Yeˬsaˬgeˬlaˇ 13:5 - Akha

⁵ Meuˬ meuˬ lahˇ byaˆ-iˇ-euˬ tsahˇ-ahˇ aˬ yawꞈ maꞈ loꞈ piˇ-eu maˬ ngeuˇ-a. Meuˬ meuˬ lahˇ paˇ gawˬ muiˬ-eu kʼawꞈ maˬ geuˇ-a. Kʼoeˇ miˇ neh, Sahˬpaˬ Miˬyehˇ-euˬ aˇ nah keuˆ le-awˇ, guiˇ deuˆ ngeh, Iˇsaˬleˬlaˆ miˇ kʼahˬ-ahˇ maˬ ceh piˇ nya-a.

Yeˬsaˬgeˬlaˇ 13:5 Referans Kwoze

Yeˬsaˬgeˬlaˇ 22:30

Meuˬ meuˬ lahˇ gawˬ nya-awˇ, ngaˇ nui ma pehˇ-eu laꞈ kʼoeˇ miˇ kʼahˬ heu kʼahˬ-ahˇ laˆ cawˆ-eu lehˇ gʼeh ngeh, byaˆ-iˇ-euˬ meuˬ lahˇ yaw kaˬ-ahˇ yawꞈ-awˇ miˇ kʼahˬ heu kʼahˬ maˬ bi cawˆ-iˇ ni laˆ tsoeˬ nya-eu tsawˇ haˬ-ahˇ ngaˇ poˆ luꞈ-eu ma.

Iˇsaˬyaˇ 58:12

Aˇ hu ba neh cawˆ-iˇ dzeuˇ-euˬ jeˬ-ahˇ, dawˬ pehˬ yaw oeˇ aˬ yawꞈ kʼoeˇ taˆ, nawˬ-euˬ tsawˇ haˬ deuˬ paˇ tsoꞈ ziꞈ leˇ tehꞈ-a. Byaˆ-iˇ taˬ-euˬ meuˬ lahˇ paˇ gawˬ ziꞈ-awˇ, nymˇ yaw cawˆ deuˬ paˇ tsoˆ muiˬ-eu tsawˇ haˬ nga lehˇ, aˬ cawˬ naw maꞈ-ahˇ kuˇ tehꞈ-a.”

Jaceuq 106:23

Aˬ yawꞈ-euˬ tsawˇ jeuˬ-ahˇ laˆ cawˆ ma lehˇ Miˬyehˇ ehˇ ngeh, nui ma pehˇ-eu laꞈ kʼoeˇ tsawˇ haˬ kʼoeˇ deuˬ-ahˇ maˬ bi laˆ cawˆ-eu gʼaˇ duˬ, aˬ yawꞈ neh tseˇ doˆ-euˬ zaˬ kʼaˆ pyeuꞈ-eu Moˇseˬ, aˬ yawꞈ mehˬ shi yawꞈ daˬ leˇ-euˬ meh.

Yeˬlaˬmiˇ 23:22

Ngaˬ-euˬ nui noeˬ aˬ yawꞈ maꞈ siˬ nya law nmˇ-aˬ, ngaˬ-euˬ tsawˇ haˬ deuˬ-ahˇ ngaˬ-euˬ dawˬ ngehˬ dah-awˇ, aˬ yawꞈ maꞈ-euˬ haiˬ-eu dehꞈ jeˬ dehꞈ kawˆ hawˇ-eu, aˬ yawꞈ maꞈ mˇ luꞈ-eu yaw lehˬ jeˬ-ahˇ, byehˇ dzeh ni mehˬ paˇ nya tehꞈ-a.

Iˇsaˬyaˇ 13:9

Haw taˬ lawˬ. Sahˬpaˬ Miˬyehˇ-euˬ aˇ nah keuˆ le luꞈ meh. Nui pehˇ naꞈ-awˇ gʼawˬ shaˬ gaˬ-eu maˬ siˬ nya-eu, aˇ nah kʼoeˇ nah keuˆ le luꞈ meh. Miˇ kʼahˬ kʼahˬ lah bawˇ tsahˬ bawˇ dahˇ ya pyeuꞈ-iˇ-awˇ, iˬ baˇ ahˇ-eu deuˬ ya shiˇ jiˇ tehꞈ-a.

