Yeˬsaˬgeˬlaˇ 13:10 - Akha

¹⁰ “Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-aˬ, nui saˇ oꞈ-eu jeˬ maˬ jaˆ gaˇ, nui saˇ oꞈ-eu jeˬ jaˆ meh lehˇ ehˇ-awˇ, ngaˬ-euˬ tsawˇ haˬ deuˬ-ahˇ gaˇ ma sheuˬ bahˬ nehˬ-euˬ meh. Ngaˬ-euˬ tsawˇ haˬ deuˬ yaw muiˬ paˬ-ehˇ maˬ gawˬ ziꞈ taˬ-euˬ meuˬ lahˇ-ahˇ, Miˬyehˇ gʼaˇ duˬ ngehˬ dah-eu kʼoeˇ deuˬ lu boeˬ lehꞈ pyuˇ-euˬ meh.

Yeˬsaˬgeˬlaˇ 13:10 Referans Kwoze

Yeˬsaˬgeˬlaˇ 22:28

Kaˇ pyawˇ-ahˇ lu boeˬ lehꞈ ba-eu loꞈ-ehˇ, Miˬyehˇ gʼaˇ duˬ ngehˬ dah-eu deuˬ iˬ baˇ kʼoeˇ deuˬ-ahˇ dehˬ kaˬ-eu meh. Aˬ yawꞈ maꞈ neh yaw sahˇ laꞈ kʼoeˇ ya mawˇ-euˬ jeˬ maˬ tsaˬ-ehˇ, yaw lehˬ jeˬ aˬ yawꞈ maꞈ ngehˬ dah-eu meh. Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ gʼaˇ duˬ aˬ yawꞈ maꞈ ngehˬ dah-eu ma lehˇ ehˇ kʼawꞈ, Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ dawˬ ngehˬ cawˬ-euˬ maˬ jaˆ.

Yeˬsaˬgeˬlaˇ 13:16

Nui saˇ oꞈ-eu jeˬ maˬ jaˆ gaˇ nui saˇ oꞈ-eu jeˬ jaˆ meh lehˇ ehˇ-eu Miˬyehˇ gʼaˇ duˬ ngehˬ dah-eu kʼoeˇ deuˬ maˬ paˇ jawˇ meh lehˇ, naw maꞈ-ahˇ ngaˇ ehˇ nehˬ ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬlaˬmiˇ 14:13

Kʼoeˇ naˇ, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˬ neh saˇ jaˇ dzaˬ taˬ-euˬ jaˆ-eu miˇ neh, miˇ kʼahˬ heu kʼahˬ laꞈ kʼoeˇ guiˇ deuˆ-eu jeˬ hawˇ-eu mehꞈ-eu shuꞈ-eu jeˬ maˬ keuˆ le-ehˇ, nui saˇ oꞈ-eu jeˬ tehꞈ-ehˇ keuˆ le tehꞈ-a lehˇ, Miˬyehˇ gʼaˇ duˬ ngehˬ dah-eu deuˬ ehˇ luꞈ-eu nawˇ siˬ nya meh.”

Yeˬlaˬmiˇ 8:11

Ngaˬ-euˬ tsawˇ haˬ deuˬ-euˬ maˇ kʼehˬ maˇ naˇ, aˬ gah heu-euˬ naˆ tehꞈ-ehˇ sawˇ-awˇ, maˬ taˬ leˇ-euˬ gaˇ taˬ leˇ gʼaˬ-euˬ meh lehˇ ehˇ-eu meh.

Yeˬlaˬmiˇ 6:14

Ngaˬ-euˬ tsawˇ haˬ deuˬ-euˬ maˇ kʼehˬ maˇ naˇ deuˬ-ahˇ, aˬ gah pyaˆ-eu naˆ ni tehꞈ-ehˇ aˬ yawꞈ maꞈ sawˇ nehˬ-awˇ, maˬ taˬ leˇ gaˇ keuˆ ni taˬ leˇ gʼaˬ mehˬ lehˇ myawꞈ-eu meh.

