Yeˬsaˬgeˬlaˇ 12:2 - Akha

² “Tsawˇ haˬ zaˬ-oˇ, nawˇ-aˬ ngaˬ-ahˇ puiˬ-eu tsawˇ haˬ deuˬ nehˬ-ehˇ jawˇ luꞈ-eu meh. Aˬ yawꞈ maꞈ myaˆ nuiˆ tsoꞈ kʼawꞈ maˬ mawˇ nya-ehˇ, naˬ bawˇ tsoꞈ kʼawꞈ maˬ gaˬ nya-a. Aˬ jeˬ miˇ neh ehˇ naˇ, aˬ yawꞈ maꞈ ngaˬ-ahˇ puiˬ-euˬ meh.

Yeˬsaˬgeˬlaˇ 12:2 Referans Kwoze

Maˬkuˆ 4:12

Aˬ jeˬ miˇ neh ehˇ naˇ, ‘Mawˇ-euˬ nui paw mawˇ kʼawꞈ, yawꞈ maꞈ maˬ siˬ nya-ehˇ; gaˬ-euˬ nui paw gaˬ kʼawꞈ, yawꞈ maꞈ maˬ gʼoˆ shaw-a. Mawˇ-euˬ siˬ duˬ leˇ-awˇ, gaˬ-euˬ gʼoˆ shaw nmˇ-aˬ, Miˬyehˇ jawˇ paw pyawˇ-awˇ, yawꞈ maꞈ gʼoꞈ kʼoꞈ leˇ-awˇ, yawꞈ maꞈ-euˬ iˬ baˇ-ahˇ, Miˬyehˇ pyehˬ nehˬ tehꞈ-a.”’

Yeˬlaˬmiˇ 5:21

Myaˆ nuiˆ tsoꞈ-awˇ maˬ mawˇ nya-eu, naˬ bawˇ tsoꞈ-awˇ maˬ gaˬ nya-eu, aˬ dzawˬ aˇ gah deuˬ naˇ haˬ sheˇ.

Jaceuq 78:40

Kʼaˇ shuiꞈ deh ga laꞈ kʼoeˇ aˬ yawꞈ maꞈ aˬ yawꞈ-ahˇ aˇ myaˆ poˆ puiˬ-euˬ nga. Aˬ yawꞈ-ahˇ aˇ myaˆ poˆ bi noeˬ shaˬ-euˬ nga.

Eˇpeˇsu 4:18

Aˬ yawꞈ maꞈ-euˬ nui ma zahˇ tsui ni gʼeh-eu meh. Aˬ yawꞈ maꞈ tiˬ jeˬ-iˬ maˬ siˬ nya-eu uˬ taꞈ, nui ma gʼahˇ-eu miˇ neh, Miˬyehˇ neh biꞈ-euˬ yaw dehꞈ dehꞈ-eu jeˬ-ahˇ tiˬ pawꞈ-iˬ maˬ taꞈ-a.

Iˇsaˬyaˇ 1:23

Nawˬ-euˬ sahˬ paˬ sahˬ ma deuˬ tahˇ joe pyeuꞈ-awˇ, smˇ kʼoeˬ-ahˇ mehˬ bawˬ gm-eu meh. Yawˬ gʼaˬ na luꞈ laꞈ nmꞈ nmꞈ nehˬ gaˇ gaˬ-awˇ, laꞈ sawˬ biꞈ gaˇ caw teh-eu meh. Aˬ da maˬ baw-eu zaˬ deuˬ gaˇ kawˆ doˆ laˇ ngeh, aˬ yawꞈ maꞈ gʼawˬ shaˬ gaˬ-awˇ yaˇ kʼaˬ maˬ daˇ-a. Miˬ coeˬ miˬ ma deuˬ laꞈ jeuˬ shaˇ leˇ ngeh, aˬ yawꞈ maꞈ myaˆ haw maˬ cawˬ-a.

