Yeˬsaˬgeˬlaˇ 13:9 - Akha

⁹ Yaw sahˇ laꞈ kʼoeˇ maˬ tsaˬ-eu jeˬ ya mawˇ-awˇ, aˬ cawˬ gaˇ ma bahˬ-iˇ ni aˬ kaˇ pyeuꞈ laˇ-eu gaˇ kawˆ ngehˬ dah luꞈ-eu Miˬyehˇ gʼaˇ duˬ ngehˬ dah-eu tsawˇ haˬ ma lehˇ yawˬ haˇ yawˬ ha tsaˬ geuꞈ luꞈ-eu naw maꞈ-ahˇ ngaˇ kʼehˬ nehˬ kʼaˆ nehˬ-eu aˇ yamˬ peh le luꞈ meh. Ngaˬ-euˬ tsawˇ haˬ deuˬ mehˬ bawˬ mˇ gaˇ naw maꞈ maˬ ya uˇ leˇ-ehˇ, Iˇsaˬleˬlaˆ miˇ kʼahˬ zaˬ deuˬ-euˬ tsawˇ myahˇ jaˇ laˇ laꞈ kʼoeˇ, naw maꞈ-euˬ tsawˇ myahˇ maˬ ahˇ-a. Naw maꞈ yawˬ ha-euˬ miˇ kʼahˬ-ahˇ tiˬ jawˇ-iˬ maˬ paˇ ya gʼoꞈ leˇ meh. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ ya siˬ duˬ tehꞈ-a.

Yeˬsaˬgeˬlaˇ 13:9 Referans Kwoze

Yeˬsaˬgeˬlaˇ 20:38

Naw maꞈ laꞈ kʼoeˇ ngaˬ-ahˇ puiˬ-awˇ iˬ baˇ mˇ-eu deuˬ ngaˇ yuˇ dzeh ma. Kʼoeˇ loꞈ-ehˇ gʼeh-eu tsawˇ haˬ deuˬ-ahˇ, nymˬ-mˇ aˬ yawꞈ maꞈ ya jawˇ luꞈ-eu miˇ kʼahˬ laꞈ kʼoeˇ neh ngaˇ sheuˬ doˆ nehˬ ma. Ehˇ kʼawꞈ, Iˇsaˬleˬlaˆ miˇ kʼahˬ laꞈ kʼoeˇ aˬ yawꞈ maꞈ maˬ bi gʼoꞈ jawˇ laˇ. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˆ kawˆ naw maꞈ ya siˬ duˬ tehꞈ-a.”

Jaceuq 87:6

Sahˬpaˬ Miˬyehˇ tsawˇ myahˇ yuˇ ngeh, aˬ yawꞈ tsawˇ jeuˬ dawˬ tawˆ luꞈ-ahˇ Yeˬluˇsaˬlehˬ meuˬ zaˬ deuˬ lehˇ boꞈ tehꞈ-a.

Jaceuq 69:28

Dehꞈ-eu saꞈ laˇ sahˬ boꞈ laꞈ kʼoeˇ aˬ yawꞈ maꞈ-euˬ tsawˇ myahˇ bi shiˆ byoˆ-awˇ, nawˬ-euˬ tsawˇ haˬ jaˇ laˇ laꞈ kʼoeˇ aˬ yawꞈ maꞈ maˬ ahˇ ni ya shaˬ luꞈ-uˇ.