2 Sahˬpaˬ 21:9

Ehˇ kʼawꞈ, Yuˇdaˆ tsawˇ haˬ deuˬ Sahˬpaˬ Miˬyehˇ-euˬ ehˇ dawˬ maˬ naˇ haˬ geuꞈ-ehˇ, Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ miˇ kʼahˬ kʼoeˇ kʼahˬ laꞈ kʼoeˇ sheuˬ ahˇ nehˬ ngeh, miˇ kʼahˬ kʼoeˇ kʼahˬ laꞈ kʼoeˇ aˬ yawꞈ neh teh doˆ-euˬ tsawˇ jeuˬ kʼoeˇ deuˬ neh mˇ-euˬ iˬ baˇ naˆ maˬ tseˇ huiˬ dzehˬ-eu iˬ baˇ mˇ ni, Yuˇdaˆ tsawˇ haˬ deuˬ-ahˇ Maˬnaˇseˬ gaˇ ma sheuˬ bahˬ-euˬ meh.

Panmaeq 2:20

Ehˇ kʼawꞈ, ngaˇ nawˬ-ahˇ heu loꞈ-ehˇ iˬ baˇ taˬ kʼaˇ za-eu ma. Yawˬ haˇ yawˬ ha Miˬyehˇ gʼaˇ duˬ ngehˬ dah-eu tsawˇ haˬ ma lehˇ ehˇ-eu zaˬ miˬ zaˬ tiˬ gʼaˬ pyeuꞈ-eu Yeˬsaˬbeˬlaˇ-ahˇ nawˇ tiˬ jeˬ-iˬ maˬ jahˇ ni kʼoeˇ loꞈ-ehˇ pyehˬ taˬ-euˬ meh. Aˬ yawꞈ mehˬ-eu tsoˆ-eu kʼoeˇ-aˬ, ngaˬ-euˬ zaˬ kʼaˆ deuˬ maˬ tsaˬ maˬ dawˇ-eu laꞈ kʼoeˇ kʼaˬ miˬ sheu-awˇ, tahˬ pahˬ aˬ ma mawˇ kawˇ-ahˇ lawˇ nehˬ-euˬ lawˇ dzaˇ dzaˬ ni sheuˬ bahˬ-euˬ meh.

1 Yoˇhaˬ 2:26

Naw maꞈ-ahˇ mehˇ shuiˇ shuiˇ geuꞈ-eu lehˇ leh jeh luꞈ-eu tsawˇ haˬ deuˬ gaˇ kawˆ ngaˇ naw maꞈ-ahˇ boꞈ ahˇ laꞈ-eu jeˬ pyeuꞈ-eu ma.

2 Tiˆmoˇseˬ 3:13

Haiˬ-eu tsawˇ haˬ deuˬ hawˇ-eu jaˬ myawꞈ mehˇ shuiˇ deuˬ-aˬ, ngehˬ jawˇ ngehˬ doeˇ dzehˬ laˇ-awˇ, aˬ cawˬ-ahˇ mehˇ shuiˇ shuiˇ-eu loꞈ-ehˇ yawˬ ha-ahˇ mehˇ shuiˇ bi shuiˇ gaˇ ya daˬ tehꞈ-a.

1 Tiˆmoˇseˬ 4:1

Aˇ nah aˇ nah-ehˇ, tsawˇ haˬ tiˬ paˆ na deuˬ jah-eu jeˬ-ahˇ byehˇ dzeh tehꞈ-a lehˇ Yaw sahˇ Miˬyehˇ ehˇ-eu meh. Jaˬ myawꞈ myawꞈ-eu yaw sahˇ deuˬ-euˬ dawˬ-ahˇ aˬ yawꞈ maꞈ naˇ haˬ-awˇ, nehꞈ mehˬ-eu tsoˆ-eu mehˬ nah caw teh gʼeh tehꞈ-a.

Maˬlaˬkiˇ 3:15

Aˬ dui neh ya mawˇ-euˬ loꞈ-ehˇ ngeuˇ naˇ, nui ma huiˬ-eu mahˇ-eu tsawˇ haˬ deuˬ guiˬ lahˬ za gahˬ ngaˇ. Haiˬ-eu tsawˇ haˬ deuˬ dehꞈ dzaˬ dui dui-eu uˬ taꞈ, Miˬyehˇ-ahˇ yaw haiˬ jeˬ mˇ haw mˇ haw-ehˇ dehꞈ kʼawꞈ, tiˬ jeˬ-iˬ maˬ guˬ leˇ nga’ lehˇ ehˇ-eu meh.”

