Yeˬsaˬgeˬlaˇ 10:5 - Akha

⁵ Jeˬluˇbeˬ-euˬ aˬ dahˇ mahˇ-eu teˇ saˇ laꞈ nyiˇ lahˇ keuˆ ni gaˬ keuˆ le-awˇ, Baoˬ huiˬ-eu Miˬyehˇ-euˬ teˇ saˇ-ahˇ duˇ-eu meh.

Yeˬsaˬgeˬlaˇ 10:5 Referans Kwoze

Yeˬsaˬgeˬlaˇ 1:24

Aˬ yawꞈ maꞈ zaw luꞈ ngeh, aˬ dahˇ kʼoeˇ deuˬ teˇ saˇ mahˇ-eu ngaˇ gaˬ-euˬ ma. Teˇ saˇ kʼoeˇ-aˬ, iˬ ma laˆ shaˆ iˇ cuꞈ mahˇ-eu teˇ saˇ, guiˇ maꞈ maꞈ ma laˇ luꞈ-eu teˇ saˇ hawˇ-eu, baoˬ huiˬ-eu Miˬyehˇ-euˬ teˇ saˇ-ahˇ duˇ-eu meh. Aˬ yawꞈ maꞈ maˬ zaw ni naˬ leˇ ngeh, aˬ dahˇ mˇ cuꞈ taˬ-euˬ meh.

Yawˇbaˆ 40:9

Nawˇ ngaˇ naˆ ni gʼaˬ kʼaˆ te loˇ. Ngaˇ loꞈ-ehˇ mˬ jeˬ bi jeˬ mahˇ nya te loˇ.

2 Laˬsaˬbaˬ 4:9

Piˇ ma deuˬ gʼaˇ duˬ laꞈ kʼoeˇ pu kaˬ hawˇ-eu laꞈ nyiˇ pu kaˬ aˬ yawꞈ maꞈ taw paˆ-euˬ meh. Pu kaˬ kʼoeˇ nyiˬ kaˬ-euˬ yaw kaˬ-ahˇ jaˆ-eu laˇ gʼoˆ deuˬ-ahˇ guiˬ shuiˇ yaw-euˬ meh.

1 Sahˬpaˬ 7:9

Laꞈ nyiˇ paw lahˇ gawˬ taˬ-euˬ ahˇ leˇ-ehˇ aˇ lawˆ heu deuˬ dawˬ tawˆ luꞈ-ahˇ dawˬ pehˬ-ahˇ neh nymˇ mˬ mehˬ dzaˬ-ahˇ keuˆ ni, muiˬ dui dui-eu kʼaˬ lo neh gawˬ taˬ-euˬ meh. Kʼaˬ lo kʼoeˇ deuˬ-ahˇ, laꞈ kʼoeˇ paw maˬ ehˇ, laꞈ nyiˇ paw maˬ ehˇ, yaw muiˬ paˬ-ehˇ dza-awˇ yehˬ di taˬ-euˬ meh.

Doˆ-iˇ 19:19

Daˇ heh baw-eu teˇ saˇ kʼoeˇ tiˬ poˆ saˇ-iˬ tiˬ poˆ kʼaˆ dzehˬ laˇ-euˬ meh. Moˇseˬ dawˬ ngehˬ ngeh, mˬ jeˬ jeˬ-eu laꞈ kʼoeˇ, Miˬyehˇ aˬ yawꞈ-ahˇ dawˬ ngehˬ cawˬ-euˬ meh.

Doˆ-iˇ 19:16

Smˬ nah tiˬ nah uˬ shawˬ paw keuˆ le ngeh, mˬ jeˬ jeˬ-awˇ, mˬ myawꞈ myawꞈ-euˬ meh. Zahˇ tsui ni gʼeh-eu mˬ dmˇ gawˬ jawˬ kʼoeˇ jawˬ kʼoeˇ taˆ jaˆ le-awˇ, kʼaˆ dui dui-eu daˇ heh baw-eu teˇ saˇ mahˇ doˆ laˇ-euˬ meh. Kʼoeˇ ngeh, sehˬ gʼawˆ laꞈ kʼoeˇ jawˇ luꞈ-eu Iˇsaˬleˬlaˆ tsawˇ haˬ dawˬ tawˆ luꞈ guˆ dui dui-awˇ, yaw dzuˬ dzuˬ-euˬ meh.

