Yeˬsaˬgeˬlaˇ 14:16 - Akha

¹⁶ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, dehˬ luꞈ-eu Miˬyehˇ kʼaˇ pyeuꞈ kʼoeˇ keuˆ ni, tsawˇ haˬ kʼoeˇ smˇ gʼaˬ paˇ dehꞈ law hawˇ kʼawꞈ, yawˬ ha-euˬ uˬ kʼawˇ taꞈ-ehˇ dzeuˇ naˇ, yawˬ ha-euˬ zaˬ-ahˇ keuˆ ni maˬ ka kʼoꞈ nehˬ nya-aˇ lehˇ ehˇ tsehˆ-eu ma. Aˬ yawꞈ maꞈ yawˬ haˇ yawˬ ha ka kʼoꞈ gʼaˬ-euˬ taꞈ naˇ, miˇ kʼahˬ kʼoeˇ kʼahˬ kʼahˬ lah ni bawˇ tsahˬ bawˇ dahˇ ya pyeuꞈ tsehˆ gaˇ keuˆ tehꞈ-a.

Yeˬsaˬgeˬlaˇ 14:16 Referans Kwoze

Aˇ dahˬ 19:29

Lawˇtaˬ jawˇ luꞈ-eu deh ga laꞈ kʼoeˇ jaˆ-eu meuˬ kʼoeˇ nyiˬ meuˬ-ahˇ Miˬyehˇ laˆ cawˆ-euˬ kʼawꞈ, Miˬyehˇ-euˬ nui ma laꞈ kʼoeˇ Aˬbyaˬhaˬ-ahˇ noeˬ mawˇ-eu baˬ da neh, Lawˇtaˬ-ahˇ luˬ-iˇ seˇ-iˇ-eu jeˬ laꞈ kʼoeˇ bi buˬ-iˇ-euˬ meh.

Yaˬkoˆ 5:16

Kʼoeˇ miˇ neh, naw maꞈ naˇ-eu gawˇ-eu taˬ leˇ nya ni tiˬ gʼaˬ tiˇ gʼaˬ iˬ baˇ ja doˆ-awˇ, tiˬ gʼaˬ tiˇ gʼaˬ guiˬ lahˬ shaˇ nehˬ-awˬ. Yaw tsaˬ yaw dawˇ tsawˇ haˬ tiˬ gʼaˬ neh guiˬ lahˬ shaˇ-euˬ-aˬ, baoˬ jaˆ-eu meh.

HeˬByehˇ 11:7

Mehˬ hu paw pyeuꞈ laˇ-eu lehˇ gʼeh-eu maˬ ya mawˇ-eu gaˇ kawˆ deuˬ-ahˇ yahˇ-awˇ dehꞈ-eu gʼaˇ duˬ, Miˬyehˇ Noˇaˬ-ahˇ dawˬ biꞈ ngeh Noˇaˬ naˇ haˬ geuꞈ-euˬ kʼoeˇ-aˬ, jah-eu jeˬ baˬ da neh meh. Miˬyehˇ-euˬ ehˇ dawˬ-ahˇ aˬ yawꞈ naˇ haˬ-eu laꞈ kʼoeˇ, aˬ yawꞈ hawˇ-eu aˬ yawꞈ-euˬ nymˇ kʼahˬ zaˬ deuˬ ya buˬ-iˇ ni saˇ baoˬ tiˬ laˇ tsoˆ-euˬ meh. Kʼoeˇ loꞈ-ehˇ mˇ-eu laꞈ kʼoeˇ, Miˬyehˇ-ahˇ byehˇ dzeh-euˬ tsawˇ haˬ kʼoeˇ deuˬ-ahˇ aˬ yawꞈ gʼawˬ tsehˆ tsehˆ-awˇ, jah-eu baˬ da neh Miˬyehˇ-euˬ yaw tsaˬ yaw dawˇ jeˬ-ahˇ aˬ yawꞈ za-euˬ meh.;

Gʼaˬkʼehˇ 27:24

‘Pawˇluˆ-oˇ, taˬ guˆ. Sahˬ paˬ Gehˇsaˬ mehˬ shi nawˇ ya yawꞈ leˇ tehꞈ-a. Nawˬ-euˬ myaˆ pyawˬ-ahˇ Miˬyehˇ haw-awˇ, nawˬ nehˬ-ehˇ saˇ baoˬ kʼaˇ dziˬ luꞈ-eu tsawˇ haˬ dawˬ tawˆ luꞈ-ahˇ maˬ shiˇ ni bi dzeuˇ-iˇ tehꞈ-a’ lehˇ ehˇ le-euˬ meh.

