Yeˬsaˬgeˬlaˇ 12:6 - Akha

⁶ Nawˬ-euˬ myaˆ nuiˆ kaꞈ kaˬ-awˇ, nawˬ-euˬ myawˬ kuˬ baꞈ pu kʼoeˇ taˆ baꞈ-awˇ, yaw zahˇ laꞈ kʼoeˇ nawˇ doˆ-iˇ luꞈ gaˇ aˬ yawꞈ maꞈ bi mawˇ-awˬ. Nawˇ kʼoeˇ loꞈ-ehˇ jahˇ-eu-aˬ, Iˇsaˬleˬlaˆ tsawˇ haˬ deuˬ-ahˇ mehˬ nehˬ tsoˆ nehˬ-eu jeˬ pyeuꞈ tehꞈ-a.”

Yeˬsaˬgeˬlaˇ 12:6 Referans Kwoze

Yeˬsaˬgeˬlaˇ 4:3

Kʼoeˇ naˇ, shmˇ shmˇ byaˆ tiˬ byaˆ yuˇ-awˇ, nawˇ hawˇ-eu meuˬ-euˬ yaw kaˬ-ahˇ ciˬ taw taˬ-awˬ. Meuˬ-ahˇ mehˬ shiˬ pyawˇ-awˇ jawˇ-awˬ. Nawˇ-aˬ, meuˬ-ahˇ loꞈ jawˬ-eu gʼaˬ meh. Heu-aˬ, Iˇsaˬleˬlaˆ tsawˇ jeuˬ gʼaˇ duˬ yaw jeˬ ma jeˬ pyeuꞈ-eu meh.

Yeˬsaˬgeˬlaˇ 24:24

Naw maꞈ gʼaˇ duˬ bi siˬ bi mawˇ-eu jeˬ pyeuꞈ-eu ma. Ngaˬ neh kʼaˇ jahˇ-euˬ loꞈ-ehˇ naw maꞈ ya jahˇ tehꞈ-a. Kʼoeˇ loꞈ-ehˇ pyeuꞈ laˇ ngeh jawˇ, aˬ yawꞈ Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu gaˇ kawˆ naw maꞈ ya siˬ duˬ tehꞈ-a lehˇ, Sahˬpaˬ Miˬyehˇ ehˇ-eu meh.”

Iˇsaˬyaˇ 8:18

Sahˬpaˬ Miˬyehˇ neh ngaˬ-ahˇ biꞈ laꞈ-euˬ zaˬ deuˬ nehˬ-ehˇ ngaˇ jawˇ luꞈ-eu ma. Ziˇoˬ gawˬ jawˬ kʼoeˇ taˆ nuiˇ luꞈ-eu Baoˬ huiˬ-eu Sahˬpaˬ Miˬyehˇ-aˬ, Iˇsaˬleˬlaˆ tsawˇ haˬ deuˬ jawˇ gaˇ, dehꞈ luꞈ-eu dawˬ kawˬ deuˬ loꞈ-ehˇ nga maꞈ-ahˇ pyehˬ gʼeh leꞈ-euˬ meh.

1 Saˬmeuˬlaˆ 28:8

Kʼoeˇ ngeh, aˬ yawꞈ-ahˇ sahˬ paˬ nga lehˇ aˬ cawˬ maˬ bi haw siˬ-eu gʼaˇ duˬ, Sawˇluˆ mehˬ tsoeˬ dm paˇ-euˬ meh. Kʼoeˇ naˇ, uˬ ciꞈ zahˇ le ngeh, aˬ yawꞈ-euˬ tsawˇ haˬ nyiˬ gʼaˬ sheuˬ-awˇ, zaˬ miˬ zaˬ kʼoeˇ gʼaˬ jawˇ gaˇ iˇ-euˬ meh. Zaˬ miˬ zaˬ kʼoeˇ gʼaˬ-ahˇ aˬ yawꞈ ehˇ nehˬ-eu, “Aˬ joˆ-ehˇ pyeuꞈ laˇ-eu lehˇ gʼeh-eu gaˇ kawˆ, ngaˬ-euˬ dah zaˇ yaw sahˇ deuˬ-ahˇ tiˬ poˆ naˇ haˬ haw nehˬ laꞈ sheˇ. Ngaˬ neh tsawˇ myahˇ kuˇ-euˬ tsawˇ haˬ heu gʼaˬ-euˬ yaw sahˇ-ahˇ tiˬ poˆ kuˇ nehˬ laꞈ sheˇ.”