2 Gawˇliˬtu 3:14

Ehˇ kʼawꞈ, aˬ yawꞈ maꞈ nui ma gʼahˇ-eu meh. Iˬ nah keuˆ ni aˬ yawꞈ maꞈ dawˬ ma saˇ jaˇ yaw oeˇ-ahˇ kʼaˇ gui ngeh, myaˆ pyawˬ-ahˇ saˬ paˇ dehˬ kaˬ taˬ-euˬ kʼoeˇ maˬ yuˇ dzeh-aˬ siˬ. Aˬ jeˬ miˇ neh ehˇ naˇ, ka li-ahˇ maˬ taꞈ naˇ myaˆ pyawˬ-ahˇ dehˬ kaˬ taˬ-euˬ saˬ paˇ kʼoeˇ maˬ yuˇ dzeh nya-a.

Yoˇhaˬ 12:40

“Tsawˇ haˬ heu deuˬ nui ma gʼahˇ-awˇ, naˬ bawˇ yaw tuˇ bi tuˇ laˇ-awˇ, myaˆ nuiˆ myaˆ behꞈ laˆ behꞈ nehˬ-awˬ. Kʼoeˇ loꞈ-ehˇ maˬ jahˇ nehˬ taˬ naˇ, yawꞈ maꞈ myaˆ nuiˆ haw mawˇ nya-awˇ, naˬ bawˇ gaˬ nya laˇ-eu uˬ taꞈ, nui ma gʼoˆ shaw nya-eu miˇ neh, ngaˇ jawˇ paw paˇ gʼoꞈ kʼoꞈ laˇ-awˇ, naˇ gawˇ bi yaˇ taˬ laˇ tehꞈ-a.”

Yeˬlaˬmiˇ 5:23

Ehˇ kʼawꞈ naw maꞈ nui ma gʼahˇ-awˇ puiˬ-eu laꞈ kʼoeˇ, ngaˬ-ahˇ naˇ kʼah ciˬ pyawˇ-awˇ byehˇ dzeh laꞈ-euˬ meh.

Iˇsaˬyaˇ 65:2

Nui ma gʼahˇ-eu laꞈ kʼoeˇ yaw haiˬ jeˬ-ahˇ mˇ-awˇ, yawˬ ha nui kʼahˇ poˆ-eu ngaˬ-euˬ tsawˇ haˬ deuˬ-ahˇ ha geuꞈ nehˬ-eu gʼaˇ duˬ ngaˇ aˬ myah luꞈ lehˬ hmˬ-euˬ ma.

Iˇsaˬyaˇ 30:9

Aˬ yawꞈ maꞈ Miˬyehˇ-ahˇ maˬ tsehˆ leˇ ni puiˬ-awˇ, jaˬ myawꞈ mehˇ shuiˇ myaˬ-eu laꞈ kʼoeˇ, Sahˬpaˬ Miˬyehˇ mehˬ gaˇ maˬ naˇ haˬ-a.

Iˇsaˬyaˇ 30:1

Sahˬpaˬ Miˬyehˇ heu loꞈ-ahˇ ehˇ-eu meh. “Yuˇdaˆ miˇ kʼahˬ-ahˇ uˆ lahˇ-eu tsawˇ haˬ deuˬ, ngaˬ-ahˇ puiˬ-eu miˇ neh, ya noeˬ shaˬ dui dui tehꞈ-a. Ngaˇ maˬ bi mˇ mawꞈ-eu jeˬ aˬ yawꞈ maꞈ mˇ-awˇ, ngaˇ nui ma maˬ tsaˬ-eu deuˬ-ahˇ mehˬ bawˬ gm-eu laꞈ kʼoeˇ, iˬ baˇ duˬ gahˬ gahˬ luꞈ-eu meh.

Luˇkaꞈ 8:10

Yeˬsuˇ aˬ yawꞈ maꞈ-ahˇ ehˇ nehˬ-eu, “Miˬyehˇ Miˇkʼahˬ gaˇ kawˆ aˬ cawˬ maˬ gʼoˆ shaw nya-eu zaꞈ taˬ-euˬ jeˬ-ahˇ gʼoˆ shaw nya-eu tsawˇ gahˇ deuˬ, naw maꞈ-ahˇ biꞈ taˬ gʼaˬ-euˬ meh. Ehˇ kʼawꞈ, nui deuˬ-aˬ, ya mawˇ-euˬ kʼawꞈ maˬ siˬ nya-ehˇ, ya gaˬ-euˬ kʼawꞈ maˬ gʼoˆ shaw nya-eu miˇ neh, yaw jeˬ ma jeˬ ja-awˇ ya mehˬ nehˬ-eu meh.