Iˇsaˬyaˇ 13:6

Naˇ gawˇ dzahˬ-eu loꞈ-ehˇ mahˇ mahˇ-ehˇ jawˇ-awˬ. Sahˬpaˬ Miˬyehˇ-euˬ aˇ nah peh le luꞈ meh. Baoˬ huiˬ-eu gʼaˬ laˆ luˬ laˆ seˇ le-eu aˇ nah, dawˬ peh peh le luꞈ meh.

Panmaeq 16:14

Yaw sahˇ kʼoeˇ deuˬ-aˬ, zahˬ leˇ paˬ-ehˇ gʼeh-eu jeˬ mˇ mehˬ-eu nehꞈ kʼoeˇ deuˬ-euˬ yaw sahˇ pyeuꞈ-eu meh. Baoˬ huiˬ-eu Miˬyehˇ-euˬ Aˇnah-ahˇ guiˇ deuˆ-eu gʼaˇ duˬ, miˇ tsaˬ kʼoeˇ taˆ kʼaˇ jawˇ-eu sahˬ paˬ deuˬ kuˇ dzoeˇ-eu lehˇ yaw sahˇ kʼoeˇ smˬ sahˇ iˇ-euˬ meh.

Panmaeq 6:17

Guˆ dui dui laˇ paˬ-ehˇ gʼeh-eu aˬ yawꞈ nyaꞈ nui ma pehˇ-eu aˇ nah keuˆ le taˬ-euˬ gaˇ, aˬ suˇ gʼaˬ yawꞈ daˬ coeˇ paˬ nga.”

2 Beˬtuˆluˆ 3:10

Ehˇ kʼawꞈ, Miˬyehˇ-euˬ Aˇnah-aˬ,smˇ kʼoeˬ tahˇ joe oe-eu loꞈ-ehˇ keuˆ leh tehꞈ-a. Aˇ nah kʼoeˇ nah keuˆ le ngeh, teˇ saˇ yaw kʼaˆ-ehˇ mahˇ laˇ-awˇ, mˬ byoˆ-iˇ leꞈ tehꞈ-a. Nahˇ ma, ba la, aˬ guiˇ dawˬ tawˆ luꞈ puiˆ byoˆ guiˇ byoˆ jiˇ tehꞈ-a. Miˇ tsaˬ heu hawˇ-eu miˇ tsaˬ kʼoeˇ taˆ kʼaˇ jawˇ kʼaˇ jaˆ-eu jeˬ daw tawˆ luꞈ bi puiˆ dzaˬ jiˇ tehꞈ-a.

1 Teˇsaˬloˇni 5:2

Aˬ jeˬ miˇ neh ehˇ naˇ, Sahˬpaˬ Yeˬsuˇ-euˬ Aˇ nah-aˬ, uˬ ciꞈ sehˇ gʼahˇ smˇ kʼoeˬ tahˇ joe oe-eu loꞈ-ehˇ maˬ noeˬ maˬ duˇ-ehˇ jawˇ ngeh keuˆ le tehꞈ-a lehˇ naw maꞈ siˬ duˬ taˬ-euˬ meh.

Maˬlaˬkiˇ 4:5

“Ehˇ kʼawꞈ, guˆ dui dui laˇ paˬ-ehˇ gʼeh-eu Sahˬpaˬ Miˬyehˇ-euˬ aˇ nah nah huiˬ kʼoeˇ nah maˬ keuˆ-euˬ nmˇ kaˬ, Miˬyehˇ gʼaˇ duˬ ngehˬ dah-eu Eˇliˇyaˆ-ahˇ naw maꞈ jawˇ gaˇ ngaˇ pyehˬ gʼeh leꞈ ma.

Yawˇlaˆ 3:14

Yaˇ kʼaˬ daˇ-eu Deh kʼawꞈ laꞈ kʼoeˇ tsawˇ haˬ baˬ maꞈ, tsawˇ haˬ baꞈ muˇ, uiˬ leˇ bymˇ leˇ-awˇ jawˇ luꞈ meh. Yaˇ kʼaˬ daˇ-eu Deh kʼawꞈ laꞈ kʼoeˇ, Sahˬpaˬ Miˬyehˇ-euˬ Aˇ nah kʼoeˇ, gʼawˬ myahˇ maˬ gʼeh-ehˇ keuˆ le meh.

