Yeˬsaˬgeˬlaˇ 13:2 - Akha

² “Tsawˇ haˬ zaˬ-oˇ, yawˬ ha neh kʼaˇ noeˬ doˆ-euˬ jeˬ Iˇsaˬleˬlaˆ tsawˇ haˬ deuˬ-ahˇ ngehˬ dah nehˬ-eu Miˬyehˇ gʼaˇ duˬ ngehˬ dah-eu kʼoeˇ deuˬ-ahˇ, nawˇ tiˬ poˆ paˇ ngehˬ dah nehˬ-awˬ. Sahˬpaˬ Miˬyehˇ ehˇ gaˇ naˇ haˬ-awˬ lehˇ, aˬ yawꞈ maꞈ-ahˇ ehˇ nehˬ-awˬ”

Yeˬsaˬgeˬlaˇ 13:2 Referans Kwoze

Yeˬsaˬgeˬlaˇ 13:17

Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ zaˬ-oˇ, naw maꞈ-euˬ tsawˇ haˬ deuˬ-ahˇ, mehˬ hu paw pyeuꞈ laˇ-eu gaˇ kawˆ mehˬ luꞈ-eu zaˬ miˬ zaˬ deuˬ-ahˇ haw sheˇ. Aˬ yawꞈ maꞈ-euˬ gaˇ kawˆ nawˇ ngehˬ dah nehˬ-awˬ.

Yeˬlaˬmiˇ 37:19

Nawˬ-ahˇ maˬ ehˇ, nawˬ-euˬ miˇ kʼahˬ-ahˇ maˬ ehˇ, Baˬbuˇloˬ sahˬ paˬ guiˇ maˬ deuˆ le-aˇ lehˇ ehˇ-eu, Miˬyehˇ gʼaˇ duˬ ngehˬ dah-eu nawˬ-euˬ tsawˇ haˬ kʼoeˇ deuˬ aˬ jeˬ pyeuꞈ jiˇ-euˬ ta.

Yeˬsaˬgeˬlaˇ 22:28

Kaˇ pyawˇ-ahˇ lu boeˬ lehꞈ ba-eu loꞈ-ehˇ, Miˬyehˇ gʼaˇ duˬ ngehˬ dah-eu deuˬ iˬ baˇ kʼoeˇ deuˬ-ahˇ dehˬ kaˬ-eu meh. Aˬ yawꞈ maꞈ neh yaw sahˇ laꞈ kʼoeˇ ya mawˇ-euˬ jeˬ maˬ tsaˬ-ehˇ, yaw lehˬ jeˬ aˬ yawꞈ maꞈ ngehˬ dah-eu meh. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ gʼaˇ duˬ aˬ yawꞈ maꞈ ngehˬ dah-eu ma lehˇ ehˇ kʼawꞈ, Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ dawˬ ngehˬ cawˬ-euˬ maˬ jaˆ.

Yeˬsaˬgeˬlaˇ 22:25

Aˬ yuiꞈ aˬ tsu kʼoeˇ deuˬ-aˬ, jeˬ zaˬ kawꞈ sehꞈ-awˇ joeˬ luꞈ-eu aˇ laˬ jaˬ shiˇ-ahˇ duˇ-eu meh. Aˬ yawꞈ maꞈ tsawˇ haˬ sehꞈ-awˇ pyuˇ shuiˇ myawˬ gahˬ dawˬ tawˆ luꞈ yuˇ geuꞈ jiˇ-eu meh. Aˬ yawꞈ maꞈ kʼoeˇ loꞈ-ehˇ tsawˇ haˬ sehꞈ-euˬ baˬ da neh, miˬ zaˬ gʼawˬ mya gʼaˬ miˬ coeˬ coeˬ-iˇ jiˇ-euˬ meh.

Iˇsaˬyaˇ 9:15

Uˬ duˬ-aˬ, aˬ yuiꞈ aˬ tsu deuˬ meh. Dawˬ miˬ-aˬ, Miˬyehˇ gʼaˇ duˬ ngehˬ dah-eu deuˬ meh. Aˬ yawꞈ maꞈ mehˬ-eu jeˬ jaˬ myawꞈ myawꞈ luꞈ-eu meh.

Iˇsaˬyaˇ 1:10

Sawˇdoˬ meuˬ kʼoeˇ taˆ uˆ lahˇ-eu deuˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ. Gawˇmawˇlaˆ meuˬ-ahˇ jawˇ-eu tsawˇ haˬ deuˬ-oˇ, Miˬyehˇ mehˬ-eu tsoˆ-eu dawˬ-ahˇ naˬ bawˇ ciˬ kʼmˇ sheˇ.