Yeˬsaˬgeˬlaˇ 2:3

“Tsawˇ haˬ zaˬ-oˇ, Iˇsaˬleˬlaˆ tsawˇ haˬ deuˬ jawˇ gaˇ nawˬ-ahˇ ngaˇ pyehˬ gʼeh-eu lehˇ gʼeh-eu ma. Aˬ yawꞈ maꞈ ngaˬ-ahˇ puiˬ-awˇ byehˇ dzeh yaꞈ-awˇ, aˬ yawꞈ maꞈ-euˬ aˬ poeˬ aˬ bawˇ deuˬ loꞈ-ehˇ iˬ nah keuˆ ni puiˬ luꞈ-eu meh.

Yeˬsaˬgeˬlaˇ 44:6

“Aˬ yawꞈ maꞈ mˇ luꞈ-eu nui daˆ daˆ laˇ paˬ-ehˇ gʼeh-eu jeˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ maˬ paˇ oˇ oꞈ coeˇ miˇ-a lehˇ, ngaˬ-ahˇ puiˬ-eu Iˇsaˬleˬlaˆ tsawˇ haˬ kʼoeˇ deuˬ-ahˇ ehˇ nehˬ-awˬ.

Yeˬsaˬgeˬlaˇ 24:3

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, yaw jeˬ ma jeˬ heu loꞈ-ehˇ ehˇ-eu meh lehˇ, ngaˬ-ahˇ puiˬ-eu tsawˇ haˬ kʼoeˇ deuˬ-ahˇ ehˇ nehˬ-awˬ. Heu-aˬ, aˬ yawꞈ maꞈ gʼaˇ duˬ ngaˬ-euˬ dawˬ ma. Tsawˬ bu-ahˇ oeˬ lahˬ ciˬ dahˇ-awˇ, iˇ cuꞈ shehˆ ahˇ-awˇ bi dahˇ-awˬ.

Yeˬsaˬgeˬlaˇ 17:12

“Yaw jeˬ ma jeˬ kʼoeˇ-euˬ gaˇ kawˆ dawˬ tsuiꞈ siˬ nya ma loˇ lehˇ, ngaˬ-ahˇ puiˬ-eu tsawˇ haˬ kʼoeˇ deuˬ-ahˇ naˇ haˬ-iˬ sheˇ. Baˬbuˇloˬ sahˬpaˬ Yeˬluˇsaˬlehˬ meuˬ-ahˇ oe-awˇ, Yuˇdaˆ sahˬpaˬ hawˇ-eu gaˇ mˇ-eu yaw huiˬ yaw mahˇ deuˬ-ahˇ Baˬbuˇloˬ miˇ kʼahˬ-ahˇ nyehꞈ ka gʼeh-euˬ meh.

Yeˬsaˬgeˬlaˇ 3:9

Nawˇ kʼaˬ lo loꞈ-ehˇ ziꞈ-awˇ, gʼahˇ dui dui-eu kʼaˬ lo sehˇ loꞈ-ehˇ gʼahˇ laˇ ni ngaˇ jahˇ nehˬ ma. Ngaˬ-ahˇ puiˬ-eu tsawˇ haˬ kʼoeˇ deuˬ-ahˇ taˬ guˆ.”

Dawˬmehˬ 31:27

Aˬ yawꞈ maꞈ nui ma aˇ naˆ ni gʼahˇ-awˇ, puiˬ mawꞈ-eu nui ma aˇ naˆ ni ahˇ-eu ngaˇ siˬ nya ma. Ngaˇ yaw dehꞈ dehꞈ luꞈ-eu aˇ yamˬ laꞈ kʼoeˇ, aˬ yawꞈ maꞈ Sahˬpaˬ Miˬyehˇ-ahˇ puiˬ-euˬ meh. Ngaˇ shiˇ dzeuˇ naˇ, kʼoeˇ naˆ maˬ tseˇ aˬ yawꞈ maꞈ paˇ puiˬ tehꞈ-a.

