Yeˬsaˬgeˬlaˇ 11:3 - Akha

³ Aˬ yawꞈ maꞈ heu loꞈ-ehˇ ehˇ luꞈ meh. ‘Gʼawˬ myahˇ maˬ gʼeh-ehˇ, aˬ dui nymˇ paˇ ya tsoˆ tehꞈ-a. Meuˬ heu meuˬ-aˬ, gʼawˬ nyoeˇ oeˬ lahˬ-ahˇ duˇ-awˇ aˬ dui-aˬ, oeˬ lahˬ laꞈ kʼoeˇ ahˇ-eu shaˬ jiˇ-ahˇ duˇ-eu ma. Ehˇ kʼawꞈ, oeˬ lahˬ laꞈ kʼoeˇ ahˇ-eu miˇ neh, aˬ dui-ahˇ miˬ dzaˬ puiˆ laˇ gaˇ maˬ keuˆ-a’ lehˇ ehˇ luꞈ meh.

Yeˬsaˬgeˬlaˇ 11:3 Referans Kwoze

Yeˬsaˬgeˬlaˇ 12:27

“Tsawˇ haˬ zaˬ-oˇ, nawˬ neh yaw sahˇ laꞈ kʼoeˇ ya siˬ ya mawˇ-euˬ jeˬ hawˇ-eu, nawˬ neh Miˬyehˇ gʼaˇ duˬ ngehˬ dah-euˬ jeˬ-aˬ, aˬ kaˇ aˇ yamˬ-ahˇ maˬ ngeuˇ naˇ maˬ keuˆ le luꞈ-a lehˇ Iˇsaˬleˬlaˆ tsawˇ haˬ deuˬ noeˬ luꞈ-eu meh.

Yeˬsaˬgeˬlaˇ 12:22

“Tsawˇ haˬ zaˬ-oˇ, aˬ jeˬ miˇ neh Iˇsaˬleˬlaˆ tsawˇ haˬ deuˬ, ‘Aˇ yamˬ dzeuˇ kʼawꞈ ehˇ taˬ-euˬ dawˬ maˬ byah laˇ nga’ lehˇ daˬ taˬ-euˬ dawˬ daˬ-ahˇ ehˇ poˆ poˆ poˆ-ehˇ jawˇ ta.

2 Beˬtuˆluˆ 3:4

Aˬ yawꞈ maꞈ naw maꞈ-ahˇ heu loꞈ-ehˇ naˇ haˬ laˇ tehꞈ-a. “Aˬ yawꞈ zaꞈ le ma lehˇ saˇ jaˇ dzaˬ taˬ-euˬ maˬ ngeuˇ-a loˇ. Aˬ yawꞈ zaꞈ le-euˬ aˬ lehˬ. Aˬ dui-euˬ aˬ poeˬ aˬ bawˇ deuˬ shiˇ dzeuˇ jiˇ-euˬ kʼawꞈ, miˇ tsaˬ tahˬ kʼawˇ heu tiˬ jeˬ-iˬ maˬ paˇ laˇ nya ni, kʼaˇ beh taˬ-euˬ loꞈ-ehˇ jaˆ luꞈ-eu maˬ ngeuˇ-a loˇ.”

Aˬmoˆ 6:5

Daˬbiˇ caˇ dawˬ yuˇ doˆ-awˇ deuˇ-mˬ diˬ niˇ gʼa-eu loꞈ-ehˇ, naw maꞈ kʼawꞈ kʼoeˇ loꞈ-ehˇ jahˇ mawꞈ-eu meh.

Yeˬsaˬgeˬlaˇ 7:7

Miˇ kʼahˬ heu kʼahˬ laꞈ kʼoeˇ jawˇ-eu tsawˇ haˬ deuˬ-oˇ, naw maꞈ gʼaˇ duˬ aˇ saˬ saˬ-eu jeˬ keuˆ le luꞈ meh. Gawˬ jawˬ-ahˇ jaˆ-eu uˬ duˬ tahˬ-eu jawˇ duˬ deuˬ-ahˇ byawˬ gʼa-eu aˇ yamˬ jiˇ le-awˇ, guˆ-eu gaˆ-eu jeˬ keuˆ le-eu aˇ yamˬ peh laˇ-euˬ meh.

Iˇsaˬyaˇ 5:19

Aˬ yawꞈ maꞈ heu loꞈ-ehˇ ehˇ-eu meh. “Sahˬpaˬ Miˬyehˇ aˬ yawꞈ neh kʼaˇ ehˇ taˬ-euˬ jeˬ, aˬ dui-ahˇ mawˇ laˇ ni, yaw kawˇ-ehˇ bi mˇ haw sheˇ. Iˇsaˬleˬlaˆ-euˬ muiˬ-eu shawˇ-eu Miˬyehˇ neh noeˬ taˬ-euˬ jeˬ, aˬ dui -ahˇ siˬ duˬ laˇ ni, yaw kawˇ-ehˇ bi keuˆ le haw sheˇ.”

2 Sahˬpaˬ 4:38

Miˇ kʼahˬ kʼoeˇ kʼahˬ laꞈ kʼoeˇ mehꞈ-eu shuꞈ-eu jeˬ keuˆ le ngeh, Giˇlaˇgaˬlaˇ meuˬ-ahˇ Eˇliˇshehˇ gʼoꞈ leˇ-euˬ meh. Miˬyehˇ gʼaˇ duˬ ngehˬ dah-eu aˇ muˇ tiˬ muˇ-ahˇ aˬ yawꞈ mehˬ nehˬ tsoˆ nehˬ luꞈ ngeh, “Aˬ yawꞈ maꞈ bi dzaˬ-eu dzaˇ jahˇ-eu gʼaˇ duˬ, oeˬ lahˬ lahˬ ma ciˬ dahˇ-awˬ” lehˇ aˬ yawꞈ-euˬ zaˬ kʼaˆ-ahˇ aˬ yawꞈ ehˇ nehˬ-euˬ meh.

Miˇkaˬ 3:3

Naw maꞈ ngaˬ-euˬ tsawˇ haˬ deuˬ-euˬ shaˬ jiˇ dzaˬ-euˬ meh. Naw maꞈ aˬ yawꞈ maꞈ-ahˇ baˆ kʼoˆ leuꞈ-awˇ, shaˬ yoeˬ kʼoˆ kʼehꞈ-awˇ, oeˬ lahˬ-ahˇ dawˆ ahˇ-awˇ caꞈ dzaˬ-eu shaˬ jiˇ deuˆ-eu loꞈ-ehˇ aˬ yawꞈ maꞈ-euˬ shaˬ jiˇ deuˆ-eu meh.