Miˇkaˬ 2:11

“Naw maꞈ gʼaˇ duˬ aˬ gaꞈ dzaˇ uiˇ hawˇ-eu jiˇ baˬ yoeˇ le tehꞈ-a lehˇ jaˬ myawꞈ myawꞈ myawꞈ-ehˇ cah-eu Miˬyehˇ gʼaˇ duˬ ngehˬ dah-eu deuˬ-ahˇ tsawˇ haˬ heu deuˬ mawꞈ-eu meh.

Yeˬsaˬgeˬlaˇ 7:25

Noeˬ shaˬ dui dui-eu jeˬ keuˆ le luꞈ meh. Nui saˇ oꞈ-eu jeˬ-ahˇ naw maꞈ poˆ sehꞈ leꞈ kʼawꞈ, maˬ poˆ mawˇ nya-aˇ.

Yeˬlaˬmiˇ 50:6

“Ngaˬ-euˬ tsawˇ haˬ deuˬ-aˬ, yawˇ bo-eu deuˬ neh gawˬ jawˬ gawˬ duˇ doe ni bi byoˆ-iˇ-euˬ yawˇ deuˬ-ahˇ duˇ-eu meh. Gawˬ jawˬ tiˬ jawˬ saˇ-iˬ ti jawˬ iˇ kaˬ gʼeh-awˇ, iˇ kahˇ-ahˇ maˬ gʼoꞈ doˆ laˇ nya-a.

Yeˬlaˬmiˇ 28:9

Ehˇ kʼawꞈ, nui saˇ oꞈ-eu jeˬ keuˆ le tehꞈ-a lehˇ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ, aˬ diˇ aˬ maˇ Sahˬpaˬ Miˬyehˇ neh pyehˬ gʼeh leꞈ-euˬ Miˬyehˇ gʼaˇ duˬ ngehˬ dah-eu tsawˇ haˬ ngeuˇ-eu maˬ ngeuˇ-eu-aˬ, aˬ yawꞈ neh ngehˬ dah-euˬ loꞈ-ehˇ pyeuꞈ laˇ gʼaˬ miˇ tsa maˬ ngeuˇ naˇ maˬ ehˇ nya-aˇ.”

Yeˬlaˬmiˇ 23:17

Ngaˬ-euˬ ehˇ dawˬ maˬ naˇ haˬ-eu tsawˇ haˬ deuˬ-ahˇ, nui saˇ oꞈ tehꞈ-a lehˇ aˬ yawꞈ maꞈ gʼaˬ biꞈ-awˇ, nui ma gʼahˇ dui dui-eu tsawˇ haˬ yawˬ gʼaˬ na luꞈ-ahˇ, shaˬ zahˬ maˬ puˬ le-aˇ lehˇ aˬ yawꞈ maꞈ gʼaˬ baꞈ baꞈ-eu meh.”

Yeˬlaˬmiˇ 8:15

Jawˇ saˇ doˆ-awˇ nui saˇ oꞈ gaˇ aˬ dui noeˬ tmˬ-euˬ kʼawꞈ, guˆ-eu gaˆ-eu jeˬ bi keuˆ le-euˬ meh.

Yeˬlaˬmiˇ 5:31

Miˬyehˇ gʼaˇ duˬ ngehˬ dah-eu deuˬ jaˬ myawꞈ myawꞈ-awˇ, aˬ yawꞈ maꞈ neh ehˇ-euˬ loꞈ-ehˇ piˇ ma deuˬ mˇ byah-eu, ngaˬ-euˬ tsawˇ haˬ deuˬ nui kʼahˇ shiˇ-eu meh. Ehˇ kʼawꞈ aˇ saˬ saˬ-eu aˇ yamˬ keuˆ le ngeh jawˇ, aˬ yawꞈ maꞈ aˬ joˆ-ehˇ jahˇ nmˇ.

Yeˬlaˬmiˇ 4:10

Kʼoeˇ ngeh, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ nawˇ tmˬ jawˆ ni jaˬ myawꞈ myawꞈ-euˬ meh. Nui saˇ oꞈ-eu jeˬ bi keuˆ le ma lehˇ nawˇ ehˇ taˬ-euˬ kʼawꞈ, aˬ yawꞈ maꞈ-euˬ kuˬ byahˬ-ahˇ mi cehˇ gʼoˆ mawˬ nehˬ-euˬ meh.”