Dawˬmehˬ 29:4

Ehˇ kʼawꞈ, noeˬ siˬ noeˬ mawˇ nya-eu nui ma, haw mawˇ nya-eu myaˆ nuiˆ hawˇ-eu, gaˬ nya-eu naˬ bawˇ heu deuˬ, Sahˬpaˬ Miˬyehˇ naw maꞈ-ahˇ maˬ biꞈ-aˬ siˬ.

Dawˬmehˬ 9:24

Aˬ yawꞈ-ahˇ naw maꞈ maˬ jah-ehˇ, aˬ yawꞈ-euˬ ehˇ dawˬ-ahˇ naw maꞈ maˬ naˇ haˬ-aˬ. Naw maꞈ-ahˇ ngaˇ siˬ nya ngeh tiˬ nah neh, Sahˬpaˬ Miˬyehˇ-ahˇ naw maꞈ puiˬ luꞈ-eu meh.

Dawˬmehˬ 9:7

“Naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ nui ma bi pehˇ ni, bawˇ tsahˬ bawˇ dahˇ laꞈ kʼoeˇ naw maꞈ aˬ joˆ-ehˇ jahˇ-euˬ gaˇ kawˆ-ahˇ tiˬ jawˇ-iˬ taˬ ngehˇ. Iˇjiˇtuˆ miˇ kʼahˬ laꞈ kʼoeˇ neh doˆ le-euˬ tiˬ nah neh aˇ dahˬ beh-awˇ, heu gaˇ laˇ keuˆ ngeh keuˆ ni, Sahˬpaˬ Miˬyehˇ-ahˇ naw maꞈ puiˬ-euˬ meh.

Yeˬlaˬmiˇ 4:17

Yeˬluˇsaˬlehˬ meuˬ Sahˬpaˬ Miˬyehˇ-ahˇ puiˬ-eu miˇ neh, deh yaˇ-ahˇ tsawˇ haˬ loꞈ-eu loꞈ-ehˇ, muiˇ-eu deuˬ Yeˬluˇsaˬlehˬ meuˬ-ahˇ loꞈ jawˬ tehꞈ-a lehˇ, Sahˬpaˬ Miˬyehˇ ehˇ taˬ-euˬ meh.

Iˇsaˬyaˇ 6:5

Ngaˇ heu loꞈ-ehˇ ehˇ-euˬ ma. “Ngaˇ noeˬ tmˬ kʼaˇ maˬ paˇ za miˇ-a. Ngaˬ-euˬ kʼaˬ meh-ahˇ neh kʼaˇ doˆ le-euˬ dawˬ yawˬ dawˬ na luꞈ iˬ baˇ ahˇ-eu uˬ taꞈ, iˬ baˇ ahˇ-eu dawˬ tehꞈ-ehˇ ngehˬ-eu tsawˇ haˬ deuˬ nehˬ-ehˇ ngaˇ jawˇ luꞈ-eu miˇ neh, ngaˇ iˬ baˇ naꞈ dui dui miˇ-a. Ehˇ kʼawꞈ, Baoˬ huiˬ-eu Sahˬpaˬ Miˬyehˇ pyeuꞈ-eu Sahˬ paˬ-ahˇ, ngaˬ-euˬ myaˆ nuiˆ neh ya mawˇ duˬ-euˬ ma.”

Iˇsaˬyaˇ 43:8

Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ jeuˬ-ahˇ yaˇ kʼaˬ daˇ gaˇ kuˇ daˆ-awˬ. Aˬ yawꞈ maꞈ myaˆ nuiˆ tsoꞈ luꞈ kʼawꞈ maˬ mawˇ nya-ehˇ, naˬ bawˇ tsoꞈ kʼawꞈ maˬ gaˬ nya-a.

Yeˬsaˬgeˬlaˇ 12:1

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh.

Yeˬsaˬgeˬlaˇ 12:25

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ aˬ yawꞈ maꞈ-ahˇ dawˬ ngehˬ-awˇ, ngaˬ neh kʼaˇ ehˇ-euˬ jeˬ maˬ nyi naˬ ni keuˆ le tehꞈ-a. Ngaˬ-ahˇ puiˬ-eu tsawˇ haˬ deuˬ-oˇ, ngaˬ neh jahˇ ma lehˇ ehˇ taˬ-euˬ jeˬ naw maꞈ maˬ shiˇ mi naˆ-ehˇ bi keuˆ le ma lehˇ ngaˇ ehˇ-eu ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu ma.”

