Yeˬsaˬgeˬlaˇ 12:15 - Akha

¹⁵ “Aˬ cawˬ miˇ kʼahˬ-ahˇ aˬ cawˬ tsawˇ jeuˬ yaw kaˬ-ahˇ, aˬ yawꞈ maꞈ-ahˇ ngaˇ teh byaˆ nehˬ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ ya siˬ tehꞈ-a.

Yeˬsaˬgeˬlaˇ 12:15 Referans Kwoze

Yeˬsaˬgeˬlaˇ 6:7

Yawˬ gaˇ na luꞈ tsawˇ haˬ shiˇ-awˇ, maˬ shiˇ-ehˇ kʼaˇ dzeˇ-eu deuˬ, ngaˇ Sahˬpaˬ Miˬyehˇ pyeuꞈ-eu gaˇ kawˆ siˬ duˬ tehꞈ-a.

Yeˬsaˬgeˬlaˇ 12:20

Nymˬ-mˇ tsawˇ haˬ tiˬ byah ni jawˇ luꞈ-eu meuˬ deuˬ cawˆ-iˇ-awˇ, aˬ yawꞈ maꞈ-euˬ miˇ kʼahˬ bawˇ tsahˬ bawˇ dahˇ pyeuꞈ-iˇ tehꞈ-a. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ yawꞈ maꞈ ya siˬ duˬ tehꞈ-a.”

Yeˬsaˬgeˬlaˇ 12:16

Aˬ cawˬ tsawˇ jeuˬ yaw kaˬ-ahˇ ya dehꞈ ngeh, aˬ yawꞈ maꞈ neh mˇ dzeuˇ yaꞈ-euˬ gaˇ deuˬ jawꞈ dui dui law hawˇ ngaˬ lehˇ siˬ leˇ-awˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ siˬ duˬ leˇ ni, guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ laꞈ kʼoeˇ aˬ yawꞈ maꞈ tsawˇ haˬ maˬ bi shiˇ byoˆ jiˇ ni, ui cuiˆ bi dzeuˇ-iˇ ma.”

Yeˬsaˬgeˬlaˇ 6:14

Ngaˬ-euˬ aˬ laꞈ cawˬ ja-awˇ, aˬ yawꞈ maꞈ-euˬ miˇ kʼahˬ-ahˇ laˆ cawˆ nehˬ ma. Laꞈ oˆ paw pyawˬ-ahˇ jaˆ-eu kʼaˇ shuiꞈ deh-ahˇ neh, laꞈ taˆ paw Yiˇbaˬlahˬ meuˬ-ahˇ keuˆ ni, Iˇsaˬleˬlaˆ tsawˇ haˬ deuˬ kʼaˇ jawˇ-euˬ jawˇ duˬ tiˬ tsahˇ-iˬ maˬ bi dzeuˇ-iˇ ni bi cawˆ-iˇ jiˇ-awˇ ciˬ cuˇ ni bi pyeuꞈ-iˇ ma. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ, yawˬ gʼaˬ na luꞈ ya siˬ duˬ tehꞈ-a.”

Yeˬsaˬgeˬlaˇ 39:28

Kʼoeˇ ngeh jawˇ, ngaˇ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ngaˇ lehˇ, ngaˬ-euˬ tsawˇ haˬ deuˬ-ahˇ siˬ duˬ leˇ tehꞈ-a. Ngaˇ aˬ yawꞈ maꞈ-ahˇ aˬ cawˬ-euˬ miˇ kʼahˬ-ahˇ teh dzeh nehˬ-awˇ, nymˬ-mˇ tiˬ gʼaˬ-iˬ maˬ bi dzeuˇ-iˇ ni aˬ yawꞈ maꞈ-euˬ miˇ kʼahˬ-ahˇ paˇ sheuˬ kʼoꞈ doˆ nehˬ-euˬ miˇ neh, aˬ yawꞈ maꞈ kʼoeˇ loꞈ-ehˇ siˬ duˬ tehꞈ-a.

Yeˬsaˬgeˬlaˇ 33:33

Ehˇ kʼawꞈ, tiˬ dawˬ-iˬ caw teh-awˇ maˬ mˇ-a. Nawˬ neh kʼaˇ ehˇ taˬ-euˬ jeˬ aˬ diˇ aˬ maˇ ya keuˆ le-eu loꞈ-ehˇ, naw neh kʼaˇ ehˇ taˬ-euˬ jeˬ byah laˇ ngeh nah, Miˬyehˇ gʼaˇ duˬ ngehˬ dah-eu tsawˇ haˬ aˬ yawꞈ maꞈ nehˬ-ehˇ jawˇ law hawˇ ngaˬ lehˇ, aˬ yawꞈ maꞈ-ahˇ siˬ leˇ tehꞈ-a.”