Zeˬpaˬniˇ 3:4

Miˬyehˇ gʼaˇ duˬ ngehˬ dah-eu deuˬ, saˇ jaˇ maˬ ziꞈ-eu deuˬ pyeuꞈ-awˇ, aˬ yawꞈ-euˬ piˇ ma geuꞈ-eu deuˬ, yaw muiˬ yaw shawˇ jeˬ laˆ jawꞈ-awˇ, zahˇ dawˬ kʼoꞈ dawˬ laˆ cawˆ-eu meh.

Miˇkaˬ 3:11

Meuˬ-ahˇ uˆ lahˇ-eu deuˬ, laꞈ nmꞈ nmꞈ nehˬ gaˇ haw-awˇ uˆ lahˇ luꞈ meh. Piˇ ma deuˬ-aˬ, aˇ poeˬ za gaˇ haw-awˇ zahˇ dawˬ kʼoꞈ dawˬ-euˬ dawˬ tsuiꞈ yuˇ doˆ nehˬ luꞈ-awˇ, Miˬyehˇ gʼaˇ duˬ ngehˬ dah-eu deuˬ kʼawꞈ, pyuˇ myaˆ pyawˬ-ahˇ haw-awˇ ngehˬ dah luꞈ-eu meh. Ehˇ kʼawꞈ, aˬ yawꞈ maꞈ dawˬ tawˆ luꞈ Sahˬpaˬ Miˬyehˇ aˬ yawꞈ maꞈ nehˬ-ehˇ jawˇ meh lehˇ ehˇ-eu meh. “Luˬ-iˇ seˇ-iˇ-eu jeˬ nga maꞈ kʼoeˇ taˆ maˬ keuˆ le-aˇ. Sahˬpaˬ Miˬyehˇ nga maꞈ nehˬ-ehˇ jawˇ ma” lehˇ aˬ yawꞈ maꞈ ehˇ-eu meh.

Miˇkaˬ 3:6

“Miˬyehˇ gʼaˇ duˬ ngehˬ dah-eu tsawˇ haˬ deuˬ-oˇ, naw maꞈ-euˬ aˇ nah aˇ yamˬ jiˇ le luꞈ meh. Naw maꞈ gʼaˇ duˬ nahˇ ma ga ahˇ shaw-iˬ meh. Ngaˬ-euˬ tsawˇ haˬ deuˬ-ahˇ naw maꞈ gaˇ ma sheuˬ bahˬ-euˬ miˇ neh, Miˬyehˇ gʼaˇ duˬ ngehˬ dah-eu jeˬ-ahˇ naw maꞈ maˬ paˇ mˇ nya-ehˇ, mehˬ hu paw pyeuꞈ laˇ-eu gaˇ kawˆ deuˬ-ahˇ naw maꞈ maˬ paˇ ehˇ nya meh.”

Yeˬsaˬgeˬlaˇ 34:9

Kʼoeˇ miˇ neh, yawˇ bo-eu deuˬ-oˇ, ngaˇ ehˇ gaˇ naˇ haˬ-awˬ.

Yeˬsaˬgeˬlaˇ 34:7

“Nymˬ-mˇ poˆ jawˇ yawˇ bo-eu deuˬ-oˇ, Sahˬpaˬ Miˬyehˇ pyeuꞈ-eu ngaˇ naw maꞈ-ahˇ ehˇ gaˇ naˇ haˬ-awˬ.

Yeˬsaˬgeˬlaˇ 13:3

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Miˬyehˇ gʼaˇ duˬ ngehˬ dah-eu aˬ dzawˬ aˇ gah heu deuˬ shaˬ zahˬ naꞈ dui dui tehꞈ-a. Aˬ yawꞈ maꞈ yawˬ ha neh kʼaˇ noeˬ doˆ-euˬ jeˬ ngehˬ dah-eu meh.

Ngoeˇ dawˬ 4:13

Kʼoeˇ gaˇ uˇ keuˆ leˇ nya-euˬ-aˬ, bawˇ lawˇ peh hawˇ-eu piˇ ma deuˬ, tsawˇ muiˬ deuˬ-ahˇ sehꞈ-eu laꞈ kʼoeˇ, iˬ baˇ mˇ-euˬ baˬ da neh meh.

Yeˬlaˬmiˇ 27:18

Aˬ yawꞈ maꞈ Miˬyehˇ gʼaˇ duˬ ngehˬ dah-eu tsawˇ haˬ aˬ diˇ aˬ maˇ pyeuꞈ-awˇ, ngaˬ-euˬ dawˬ aˬ yawꞈ maꞈ za taˬ-euˬ ngeuˇ naˇ, Uˬ duˬ tahˬ nymˇ nymˇ ma laꞈ kʼoeˇ dzeˇ luꞈ-eu pyuˇ shuiˇ myawˬ gahˬ deuˬ hawˇ-eu, sahˬ paˬ-eu nymˇ-ahˇ jaˆ-eu pyuˇ shuiˇ myawˬ gahˬ deuˬ-ahˇ, Baˬbuˇloˬ miˇ kʼahˬ-ahˇ maˬ bi yuˇ gʼeh-eu gʼaˇ duˬ, Baoˬ huiˬ-eu Sahˬpaˬ Miˬyehˇ pyeuꞈ-eu ngaˬ-ahˇ aˬ yawꞈ maꞈ bi shaˇ haw laˇ sheˇ.”