Iˇsaˬyaˇ 57:21

Iˬ baˇ mˇ-eu tsawˇ haˬ nui saˇ maˬ oꞈ-a” lehˇ, Sahˬpaˬ Miˬyehˇ ehˇ taˬ-euˬ meh.

Iˇsaˬyaˇ 30:10

Miˬyehˇ gʼaˇ duˬ ngehˬ dah luꞈ-eu deuˬ-ahˇ, aˬ yawꞈ maꞈ kʼaˬ meh paꞈ tsoeˬ tsoeˬ nehˬ-awˇ, “Yaw tsaˬ yaw dawˇ jeˬ gaˇ kawˆ maˬ mehˬ ni, nga maꞈ naˇ haˬ mawꞈ-eu dawˬ deuˬ hawˇ-eu, gaˇ jaw jaw-eu dawˬ mehˬ le-awˬ” lehˇ ehˇ-eu meh.

Dawqdaq 12:26

Yaw tsaˬ yaw dawˇ tsawˇ haˬ gaˇ dawˇ mah mehˬ mehˬ-awˇ, haiˬ-eu tsawˇ haˬ gaˇ bahˬ sheuˬ ahˇ-eu meh.

2 Laˬsaˬbaˬ 18:12

Kʼoeˇ ngeh, Miˇkaˬyaˇ-ahˇ kuˇ laˬ-iˇ-euˬ yaw huiˬ yaw mahˇ kʼoeˇ gʼaˬ Miˇkaˬyaˇ-ahˇ ehˇ nehˬ-eu, “Miˬyehˇ gʼaˇ duˬ ngehˬ dah-eu deuˬ dawˬ tawˆ luꞈ, sahˬ paˬ guiˇ deuˆ-eu gʼaˬ leˇ tehꞈ-a lehˇ ehˇ-eu meh. Nawˇ kʼawꞈ kʼoeˇ loꞈ-ehˇ ehˇ-eu tsaˬ tehꞈ-a.”

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

Yeˬlaˬmiˇ 23:32

Naˇ haˬ-awˬ. Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Jaˬ myawꞈ mehˇ shuiˇ tiˬ byah ni ahˇ-eu, yawˬ ha neh yuꞈ maˆ maˆ mawˇ-euˬ gaˇ kawˆ ja-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ ngaˇ muiˇ-eu ma. Aˬ yawꞈ maꞈ yuꞈ maˆ maˆ mawˇ-euˬ gaˇ kawˆ ja-awˇ, jaˬ myawꞈ mehˇ shuiˇ shuiˇ-awˇ, kʼahˬ sehˇ jehˆ-eu laꞈ kʼoeˇ ngaˬ-euˬ tsawˇ haˬ deuˬ-ahˇ gaˇ ma sheuˬ bahˬ-eu meh. Aˬ yawꞈ maꞈ-ahˇ ngaˇ dawˬ biꞈ-awˇ kʼehˇ gʼeh leꞈ-euˬ maˬ ngeuˇ. Aˬ yawꞈ maꞈ-aˬ, ngaˬ-euˬ tsawˇ haˬ deuˬ gʼaˇ duˬ tiˬ pawꞈ-iˬ gaˇ dahˇ maˬ tsoeˬ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Hawˇseˬ 9:7

Oꞈ-eu geuˇ-eu loꞈ-ehˇ kʼehˬ-eu, kʼehˬ nah kʼaˆ nah keuˆ le luꞈ meh. Aˇ nah aˇ yamˬ kʼoeˇ keuˆ le ngeh, Iˇsaˬleˬlaˆ siˬ le tehꞈ-a. “Bawˇlawˇpeh heu gʼaˬ tsawˇ uˬ nga.” “Shaˆ ma heu gʼaˬ aˬ dzawˬ nga” lehˇ, naw maꞈ dawˬ doeˇ ngehˬ daˆ-euˬ meh. Naw maꞈ iˬ baˇ myaˬ-eu miˇ neh, naw maꞈ ngaˬ-ahˇ bye dui dui meh.