Yeˬsaˬgeˬlaˇ 13:19 - Akha

¹⁹ Lawˬ loeˇ hawˇ-eu kaˬ muˇ ui cuiˆ za laˇ gaˇ haw-awˇ, ngaˬ-euˬ tsawˇ haˬ deuˬ-euˬ mehˬ shi, naw maꞈ ngaˬ-ahˇ yehˬ bawˬ sehˇ lu-ehˇ gʼeh-eu meh. Maˬ bi shiˇ paˬ-ehˇ gʼeh-eu tsawˇ haˬ deuˬ-ahˇ naw maꞈ laˆ sehꞈ-awˇ, bi shiˇ paˬ-ehˇ gʼeh-eu tsawˇ haˬ deuˬ-ahˇ naw maꞈ bi dehꞈ-euˬ meh. Ngaˬ-euˬ tsawˇ haˬ deuˬ naw maꞈ-ahˇ jah laˇ ni, naw maꞈ mehˇ shuiˇ shuiˇ-euˬ meh.”

Yeˬsaˬgeˬlaˇ 13:19 Referans Kwoze

Miˇkaˬ 3:5

Aˇ poeˬ biꞈ nya-eu tsawˇ haˬ deuˬ-ahˇ “Naw maꞈ-ahˇ Miˬyehˇ guiˬ lahˬ biꞈ-eu laꞈ kʼoeˇ yaw saˇ saˇ-ehˇ ya dehꞈ tehꞈ-a” lehˇ ehˇ nehˬ-awˇ, aˇ poeˬ maˬ biꞈ-eu tsawˇ haˬ deuˬ-ahˇ, “Naw maꞈ-ahˇ Miˬyehˇ laˆ cawˆ tehꞈ-a” lehˇ ehˇ-eu Miˬyehˇ gʼaˇ duˬ ngehˬ dah-eu deuˬ neh, ngaˬ-euˬ tsawˇ haˬ deuˬ gaˇ ma bi sheuˬ bahˬ-euˬ meh. Kʼoeˇ loꞈ-ehˇ Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh.

Dawqdaq 28:21

Myaˆ pyawˬ huiˬ nyiˇ tseˇ-eu jeˬ yawˬ lehˬ meh. Ehˇ kʼawꞈ, yaˇ kʼaˬ daˇ-eu tsawˇ haˬ tiˬ paˆ na deuˬ-aˬ, laꞈ nmꞈ ui cuiˆ nmꞈ nehˬ gaˇ noeˬ muiˬ-awˇ, huiˬ-eu yaw lehˬ mˇ nya-eu meh.

Yeˬsaˬgeˬlaˇ 22:26

Piˇ ma deuˬ ngaˬ-euˬ zahˇ dawˬ kʼoꞈ dawˬ-ahˇ puiˬ-awˇ, yaw muiˬ yaw shawˇ jeˬ-ahˇ yaw zeu maˬ baw-a. Yaw muiˬ yaw shawˇ jeˬ hawˇ-eu maˬ muiˬ maˬ shawˇ-eu jeˬ aˬ yawꞈ maꞈ maˬ tseˇ paˆ mehˬ nehˬ-a. Jawˇ nah-ahˇ maˬ lah maˬ daw-a. Aˬ yawꞈ maꞈ kʼoeˇ loꞈ-ehˇ jahˇ-eu baˬ da neh, miˇ kʼahˬ zaˬ deuˬ ngaˬ-ahˇ yaw zeu maˬ baw-a.

Yeˬsaˬgeˬlaˇ 20:39

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu “Iˇsaˬleˬlaˆ tsawˇ haˬ deuˬ-oˇ, nymˬ-mˇ naw maꞈ-euˬ nui kʼahˇ mˇ-awˬ. Tahˬ pahˬ aˬ ma mawˇ kawˇ deuˬ-ahˇ uˬ duˬ tahˬ tahˬ-ehˇ jawˇ tawˬ-awˬ. Tahˬ pahˬ aˬ ma mawˇ kawˇ deuˬ-ahˇ damˬ nehˬ-eu laꞈ kʼoeˇ ngaˬ-euˬ muiˬ-eu shawˇ-eu tsawˇ myahˇ-ahˇ yehˬ bawˬ-ehˇ maˬ gʼeh nya-eu aˇ yamˬ keuˆ le tehꞈ-a lehˇ, naw maꞈ-ahˇ ngaˇ yaw kʼaˆ kʼaˆ-ehˇ ehˇ-eu ma.

