Yeˬsaˬgeˬlaˇ 14:10 - Akha

¹⁰ Miˬyehˇ gʼaˇ duˬ ngehˬ dah-eu gʼaˬ maˬ ehˇ, aˬ yawꞈ-ahˇ ja uˇ leˇ-euˬ gʼaˬ maˬ ehˇ, nyiˬ gʼaˬ luꞈ-ahˇ tiˬ kawˆ loꞈ-ehˇ kʼehˬ nehˬ ma.

Yeˬsaˬgeˬlaˇ 14:10 Referans Kwoze

Yeˬsaˬgeˬlaˇ 23:49

Saˇ jaˇ maˬ jawˇ ni dehꞈ-awˇ, tahˬ pahˬ aˬ ma mawˇ kawˇ-ahˇ uˬ duˬ tahˬ-euˬ miˇ neh, naw nyaꞈ nmˇ-ahˇ ngaˇ kʼehˬ ma. Kʼoeˇ ngeh jawˇ, ngaˇ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu gaˇ kawˆ, naw nyaꞈ nmˇ ya siˬ duˬ tehꞈ-a.”

Gaˬlaˬtiˆ 6:5

Aˬ jeˬ miˇ neh ehˇ naˇ, tsawˇ haˬ yawˬ gʼaˬ na luꞈ yawˬ ha ya pi-eu kʼaˆ behˆ yawˬ ha jaˆ meh.

Miˇkaˬ 7:9

Sahˬpaˬ Miˬyehˇ-ahˇ aˬ dui mˇ lehˬ taˬ-euˬ miˇ neh, aˬ yawꞈ nui ma pehˇ-eu jeˬ-ahˇ tiˬ kʼehˬ ya daˬ tehꞈ-a. Ehˇ kʼawꞈ, aˇ saˬ saˬ laˇ ngeh, aˬ yawꞈ aˬ dui gʼaˇ duˬ yaˇ kʼaˬ ja gʼaˬ-eu laꞈ kʼoeˇ, aˬ dui-ahˇ aˬ cawˬ neh mˇ taˬ-euˬ yaw lehˬ jeˬ-ahˇ laˆ tsaˬ nehˬ laꞈ tehꞈ-a. Aˬ dui-ahˇ yaw shehꞈ jaˆ gaˇ sheuˬ doˆ gʼeh-awˇ ka kʼoꞈ nehˬ laꞈ gaˇ aˬ dui ya mawˇ tehꞈ-a.

Yeˬsaˬgeˬlaˇ 14:4

“Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ aˬ yawꞈ maꞈ-ahˇ dzawˇ nehˬ-awˬ. Tahˬ pahˬ aˬ ma mawˇ kawˇ deuˬ-ahˇ nui ma gʼawˇ mawˇ a nehˬ taˬ-awˇ, tahˬ pahˬ aˬ ma mawˇ kawˇ neh iˬ baˇ gaˇ ma-ahˇ bi sheuˬ gʼeh-euˬ Iˇsaˬleˬlaˆ tsawˇ haˬ aˬ geu gʼaˬ maˬ kaˬ, Miˬyehˇ gʼaˇ duˬ ngehˬ dah-eu tsawˇ haˬ jawˇ gaˇ ja uˇ laˇ naˇ, aˬ yawꞈ-euˬ tahˬ pahˬ aˬ ma mawˇ kawˇ deuˬ-ahˇ oꞈ-eu ngaˬ-euˬ dawˬ bi gaˬ kʼoꞈ ma.