Yeˬsaˬgeˬlaˇ 46:21

Kʼoeˇ naˇ, tsawˇ haˬ kʼoeˇ gʼaˬ ngaˬ-ahˇ laꞈ nyiˇ pu kaˬ-ahˇ sheuˬ doˆ gʼeh-awˇ, laꞈ coeˇ oeˬ coeˇ-ahˇ sheuˬ jawˬ nehˬ laꞈ-euˬ meh. Laꞈ coeˇ aˬ yawꞈ coeˇ yawˬ-ahˇ laꞈ nyiˇ pu kaˬ kaˬ zaˬ tiˬ kaˬ jaˆ-eu ngaˇ paˇ mawˇ-euˬ ma.

Jaceuq 77:17

Mˬ dmˇ neh uˬ yehˇ shehˆ dzeh leꞈ-awˇ, mˬ kʼoeˇ taˆ mˬ jeˬ jeˬ ngeh, yawˬ coeˇ na luꞈ mˬ myawꞈ myawꞈ-eu meh.

Jaceuq 68:33

Aˇ hu ba neh mˬ kʼoeˇ taˆ cah luꞈ-eu gʼaˬ-ahˇ, ja ceuˬ-eu caˇ dawˬ caˇ-awˬ. Mˬ jeˬ jeˬ gaˇ duˇ-eu aˬ yawꞈ-euˬ teˇ saˇ-ahˇ, yawˬ gʼaˬ na luꞈ naˇ haˬ geuꞈ-awˬ.

Iˇsaˬyaˇ 6:8

Kʼoeˇ ngeh, “Aˬ suˇ gʼaˬ-ahˇ pyehˬ gʼeh nmˇ. Aˬ suˇ gʼaˬ aˬ dui gʼaˇ duˬ ngehˬ dah-iˇ nmˇ” lehˇ Sahˬpaˬ Miˬyehˇ ehˇ-eu ngaˇ ya gaˬ-awˇ, “Ngaˇ iˇ ma. Ngaˬ-ahˇ pyehˬ gʼeh-awˬ” lehˇ ehˇ kʼoꞈ nehˬ-euˬ ma.

Yeˬsaˬgeˬlaˇ 10:6

“Jeˬluˇbeˬ kʼoeˇ deuˬ-euˬ uˬ moˆ jaˆ-eu aˇ beuˆ kʼoeˇ deuˬ-euˬ yaw kaˬ-ahˇ doꞈ luꞈ-eu miˬ jiˆ laˬ doˆ laˬ leˇ-awˬ” lehˇ, shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu gʼaˬ-ahˇ Sahˬpaˬ Miˬyehˇ dawˬ biꞈ ngeh, tsawˇ haˬ kʼoeˇ gʼaˬ uˇ leˇ-awˇ, aˇ beuˆ tiˬ beuˆ dawˬ peh yawꞈ leˇ-euˬ meh.

Yeˬsaˬgeˬlaˇ 40:17

Tsawˇ haˬ kʼoeˇ gʼaˬ ngaˬ-ahˇ gaˇ ma kʼoeˇ kahˇ law caw sheuˬ gʼeh-awˇ, uˬ duˬ tahˬ nymˇ nymˇ ma-euˬ pu kaˬ-ahˇ sheuˬ keuˆ nehˬ laꞈ-euˬ meh. Laꞈ nyiˇ lahˇ-ahˇ tsoˆ tawꞈ taˬ-euˬ kuˆ lawˆ smˬ tseˇ lawˆ jaˆ-awˇ, kuˆ lawˆ kʼoeˇ deuˬ-euˬ mehˬ shi kʼaˬ lo teˇ byaꞈ kʼawˬ taˬ-euˬ pehˇ tsahˇ jaˆ-eu meh.