞈ nawˬ-ahˇ nui daˆ daˆ-awˇ, ja bu ja doeˇ tehꞈ-a.

Yeˬlaˬmiˇ 44:11

“Kʼoeˇ miˇ neh, Iˇsaˬleˬlaˆ-euˬ Miˬyehˇ pyeuꞈ-eu ngaˇ Baoˬ huiˬ-eu Sahˬpaˬ Miˬyehˇ, naw maꞈ kʼoeˇ taˆ luˬ-iˇ seˇ-iˇ-eu jeˬ bi keuˆ le-eu laꞈ kʼoeˇ, Yuˇdaˆ miˇ kʼahˬ kʼahˬ lah ni-ahˇ laˆ cawˆ ma.

Yeˬsaˬgeˬlaˇ 6:7

Yawˬ gaˇ na luꞈ tsawˇ haˬ shiˇ-awˇ, maˬ shiˇ-ehˇ kʼaˇ dzeˇ-eu deuˬ, ngaˇ Sahˬpaˬ Miˬyehˇ pyeuꞈ-eu gaˇ kawˆ siˬ duˬ tehꞈ-a.

Iˇsaˬyaˇ 65:15

Ngaˬ neh tseˇ doˆ-euˬ deuˬ yaˬ kʼehˇ yaˬ ngeh, naw maꞈ-euˬ tsawˇ myahˇ zmˬ tehꞈ-a. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, shiˇ-eu jeˬ-ahˇ naw maꞈ kʼoeˇ taˆ bi keuˆ le ma. Ehˇ kʼawꞈ, ngaˬ-euˬ ehˇ dawˬ naˇ haˬ geuꞈ-eu deuˬ-ahˇ, tsawˇ myahˇ yaw shuiꞈ myahˇ paˇ nehˬ ma.

Dawˬmehˬ 28:37

Sahˬpaˬ Miˬyehˇ neh naw maꞈ-ahˇ bi cehˆ byaˆ-euˬ miˇ kʼahˬ-ahˇ jawˇ-eu tsawˇ haˬ deuˬ, naw maꞈ kʼoeˇ taˆ kʼoeˇ loꞈ-ehˇ keuˆ le-euˬ gaˇ ya mawˇ ngeh, tsawˬ guˆ-iˇ dui dui tehꞈ-a. Naw maꞈ gaˇ kawˆ aˬ yawꞈ maꞈ ja uiˇ niˇ gʼa-awˇ, naw maꞈ-ahˇ ja bu ja doeˇ tehꞈ-a.

Uˬ duˬ 17:10

Iˇsaˬleˬlaˆ tsawˇ haˬ maˬ ehˇ, aˬ yawꞈ maꞈ nehˬ-ehˇ jawˇ luꞈ-eu boeˇ miˬ siˬ kʼaˬ deuˬ maˬ ehˇ, tsawˇ haˬ tiˬ gʼaˬ na, shiˬ maˬ dzeˇ-eu shaˬ jiˇ dzaˬ naˇ, tsawˇ haˬ kʼoeˇ gʼaˬ-ahˇ Sahˬpaˬ Miˬyehˇ byehˇ dzeh-awˇ, aˬ yawꞈ-euˬ tsawˇ haˬ lehˇ maˬ paˇ sawˇ meh.

1 Gawˇliˬtu 10:11

Gaˇ kawˆ kʼoeˇ deuˬ aˬ yawꞈ maꞈ kʼoeˇ taˆ keuˆ le-euˬ kʼoeˇ-aˬ, aˬ cawˬ bi dzaw geuꞈ-eu gʼaˇ duˬ pyeuꞈ-awˇ, aˬ dui kʼawꞈ dzaw geuꞈ-awˇ bi yahˇ-eu gʼaˇ duˬ boꞈ ka leꞈ-euˬ meh. Aˬ jeˬ miˇ neh ehˇ naˇ, aˬ duiˬ-euˬ ziˇ heu ziˇ-ahˇ miˇ tsaˬ heu aˇ saˬ saˬ-eu aˇ yamˬ peh le taˬ-euˬ meh.

