Yeˬsaˬgeˬlaˇ 13:18 - Akha

¹⁸ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ aˬ yawꞈ maꞈ-ahˇ heu loꞈ-ehˇ ehˇ-eu meh lehˇ ehˇ nehˬ-awˬ. “Aˬ cawˬ-ahˇ ja maw laꞈ tuiˆ paꞈ nehˬ-awˇ, naˇ kʼawˇ-ahˇ ja maw paˇ dzeh lahˇ nehˬ-eu naw maꞈ zaˬ miˬ zaˬ deuˬ, ya noeˬ shaˬ dui dui tehꞈ-a. Aˬ cawˬ -euˬ saꞈ laˇ kʼoeˇ taˆ dzoeˬ nya-eu baoˬ ahˇ laˇ ni, naw maꞈ kʼoeˇ loꞈ-ehˇ jahˇ nehˬ-euˬ meh. Ngaˬ-euˬ tsawˇ haˬ deuˬ-euˬ saꞈ laˇ shiˇ ni jahˇ-awˇ, aˬ cawˬ-euˬ saꞈ laˇ dehꞈ ni jahˇ-eu laꞈ kʼoeˇ, naw maꞈ-ahˇ muiˬ laˇ ni, mˇ mawꞈ-eu meh.

Yeˬsaˬgeˬlaˇ 13:18 Referans Kwoze

2 Beˬtuˆluˆ 2:14

Aˬ yawꞈ maˬ-euˬ myaˆ nuiˆ-aˬ, aˬ cawˬ nehˬ-ehˇ joe mawꞈ-eu nui ma ahˇ-eu zaˬ miˬ zaˬ deuˬ-ahˇ tehꞈ-ehˇ haw mawꞈ-eu meh. Iˬ baˇ mˇ dehˆ-euˬ maˬ baw-a. Gʼaˬ baˬ-eu tsawˇ haˬ deuˬ-ahˇ lahˇ ju-ahˇ teh paꞈ-eu meh. Pyuˇ shuiˇ myawˬ gahˬ-ahˇ mehˇ juiˇ juiˇ dui dui-eu meh. Aˬ yawꞈ maꞈ-aˬ, Miˬyehˇ neh yaˬ kʼehˇ bi yaˬ-euˬ tsawˇ haˬ meh.

Yeˬsaˬgeˬlaˇ 13:20

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Tsawˇ haˬ-euˬ saꞈ laˇ-ahˇ gʼaˬ leˇ nya ni naw maꞈ laꞈ tuiˆ paꞈ gaˇ, ngaˇ maˬ haw nahˇ nya. Naw maꞈ-euˬ laꞈ tuiˆ ngaˇ tseuˆ tsehˆ dzeh-awˇ, naw maꞈ neh laˆ lahˇ taˬ-euˬ tsawˇ haˬ deuˬ-ahˇ ngaˇ pyehˬ nehˬ ma.

2 Tiˆmoˇseˬ 4:3

Tsaˬ-eu muiˬ-eu jah-eu jeˬ-ahˇ tsawˇ haˬ zaˬ maˬ naˇ haˬ geuꞈ-ehˇ, yawˬ ha-euˬ nui noeˬ nui loˆ mehˬ nah iˇ-eu laꞈ kʼoeˇ, yawˬ ha naˇ haˬ mawꞈ-eu jeˬ mehˬ nehˬ laꞈ-eu saˬ laˬ gʼawˬ mya ni aˬ yawꞈ maꞈ poˆ uiˬ tehꞈ-a.

Yeˬsaˬgeˬlaˇ 22:25

Aˬ yuiꞈ aˬ tsu kʼoeˇ deuˬ-aˬ, jeˬ zaˬ kawꞈ sehꞈ-awˇ joeˬ luꞈ-eu aˇ laˬ jaˬ shiˇ-ahˇ duˇ-eu meh. Aˬ yawꞈ maꞈ tsawˇ haˬ sehꞈ-awˇ pyuˇ shuiˇ myawˬ gahˬ dawˬ tawˆ luꞈ yuˇ geuꞈ jiˇ-eu meh. Aˬ yawꞈ maꞈ kʼoeˇ loꞈ-ehˇ tsawˇ haˬ sehꞈ-euˬ baˬ da neh, miˬ zaˬ gʼawˬ mya gʼaˬ miˬ coeˬ coeˬ-iˇ jiˇ-euˬ meh.