Yeˬsaˬgeˬlaˇ 28:26

Aˬ yawꞈ maꞈ kʼoeˇ gaˇ, guˆ-eu gaˆ-eu jeˬ-ahˇ kʼahˬ lahˇ kʼaˇ maˬ za ni ya dehꞈ tehꞈ-a. Aˬ yawꞈ maꞈ nymˇ tsoˆ ziꞈ-awˇ, aˬ gaꞈ yaˇ kmˇ mˇ tehꞈ-a. Aˬ yawꞈ maꞈ-ahˇ yehˬ bawˬ sehˇ lu-ehˇ jahˇ-eu, aˬ yawꞈ maꞈ-euˬ dawˬ peh kʼaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ kʼaˆ nehˬ ma. Iˇsaˬleˬlaˆ tsawˇ haˬ deuˬ nui saˇ oꞈ-awˇ ya dehꞈ ya jawˇ tehꞈ-a. Kʼoeˇ ngeh jawˇ, ngaˇ-aˬ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ ngaˇ lehˇ, aˬ yawꞈ maꞈ-ahˇ siˬ duˬ leˇ tehꞈ-a.

Yeˬsaˬgeˬlaˇ 26:6

Meuˬ laꞈ kʼoeˇ jawˇ-eu tsawˇ haˬ deuˬ-ahˇ mi cehˇ neh aˬ yawꞈ maꞈ sehꞈ tehꞈ-a. Kʼoeˇ ngeh, ngaˇ Sahˬpaˬ Miˬyehˇ pyeuꞈ-eu gaˇ kawˆ Duˇlu meuˬ ya siˬ duˬ tehꞈ-a.”

Yeˬsaˬgeˬlaˇ 25:11

Mawˇbaˆ miˇ kʼahˬ-ahˇ ngaˇ kʼehˬ nehˬ kʼaˆ nehˬ-awˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ, aˬ yawꞈ maꞈ-ahˇ bi siˬ duˬ ma.”

Yeˬsaˬgeˬlaˇ 24:27

Kʼoeˇ ngeh nah, naw maꞈ jawˇ gaˇ maˬ jaˆ-ehˇ pyeuꞈ-iˇ-euˬ dawˬ ngehˬ-eu baoˬ naw maꞈ paˇ za kʼoꞈ-awˇ, aˬ yawꞈ nehˬ-ehˇ dawˬ ya ngehˬ cawˬ tehꞈ-a. Kʼoeˇ loꞈ-ehˇ gʼeh-eu laꞈ kʼoeˇ, naw maꞈ aˬ cawˬ gʼaˇ duˬ bi siˬ bi mawˇ-eu jeˬ pyeuꞈ-awˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ aˬ cawˬ ya siˬ tehꞈ-a.

Yeˬsaˬgeˬlaˇ 14:18

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, tsawˇ haˬ kʼoeˇ smˇ gʼaˬ paˇ dehꞈ law hawˇ kʼawꞈ, yawˬ ha-euˬ uˬ kʼawˇ taꞈ-ehˇ dzeuˇ naˇ, yawˬ ha-euˬ zaˬ-ahˇ keuˆ ni maˬ ka kʼoꞈ nehˬ nya-aˇ lehˇ ehˇ tsehˆ-eu ma.

Yeˬsaˬgeˬlaˇ 11:10

Naw maꞈ-aˬ, yawˬ ha-euˬ miˇ kʼahˬ laꞈ kʼoeˇ guiˇ deuˆ gaˇ bi deuˆ sehꞈ tehꞈ-a. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu gaˇ kawˆ, yawˬ gʼaˬ na luꞈ ya siˬ duˬ tehꞈ-a.

Yeˬsaˬgeˬlaˇ 7:4

Nawˬ-ahˇ ngaˇ maˬ taˬ nehˬ. Gʼawˬ shaˬ kʼawꞈ maˬ gaˬ nehˬ. Ngaˇ Sahˬpaˬ Miˬyehˇ pyeuꞈ-eu gaˇ kawˆ nawˬ-ahˇ siˬ leˇ ni, nawˬ neh mˇ-euˬ nui daˆ daˆ laˇ paˬ-ehˇ gʼeh-eu jeˬ aˇ poeˬ, nawˬ-ahˇ ngaˇ kʼehˬ nehˬ kʼaˆ nehˬ ma.”

