Yeˬsaˬgeˬlaˇ 13:13 - Akha

¹³ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ nui ma pehˇ-eu laꞈ kʼoeˇ, jaˬ lehˇ lehˇ ma bi baw leꞈ-awˇ, uˬ yehˇ yehˇ ma bi yehˇ le-awˇ, uˬ yehˇ aˇ siˬ kʼawꞈ bi ga le-eu laꞈ kʼoeˇ, meuˬ meuˬ lahˇ kʼoeˇ-ahˇ laˆ cawˆ nehˬ ma.

Yeˬsaˬgeˬlaˇ 13:13 Referans Kwoze

Iˇsaˬyaˇ 30:30

Sahˬpaˬ Miˬyehˇ-aˬ, baoˬ huiˬ-eu aˬ yawꞈ-euˬ dawˬ tsawˇ haˬ yawˬ gʼaˬ na luꞈ-ahˇ bi gaˬ-awˇ, aˬ yawꞈ nui ma pehˇ-eu jeˬ aˇ naˆ ni guˆ laˇ paˬ-ehˇ gʼeh-eu gaˇ kawˆ, tsawˇ haˬ yawˬ gʼaˬ na luꞈ-ahˇ bi siˬ bi mawˇ tehꞈ-a. Miˬ dzaˬ miˬ lmˇ doˆ le-awˇ miˬ dzaˬ doꞈ luꞈ-eu mˬ dmˇ ya mawˇ-eu uˬ taꞈ, uˬ yehˇ aˇ siˬ ga le-awˇ, mˬ jeˬ jaˬ lehˇ oe tehꞈ-a.

Panmaeq 16:21

Smˬ tseˇ jawꞈ-i dzehˬ ni byah-eu uˬ yehˇ aˇ siˬ deuˬ mˬ-ahˇ neh ga le-awˇ, tsawˇ haˬ zaˬ-ahˇ ga deh le-euˬ meh. Uˬ yehˇ aˇ siˬ bi ga le-awˇ kʼehˬ-eu kʼaˆ-eu kʼoeˇ poˆ, kʼoeˇ naˆ naˆ-ehˇ guˆ laˇ paˬ-ehˇ gʼeh-eu miˇ neh, a yawꞈ maꞈ Miˬyehˇ-ahˇ yaˬ kʼehˇ toˇ-eu meh.

Panmaeq 11:19

Mˬ taˆ jaˆ-eu Miˬyehˇ-euˬ uˬ duˬ tahˬ nymˇ nymˇ ma pah taˬ-awˇ, Dawˬ ma saˇ jaˇ Bahˬ keuˆ mawˇ laˇ-eu meh. Kʼoeˇ ngeh, mˬ myawꞈ myawꞈ-awˇ, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ gaˬ le-eu uˬ taꞈ, miˇ luˆ yaw kʼaˆ-ehˇ luˆ-awˇ, uˬ yehˇ aˇ siˬ ga dui dui-eu meh.

Jaceuq 148:8

mˬ jeˬ tsawˬ tehˆ hawˇ-eu uˬ yehˇ aˇ siˬ maˬ ehˇ, ngehˇ hawˇ-eu mˬ dmˇ deuˬ maˬ ehˇ, aˬ yawꞈ-euˬ dawˬ naˇ haˬ-eu mˬ jeˬ jaˬ lehˇ maˬ ehˇ, aˬ yawꞈ-ahˇ ja ceuˬ-awˬ.

Panmaeq 8:7

Mˬ taˆ gʼaˬ kʼehˇ yaw beh gʼaˬ daˇ heh baw ngeh, shiˬ keuˬ-eu uˬ yehˇ aˇ siˬ miˇ tsaˬ kʼoeˇ taˆ ga le-awˇ, miˇ tsaˬ tahˬ kʼawˇ smˬ bymˇ tiˬ bymˇ, aˇ bawˇ smˬ bymˇ tiˬ bymˇ hawˇ-eu, buˬ nyoeˇ dawˬ tawˆ luꞈ puiˆ dzaˬ jiˇ-euˬ meh.

Haˬgaiˇ 2:17

Naw maꞈ neh kʼaˇ ka taˬ-euˬ jeˬ bi cawˆ-iˇ jiˇ-eu lehˇ, lahˇ dui dui-eu jaˬ lehˇ hawˇ-eu, uˬ yehˇ aˇ siˬ deuˬ ngaˇ pyehˬ gʼeh leꞈ kʼawꞈ, naw maꞈ nui ma maˬ paˇ laˇ-a.

Yawˇnaˆ 1:4

Ehˇ kʼawꞈ, Sahˬpaˬ Miˬyehˇ neh jaˬ lehˇ lehˇ ma bi baw laˇ-awˇ, jaˬ lehˇ baw gʼaˬ kʼaˆ dui dui-eu miˇ neh, saˇ baoˬ kʼoeˇ laˇ bi baw pyaˆ bi baw shaˆ jiˇ paˬ-ehˇ pyeuꞈ laˇ taˬ-euˬ meh.

Yeˬlaˬmiˇ 23:19

Aˬ yawꞈ nui ma pehˇ-eu jeˬ-aˬ, haiˬ-eu tsawˇ haˬ deuˬ-euˬ uˬ duˬ-ahˇ ciˬ tahˬ-eu, mˬ jeˬ jaˬ lehˇ-ahˇ duˇ-eu meh.