Daˬyeˬlaˇ 12:1

Shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu mˬ taˆ gʼaˬ kʼehˇ kʼoeˇ gʼaˬ heu loꞈ-ehˇ ehˇ-eu meh. “Kʼoeˇ ngeh jawˇ, nawˬ-euˬ tsawˇ jeuˬ-ahˇ haw piˇ-eu gʼaˬ pyeuꞈ-eu Miˇkeˬlaˇ lehˇ myahˇ-euˬ huiˬ-eu mahˇ-eu mˬ taˆ gʼaˬ kʼehˇ kʼoeˇ gʼaˬ doˆ le tehꞈ-a. Kʼoeˇ naˇ, miˇ kʼahˬ tsawˇ jeuˬ deuˬ dehꞈ le jawˇ le ngeh neh tiˬ jawˇ-iˬ maˬ mawˇ haw-euˬ shaˬ dui zahˬ dui dui-eu aˇ yamˬ keuˆ le tehꞈ-a. Aˇ yamˬ kʼoeˇ yamˬ keuˆ le ngeh, Miˬyehˇ-euˬ tsawˇ haˬ laꞈ kʼoeˇ tsawˇ myahˇ ahˇ-eu nawˬ-euˬ tsawˇ haˬ deuˬ ka kʼoꞈ-eu jeˬ za tehꞈ-a.

Eˇzaˬlaˬ 2:59

Teˬlaˇmeˬlahˬ meuˬ, Teˬlaˇhaˬlaˬshaˬ meuˬ, Jeˬluˆ meuˬ, Aˬdawˬ meuˬ hawˇ-eu Iˇmeˬlaˇ meuˬ heu deuˬ-ahˇ neh gʼoꞈ laˇ-awˇ, Iˇsaˬleˬlaˆ tsawˇ jeuˬ ngeuˇ maˬ ngeuˇ-eu tsuiꞈ maˬ gui mehˬ nya-eu deuˬ-aˬ,

Panmaeq 20:15

Dehꞈ-eu saꞈ laˇ sahˬ boꞈ laꞈ kʼoeˇ tsawˇ myahˇ maˬ kʼaˇ ahˇ-eu tsawˇ haˬ deuˬ-aˬ, miˬ dzaˬ lah-ahˇ bi baꞈ puꞈ jiˇ-euˬ meh.

Panmaeq 20:12

Kʼoeˇ naˇ, shiˇ-euˬ tsawˇ haˬ deuˬ huiˬ zaˬ nyiˇ zaˬ dawˬ tawˆ luꞈ, dzoeˬ dzaˬ nuiˇ mahˬ kʼoeˇ-euˬ mehˬ shi yawꞈ luꞈ gaˇ ngaˇ ya mawˇ-euˬ ma. Kʼoeˇ ngeh, sahˬ boꞈ pah-euˬ meh. Kʼoeˇ naˇ, dehꞈ-eu saꞈ laˇ sahˬ boꞈ pah-euˬ meh. Shiˇ-euˬ tsawˇ haˬ deuˬ-aˬ, sahˬ boꞈ kʼoeˇ deuˬ laꞈ kʼoeˇ kʼaˇ boꞈ ahˇ taˬ-euˬ loꞈ-ehˇ, yawˬ ha neh kʼaˇ mˇ yaꞈ-euˬ gaˇ geuˇ ni yaˇ kʼaˬ bi daˇ-euˬ meh.

Panmaeq 19:20

Jeˬ zaˬ yaw haiˬ kʼoeˇ mawˇ hawˇ-eu, aˬ yawꞈ mehˬ shi aˬ cawˬ-ahˇ zahˬ leˇ paˬ-ehˇ gʼeh-eu jeˬ mˇ mehˬ-euˬ maˬ ngeuˇ-eu Miˬyehˇ gʼaˇ duˬ ngeh dah-eu kʼoeˇ gʼaˬ-ahˇ bi nyehꞈ mi-euˬ meh. (Kʼoeˇ loꞈ-ehˇ zahˬ leˇ paˬ-ehˇ gʼeh-eu jeˬ mˇ mehˬ-eu laꞈ kʼoeˇ, jeˬ zaˬ yaw haiˬ kʼoeˇ mawˇ neh jmˬ diˬ taˬ-euˬ tsawˇ haˬ deuˬ hawˇ-eu, jeˬ zaˬ yaw haiˬ kʼoeˇ mawˇ-euˬ tahˬ pahˬ aˬ ma mawˇ kawˇ-ahˇ uˬ duˬ tahˬ-eu tsawˇ haˬ deuˬ-ahˇ mehˇ shuiˇ shuiˇ za taˬ-euˬ jeˬ pyeuꞈ-eu meh.) Jeˬ zaˬ yaw haiˬ kʼoeˇ mawˇ hawˇ-eu maˬ ngeuˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ, miˬ dzaˇ dzaˇ shuiˇ doꞈ luꞈ-eu miˬ dzaˬ lah laꞈ kʼoeˇ yaw dehꞈ-ehˇ baꞈ puꞈ nehˬ-euˬ meh.