Yeˬlaˬmiˇ 6:14

Ngaˬ-euˬ tsawˇ haˬ deuˬ-euˬ maˇ kʼehˬ maˇ naˇ deuˬ-ahˇ, aˬ gah pyaˆ-eu naˆ ni tehꞈ-ehˇ aˬ yawꞈ maꞈ sawˇ nehˬ-awˇ, maˬ taˬ leˇ gaˇ keuˆ ni taˬ leˇ gʼaˬ mehˬ lehˇ myawꞈ-eu meh.

Eˇpeˇsu 4:14

Kʼoeˇ ngeh jawˇ aˬ dui-aˬ, jah-eu jeˬ laꞈ kʼoeˇ zaˬ loꞈ-ehˇ maˬ paˇ pyeuꞈ-ehˇ, aˬ cawˬ-ahˇ tsawˇ gahˇ gahˇ-awˇ gaˇ ma sheuˬ bahˬ nehˬ-eu tsawˇ haˬ deuˬ-euˬ mehˇ shuiˇ jaˬ lehˇ baw laˇ ngeh, aˬ dui-ahˇ maˬ baw poˆ maˬ baw laˆ nya-aˇ.

Yeˬsaˬgeˬlaˇ 13:16

Nui saˇ oꞈ-eu jeˬ maˬ jaˆ gaˇ nui saˇ oꞈ-eu jeˬ jaˆ meh lehˇ ehˇ-eu Miˬyehˇ gʼaˇ duˬ ngehˬ dah-eu kʼoeˇ deuˬ maˬ paˇ jawˇ meh lehˇ, naw maꞈ-ahˇ ngaˇ ehˇ nehˬ ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 13:10

“Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-aˬ, nui saˇ oꞈ-eu jeˬ maˬ jaˆ gaˇ, nui saˇ oꞈ-eu jeˬ jaˆ meh lehˇ ehˇ-awˇ, ngaˬ-euˬ tsawˇ haˬ deuˬ-ahˇ gaˇ ma sheuˬ bahˬ nehˬ-euˬ meh. Ngaˬ-euˬ tsawˇ haˬ deuˬ yaw muiˬ paˬ-ehˇ maˬ gawˬ ziꞈ taˬ-euˬ meuˬ lahˇ-ahˇ, Miˬyehˇ gʼaˇ duˬ ngehˬ dah-eu kʼoeˇ deuˬ lu boeˬ lehꞈ pyuˇ-euˬ meh.

Yeˬlaˬmiˇ 4:10

Kʼoeˇ ngeh, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ nawˇ tmˬ jawˆ ni jaˬ myawꞈ myawꞈ-euˬ meh. Nui saˇ oꞈ-eu jeˬ bi keuˆ le ma lehˇ nawˇ ehˇ taˬ-euˬ kʼawꞈ, aˬ yawꞈ maꞈ-euˬ kuˬ byahˬ-ahˇ mi cehˇ gʼoˆ mawˬ nehˬ-euˬ meh.”

Dawqdaq 6:26

Meh maˬ laˇ-ahˇ kaˬ muˇ tiˬ siˬ biꞈ-awˇ ja juˬ nya kʼawꞈ, aˬ cawˬ aˬ ma nawˬ-euˬ uˬ kʼawˇ poeˬ gaˇ taˬ ngehˇ.

Yeˬsaˬgeˬlaˇ 13:21

Naw maꞈ neh lahˇ taˬ-euˬ ja maw paˇ dzeh ngaˇ gʼeu lehˆ-awˇ, ngaˬ-euˬ tsawˇ haˬ deuˬ mˬ maˬ maˬ byaˆ zaˇ ziˇ naw maꞈ-euˬ baoˬ-ahˇ dzeuˇ-iˇ ni ngaˇ jahˇ ma. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ naw maꞈ ya siˬ duˬ tehꞈ-a.