Yeˬlaˬmiˇ 23:17

Ngaˬ-euˬ ehˇ dawˬ maˬ naˇ haˬ-eu tsawˇ haˬ deuˬ-ahˇ, nui saˇ oꞈ tehꞈ-a lehˇ aˬ yawꞈ maꞈ gʼaˬ biꞈ-awˇ, nui ma gʼahˇ dui dui-eu tsawˇ haˬ yawˬ gʼaˬ na luꞈ-ahˇ, shaˬ zahˬ maˬ puˬ le-aˇ lehˇ aˬ yawꞈ maꞈ gʼaˬ baꞈ baꞈ-eu meh.”

Yeˬlaˬmiˇ 23:14

Ehˇ kʼawꞈ Yeˬluˇsaˬlehˬ meuˬ-ahˇ ngaˬ-euˬ gʼaˇ duˬ ngehˬ dah-eu deuˬ, kʼoeˇ naˆ maˬ tseˇ doeˇ gaˇ ngaˇ mawˇ-euˬ ma. Aˬ cawˬ-euˬ miˬ zaˬ-ahˇ aˬ yawꞈ maꞈ bahˬ gʼa muˆ gʼa-awˇ, jaˬ myawꞈ mehˇ shuiˇ dawˬ ngehˬ-eu meh. Tsawˇ haˬ yawˬ gʼaˬ na luꞈ yaw haiˬ jeˬ maˬ byehˇ ni mˇ-eu gʼaˇ duˬ, yaw lehˬ mˇ gaˇ aˬ yawꞈ maꞈ gʼaˬ baꞈ baꞈ-eu meh. Aˬ yawꞈ maꞈ dawˬ tawˆ luꞈ ngaˬ-euˬ mehˬ shi, Sawˇdoˬ hawˇ-eu Gawˇmawˇlaˆ meuˬ loꞈ-ehˇ, doeˇ dui dui-eu tsawˇ haˬ deuˬ pyeuꞈ-eu meh.”

Lormav 16:18

Aˬ jeˬ miˇ neh ehˇ naˇ, kʼoeˇ loꞈ-ehˇ mˇ-eu tsawˇ haˬ deuˬ-aˬ, aˬ dui-euˬ Sahˬpaˬ Yeˬsuˇ Ka li-euˬ gaˇ mˇ-eu maˬ ngeuˇ-a. Yawˬ ha-euˬ uˬ maˆ gʼaˇ duˬ shaˇ noeˬ-awˇ mehˇ shuiˇ shuiˇ-eu laꞈ kʼoeˇ iˬ baˇ maˬ ahˇ-eu tsawˇ haˬ deuˬ-ahˇ sheuˬ bahˬ-eu meh.

Miˇkaˬ 3:11

Meuˬ-ahˇ uˆ lahˇ-eu deuˬ, laꞈ nmꞈ nmꞈ nehˬ gaˇ haw-awˇ uˆ lahˇ luꞈ meh. Piˇ ma deuˬ-aˬ, aˇ poeˬ za gaˇ haw-awˇ zahˇ dawˬ kʼoꞈ dawˬ-euˬ dawˬ tsuiꞈ yuˇ doˆ nehˬ luꞈ-awˇ, Miˬyehˇ gʼaˇ duˬ ngehˬ dah-eu deuˬ kʼawꞈ, pyuˇ myaˆ pyawˬ-ahˇ haw-awˇ ngehˬ dah luꞈ-eu meh. Ehˇ kʼawꞈ, aˬ yawꞈ maꞈ dawˬ tawˆ luꞈ Sahˬpaˬ Miˬyehˇ aˬ yawꞈ maꞈ nehˬ-ehˇ jawˇ meh lehˇ ehˇ-eu meh. “Luˬ-iˇ seˇ-iˇ-eu jeˬ nga maꞈ kʼoeˇ taˆ maˬ keuˆ le-aˇ. Sahˬpaˬ Miˬyehˇ nga maꞈ nehˬ-ehˇ jawˇ ma” lehˇ aˬ yawꞈ maꞈ ehˇ-eu meh.

