Yeˬsaˬgeˬlaˇ 10:18 - Akha

¹⁸ Kʼoeˇ naˇ, Sahˬpaˬ Miˬyehˇ-euˬ yaw shehꞈ kʼahˬ sehˇ Uˬ duˬ tahˬ nymˇ nymˇ ma-euˬ gʼoˆ kʼehˬ-ahˇ neh luˆ laˇ-awˇ, Jeˬluˇbeˬ kʼoeˇ deuˬ-euˬ kʼoeˇ taˆ naˬ leˇ-euˬ meh.

Yeˬsaˬgeˬlaˇ 10:18 Referans Kwoze

Jaceuq 18:10

Jeˬluˇbeˬ -ahˇdziˬ-awˇzaw-awˇ, jaˬlehˇkʼoeˇtaˆgʼa le-euˬ meh.

Hawˇseˬ 9:12

Zaˬ paˇ cu huiˬ law hawˇ kʼawꞈ ni, yaw dehꞈ tiˬ gʼaˬ-iˬ maˬ bi jawˇ. Aˬ yawꞈ maꞈ-ahˇ ngaˇ byehˇ dzeh ngeh, yaw kʼaˆ-ehˇ ya noeˬ shaˬ tehꞈ-a.”

Yeˬlaˬmiˇ 6:8

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, shaˬ zahˬ heu naw maꞈ-ahˇ maˬ mehˬ paˇ nehˬ nya naˇ, naw maꞈ-ahˇ ngaˇ byehˇ dzeh yaꞈ-awˇ, naw maꞈ-euˬ meuˬ-ahˇ tsawˇ haˬ maˬ jawˇ ni, kʼaˇ shuiꞈ deh ga bi pyeuꞈ-iˇ ma.”

2 Sahˬpaˬ 2:11

Aˬ yawꞈ nyaꞈ dawˬ ja ja caw ja cawˬ-ehˇ le luꞈ ngeh, miˬ dzaˬ mahˬ neh bi gʼeu-euˬ miˬ dzaˬ mahˬ laˆ lawˬ aˬ yawꞈ nyaꞈ yaw kaˬ-ahˇ oe keuˆ-awˇ, jaˬ lehˇ lehˇ zeuˆ laꞈ kʼoeˇ Eˇliˇyaˆ-ahˇ mˬ kʼoeˇ taˆ sheuˬ kʼoꞈ daˆ gʼeh-euˬ meh.

Aˇ dahˬ 3:24

Kʼoeˇ naˇ, dehꞈ-eu saꞈ laˇ aˇ bawˇ jaˆ gaˇ tsawˇ haˬ tiˬ gʼaˬ-iˬ maˬ ya iˇ-eu gʼaˇ duˬ, Jeˬluˇbeˬ hawˇ-eu, miˇ ma oeˬ coeˇ oeˬ pyawˬ luꞈ-ahˇ mi seuˬ pyawˇ-eu miˬ dzaˬ doꞈ luꞈ-eu mi cehˇ-ahˇ, yaˇ kmˇ-euˬ nahˇ ma doˆ kʼehˬ paw bi jaˆ-awˇ, dehꞈ-eu saꞈ laˇ aˇ bawˇ dawˬ peh tsawˇ haˬ tiˬ gʼaˬ-iˬ maˬ bi laˇ ni bi loꞈ tsoeˬ-euˬ meh.

Yaˇ kʼaˬ daˇ 19:27

Kʼoeˇ ngeh shawˬ aˬ yawꞈ-euˬ kʼaˬ dzeˇ zaˬ tuˇ-awˇ, gaˇ ma doˆ-iˇ-eu lehˇ laˇ gʼoˆ pah ngeh, aˬ yawꞈ-euˬ ma nyiˇ kʼoeˇ gʼaˬ laˇ gʼoˆ-ahˇ aˬ laꞈ nyehꞈ tehˬ-awˇ, ga gaˇ ya mawˇ-euˬ meh.

Yeˬsaˬgeˬlaˇ 41:16

kʼoeˇ smˬ lawˆ luꞈ-ahˇ, dawˬ dah teˇ byaꞈ kʼawˬ-awˇ, laˇ gʼoˆ zaˬ-ahˇ keuˆ ni teˇ byaꞈ taw taˬ-euˬ meh. Laˇ gʼoˆ zaˬ kʼoeˇ deuˬ piˬ tehˬ-awˇ bi jaˆ nya-eu meh.

Yeˬsaˬgeˬlaˇ 43:2

Kʼoeˇ tsahˇ-ahˇ, Iˇsaˬleˬlaˆ Miˬyehˇ-euˬ yaw shehꞈ kʼahˬ sehˇ nahˇ ma doˆ kʼehˬ paw neh oe gʼeh leꞈ gaˇ ngaˇ ya mawˇ-euˬ ma. Miˬyehˇ-euˬ teˇ saˇ-aˬ, iˬ ma laˆ shaˆ iˇ kʼawˇ mahˇ gaˇ duˇ-awˇ, guiˇ nyiˬ ni gʼeh-eu yaw shehꞈ kʼahˬ sehˇ miˇ tsaˬ-ahˇ bya-eu meh.

Jaceuq 18:11

Yaw zahˇtiˬgʼoeˬtsahˇlahˇtaˬ-awˇ, iˇcuꞈtiˬbyah dahˬ-eu mˬdmˇ, aˬyawꞈ-euˬ tiˬjawˬjaˆ-eu meh.

Jaceuq 99:1

Sahˬpaˬ Miˬyehˇ-aˬ, sahˬ paˬ pyeuꞈ-eu meh. Tsawˇ haˬ zaˬ deuˬ guˆ-awˇ yaw dzuˬ dzuˬ-eu meh. Jeˬluˇbeˬ mawˇ kawˇ kʼoeˇ taˆ jaˆ-eu aˬ yawꞈ-euˬ nuiˇ mahˬ kʼoeˇ taˆ aˬ yawꞈ nuiˇ luꞈ-awˇ, miˇ tsaˬ miˇ luˆ luˆ-eu meh.

Yeˬsaˬgeˬlaˇ 8:6

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, aˬ joˆ-ehˇ pyeuꞈ luꞈ-eu gaˇ kawˆ nawˇ mawˇ duˬ maˬ loˇ. Iˇsaˬleˬlaˆ tsawˇ haˬ deuˬ neh mˇ-euˬ nui daˆ daˆ laˇ paˬ-ehˇ gʼeh-eu jeˬ-ahˇ haw sheˇ. Tiˬ jawˇ saˇ-iˬ tiˬ jawˇ, ngaˬ-euˬ muiˬ-eu shawˇ-eu jawˇ duˬ-ahˇ neh gaˇ mahˇ kaˬ gaˇ, aˬ yawꞈ maꞈ ngaˬ-ahˇ teh doˆ luꞈ-eu meh. Heu naˆ maˬ tseˇ nui daˆ daˆ laˇ paˬ-ehˇ gʼeh-eu jeˬ-ahˇ nawˇ paˇ ya mawˇ tehꞈ-a.”

Yeˬsaˬgeˬlaˇ 28:14

Jeˬluˇbeˬ nawˬ-ahˇ loꞈ piˇ-awˇ, Miˬyehˇ-euˬ shawˇ-eu gawˬ jawˬ-ahˇ, nawˬ-ahˇ bi jawˇ-euˬ meh. Yaw shehꞈ bya-eu sehˇ deuˬ gʼahˇ ceh, nawˇ cah cah-ehˇ ya jawˇ-euˬ meh.