Yawˇbaˆ 24:17

Nah gʼahˇ paw yaw shehꞈ-ahˇ aˬ yawꞈ maꞈ guˆ kʼawꞈ, yaw zahˇ laꞈ kʼoeˇ aˬ yawꞈ maꞈ tiˬ jeˬ-iˬ maˬ guˆ-a.

2 Saˬmeuˬlaˆ 15:30

Daˬbiˇ ngoeˇ ngoeˇ-ehˇ, Saˬloˬ gawˬ jawˬ-ahˇ daˆ leˇ leꞈ-euˬ meh. Aˬ yawꞈ noeˬ shaˬ dui dui-eu miˇ neh, sehˬ nawˆ maˬ nawˆ-eu uˬ taꞈ, uˬ duˬ dehˬ kaˬ taˬ-awˇ cah-euˬ meh. Aˬ yawꞈ-euˬ mehˬ nah cah-eu tsawˇ haˬ dawˬ tawˆ luꞈ kʼawꞈ, uˬ duˬ dehˬ kaˬ-awˇ ngoeˇ luꞈ-eu meh.

Yeˬsaˬgeˬlaˇ 12:5

Aˬ yawꞈ maꞈ haw haw-ehˇ jawˇ ngeh, nawˬ-euˬ nymˇ kaˇ pyawˇ tsawˆ byoe-awˇ, maˇ byoe kʼoeˇ tsahˇ-ahˇ neh nawˬ-euˬ myawˬ kuˬ sheu doˆ-awˬ.

Yeˬsaˬgeˬlaˇ 12:13

Ehˇ kʼawꞈ, ngaˇ baw gʼaꞈ kʼmˇ-awˇ, aˬ yawꞈ-ahˇ kʼmˇ paꞈ ma. Kʼoeˇ naˇ, aˬ yawꞈ-ahˇ ngaˇ Baˬbuˇloˬ meuˬ-ahˇ sheuˬ gʼeh-awˇ, meuˬ kʼoeˇ meuˬ-ahˇ maˬ ya mawˇ-ehˇ ya shiˇ tehꞈ-a.

2 Sahˬpaˬ 7:5

Kʼoeˇ naˇ, uˬ ciꞈ zahˇ le jawˬ-ehˇ Suˇliˆ tsawˇ haˬ-euˬ taˆ-ahˇ aˬ yawꞈ maꞈ le-euˬ meh. Kʼoeˇ gaˇ le keuˆ ngeh, tsawˇ haˬ tiˬ gʼaˬ-iˬ maˬ jawˇ gaˇ ya mawˇ-euˬ meh.

Zaˬkaˬliˇ 3:8

Piˇ ma yaw huiˬ gʼaˬ pyeuꞈ-eu Yawˇshuˆ hawˇ-eu, Yawˇshuˆ-euˬ gaˇ mˇ cawˬ pyeuꞈ-eu Yawˇshuˆ mehˬ shi nuiˇ luꞈ-eu piˇ ma deuˬ naˇ haˬ sheˇ. Naw maꞈ- aˬ, mehˬ hu paw yaw muiˬ jeˬ keuˆ le-eu gaˇ kawˆ, saˇ kiˇ pyeuꞈ-eu meh. Aˇ bawˇ uˬ pyaˬ lehˇ myahˇ-euˬ ngaˬ-euˬ zaˬ kʼaˆ, naw maꞈ-ahˇ ngaˇ mehˬ nehˬ ma.