Jaceuq 107:25

Aˬ yawꞈ dawˬ biꞈ-awˇ jaˬ lehˇ lehˇ ma bi baw leꞈ ngeh, laˆ shaˆ iˇ luˆ dzeh laˇ-eu meh.

Jaceuq 105:32

Uˬ yehˇ-euˬ dah zaˇ mˬ jeˬ tsawˬ tehˆ hawˇ-eu uˬ yehˇ aˇ siˬ, aˬ yawꞈ maꞈ-euˬ miˇ kʼahˬ kʼoeˇ taˆ bi ga le-euˬ meh.

Uˬ duˬ 26:28

ngaˇ nui ma pehˇ laˇ-eu laꞈ kʼoeˇ, yaw beh naˆ maˬ tseˇ shiꞈ bymˇ paˇ kʼaˆ dzehˬ-eu kʼehˬ-eu kʼaˆ-eu jeˬ, naw maꞈ kʼoeˇ taˆ paˇ bi keuˆ le ma.

Yawˇbaˆ 38:22

Ngaˬ neh ngehˇ hawˇ-eu uˬ yehˇ aˇ siˬ dawˆ ahˇ taˬ-euˬ kuˆ lawˆ deuˬ jaˆ gaˇ, nawˇ le keuˆ haw maˬ loˇ.

Yeˬsaˬgeˬlaˇ 1:4

Ngaˇ haw daˆ gʼeh ngeh, laꞈ taˆ paw pyawˬ-ahˇ neh jaˬ lehˇ lehˇ ma oe luꞈ-eu mawˇ-euˬ ma. Huiˬ dui dui-eu mˬ dmˇ laꞈ kʼoeˇ mˬ myawꞈ myawꞈ luꞈ-awˇ, kʼoeˇ-euˬ tiˬ jawˬ mˬ bya cehˆ ni jaˆ luꞈ-eu meh. Mˬ myawꞈ myawꞈ-eu laꞈ kʼoeˇ, guiˬ shuiˇ loꞈ-ehˇ guiˇ nyiˬ ni tiˬ jeˬ mawˇ laˇ-eu meh.

Yeˬsaˬgeˬlaˇ 13:12

Meuˬ lahˇ kʼoeˇ, coˬ pyaˆ-awˇ, lu boeˬ lehꞈ pyuˇ-euˬ aˬ jeˬ gaˇ dahˇ tsoeˬ-eu nga lehˇ, yawˬ gʼaˬ na luꞈ naˇ haˬ laˇ tehꞈ-a.”

Yawˇbaˆ 38:23

Shaˬ-eu zahˬ-eu aˇ yamˬ hawˇ-eu guiˇ deuˆ ceh ceh-eu aˇ yamˬ-ahˇ zmˬ-eu lehˇ, kʼoeˇ deuˬ-ahˇ ngaˇ jeˬ hmˬ taˬ-euˬ ma.

Ngoeˇ dawˬ 2:1

“Sahˬpaˬ Miˬyehˇ nui ma pehˇ-awˇ, zahˇ tsui ni gʼeh-eu mˬ dmˇ neh, Ziˇoˬ meuˬ-ahˇ dehˬ kaˬ-euˬ meh. Iˇsaˬleˬlaˆ yaw shehꞈ kʼahˬ sehˇ, mˬ yaw goˇ-ahˇ bi jaˆ-euˬ kʼoeˇ, miˇ tsaˬ-ahˇ biˬ dzeh nehˬ-euˬ meh. Aˬ yawꞈ nui ma pehˇ-eu kʼoeˇ nah, Uˬ duˬ tahˬ nymˇ nymˇ ma-ahˇ kʼawꞈ, byehˇ dzeh nehˬ peuˬ gaˇ keuˆ ni meh.

Ngoeˇ dawˬ 2:3

Aˬ yawꞈ nui ma pehˇ dui dui-awˇ, Iˇsaˬleˬlaˆ-euˬ gʼaˬ gʼaˬ siˬ, tuˆ paˆ dzeh-awˇ bi shaˬ-euˬ meh. Muiˇ-eu deuˬ-ahˇ ciˬ daˬ luꞈ ngeh, caw ba luꞈ-eu aˇ maˇ laꞈ-ahˇ, cawˬ kʼoꞈ nehˬ-awˇ bi shaˬ-euˬ meh. Miˬ dzaˬ puiˆ byoˆ jiˇ-euˬ loꞈ-ehˇ, kʼaˇ jaˆ-eu jeˬ dawˬ tawˆ luꞈ-ahˇ, aˬ yawꞈ laˆ cawˆ nehˬ jiˇ-euˬ meh.

Ngoeˇ dawˬ 2:4

Muiˇ-eu deuˬ neh jahˇ-euˬ loꞈ-ehˇ, nga maꞈ-ahˇ kaˆ ngoꞈ daˆ taˬ-awˇ, nga maꞈ nui kʼahˇ shiˇ-eu deuˬ-ahˇ, aˬ yawꞈ neh sehꞈ dzeh jiˇ-euˬ meh. Yeˬluˇsaˬlehˬ meuˬ heu laꞈ kʼoeˇ, aˬ yawꞈ-euˬ nui ma pehˇ-eu jeˬ, miˬ dzaˬ loꞈ-ehˇ luˬ laˇ-euˬ meh.