Panmaeq 13:8

Bi sehꞈ-euˬ Yawˇzaˬ-euˬ dehꞈ-eu saꞈ laˇ sahˬ boꞈ laꞈ kʼoeˇ, miˇ tsaˬ tahˬ kʼawˇ maˬ beh mi naˆ-ehˇ tsawˇ myahˇ bi boꞈ ahˇ taˬ-euˬ tsawˇ haˬ deuˬ maˬ ngeuˇ naˇ, miˇ tsaˬ kʼoeˇ taˆ kʼaˇ jawˇ-eu tsawˇ haˬ dawˬ tawˆ luꞈ jeˬ zaˬ yaw haiˬ kʼoeˇ mawˇ-ahˇ uˬ duˬ tahˬ tehꞈ-a.

HeˬByehˇ 12:23

Mˬ kʼoeˇ taˆ tsawˇ myahˇ bi boꞈ ahˇ taˬ-euˬ deuˬ pyeuꞈ-eu, dehꞈ beh beh le-euˬ Miˬyehˇ-euˬ zaˬ deuˬ laˬ kʼaˬ tiˬ cehˇ uiˬ leˇ taˬ-euˬ gaˇ naw maꞈ laˇ-euˬ jeˬ pyeuꞈ-eu meh. Tsawˇ haˬ zaˬ dawˬ tawˆ luꞈ-ahˇ yaˇ kʼaˬ daˇ-eu gʼaˬ pyeuꞈ-awˇ, tsawˇ muiˬ deuˬ-euˬ saꞈ laˇ-ahˇ bi muiˬ bi byah laˇ-eu gʼaˬ pyeuꞈ-eu Miˬyehˇ jawˇ gaˇ naw maꞈ laˇ-euˬ jeˬ pyeuꞈ-eu meh.

Piˇliˇpiˆ 4:3

Saˇ jaˇ ziꞈ-eu ngaˬ-euˬ gaˇ mˇ cawˬ deuˬ kʼawꞈ, zaˬ miˬ zaˬ heu nyiˬ gʼaˬ-ahˇ ngehˬ bi gʼeh mawꞈ miˇ-a. Aˬ jeˬ miˇ neh ehˇ naˇ, zaˬ miˬ zaˬ heu nyiˬ gʼaˬ-aˬ, Laˬ kʼaˬ cehˇ-eu Guiˬ lahˬ dawˬ gaˬ doe-iˇ ni, ngaˬ-euˬ gaˇ mˇ cawˬ Gaˬleˬmeˬ hawˇ-eu ngaˬ nehˬ-ehˇ gaˇ kʼaˇ mˇ-euˬ deuˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ leh jeh dui dui-euˬ meh. Miˬyehˇ-euˬ dehꞈ-eu sahˬ boꞈ laꞈ kʼoeˇ tsawˇ haˬ heu deuˬ-euˬ tsawˇ myahˇ ahˇ meh.

Luˇkaꞈ 10:20

Ehˇ kʼawꞈ, nehꞈ deuˬ naw maꞈ-euˬ dawˬ-ahˇ naˇ haˬ gaˇ laˬ kʼaˬ taˬ cehˇ. Mˬ kʼoeˇ taˆ naw maꞈ-euˬ tsawˇ myahˇ boꞈ ahˇ taˬ-euˬ gaˇ laˬ kʼaˬ cehˇ-awˬ.”