1 Beˬtuˆluˆ 5:2

Miˬyehˇ neh naw maꞈ-ahˇ a nehˬ taˬ-euˬ yawˇ yawˇ maꞈ-ahˇ bo saˆ-awˬ. Miˬyehˇ geuꞈ mawꞈ-eu loꞈ-ehˇ laˬ kʼaˬ cehˇ-eu laꞈ kʼoeˇ bo saˆ-awˬ. Aˬ cawˬ kʼehˇ-eu miˇ neh bo saˆ-eu jeˬ taˬ bi pyeuꞈ. Aˇ poeˬ za ni tehꞈ-ehˇ mˇ-eu jeˬ kʼawꞈ taˬ bi pyeuꞈ. Nui ma keuˆ-eu laꞈ kʼoeˇ mˇ-eu jeˬ bi pyeuꞈ-awˬ.

1 Gawˇliˬtu 8:11

Kʼoeˇ loꞈ-ehˇ ngeuˇ naˇ, naw maꞈ-euˬ “zaˬ siˬ tsawˇ gahˇ” baˬ da neh gʼaˬ baˬ-eu Ka li zaˬ kʼoeˇ gʼaˬ cawˆ-iˇ tehꞈ-a. Aˬ yawꞈ-euˬ gʼaˇ duˬ Ka li shiˇ dah taˬ-euˬ maˬ ngeuˇ-a loˇ.

Lormav 14:15

Nawˬ neh dzaˬ-euˬ dzaˇ tiˬ jeˬ paˬ baˬ da neh nawˬ-euˬ cawˬ Ka li zaˬ tiˬ gʼaˬ na nui ma maˬ saˇ duˬ jaˆ naˇ, nawˇ gʼoeˇ-eu gaˬ-eu laꞈ kʼoeˇ dehꞈ-eu maˬ paˇ ngeuˇ meh. Ka li shiˇ dah-awˇ ka kʼoꞈ nehˬ-euˬ tsawˇ haˬ-ahˇ nawˬ neh dzaˬ-euˬ dzaˬ dzaˬ dawˇ dawˇ neh maˬ ya laˆ cawˆ-a.

Maˬlaˬkiˇ 1:10

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Naw maꞈ ngaˬ-euˬ lawˇ duˬ kʼoeˇ taˆ miˬ dzaˬ ciˆ doꞈ-awˇ gaˇ dahˇ maˬ tsoeˬ-eu jeˬ maˬ ya mˇ ni, naw maꞈ laꞈ kʼoeˇ tiˬ gʼaˬ na Uˬ duˬ tahˬ nymˇ nymˇ ma-euˬ laˇ gʼoˆ piˬ tehˬ leˇ gaˇ ngaˇ geuꞈ mawꞈ-eu ma. Naw maꞈ-ahˇ ngaˇ nui ma maˬ tsaˬ nya. Naw maꞈ neh yuˇ laꞈ-euˬ lawˇ-eu shehˇ-eu jeˬ ngaˇ maˬ ha geuꞈ.

Yeˬsaˬgeˬlaˇ 13:22

“Ngaˇ maˬ bi mˇ coeˬ mawꞈ-eu tsawˇ muiˬ deuˬ-ahˇ, naw maꞈ jaˬ myawꞈ mehˇ shuiˇ neh guˆ tsiˬ nyehꞈ-euˬ meh. Haiˬ-eu tsawˇ haˬ deuˬ yaw haiˬ jeˬ byehˇ dzeh-awˇ, saꞈ laˇ buˬ-iˇ ni maˬ bi mˇ-eu gʼaˇ duˬ, naw maꞈ laˆ tsoeˬ-euˬ meh.

Dawqdaq 19:27

Dawˬ mehˬ dawˬ tsoˆ maˬ naˇ haˬ ni byehˇ-eu aˬ li, za-euˬ tsawˇ gahˇ byoˆ jiˇ tehꞈ-a.