Dawˬmehˬ 29:3

Guˆ laˇ paˬ-ehˇ gʼeh-eu kʼehˬ-eu kʼaˆ-eu jeˬ maˬ ehˇ, kʼaˆ jeˬ-ehˇ gʼeh-eu jeˬ maˬ ehˇ, yaw kʼaˆ-ehˇ zahˬ leˇ paˬ-ehˇ gʼeh-eu jeˬ maˬ ehˇ, Sahˬpaˬ Miˬyehˇ mˇ-euˬ gaˇ naw maꞈ ya mawˇ-euˬ meh.

2 Sahˬpaˬ 17:14

Ehˇ kʼawꞈ, aˬ yawꞈ maꞈ maˬ naˇ haˇ geuꞈ-ehˇ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ maˬ jah-eu deuˬ pyeuꞈ-eu aˬ yawꞈ maꞈ-euˬ aˬ poeˬ aˬ bawˇ deuˬ loꞈ-ehˇ, nui ma gʼahˇ dui dui-eu meh.

2 Sahˬpaˬ 17:15

Aˬ yawꞈ neh mehˬ nehˬ tsoˆ nehˬ-euˬ jeˬ-ahˇ aˬ yawˬ maꞈ maˬ naˇ haˬ geuꞈ-ehˇ, aˬ yawꞈ neh aˬ yawꞈ maꞈ-euˬ aˬ poeˬ aˬ bawˇ deuˬ nehˬ-ehˇ dzaˬ taˬ-euˬ dawˬ ma saˇ jaˇ-ahˇ aˬ yawꞈ maꞈ maˬ caw teh-eu uˬ taꞈ, aˬ yawꞈ neh bi ehˇ nehˬ-euˬ dawˬ deuˬ aˬ yawꞈ maꞈ-euˬ naˬ bawˇ-ahˇ maˬ gaˬ leˇ-a. Gaˇ dahˇ maˬ tsoeˬ-eu tahˬ pahˬ aˬ ma mawˇ kawˇ deuˬ-ahˇ aˬ yawꞈ maꞈ uˬ duˬ tahˬ-awˇ, gaˇ dahˇ maˬ tsoeˬ-eu tsawˇ haˬ pyeuꞈ laˇ-euˬ meh. Sahˬpaˬ Miˬyehˇ-euˬ ehˇ dawˬ-ahˇ aˬ yawꞈ maꞈ maˬ naˇ haˬ-ehˇ, aˬ yawꞈ maꞈ-euˬ tiˬ jawˬ jawˇ-eu tsawˇ jeuˬ deuˬ-euˬ zahˇ sahˇ kʼoꞈ mehˬ nah aˬ yawꞈ maꞈ caw teh-euˬ meh.

Iˇsaˬyaˇ 44:18

Kʼoeˇ loꞈ-ehˇ gʼeh-eu tsawˇ haˬ deuˬ-aˬ, aˬ dzawˬ dzawˬ dui dui-awˇ, yawˬ ha aˬ jeˬ mˇ luꞈ-eu gaˇ kawˆ yawˬ ha maˬ siˬ nya-a. Aˬ yawꞈ maꞈ myaˆ nuiˆ miˆ tehˬ-awˇ, nui ma piˬ tehˬ taˬ-euˬ miˇ neh, yaw tsaˬ yaw dawˇ jeˬ-ahˇ maˬ siˬ nya-a.

Yeˬlaˬmiˇ 7:26

Ehˇ kʼawꞈ, tsawˇ haˬ tiˬ gʼaˬ-iˬ naˬ bawˇ gaˬ leˇ gaˇ maˬ duˇ-ehˇ, naw maꞈ-euˬ aˬ poeˬ aˬ bawˇ deuˬ naˆ maˬ tseˇ naw maꞈ nui ma gʼahˇ-awˇ, ngaˬ-ahˇ puiˬ mawꞈ-eu jeˬ aˇ dzehˬ dzeuˇ meh.