Lormav 11:22

Miˬyehˇ gʼawˬ shaˬ gaˬ-eu jeˬ hawˇ-eu zuiˆ-eu jeˬ heu nyiˬ hmˬ-ahˇ, heu gaˇ aˬ dui ya mawˇ-euˬ ma. Iˬ baˇ mˇ-eu tsawˇ haˬ deuˬ-ahˇ aˬ yawꞈ zuiˆ-awˇ, aˬ yawꞈ gʼawˬ shaˬ haw gaˬ paˬ-ehˇ kʼaˇ dehꞈ kʼoeˇ keuˆ ni naw maꞈ-ahˇ aˬ yawꞈ gʼawˬ shaˬ gaˬ tehꞈ-a. Ehˇ kʼawꞈ, aˬ yawꞈ gʼawˬ shaˬ gaˬ paˬ-ehˇ maˬ dehꞈ naˇ, naw maꞈ-ahˇ kʼawꞈ deuˆ tsehˆ dzeh tehꞈ-a.

Yeˬsaˬgeˬlaˇ 13:23

Kʼoeˇ miˇ neh, naw maꞈ neh yaw sahˇ laꞈ kʼoeˇ ya mawˇ-euˬ maˬ tsaˬ-eu jeˬ hawˇ-eu, tsawˇ haˬ zaˬ-ahˇ sheuˬ bahˬ-eu mehˬ hu paw pyeuꞈ laˇ-eu gaˇ kawˆ mehˬ-eu jeˬ, nymˬ-mˇ neh dahˬ beh-awˇ, naw maꞈ maˬ paˇ bi mˇ ma. Ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ-ahˇ siˬ duˬ leˇ ni, naw maꞈ-euˬ baoˬ uˬ moˆ ngaˬ-euˬ tsawˇ haˬ deuˬ-ahˇ ngaˇ ka kʼoꞈ ma.”

Yeˬlaˬmiˇ 29:22

Yeˬluˇsaˬlehˬ meuˬ-ahˇ neh Baˬbuˇloˬ miˇ kʼahˬ-ahˇ bi nyehꞈ daˆ gʼeh -euˬ tsawˇ haˬ deuˬ, aˬ cawˬ-ahˇ yaˬ kʼehˇ yaˬ ngeh, Baˬbuˇloˬ sahˬ paˬ neh yaw dehꞈ-ehˇ bi tehˬ ba-euˬ Zeˬdaˬkiˇ hawˇ-eu Aˬkaˆ aˬ nyaꞈ loꞈ-ehˇ, Sahˬpaˬ Miˬyehˇ nawˬ-ahˇ jahˇ nehˬ luꞈ-uˇ lehˇ ehˇ-awˇ yaˬ tehꞈ-a.

Yeˬlaˬmiˇ 24:9

Guˆ dui dui laˇ paˬ-ehˇ gʼeh-eu shaˬ-eu zahˬ-eu jeˬ aˬ yawꞈ maꞈ kʼoeˇ taˆ ngaˇ bi keuˆ le-eu miˇ neh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ guˆ-iˇ tehꞈ-a. Aˬ yawꞈ maꞈ-ahˇ aˬ cawˬ ja bu ja doeˇ-awˇ, kʼaˇ ehˇ mawꞈ-eu jeˬ ehˇ niˇ gʼa-eu uˬ taꞈ, ngaˬ neh aˬ yawꞈ maꞈ-ahˇ kʼaˇ teh byaˆ-euˬ jawˇ duˬ laꞈ kʼoeˇ, aˬ cawˬ yaˬ kʼehˇ yaˬ ngeh, aˬ yawꞈ maꞈ-euˬ tsawˇ myahˇ-ahˇ dawˬ daˬ daˬ-awˇ yaˬ tehꞈ-a.