Yeˬlaˬmiˇ 14:15

Ngaˬ neh pyehˬ gʼeh leꞈ-awˇ Miˬyehˇ gʼaˇ duˬ bi ngehˬ dah le-euˬ tsawˇ haˬ maˬ ngeuˇ gaˇ, ngaˬ-euˬ tsawˇ myahˇ-ahˇ dehˬ lehꞈ dehˬ lehꞈ-ehˇ, guiˇ deuˆ-eu jeˬ hawˇ-eu mehꞈ-eu shuꞈ-eu jeˬ miˇ kʼahˬ heu kʼahˬ kʼoeˇ taˆ maˬ keuˆ le-aˇ lehˇ ehˇ luꞈ-eu tsawˇ haˬ kʼoeˇ deuˬ-ahˇ, Sahˬpaˬ Miˬyehˇ pyeuꞈ-eu ngaˇ aˬ joˆ-ehˇ jahˇ nehˬ-eu lehˇ gʼeh-eu gaˇ kawˆ, nawˬ-ahˇ ehˇ nehˬ nyaˇ. Guiˇ deuˆ-eu jeˬ hawˇ-eu mehꞈ-eu shuꞈ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ bi shiˇ ma.

Bawˇtsahˬ 5:31

Kʼaˬ dzeˇ zaˬ gʼaˬ kʼoeˇ taˆ iˬ baˇ maˬ jaˆ-a. Ehˇ kʼawꞈ, miˬ zaˬ gʼaˬ iˬ baˇ ahˇ naˇ, kʼaˇ keuˆ le-eu jeˬ-ahˇ zaˬ miˬ zaˬ gʼaˬ ya daˬ meh.

Aˇ dahˬ 4:13

Kʼoeˇ naˇ, Sahˬpaˬ Miˬyehˇ-ahˇ Gaˬiˇnaˆ ehˇ nehˬ-eu, “Nawˇ ngaˬ-ahˇ yaˬ kʼehˇ yaˬ nehˬ laꞈ-euˬ heu aˇ dzehˬ dzeuˇ-eu miˇ neh, ngaˇ aˬ joˆ-ehˇ daˬ coeˇ nmˇ.

Yeˬsaˬgeˬlaˇ 14:9

“Miˬyehˇ gʼaˇ duˬ ngehˬ dah-eu gʼaˬ mehˇ shuiˇ bi shuiˇ-awˇ maˬ tsaˬ-eu jeˬ ehˇ kʼoꞈ nehˬ naˇ, mehˇ shuiˇ shuiˇ-euˬ gʼaˬ-aˬ, Sahˬpaˬ Miˬyehˇ pyeuꞈ-eu ngaˇ ma. Iˇsaˬleˬlaˆ tsawˇ jeuˬ laꞈ kʼoeˇ aˬ yawꞈ-ahˇ paˬ tseuˆ tseuˆ dzeh ma.

Yeˬsaˬgeˬlaˇ 14:11

Iˇsaˬleˬlaˆ tsawˇ haˬ deuˬ ngaˬ-ahˇ maˬ bi byehˇ dzeh-eu gʼaˇ duˬ maˬ ehˇ, aˬ yawꞈ maꞈ iˬ baˇ mˇ-eu laꞈ kʼoeˇ yawˬ haˇ yawˬ ha maˬ bi laˆ jawꞈ-eu gʼaˇ duˬ maˬ ehˇ, ngaˇ kʼoeˇ loꞈ-ehˇ jahˇ mehˬ nehˬ ma. Aˬ yawꞈ maꞈ ngaˬ-euˬ tsawˇ haˬ ya bi pyeuꞈ-awˇ ngaˇ aˬ yawꞈ maꞈ-euˬ Miˬyehˇ pyeuꞈ-eu meh” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Hawˇseˬ 9:7

Oꞈ-eu geuˇ-eu loꞈ-ehˇ kʼehˬ-eu, kʼehˬ nah kʼaˆ nah keuˆ le luꞈ meh. Aˇ nah aˇ yamˬ kʼoeˇ keuˆ le ngeh, Iˇsaˬleˬlaˆ siˬ le tehꞈ-a. “Bawˇlawˇpeh heu gʼaˬ tsawˇ uˬ nga.” “Shaˆ ma heu gʼaˬ aˬ dzawˬ nga” lehˇ, naw maꞈ dawˬ doeˇ ngehˬ daˆ-euˬ meh. Naw maꞈ iˬ baˇ myaˬ-eu miˇ neh, naw maꞈ ngaˬ-ahˇ bye dui dui meh.