Yawˇlaˆ 2:31

Guˆ dui dui laˇ paˬ-ehˇ gʼeh-eu, Sahˬpaˬ Miˬyehˇ-euˬ Aˇ nah kʼoeˇ, keuˆ le-eu lehˇ gʼeh-eu mehˬ hu, nahˇ ma zahˇ tsui ni pyeuꞈ-iˇ-awˇ, ba la shiˬ neˇ neˇ-iˇ tehꞈ-a.

Yawˇlaˆ 2:1

Miˬyehˇ-euˬ Ziˇoˬ gawˬ jawˬ-ahˇ, muiˬ-eu shawˇ-eu gawˬ jawˬ kʼoeˇ-ahˇ, daˇ heh baw-awˇ laˆ luiˬ nehˬ-awˬ. Yuˇdaˆ tsawˇ haˬ yaw dzuˬ dzuˬ-awˬ. Sahˬpaˬ Miˬyehˇ-euˬ aˇ nah kʼoeˇ, yaw kawˇ ma-ehˇ keuˆ le luꞈ meh.

Yawˇlaˆ 1:15

Baoˬ huiˬ-eu gʼaˬ-euˬ aˬ laꞈ neh, laˆ cawˆ-eu jeˬ bi keuˆ le-eu, Sahˬpaˬ Miˬyehˇ-euˬ aˇ nah kʼoeˇ, yaw kawˇ ma-ehˇ keuˆ le luꞈ meh.

Yeˬsaˬgeˬlaˇ 30:3

Sahˬpaˬ Miˬyehˇ nui ma pehˇ gaˇ, ya mawˇ-eu nah keuˆ le luꞈ meh. Miˇ kʼahˬ tsawˇ jeuˬ dawˬ tawˆ kʼoeˇ taˆ, shaˬ zahˬ mˬ dmˇ ciˬ tehˬ le-eu aˇ nah kʼoeˇ nah keuˆ le luꞈ meh.

Yeˬsaˬgeˬlaˇ 7:19

Sahˬpaˬ Miˬyehˇ nui ma pehˇ-eu jeˬ shehˆ tehˬ leꞈ ngeh, pyuˇ hawˇ-eu shuiˇ neh maˬ ka kʼoꞈ nya-eu baˬ da neh, pyuˇ hawˇ-eu shuiˇ deuˬ-ahˇ yaw jawꞈ yaw laꞈ biˬ dzeh-eu loꞈ-ehˇ, gaˇ ma doe ni byaˆ dzeh taˬ tehꞈ-a. Aˬ yawꞈ maꞈ loˬ-eu jeˬ gʼaˇ duˬ hawˇ-eu uˬ maˆ dehˆ laˇ-eu gʼaˇ duˬ, pyuˇ hawˇ-eu shuiˇ gaˇ dahˇ maˬ tsoeˬ-ehˇ pyeuꞈ-iˇ tehꞈ-a. Pyuˇ hawˇ-eu shuiˇ baˬ da neh, aˬ yawꞈ maꞈ iˬ baˇ mˇ-euˬ meh.

Yeˬlaˬmiˇ 27:18

Aˬ yawꞈ maꞈ Miˬyehˇ gʼaˇ duˬ ngehˬ dah-eu tsawˇ haˬ aˬ diˇ aˬ maˇ pyeuꞈ-awˇ, ngaˬ-euˬ dawˬ aˬ yawꞈ maꞈ za taˬ-euˬ ngeuˇ naˇ, Uˬ duˬ tahˬ nymˇ nymˇ ma laꞈ kʼoeˇ dzeˇ luꞈ-eu pyuˇ shuiˇ myawˬ gahˬ deuˬ hawˇ-eu, sahˬ paˬ-eu nymˇ-ahˇ jaˆ-eu pyuˇ shuiˇ myawˬ gahˬ deuˬ-ahˇ, Baˬbuˇloˬ miˇ kʼahˬ-ahˇ maˬ bi yuˇ gʼeh-eu gʼaˇ duˬ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˬ-ahˇ aˬ yawꞈ maꞈ bi shaˇ haw laˇ sheˇ.”