Yeˬlaˬmiˇ 21:10

Meuˬ heu meuˬ-ahˇ maˬ laˆ cawˆ-ehˇ maˬ taˬ lehˇ, ngaˇ noeˬ tsehˆ taˬ-euˬ ma. Meuˬ heu meuˬ Baˬbuˇloˬ sahˬ paˬ-euˬ laꞈ-ahˇ ahˇ leˇ-awˇ, miˇ tsa tuˆ ni bi keuˬ puiˆ byoˆ leꞈ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Jaceuq 37:22

SahˬpaˬMiˬyehˇgʼawˬshaˬgaˬ-awˇ, guiˬlahˬbiꞈ-euˬtsawˇhaˬdeuˬ-aˬ, miˇkʼahˬza-awˇya dehꞈtehꞈ-a. SahˬpaˬMiˬyehˇmaˬhaw nahˇ-ehˇ, yaˬkʼehˇyaˬnehˬ-euˬtsawˇhaˬ-aˬ, teh dzeh nehˬgaˇya daˬtehꞈ-a.

Jaceuq 34:16

Yaw haiˬmˇ-eu tsawˇhaˬdeuˬ-ahˇ, SahˬpaˬMiˬyehˇmaˬhaw cawˬ-ehˇ, yawꞈmaꞈshiˇngeh miˇtsaˬtahˬkʼawˇ, yawꞈmaꞈ-ahˇngehˇtsehˆtsehˆ-eu meh.

Bawˇtsahˬ 26:10

Tsawˇ haˬ nyiˬ yaˇ ngaˬ tseˇ gʼaˬ miˬ dzaˬ neh bi laˆ luˬ bi laˆ seˇ ngeh nah, miˇ tsaˬ tsawˬ nga laˇ-awˇ bi myoꞈ ahˇ-euˬ laꞈ kʼoeˇ, Kawˇlaˆ hawˇ-eu aˬ yawꞈ-euˬ mehˬ nah caw teh-eu tsawˇ haˬ deuˬ nehˬ-ehˇ aˬ yawꞈ nyaꞈ kʼawꞈ ya shiˇ-euˬ meh. Aˬ yawꞈ maꞈ-aˬ, Iˇsaˬleˬlaˆ tsawˇ haˬ deuˬ bi yahˇ-eu gʼaˇ duˬ saˇ kiˇ pyeuꞈ-eu meh.

Bawˇtsahˬ 19:20

“Tsawˇ haˬ tiˬ gʼaˬ na zahˇ sahˇ kʼoꞈ-ahˇ taꞈ leˇ-eu laꞈ kʼoeˇ maˬ shawˇ-eu tsawˇ haˬ pyeuꞈ laˇ ngeh, yawˬ haˇ yawˬ ha maˬ mˇ shawˇ naˇ, maˬ shawˇ-a. Aˬ jeˬ miˇ neh ehˇ naˇ, bi shawˇ laˇ-eu iˇ cuꞈ aˬ yawꞈ kʼoeˇ taˆ maˬ shehˆ daˆ-euˬ miˇ neh meh. Aˬ yawꞈ-aˬ, Sahˬpaˬ Miˬyehˇ-euˬ Sehˬ gʼawˆ-ahˇ laˆ jawꞈ-euˬ tsawˇ haˬ pyeuꞈ-eu miˇ neh, aˬ yawꞈ-ahˇ Miˬyehˇ-euˬ tsawˇ haˬ lehˇ maˬ paˇ sawˇ nehˬ nya meh.

Uˬ duˬ 26:17

Aˬ cawˬ naw maꞈ-ahˇ bi gʼaˬ leˇ ni, naw maꞈ-ahˇ ngaˇ byehˇ dzeh-awˇ, naw maꞈ-ahˇ muiˇ-eu tsawˇ haˬ deuˬ naw maꞈ kʼoeˇ taˆ uˇ lahˇ tehꞈ-a. Naw maꞈ tsawˬ guˆ-iˇ dui dui-eu miˇ neh, aˬ cawˬ naw maꞈ-ahˇ maˬ teh kʼawꞈ, naw maꞈ cehˆ cehˆ-ehˇ jawˇ tehꞈ-a.

