Yeˬsaˬgeˬlaˇ 12:22 - Akha

²² “Tsawˇ haˬ zaˬ-oˇ, aˬ jeˬ miˇ neh Iˇsaˬleˬlaˆ tsawˇ haˬ deuˬ, ‘Aˇ yamˬ dzeuˇ kʼawꞈ ehˇ taˬ-euˬ dawˬ maˬ byah laˇ nga’ lehˇ daˬ taˬ-euˬ dawˬ daˬ-ahˇ ehˇ poˆ poˆ poˆ-ehˇ jawˇ ta.

Yeˬsaˬgeˬlaˇ 12:22 Referans Kwoze

Yeˬsaˬgeˬlaˇ 11:3

Aˬ yawꞈ maꞈ heu loꞈ-ehˇ ehˇ luꞈ meh. ‘Gʼawˬ myahˇ maˬ gʼeh-ehˇ, aˬ dui nymˇ paˇ ya tsoˆ tehꞈ-a. Meuˬ heu meuˬ-aˬ, gʼawˬ nyoeˇ oeˬ lahˬ-ahˇ duˇ-awˇ aˬ dui-aˬ, oeˬ lahˬ laꞈ kʼoeˇ ahˇ-eu shaˬ jiˇ-ahˇ duˇ-eu ma. Ehˇ kʼawꞈ, oeˬ lahˬ laꞈ kʼoeˇ ahˇ-eu miˇ neh, aˬ dui-ahˇ miˬ dzaˬ puiˆ laˇ gaˇ maˬ keuˆ-a’ lehˇ ehˇ luꞈ meh.

Yeˬsaˬgeˬlaˇ 12:27

“Tsawˇ haˬ zaˬ-oˇ, nawˬ neh yaw sahˇ laꞈ kʼoeˇ ya siˬ ya mawˇ-euˬ jeˬ hawˇ-eu, nawˬ neh Miˬyehˇ gʼaˇ duˬ ngehˬ dah-euˬ jeˬ-aˬ, aˬ kaˇ aˇ yamˬ-ahˇ maˬ ngeuˇ naˇ maˬ keuˆ le luꞈ-a lehˇ Iˇsaˬleˬlaˆ tsawˇ haˬ deuˬ noeˬ luꞈ-eu meh.

Aˬmoˆ 6:3

Luˬ-iˇ seˇ-iˇ-eu aˇ nah keuˆ le luꞈ meh lehˇ ehˇ gaˇ naw maꞈ maˬ jah-a. Ehˇ kʼawꞈ, naw maꞈ-euˬ dehꞈ jeˬ dehꞈ kawˆ-ahˇ haw ngeh, aˇ nah kʼoeˇ nah yaw kawˇ-ehˇ keuˆ le ni mˇ luꞈ gaˇ duˇ-eu meh.

Iˇsaˬyaˇ 5:19

Aˬ yawꞈ maꞈ heu loꞈ-ehˇ ehˇ-eu meh. “Sahˬpaˬ Miˬyehˇ aˬ yawꞈ neh kʼaˇ ehˇ taˬ-euˬ jeˬ, aˬ dui-ahˇ mawˇ laˇ ni, yaw kawˇ-ehˇ bi mˇ haw sheˇ. Iˇsaˬleˬlaˆ-euˬ muiˬ-eu shawˇ-eu Miˬyehˇ neh noeˬ taˬ-euˬ jeˬ, aˬ dui -ahˇ siˬ duˬ laˇ ni, yaw kawˇ-ehˇ bi keuˆ le haw sheˇ.”

Yeˬsaˬgeˬlaˇ 16:44

Sahˬpaˬ Miˬyehˇ ehˇ-eu, “Yeˬluˇsaˬlehˬ-oˇ, aˬ ma-ahˇ duˇ-eu aˬ buˇ lehˇ aˬ cawˬ nawˬ-ahˇ dawˬ daˬ daˬ tehꞈ-a.

Yeˬsaˬgeˬlaˇ 7:26

Luˬ-iˇ seˇ-iˇ-eu jeˬ tiˬ hmˬ saˇ-iˬ tiˬ hmˬ keuˆ le-awˇ, doeˇ dui dui-eu gaˇ kawˆ deuˬ lawˇ gawˆ yoeˇ-eu loꞈ-ehˇ maˬ tsehˆ leˇ ni gaˬ keuˆ le tehꞈ-a. Aˬ yawꞈ maꞈ neh mawˇ taˬ-euˬ gaˇ kawˆ ehˇ nehˬ laꞈ lehˇ, Miˬyehˇ gʼaˇ duˬ ngehˬ dah-eu deuˬ-ahˇ naw maꞈ ya shaˇ tehꞈ-a. Piˇ ma deuˬ maˬ mehˬ maˬ tsoˆ nya-ehˇ pyeuꞈ-iˇ-awˇ, tsawˇ mawˬ tsawˇ kʼaˆ deuˬ maˬ ja noeˬ maˬ ja duˇ nya ni pyeuꞈ-iˇ tehꞈ-a.

Yeˬsaˬgeˬlaˇ 12:21

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Haˬbaˬkuˆ 1:5

Sahˬpaˬ Miˬyehˇ aˬ yawꞈ-euˬ tsawˇ haˬ zaˬ-ahˇ ehˇ-eu, “Miˇ kʼahˬ tsawˇ jeuˬ-ahˇ haw taˬ yawˬ. Nawˇ zahˬ dui ya dui leˇ tehꞈ-a. Ehˇ mehˬ ngeh maˬ jah coeˇ-eu jeˬ, nawˇ dehꞈ luꞈ-eu aˇ yamˬ laꞈ kʼoeˇ, ngaˇ jahˇ nehˬ gaˇ ya mawˇ tehꞈ-a.