Yeˬsaˬgeˬlaˇ 11:7 - Akha

⁷ “Kʼoeˇ miˇ neh, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, naw maꞈ-ahˇ heu loꞈ-ehˇ ehˇ-eu ma. Meuˬ heu meuˬ-aˬ, gʼawˬ nyoeˇ oeˬ lahˬ-ahˇ duˇ-eu ngeuˇ meh. Ehˇ kʼawꞈ, shaˬ jiˇ aˬ geu-a. Naw maꞈ neh sehꞈ dzeh taˬ-euˬ tsawˇ haˬ kʼoeˇ deuˬ-a loˇ. Naw maꞈ heu gaˇ maˬ ya jawˇ-a. Meuˬ-euˬ laꞈ nyiˇ paw naw maꞈ-ahˇ ngaˇ biˬ doˆ ma.

Yeˬsaˬgeˬlaˇ 11:7 Referans Kwoze

2 Sahˬpaˬ 4:38

Miˇ kʼahˬ kʼoeˇ kʼahˬ laꞈ kʼoeˇ mehꞈ-eu shuꞈ-eu jeˬ keuˆ le ngeh, Giˇlaˇgaˬlaˇ meuˬ-ahˇ Eˇliˇshehˇ gʼoꞈ leˇ-euˬ meh. Miˬyehˇ gʼaˇ duˬ ngehˬ dah-eu aˇ muˇ tiˬ muˇ-ahˇ aˬ yawꞈ mehˬ nehˬ tsoˆ nehˬ luꞈ ngeh, “Aˬ yawꞈ maꞈ bi dzaˬ-eu dzaˇ jahˇ-eu gʼaˇ duˬ, oeˬ lahˬ lahˬ ma ciˬ dahˇ-awˬ” lehˇ aˬ yawꞈ-euˬ zaˬ kʼaˆ-ahˇ aˬ yawꞈ ehˇ nehˬ-euˬ meh.

Yeˬlaˬmiˇ 1:13

Kʼoeˇ naˇ, Sahˬpaˬ Miˬyehˇ ngaˬ-ahˇ dawˬ tiˬ poˆ paˇ ngehˬ cawˬ laˇ-awˇ, “Nawˬ-ahˇ aˬ jeˬ paˇ mawˇ laˇ-eu nya” lehˇ naˇ haˬ laˇ ngeh, “Laˬ taˆ paw pyawˬ-ahˇ iˇ buiˇ buiˇ luꞈ-eu oeˬ lahˬ tiˬ sawˇ mawˇ laˇ-awˇ, heu paw dzeˇ coˬ kʼaˇ le-eu lehˇ gʼeh luꞈ-eu nga” lehˇ ehˇ kʼoꞈ nehˬ-euˬ ma.

Yeˬsaˬgeˬlaˇ 11:3

Aˬ yawꞈ maꞈ heu loꞈ-ehˇ ehˇ luꞈ meh. ‘Gʼawˬ myahˇ maˬ gʼeh-ehˇ, aˬ dui nymˇ paˇ ya tsoˆ tehꞈ-a. Meuˬ heu meuˬ-aˬ, gʼawˬ nyoeˇ oeˬ lahˬ-ahˇ duˇ-awˇ aˬ dui-aˬ, oeˬ lahˬ laꞈ kʼoeˇ ahˇ-eu shaˬ jiˇ-ahˇ duˇ-eu ma. Ehˇ kʼawꞈ, oeˬ lahˬ laꞈ kʼoeˇ ahˇ-eu miˇ neh, aˬ dui-ahˇ miˬ dzaˬ puiˆ laˇ gaˇ maˬ keuˆ-a’ lehˇ ehˇ luꞈ meh.

Yeˬsaˬgeˬlaˇ 11:9

Naw maꞈ-ahˇ ngaˇ meuˬ laꞈ nyiˇ tsahˇ doˆ-awˇ, aˬ cawˬ tsawˇ jeuˬ-euˬ laꞈ-ahˇ a nehˬ ma. Naw maꞈ bi shiˇ-eu gʼaˇ duˬ ngaˇ yaˇ kʼaˬ daˇ gʼaˬ taˬ-euˬ ma.

Yeˬsaˬgeˬlaˇ 11:11

Gʼawˬ nyoeˇ oeˬ lahˬ laꞈ kʼoeˇ ahˇ-eu shaˬ jiˇ-ahˇ, gʼawˬ nyoeˇ oeˬ lahˬ neh loꞈ piˇ taˬ-euˬ loꞈ-ehˇ, meuˬ heu meuˬ naw maꞈ-ahˇ maˬ loꞈ piˇ nya-aˇ. Iˇsaˬleˬlaˆ miˇ kʼahˬ laꞈ kʼoeˇ naw maꞈ aˬ geu coeˇ-ahˇ jawˇ kʼawꞈ, naw maꞈ-ahˇ ngaˇ kʼehˬ nehˬ kʼaˆ nehˬ ma.