Hawˇseˬ 9:3

Sahˬpaˬ Miˬyehˇ-euˬ miˇ kʼahˬ-ahˇ, Iˇsaˬleˬlaˆ maˬ paˇ jawˇ ni, Iˇjiˇtuˆ-ahˇ gʼoꞈ-iˇ tehꞈ-a. Aˬshuˇliˆ miˇ kʼahˬ-ahˇ jawˇ-awˇ, maˬ shawˇ-eu dzaˇ ya dzaˬ tehꞈ-a.

Yeˬsaˬgeˬlaˇ 12:20

Nymˬ-mˇ tsawˇ haˬ tiˬ byah ni jawˇ luꞈ-eu meuˬ deuˬ cawˆ-iˇ-awˇ, aˬ yawꞈ maꞈ-euˬ miˇ kʼahˬ bawˇ tsahˬ bawˇ dahˇ pyeuꞈ-iˇ tehꞈ-a. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ ya siˬ duˬ tehꞈ-a.”

Yeˬsaˬgeˬlaˇ 11:10

Naw maꞈ-aˬ, yawˬ ha-euˬ miˇ kʼahˬ laꞈ kʼoeˇ guiˇ deuˆ gaˇ bi deuˆ sehꞈ tehꞈ-a. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ, yawˬ gʼaˬ na luꞈ ya siˬ duˬ tehꞈ-a.

Yeˬlaˬmiˇ 23:20

Aˬ yawꞈ nui noeˬ maˬ mˇ li kʼoeˇ keuˆ ni, Sahˬpaˬ Miˬyehˇ nui pehˇ maˬ shuꞈ-iˇ-aˇ.”

Yeˬlaˬmiˇ 17:13

Sahˬpaˬ Miˬyehˇ nawˇ Iˇsaˬleˬlaˆ-euˬ noeˬ tmˬ duˬ meh. Nawˬ-ahˇ kʼaˇ byehˇ dzeh-eu tsawˇ haˬ kʼoeˇ taˆ, shaꞈ dawˇ-eu jeˬ keuˆ le tehꞈ-a. Dehꞈ-eu saꞈ laˇ iˇ cuꞈ lawˇ kʼawꞈ pyeuꞈ-eu, Sahˬpaˬ Miˬyehˇ nawˬ-ahˇ aˬ yawꞈ maꞈ byehˇ dzeh-euˬ miˇ neh, kʼaˬ lehˇ kʼoeˇ taˆ boꞈ-euˬ tsawˇ myahˇ loꞈ-ehˇ, aˬ yawꞈ maꞈ byoˆ-iˇ jiˇ tehꞈ-a.

Iˇsaˬyaˇ 4:3

Miˬyehˇ neh bi dzeuˇ-iˇ-awˇ, Yeˬluˇsaˬlehˬ meuˬ-ahˇ kʼaˇ jawˇ yaꞈ-euˬ yawˬ gʼaˬ na luꞈ-ahˇ, yaw muiˬ yaw shawˇ tsawˇ haˬ lehˇ aˬ cawˬ kuˇ tehꞈ-a.

Jaceuq 101:7

Jaˬ myawꞈ myawꞈ-eu deuˬ-ahˇ ngaˬ-euˬ nymˇ nymˇ ma laꞈ kʼoeˇ maˬ bi jawˇ-ehˇ, mehˇ shuiˇ shuiˇ-eu tsawˇ haˬ deuˬ-ahˇ ngaˬ-euˬ mehˬ shi maˬ taˬ.

Jaceuq 69:5

Miˬyehˇ-oˇ, nawˬ-euˬ mehˬ shi ngaˬ-euˬ iˬ baˇ maˬ zaꞈ taˬ nya-a. Ngaˬ-euˬ yaw lehˬ dawˬ tawˆ luꞈ nawˇ siˬ luꞈ mawˇ luꞈ meh.