Yeˬlaˬmiˇ 27:14

Baˬbuˇloˬ sahˬ paˬ-euˬ laˬ oꞈ taˬ awꞈ lehˇ ehˇ-eu Miˬyehˇ gʼaˇ duˬ ngehˬ dah-eu deuˬ-euˬ dawˬ-ahˇ taˬ naˇ haˬ. Aˬ yawꞈ maꞈ nawˬ-ahˇ mehˇ shuiˇ shuiˇ luꞈ-eu meh.

Yeˬlaˬmiˇ 23:2

Aˬ yawꞈ-euˬ tsawˇ haˬ deuˬ-ahˇ bi haw bi pyaˆ-euˬ aˬ yuiꞈ aˬ tsu deuˬ-ahˇ taꞈ leˇ-awˇ, Iˇsaˬleˬlaˆ-euˬ Miˬyehˇ pyeuꞈ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ tsawˇ jeuˬ-ahˇ maˬ haw maˬ pyaˆ ni, aˬ yawꞈ maꞈ-ahˇ teh byaˆ nehˬ-euˬ meh. Naw maꞈ neh mˇ-euˬ yaw haiˬ jeˬ gʼaˇ duˬ nymˬ-mˇ naw maꞈ-ahˇ ngaˇ kʼehˬ nehˬ kʼaˆ nehˬ ma.

Yeˬlaˬmiˇ 8:10

Kʼoeˇ miˇ neh aˬ yawꞈ maꞈ-euˬ deh yaˇ aˬ cawˬ-ahˇ biꞈ-awˇ, aˬ yawꞈ maꞈ-euˬ miˬ zaˬ aˬ cawˬ-ahˇ biꞈ nehˬ ma. Huiˬ zaˬ nyiˇ zaˬ maˬ tseˇ paˆ ni, maˬ sui maˬ dawˇ-eu laꞈ kʼoeˇ pyuˇ shuiˇ poˆ-euˬ meh. Miˬyehˇ gʼaˇ duˬ ngehˬ dah-eu deuˬ hawˇ-eu piˇ ma deuˬ kʼawꞈ, miˇ kʼahˬ zaˬ-ahˇ myawꞈ dzaˬ-eu meh.

Yeˬlaˬmiˇ 5:31

Miˬyehˇ gʼaˇ duˬ ngehˬ dah-eu deuˬ jaˬ myawꞈ myawꞈ-awˇ, aˬ yawꞈ maꞈ neh ehˇ-euˬ loꞈ-ehˇ piˇ ma deuˬ mˇ byah-eu, ngaˬ-euˬ tsawˇ haˬ deuˬ nui kʼahˇ shiˇ-eu meh. Ehˇ kʼawꞈ aˇ saˬ saˬ-eu aˇ yamˬ keuˆ le ngeh jawˇ, aˬ yawꞈ maꞈ aˬ joˆ-ehˇ jahˇ nmˇ.

Iˇsaˬyaˇ 28:14

Yeˬluˇsaˬlehˬ meuˬ zaˬ deuˬ-ahˇ uˆ lahˇ luꞈ-eu, nui ma huiˬ-eu tsawˇ haˬ deuˬ-oˇ, Sahˬpaˬ Miˬyehˇ-euˬ dawˬ-ahˇ naˇ haˬ sheˇ.

1 Sahˬpaˬ 22:19

Miˇkaˬyaˇ paˇ ehˇ-eu, “Sahˬpaˬ Miˬyehˇ ehˇ gaˇ naˇ haˬ sheˇ. Sahˬpaˬ Miˬyehˇ-aˬ, mˬ kʼoeˇ taˆ aˬ yawꞈ-euˬ nuiˇ mahˬ-ahˇ nuiˇ luꞈ-awˇ, aˬ yawꞈ-euˬ mˬ taˆ gʼaˬ kʼehˇ dawˬ tawˆ luꞈ, aˬ yawꞈ dawˬ peh yawꞈ luꞈ-eu ngaˬ-ahˇ mawˇ laˇ miˇ-a.

Yeˬsaˬgeˬlaˇ 13:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬsaˬgeˬlaˇ 16:35

Nymˬ-mˇ poˆ jawˇ, Yeˬluˇsaˬlehˬ meh maˬ laˇ-oˇ, Sahˬpaˬ Miˬyehˇ ehˇ gaˇ naˇ haˬ sheˇ.