Yeˬsaˬgeˬlaˇ 33:11

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, iˬ baˇ zaˬ tiˬ gʼaˬ shiˇ gaˇ ngaˇ maˬ mawˇ mawꞈ-ehˇ iˬ baˇ mˇ-eu byehˇ dzeh-awˇ dehꞈ daˆ leꞈ gaˇ mawˇ mawꞈ-eu meh lehˇ, aˬ yawꞈ maꞈ-ahˇ ehˇ nehˬ-awˬ. Iˇsaˬleˬlaˆ -oˇ, yaw haiˬ jeˬ mˇ-eu byehˇ-awˬ. Aˬ jeˬ miˇ neh shiˇ mawꞈ-eu nya lehˇ ehˇ nehˬ-awˬ.

Yeˬsaˬgeˬlaˇ 18:20

Iˬ baˇ mˇ-euˬ tsawˇ haˬ aˬ yawꞈ gʼaˬ ya shiˇ tehꞈ-a. Aˬ da-euˬ iˬ baˇ baˬ da neh, aˬ li gʼaˬ kʼehˬ-eu kʼaˆ-eu jeˬ-ahˇ maˬ ya daˬ-aˇ. Kʼoeˇ loꞈ-ehˇ duˇ ni, aˬ li -euˬ iˬ baˇ baˬ da neh, aˬ da gʼaˬ kʼehˬ-eu kʼaˆ-eu jeˬ-ahˇ maˬ ya daˬ-aˇ. Muiˬ-eu tsawˇ haˬ yaw muiˬ jeˬ mˇ-euˬ baˬ da neh guiˬ lahˬ za-awˇ, haiˬ-eu tsawˇ haˬ yawˬ ha neh mˇ-euˬ yaw haiˬ jeˬ baˬ da neh ya shaˬ tehꞈ-a.

Yeˬsaˬgeˬlaˇ 14:20

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, Noˇaˬ, Daˬneˬlaˇ hawˇ-eu Yawˇbaˆ aˬ ha smˇ gʼaˬ paˇ dehꞈ law hawˇ kʼawꞈ, yawˬ ha-euˬ uˬ kʼawˇ taꞈ-ehˇ dzeuˇ naˇ, yawˬ ha-euˬ zaˬ-ahˇ keuˆ ni maˬ ka kʼoꞈ nehˬ nya-aˇ lehˇ ehˇ tsehˆ-eu ma. Aˬ yawꞈ maꞈ neh mˇ-euˬ yaw muiˬ jeˬ-aˬ, yawˬ haˇ yawˬ ha ka kʼoꞈ nehˬ nya-eu tehꞈ meh.”

Yeˬsaˬgeˬlaˇ 14:18

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, tsawˇ haˬ kʼoeˇ smˇ gʼaˬ paˇ dehꞈ law hawˇ kʼawꞈ, yawˬ ha-euˬ uˬ kʼawˇ taꞈ-ehˇ dzeuˇ naˇ, yawˬ ha-euˬ zaˬ-ahˇ keuˆ ni maˬ ka kʼoꞈ nehˬ nya-aˇ lehˇ ehˇ tsehˆ-eu ma.

Yeˬsaˬgeˬlaˇ 14:14

Noˇaˬ, Daˬneˬlaˇ hawˇ-eu Yawˇbaˆ aˬ ha smˇ gʼaˬ paˇ dehꞈ law hawˇ kʼawꞈ, aˬ yawꞈ ha neh mˇ-euˬ yaw muiˬ jeˬ baˬ da neh, aˬ yawꞈ ha smˇ gʼaˬ-ahˇ maˬ ngeuˇ naˇ, aˬ cawˬ-ahˇ maˬ ka kʼoꞈ nehˬ nya-aˇ” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yawˇbaˆ 22:20

Haiˬ-eu tsawˇ haˬ deuˬ kʼaˇ jaˆ-eu jeˬ bi laˆ cawˆ jiˇ-awˇ, kʼaˇ dzeˇ yaꞈ-euˬ jeˬ-ahˇ miˬ dzaˬ puiˆ dzaˬ jiˇ tehꞈ-a.