Maˬlaˬkiˇ 1:9

Piˇ ma deuˬ-oˇ, nymˬ-mˇ poˆ jawˇ-aˬ, Miˬyehˇ aˬ dui-ahˇ yaw muiˬ jeˬ mˇ nehˬ laꞈ ni shaˇ haw-awˬ. Naw maꞈ-euˬ shaˇ dawˬ-ahˇ aˬ yawꞈ maˬ naˇ haˬ nehˬ laꞈ-aˇ. Kʼoeˇ-aˬ, naw maꞈ-euˬ yaw lehˬ baˬ da neh meh.

Yeˬlaˬmiˇ 15:1

Sahˬpaˬ Miˬyehˇ ngaˬ-ahˇ ehˇ-eu, “Moˇseˬ hawˇ-eu Saˬmeuˬlaˆ aˬ ha nyaꞈ ngaˬ-euˬ mehˬ shi yawꞈ laˇ-awˇ shaˇ ju kʼawꞈ, tsawˇ haˬ heu deuˬ-ahˇ ngaˇ gʼawˬ shaˬ maˬ gaˬ. Ngaˇ mawˇ gaˇ aˬ yawꞈ maꞈ maˬ bi jawˇ ni, gaˇ mahˇ kaˬ gaˇ bi iˇ byoˆ-awˬ.

Iˇsaˬyaˇ 34:8

Ziˇoˬ meuˬ-ahˇ Sahˬpaˬ Miˬyehˇ ka kʼoꞈ le-awˇ, muiˇ-eu deuˬ-ahˇ laꞈ poˆ poˆ nehˬ ngeh nah, kʼoeˇ loꞈ-ehˇ gʼeh-eu jeˬ keuˆ le tehꞈ-a.

Iˇsaˬyaˇ 27:4

Yaˇ kmˇ kʼoeˇ-ahˇ ngaˇ nui ma maˬ pehˇ. Yaˇ moꞈ hawˇ-eu aˬ gah nawˆ laˇ gaˇ ngaˇ ceh gʼaˬ-awˇ, miˬ dzaˬ dzah puiˆ nehˬ-eu ma.

Iˇsaˬyaˇ 2:12

Nui ma huiˬ-awˇ smˇ kʼaˆ kʼaˆ-eu deuˬ hawˇ-eu, jahˇ huiˬ jahˇ gʼeh-eu deuˬ gʼaˇ duˬ, Baoˬ huiˬ-eu Sahˬpaˬ Miˬyehˇ lehˬ hmˬ taˬ-euˬ aˇ nah jaˆ meh.

Jaceuq 76:7

Sahˬpaˬ Miˬyehˇ-oˇ, tsawˇ haˬ dawˬ tawˆ luꞈ nawˬ-ahˇ guˆ-awˇ, nawˇ nui ma pehˇ ngeh nawˬ-eu mehˬ shi tiˬ gʼaˬ-iˬ maˬ jawˇ tehˬ peuˬ-a.

Yawˇbaˆ 40:9

Nawˇ ngaˇ naˆ ni gʼaˬ kʼaˆ te loˇ. Ngaˇ loꞈ-ehˇ mˬ jeˬ bi jeˬ mahˇ nya te loˇ.

1 Saˬmeuˬlaˆ 12:23

Ngaˇ tehꞈ law nmˇ-aˬ, naw maꞈ gʼaˇ duˬ guiˬ lahˬ maˬ shaˇ ni jawˇ-eu baˬ da neh ngaˬ-euˬ kʼoeˇ taˆ iˬ baˇ maˬ ya jaˆ laˇ ni yahˇ-eu gʼaˇ duˬ, Sahˬpaˬ Miˬyehˇ ngaˬ-ahˇ ehˇ nehˬ laꞈ gʼaˬ-euˬ meh. Yaw muiˬ jeˬ hawˇ-eu yaw tsaˬ yawˬ dawˇ jeˬ-ahˇ naw maꞈ mˇ ni, ngaˇ mehˬ luꞈ tsoˆ luꞈ-eu ma.

Yeˬsaˬgeˬlaˇ 13:4

Iˇsaˬleˬlaˆ tsawˇ haˬ deuˬ-oˇ, naw maꞈ-ahˇ Miˬyehˇ gʼaˇ duˬ ngehˬ dah nehˬ-eu deuˬ-aˬ, meuˬ meuˬ tsoeˬ-ahˇ jawˇ-eu bawˇ tsahˬ aˬ kuiˬ loꞈ-ehˇ tiˬ jeˬ-iˬ gaˇ dahˇ maˬ tsoeˬ-a.