Uˬ duˬ 22:3

Naw maꞈ-euˬ zaˬ deuˬ uˆ deuˬ laꞈ kʼoeˇ, tsawˇ haˬ tiˬ gʼaˬ na yawˬ ha-euˬ gʼawˇ mawˇ maˬ shawˇ-eu aˇ yamˬ laꞈ kʼoeˇ, Iˇsaˬleˬlaˆ tsawˇ haˬ deuˬ neh ngaˬ-ahˇ lawˇ -euˬ muiˬ-eu shawˇ-eu lawˇ-eu jeˬ dawˬ peh le naˇ, tsawˇ haˬ kʼoeˇ gʼaˬ-aˬ, lawˇ duˬ-ahˇ ngaˬ-euˬ gaˇ maˬ paˇ ya mˇ meh. Mehˬ hu paw dehꞈ daˆ leꞈ-eu aˇ yamˬ laꞈ kʼoeˇ, zahˇ sahˇ kʼoꞈ heu hmˬ-ahˇ aˬ myah luꞈ ya caw teh meh. Ngaˇ-aˬ, Sahˬpaˬ Miˬyehˇ ma.

Bawˇtsahˬ 16:38

Lawˇ duˬ-ahˇ yuˇ gʼeh ngeh, guiˬ gʼawˆ kʼoeˇ deuˬ muiˬ laˇ shawˇ laˇ tehꞈ-a. Kʼoeˇ ngeh, yawˬ ha-euˬ iˬ baˇ baˬ da neh ya shiˇ-euˬ tsawˇ haˬ kʼoeˇ deuˬ-euˬ guiˬ gʼawˆ kʼoeˇ deuˬ yuˇ-awˇ, aˇ yaˆ tehˆ yaˆ-awˇ, lawˇ duˬ-ahˇ dehˬ kaˬ-eu kʼmˬ pymˬ tiˬ hmˬ jahˇ-awˬ. Heu-aˬ, Iˇsaˬleˬlaˆ tsawˇ haˬ deuˬ bi yahˇ-eu gʼaˇ duˬ, bi siˬ bi mawˇ-eu jeˬ pyeuꞈ tehꞈ-a.”

Dawˬmehˬ 28:46

Shaˬ zahˬ kʼoeˇ deuˬ-aˬ, nawˇ hawˇ-eu nawˬ-euˬ zaˬ deuˬ uˆ deuˬ kʼoeˇ taˆ keuˆ le-euˬ Miˬyehˇ yaˇ kʼaˬ daˇ-eu jeˬ gaˇ kawˆ, mˬ maˬ maˬ byaˆ zaˇ ziˇ bi siˬ bi mawˇ-euˬ jeˬ pyeuꞈ tehꞈ-a.

Dawˬmehˬ 29:19

Iˬ nah heu gaˇ yawꞈ luꞈ-eu tsawˇ haˬ deuˬ laꞈ kʼoeˇ, dawˬ ma saˇ jaˇ heu-ahˇ ya gaˬ gʼaˬ-euˬ kʼawꞈ, nui ma gʼahˇ-eu laꞈ kʼoeˇ, yawˬ ha kʼaˇ dehꞈ mawꞈ-eu loꞈ-ehˇ dehꞈ kʼawꞈ yaw muiˬ paˬ-ehˇ ya dehꞈ dzaˬ tehꞈ-a lehˇ tsawˇ haˬ tiˬ gʼaˬ-iˬ maˬ ya noeˬ ni yaw kʼaˆ kʼaˆ-ehˇ yahˇ-awˬ. Kʼoeˇ loꞈ-ehˇ noeˬ-eu jeˬ-aˬ, naw maꞈ dawˬ tawˆ luꞈ-ahˇ yaw muiˬ yaw doeˇ maˬ tseˇ ni, laˆ luˬ laˆ seˇ-eu jeˬ bi keuˆ le tehꞈ-a.

Jaceuq 34:17

Tsawˇmuiˬdeuˬguˇ-eu teˇsaˇ-ahˇ, SahˬpaˬMiˬyehˇnaˇhaˬnehˬ-awˇ, shaˬzahˬdzeuˇni ka kʼoꞈ-eu meh.