Yeˬsaˬgeˬlaˇ 12:23 - Akha

²³ Nymˬ-mˇ poˆ-aˬ, gaˇ kawˆ kʼoeˇ-ahˇ taꞈ leˇ-awˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. Dawˬ daˬ kʼoeˇ dawˬ byoˆ-iˇ ni ngaˇ jahˇ ma. Iˇsaˬleˬlaˆ miˇ kʼahˬ laꞈ kʼoeˇ dawˬ daˬ kʼoeˇ dawˬ maˬ paˇ daˬ poˆ nya ni pyeuꞈ-iˇ tehꞈ-a. Aˇ yamˬ tsaˬ laˇ-awˇ, ehˇ taˬ-euˬ dawˬ byah laˇ luꞈ meh lehˇ, aˬ yawꞈ maꞈ-ahˇ ehˇ nehˬ-awˬ.

Yeˬsaˬgeˬlaˇ 12:23 Referans Kwoze

Zeˬpaˬniˇ 1:14

Sahˬpaˬ Miˬyehˇ aˇ nah nah huiˬ, yaw kawˇ kawˇ-ehˇ keuˆ le luꞈ meh. Aˇ nah kʼoeˇ kʼaˬ jehꞈ ni gʼeh-awˇ, kʼaˬ duˬ ni gʼeh-eu yehˇ deuˬ kʼawꞈ, guˇ guˇ-ehˇ ngoeˇ gaˇ keuˆ tehꞈ-a.

Yawˇlaˆ 2:1

Miˬyehˇ-euˬ Ziˇoˬ gawˬ jawˬ-ahˇ, muiˬ-eu shawˇ-eu gawˬ jawˬ kʼoeˇ-ahˇ, daˇ heh baw-awˇ laˆ luiˬ nehˬ-awˬ. Yuˇdaˆ tsawˇ haˬ yaw dzuˬ dzuˬ-awˬ. Sahˬpaˬ Miˬyehˇ-euˬ aˇ nah kʼoeˇ, yaw kawˇ ma-ehˇ keuˆ le luꞈ meh.

Maꞈtehˬ 24:34

Nymˬ-mˇ dehꞈ luꞈ-eu tsawˇ haˬ heu deuˬ maˬ shiˇ jiˇ mi naˆ-ehˇ, kʼoeˇ deuˬ dawˬ tawˆ luꞈ keuˆ le tehꞈ-a lehˇ, naw maꞈ-ahˇ ngaˇ maˇ jawˆ ni ehˇ-eu ma.

Yeˬsaˬgeˬlaˇ 18:3

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu “Ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, Iˇsaˬleˬlaˆ miˇ kʼahˬ laꞈ kʼoeˇ dawˬ daˬ heu dawˬ naw maꞈ maˬ paˇ ya daˬ haw-aˇ.

Maˬlaˬkiˇ 4:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Nui ma huiˬ-eu mahˇ-eu tsawˇ haˬ deuˬ hawˇ-eu haiˬ-eu tsawˇ haˬ deuˬ gʼo yoeˬ loꞈ-ehˇ bi puiˆ dzeh-eu aˇ nah keuˆ le luꞈ meh. Aˇ nah kʼoeˇ nah keuˆ le ngeh, aˬ yawꞈ maꞈ tiˬ jeˬ-iˬ maˬ dzeˇ ni, juiˇ heu ni bi puiˆ dzaˬ jiˇ tehꞈ-a.

Yeˬsaˬgeˬlaˇ 7:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, Iˇsaˬleˬlaˆ miˇ kʼahˬ-ahˇ heu loꞈ-ehˇ ehˇ nehˬ-eu lehˇ gʼeh-eu ma. Heu-aˬ, miˇ kʼahˬ heu kʼahˬ kʼahˬ lah ni gʼaˇ duˬ aˇ saˬ saˬ-eu aˇ nah aˇ yamˬ meh.

Iˇsaˬyaˇ 28:22

Ngaˇ ehˇ gaˇ cehꞈ lehꞈ taˬ ka. Naw maꞈ maˬ dzeuˇ-iˇ nya ni ya shaˬ nmˬ-mˇ. Miˇ kʼahˬ kʼahˬ lah ni laˆ cawˆ-eu gʼaˇ duˬ, Baoˬ huiˬ-eu Sahˬpaˬ Miˬyehˇ noeˬ tsehˆ taˬ-euˬ gaˇ kawˆ, ngaˇ ya gaˬ gʼaˬ-euˬ ma.

Yeˬsaˬgeˬlaˇ 12:25

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ dawˬ ngehˬ-awˇ, ngaˬ neh kʼaˇ ehˇ-euˬ jeˬ maˬ nyi naˬ ni keuˆ le tehꞈ-a. Ngaˬ-ahˇ puiˬ-eu tsawˇ haˬ deuˬ-oˇ, ngaˬ neh jahˇ ma lehˇ ehˇ taˬ-euˬ jeˬ naw maꞈ maˬ shiˇ mi naˆ-ehˇ bi keuˆ le ma lehˇ ngaˇ ehˇ-eu ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu ma.”

Jaceuq 37:13

Ehˇkʼawꞈhaiˬ-eu tsawˇhaˬdeuˬ-ahˇ, SahˬpaˬMiˬyehˇuiˇhaw-eu meh. Aˬyawꞈmaꞈcawˆ-iˇ-eu aˇ nah, keuˆle-eu aˬyawꞈsiˬnya meh.

Yeˬsaˬgeˬlaˇ 16:44

Sahˬpaˬ Miˬyehˇ ehˇ-eu, “Yeˬluˇsaˬlehˬ-oˇ, aˬ ma-ahˇ duˇ-eu aˬ buˇ lehˇ aˬ cawˬ nawˬ-ahˇ dawˬ daˬ daˬ tehꞈ-a.