Yeˬsaˬgeˬlaˇ 5:13

Ngaˇ nui kʼahˇ tiˬ shiˇ maˬ ya jahˇ nehˬ gʼaˬ kʼoeˇ keuˆ ni, ngaˬ-euˬ nui pehˇ naw maꞈ ya mawˇ duˬ tehꞈ-a. Kʼoeˇ loꞈ-ehˇ pyeuꞈ laˇ ngeh, naw maꞈ saˇ jaˇ maˬ ziꞈ gaˇ ngaˇ nui ma pehˇ dui dui-awˇ ehˇ luꞈ-eu ngaˇ lehˇ, naw maꞈ ya siˬ duˬ tehꞈ-a.

Jaceuq 9:16

SahˬpaˬMiˬyehˇ yaˇkʼaˬdaˇ-awˇ, yawˬhaˇyawˬha pah mehˬ-euˬmeh. yaw haiˬdeuˬlahˇju kʼmˇtaˬ-awˇ, yawˬhaˇyawˬha teuˆpaꞈ-eu meh.

Uˬ duˬ 26:33

Naw maꞈ kʼoeˇ taˆ guiˇ deuˆ-eu jeˬ ngaˇ bi keuˆ le-awˇ, aˬ cawˬ miˇ kʼahˬ laꞈ kʼoeˇ, tiˬ gaˇ tiˬ gʼaˬ-ehˇ naw maꞈ ya jawˇ byoˆ tehꞈ-a. Naw maꞈ-euˬ miˇ kʼahˬ ciˬ cuˇ ni jaˆ yaꞈ-awˇ, naw maꞈ-euˬ meuˬ deuˬ yaw pyaˆ yaw shaˆ-ehˇ jaˆ yaꞈ tehꞈ-a.

Yeˬlaˬmiˇ 29:18

Guiˇ deuˆ-eu jeˬ, mehꞈ-eu shuꞈ-eu jeˬ hawˇ-eu, naˇ-eu gawˇ-eu jeˬ aˬ yawꞈ maꞈ-ahˇ ngaˇ ciˬ tehˬ nehˬ-awˇ miˇ tsaˬ kʼoeˇ taˆ kʼaˇ jawˇ-eu tsawˇ jeuˬ dawˬ tawˆ luꞈ, kʼoeˇ gaˇ ya mawˇ ngeh guˆ dui dui-iˇ tehꞈ-a. Aˬ yawꞈ maꞈ-ahˇ ngaˬ neh teh byaˆ-awˇ kʼaˇ bi jawˇ-euˬ jawˇ duˬ-ahˇ, aˬ yawꞈ maꞈ kʼoeˇ taˆ keuˆ le-euˬ jeˬ-ahˇ ya mawˇ ngeh, aˬ cawˬ laˇ baˇ-iˇ tehꞈ-a. Aˬ cawˬ aˬ yawꞈ maꞈ-ahˇ ja bu ja doeˇ-awˇ, yaˬ kʼehˇ yaˬ ngeh aˬ yawꞈ maꞈ-euˬ tsawˇ myahˇ kuˇ-awˇ yaˬ tehꞈ-a.

Yeˬlaˬmiˇ 49:32

Aˬ yawꞈ maꞈ-euˬ law taw deuˬ hawˇ-eu mawˇ neˇ dawˬ tawˆ luꞈ teh geuꞈ jiˇ-awˬ. Uˬ duˬ tsehˇ kahˇ yaw nymˇ nymˇ-ehˇ tehˬ-eu tsawˇ haˬ kʼoeˇ deuˬ-ahˇ ngaˇ teh byaˆ-awˇ, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ tiˬ jawˬ bi keuˆ le ma.

Yeˬsaˬgeˬlaˇ 5:10

Kʼoeˇ loꞈ-ehˇ jahˇ nehˬ ngeh jawˇ, Yeˬluˇsaˬlehˬ meuˬ-ahˇ jawˇ-eu deuˬ, aˬ ma aˬ da deuˬ zaˬ deuˬ-euˬ shaˬ jiˇ ya dzaˬ gaˇ keuˆ-awˇ, zaˬ deuˬ aˬ ma aˬ da-euˬ shaˬ jiˇ ya dzaˬ gaˇ keuˆ tehꞈ-a. Nawˬ-ahˇ ngaˇ kʼehˬ-awˇ, yawˬ paw na luꞈ byaˆ dzeh gʼeh ngeh, yaw dehꞈ-ehˇ aˬ suˇ gʼaˬ dzeuˇ-iˇ nya nmˇ.