Yeˬsaˬgeˬlaˇ 13:7 - Akha

⁷ Aˬ yawꞈ maꞈ-ahˇ ngaˇ heu loꞈ-ehˇ ehˇ nehˬ-euˬ ma. Naw maꞈ neh yaw sahˇ laꞈ kʼoeˇ ya mawˇ-euˬ jeˬ maˬ tsaˬ-ehˇ, naw maꞈ neh mehˬ hu paw pyeuꞈ laˇ-eu gaˇ kawˆ ngehˬ dah taˬ-eu jeˬ jaˬ myawꞈ myawꞈ-euˬ tehꞈ meh. Ngaˬ-euˬ dawˬ ngehˬ dah-eu ma lehˇ naw maꞈ ehˇ kʼawꞈ, naw maꞈ-ahˇ ngaˬ neh dawˬ ngehˬ nehˬ-euˬ maˬ jaˆ lehˇ ehˇ nehˬ-euˬ ma.”

Yeˬsaˬgeˬlaˇ 13:7 Referans Kwoze

Yeˬsaˬgeˬlaˇ 13:6

Aˬ yawꞈ maꞈ neh yaw sahˇ laꞈ kʼoeˇ ya siˬ ya mawˇ-euˬ jeˬ maˬ tsaˬ-ehˇ, aˬ yawꞈ maꞈ neh ngehˬ dah-euˬ jeˬ jaˬ myawꞈ myawꞈ-eu tehꞈ meh. Ngaˬ neh kʼehˇ gʼeh leꞈ-euˬ maˬ ngeuˇ gaˇ, ngaˬ-euˬ gʼaˇ duˬ ngehˬ dah-eu ma lehˇ aˬ yawꞈ maꞈ ehˇ-eu meh. Ehˇ kʼawꞈ, aˬ yawꞈ maꞈ neh kʼaˇ ehˇ-euˬ loꞈ-ehˇ pyeuꞈ laˇ tehꞈ-a lehˇ aˬ yawꞈ maꞈ noeˬ tmˬ-eu meh.

Iˇsaˬyaˇ 30:10

Miˬyehˇ gʼaˇ duˬ ngehˬ dah luꞈ-eu deuˬ-ahˇ, aˬ yawꞈ maꞈ kʼaˬ meh paꞈ tsoeˬ tsoeˬ nehˬ-awˇ, “Yaw tsaˬ yaw dawˇ jeˬ gaˇ kawˆ maˬ mehˬ ni, nga maꞈ naˇ haˬ mawꞈ-eu dawˬ deuˬ hawˇ-eu, gaˇ jaw jaw-eu dawˬ mehˬ le-awˬ” lehˇ ehˇ-eu meh.

Yeˬsaˬgeˬlaˇ 22:28

Kaˇ pyawˇ-ahˇ lu boeˬ lehꞈ ba-eu loꞈ-ehˇ, Miˬyehˇ gʼaˇ duˬ ngehˬ dah-eu deuˬ iˬ baˇ kʼoeˇ deuˬ-ahˇ dehˬ kaˬ-eu meh. Aˬ yawꞈ maꞈ neh yaw sahˇ laꞈ kʼoeˇ ya mawˇ-euˬ jeˬ maˬ tsaˬ-ehˇ, yaw lehˬ jeˬ aˬ yawꞈ maꞈ ngehˬ dah-eu meh. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ gʼaˇ duˬ aˬ yawꞈ maꞈ ngehˬ dah-eu ma lehˇ ehˇ kʼawꞈ, Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ dawˬ ngehˬ cawˬ-euˬ maˬ jaˆ.

Neˬhaˬmiˇ 6:12

Ngaˇ paˇ saˇ sawˇ haw ngeh, Miˬyehˇ neh Sheˬmaˇyaˬ-ahˇ dawˬ ngehˬ cawˬ-euˬ maˬ ngeuˇ-ehˇ, Sheˬmaˇyaˬ ngaˬ-ahˇ kʼoeˇ loꞈ-ehˇ ehˇ ni Tawˇbyaˬ hawˇ-eu Sahˬbaˬlaˆ aˬ nyaꞈ laꞈ nmꞈ nmꞈ-euˬ nga lehˇ siˬ duˬ-euˬ ma.

Zaˬkaˬliˇ 10:2

Tahˬ pahˬ, shaˆ ma, nyiˇ paˬ deuˬ-ahˇ, tsawˇ haˬ zaˬ jah-awˇ gʼoe-euˬ kʼawꞈ, kʼaˇ ehˇ kʼaˇ jeˬ yaw lehˬ tehꞈ meh. Yuꞈmaˆ dawˬ tsuiꞈ yuˇ doˆ-eu deuˬ, jaˬ myawꞈ myawꞈ-euˬ loꞈ-ehˇ pyeuꞈ-awˇ, tiˬ jeˬ-iˬ gaˇ dahˇ maˬ tsoeˬ-a. Kʼoeˇ miˇ neh miˇ kʼahˬ zaˬ kʼoeˇ deuˬ, byoˆ-iˇ-euˬ yawˇ yawˇ maꞈ loꞈ-ehˇ, sheuˬ gʼeh nehˬ-eu gʼaˬ maˬ jawˇ ni, cah cah-ehˇ shaˬ gaˇ duˇ-eu meh.