Neˬhaˬmiˇ 7:64

Aˬ yawꞈ maꞈ-euˬ aˇ jeuˬ-ahˇ caw tseˇ haw ngeh, yawˬ ha-euˬ tsuiꞈ maˬ gui mehˬ nya-eu miˇ neh, piˇ ma maˬ bi geuꞈ ni byehˇ-euˬ meh.

Neˬhaˬmiˇ 7:62

Daˬlaˇyaˬ, Tawˇbyaˬ hawˇ-eu Neˬkawˇdaˬ-euˬ zaˬ deuˬ uˆ deuˬ pyeuꞈ-awˇ, koꞈ yaˇ oeˬ tseˇ nyiꞈ gʼaˬ byah-eu meh.

1 Sahˬpaˬ 13:18

Beˬdeˬlaˇ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ gʼaˬ ehˇ-eu, , “Ngaˇ kʼawꞈ, nawˇ loꞈ-ehˇ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ ma. Mˬ taˆ gʼaˬ kʼehˇ tiˬ gʼaˬ-ahˇ Sahˬpaˬ Miˬyehˇ kʼehˇ gʼeh leꞈ-awˇ, nawˬ-ahˇ sheuˬ kʼoꞈ laˬ-iˇ-awˇ bi dzaˬ bi dawˇ-awˬ lehˇ ehˇ le-euˬ meh.” Maˇ maˇ ni ehˇ naˇ, Miˬyehˇ gʼaˇ duˬ ngehˬ dah-eu tsawˇ haˬ kʼoeˇ gʼaˬ jaˬ myawꞈ myawꞈ luꞈ-eu meh.

Yeˬlaˬmiˇ 4:9

Sahˬpaˬ Miˬyehˇ ehˇ-eu, “Aˇ nah kʼoeˇ nah keuˆ le ngeh, sahˬ paˬ deuˬ hawˇ-eu yaw huiˬ yaw mahˇ deuˬ nui ma ga ka jiˇ tehꞈ-a. Piˇ ma deuˬ tsawˬ guˆ-iˇ-awˇ, Miˬyehˇ gʼaˇ duˬ ngehˬ dah-eu deuˬ kʼawꞈ zahˬ leˇ tehꞈ-a.”

Yeˬsaˬgeˬlaˇ 13:14

Aˬ yawꞈ maꞈ neh lu boeˬ lehꞈ pyuˇ taˬ-euˬ meuˬ lahˇ kʼoeˇ, bi coˬ pyaˆ bi coꞈ shaˆ jiˇ-awˇ, dawˬ pehˬ buˇ law ni bi mawˇ laˇ ma. Meuˬ lahˇ kʼoeˇ coˬ le-awˇ, naw maꞈ-ahˇ deh sehꞈ jiˇ tehꞈ-a. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ ya siˬ duˬ tehꞈ-a.

Yeˬsaˬgeˬlaˇ 13:23

Kʼoeˇ miˇ neh, naw maꞈ neh yaw sahˇ laꞈ kʼoeˇ ya mawˇ-euˬ maˬ tsaˬ-eu jeˬ hawˇ-eu, tsawˇ haˬ zaˬ-ahˇ sheuˬ bahˬ-eu mehˬ hu paw pyeuꞈ laˇ-eu gaˇ kawˆ mehˬ-eu jeˬ, nymˬ-mˇ neh dahˬ beh-awˇ, naw maꞈ maˬ paˇ bi mˇ ma. Ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ-ahˇ siˬ duˬ leˇ ni, naw maꞈ-euˬ baoˬ uˬ moˆ ngaˬ-euˬ tsawˇ haˬ deuˬ-ahˇ ngaˇ ka kʼoꞈ ma.”

Jaceuq 95:11

Ngaˇ nui ma pehˇ-awˇ heu loꞈ-ehˇ ehˇ tsehˆ nehˬ-euˬ ma. Naw maꞈ gʼaˬ naˬ bi naˬ-eu lehˇ, ngaˬ neh lehˬ hmˬ taˬ-euˬ miˇ kʼahˬ-ahˇ, naw maꞈ maˬ ya uˇ leˇ-aˇ’ lehˇ ehˇ tsehˆ nehˬ-euˬ ma.”