1 Saˬmeuˬlaˆ 9:7

Sawˇluˆ ehˇ-eu, “Aˇ nyaꞈ aˬ yawꞈ jawˇ gaˇ le naˇ aˬ jeˬ yuˇ gʼeh nehˬ nmˇ. Aˇ nyaꞈ-euˬ pehˇ tahˇ laꞈ kʼoeˇ kaˬ muˇ maˬ paˇ ahˇ meh. Aˇ nyaꞈ aˬ yawꞈ-ahˇ biꞈ paˬ-ehˇ aˬ jeˬ paˇ ahˇ ta.”

Iˇsaˬyaˇ 56:11

Biꞈ dehˆ-euˬ maˬ baw-eu aˬ kuiˬ loꞈ-ehˇ, aˬ yuiꞈ aˬ tsu kʼoeˇ deuˬ noeˬ siˬ nya-eu jeˬ maˬ ahˇ-ehˇ, yawˬ gʼaˬ na luꞈ yawˬ ha nui kʼahˇ poˆ-awˇ, yawˬ ha-ahˇ muiˬ laˇ ni leh jeh-eu meh.

Yeˬsaˬgeˬlaˇ 13:20

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ-euˬ saꞈ laˇ-ahˇ gʼaˬ leˇ nya ni naw maꞈ laꞈ tuiˆ paꞈ gaˇ, ngaˇ maˬ haw nahˇ nya. Naw maꞈ-euˬ laꞈ tuiˆ ngaˇ tseuˆ tsehˆ dzeh-awˇ, naw maꞈ neh laˆ lahˇ taˬ-euˬ tsawˇ haˬ deuˬ-ahˇ ngaˇ pyehˬ nehˬ ma.

Yeˬsaˬgeˬlaˇ 22:25

Aˬ yuiꞈ aˬ tsu kʼoeˇ deuˬ-aˬ, jeˬ zaˬ kawꞈ sehꞈ-awˇ joeˬ luꞈ-eu aˇ laˬ jaˬ shiˇ-ahˇ duˇ-eu meh. Aˬ yawꞈ maꞈ tsawˇ haˬ sehꞈ-awˇ pyuˇ shuiˇ myawˬ gahˬ dawˬ tawˆ luꞈ yuˇ geuꞈ jiˇ-eu meh. Aˬ yawꞈ maꞈ kʼoeˇ loꞈ-ehˇ tsawˇ haˬ sehꞈ-euˬ baˬ da neh, miˬ zaˬ gʼawˬ mya gʼaˬ miˬ coeˬ coeˬ-iˇ jiˇ-euˬ meh.

Dawqdaq 17:15

Yaw lehˬ deuˬ-ahˇ laˆ law nehˬ-eu jeˬ hawˇ-eu, yaw tsaˬ yaw dawˇ deuˬ-ahˇ yaw lehˬ no-eu jeˬ, nyiˬ jeˬ luꞈ-ahˇ Sahˬpaˬ Miˬyehˇ maˬ haw nahˇ-a.

Iˇsaˬyaˇ 5:20

Yaw doeˇ-ahˇ yaw muiˬ no-awˇ, yaw muiˬ-ahˇ yaw doeˇ no-eu deuˬ, yaw zahˇ-ahˇ yaw shehꞈ ciˬ paˇ-awˇ, yaw shehꞈ-ahˇ yaw zahˇ ciˬ paˇ-eu deuˬ, yaw kʼaˬ-ahˇ laˆ coeˇ-awˇ, yaw coeˇ-ahˇ laˆ kʼaˬ-eu deuˬ, ya noeˬ shaˬ dui dui tehꞈ-a.

Yeˬsaˬgeˬlaˇ 22:27

Sahˬpaˬ sahˬ ma geuꞈ-eu deuˬ-aˬ, jeˬ zaˬ kawꞈ sehꞈ-awˇ, pyaˆ dzaˬ luꞈ-eu kʼaˬ yehˇ-ahˇ duˇ-eu meh. Aˬ yawꞈ maꞈ smˇ muiˬ muiˬ laˇ ni tsawˇ haˬ sehꞈ-eu meh.