Yeˬlaˬmiˇ 14:15

Ngaˬ neh pyehˬ gʼeh leꞈ-awˇ Miˬyehˇ gʼaˇ duˬ bi ngehˬ dah le-euˬ tsawˇ haˬ maˬ ngeuˇ gaˇ, ngaˬ-euˬ tsawˇ myahˇ-ahˇ dehˬ lehꞈ dehˬ lehꞈ-ehˇ, guiˇ deuˆ-eu jeˬ hawˇ-eu mehꞈ-eu shuꞈ-eu jeˬ miˇ kʼahˬ heu kʼahˬ kʼoeˇ taˆ maˬ keuˆ le-aˇ lehˇ ehˇ luꞈ-eu tsawˇ haˬ kʼoeˇ deuˬ-ahˇ, Sahˬpaˬ Miˬyehˇ pyeuꞈ-eu ngaˇ aˬ joˆ-ehˇ jahˇ nehˬ-eu lehˇ gʼeh-eu gaˇ kawˆ, nawˬ-ahˇ ehˇ nehˬ nyaˇ. Guiˇ deuˆ-eu jeˬ hawˇ-eu mehꞈ-eu shuꞈ-eu jeˬ laꞈ kʼoeˇ, aˬ yawꞈ maꞈ-ahˇ ngaˇ bi shiˇ ma.

Hawˇseˬ 4:5

Nah gʼahˇ yaw shehꞈ bya cehˆ jaˆngeh, naw maꞈ pehˆ toˆ tahˬ sehꞈ tehꞈ-a. Bawˇlawˇpeh geuꞈ luꞈ-eu deuˬ kʼawꞈ, uˬ ciꞈ sahˬ tiꞈ tiꞈ caw tehꞈ-a. Naw maꞈ aˬ ma Iˇsaˬleˬlaˆ, ngaˇ laˆ cawˆ gaˇ ya daˬ tehꞈ-a.

Miˇkaˬ 3:5

Aˇ poeˬ biꞈ nya-eu tsawˇ haˬ deuˬ-ahˇ “Naw maꞈ-ahˇ Miˬyehˇ guiˬ lahˬ biꞈ-eu laꞈ kʼoeˇ yaw saˇ saˇ-ehˇ ya dehꞈ tehꞈ-a” lehˇ ehˇ nehˬ-awˇ, aˇ poeˬ maˬ biꞈ-eu tsawˇ haˬ deuˬ-ahˇ, “Naw maꞈ-ahˇ Miˬyehˇ laˆ cawˆ tehꞈ-a” lehˇ ehˇ-eu Miˬyehˇ gʼaˇ duˬ ngehˬ dah-eu deuˬ neh, ngaˬ-euˬ tsawˇ haˬ deuˬ gaˇ ma bi sheuˬ bahˬ-euˬ meh. Kʼoeˇ loꞈ-ehˇ Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh.

Miˇkaˬ 3:6

“Miˬyehˇ gʼaˇ duˬ ngehˬ dah-eu tsawˇ haˬ deuˬ-oˇ, naw maꞈ-euˬ aˇ nah aˇ yamˬ jiˇ le luꞈ meh. Naw maꞈ gʼaˇ duˬ nahˇ ma ga ahˇ shaw-iˬ meh. Ngaˬ-euˬ tsawˇ haˬ deuˬ-ahˇ naw maꞈ gaˇ ma sheuˬ bahˬ-euˬ miˇ neh, Miˬyehˇ gʼaˇ duˬ ngehˬ dah-eu jeˬ-ahˇ naw maꞈ maˬ paˇ mˇ nya-ehˇ, mehˬ hu paw pyeuꞈ laˇ-eu gaˇ kawˆ deuˬ-ahˇ naw maꞈ maˬ paˇ ehˇ nya meh.”