Yeˬsaˬgeˬlaˇ 10:15 - Akha

¹⁵ Jeˬluˇbeˬ kʼoeˇ deuˬ-aˬ, Ceˬbaˬ lawˇ baˬ dawˬ peh ngaˬ neh mawˇ-euˬ kʼoeˇ deuˬ meh. Jeˬluˇbeˬ kʼoeˇ deuˬ jaˬ lehˇ laꞈ kʼoeˇ tuˇ diˇ laˇ-euˬ meh.

Yeˬsaˬgeˬlaˇ 10:15 Referans Kwoze

Yeˬsaˬgeˬlaˇ 1:5

Jaˬ lehˇ lehˇ ma-euˬ gʼahˇ ceh nyiˬ paˆ-ehˇ, tsawˇ haˬ zaˬ-ahˇ duˇ leˇ-eu Jeˬluˇbeˬ oeˬ mawˇ ahˇ-eu meh.

Hawˇseˬ 9:12

Zaˬ paˇ cu huiˬ law hawˇ kʼawꞈ ni, yaw dehꞈ tiˬ gʼaˬ-iˬ maˬ bi jawˇ. Aˬ yawꞈ maꞈ-ahˇ ngaˇ byehˇ dzeh ngeh, yaw kʼaˆ-ehˇ ya noeˬ shaˬ tehꞈ-a.”

Yeˬsaˬgeˬlaˇ 43:3

Nymˬ-mˇ poˆ ngaˇ ya siˬ ya mawˇ-euˬ heu-aˬ, Yeˬluˇsaˬlehˬ meuˬ-ahˇ Miˬyehˇ laˆ cawˆ le ngeh poˆ hawˇ-eu Ceˬbaˬ lawˇ baˬ dawˬ peh mawˇ-euˬ poˆ-ahˇ duˇ-eu meh. Baˬ ba miˇ tsaˬ tuˆ ni ngaˇ awˆ byaˆ-euˬ ma.

Yeˬsaˬgeˬlaˇ 11:22

Jeˬluˇbeˬ kʼoeˇ deuˬ zaw diˇ-awˇ, aˇ beuˆ kʼoeˇ deuˬ kʼawꞈ aˬ yawꞈ maꞈ nehˬ-ehˇ le gʼeh leꞈ-euˬ meh. Iˇsaˬleˬlaˆ Miˬyehˇ-euˬ yaw shehꞈ kʼahˬ sehˇ Jeˬluˇbeˬ kʼoeˇ deuˬ-euˬ kʼoeˇ taˆ jaˆ-eu meh.

Yeˬsaˬgeˬlaˇ 8:6

Miˬyehˇ ngaˬ-ahˇ ehˇ-eu, “Tsawˇ haˬ zaˬ-oˇ, aˬ joˆ-ehˇ pyeuꞈ luꞈ-eu gaˇ kawˆ nawˇ mawˇ duˬ maˬ loˇ. Iˇsaˬleˬlaˆ tsawˇ haˬ deuˬ neh mˇ-euˬ nui daˆ daˆ laˇ paˬ-ehˇ gʼeh-eu jeˬ-ahˇ haw sheˇ. Tiˬ jawˇ saˇ-iˬ tiˬ jawˇ, ngaˬ-euˬ muiˬ-eu shawˇ-eu jawˇ duˬ-ahˇ neh gaˇ mahˇ kaˬ gaˇ, aˬ yawꞈ maꞈ ngaˬ-ahˇ teh doˆ luꞈ-eu meh. Heu naˆ maˬ tseˇ nui daˆ daˆ laˇ paˬ-ehˇ gʼeh-eu jeˬ-ahˇ nawˇ paˇ ya mawˇ tehꞈ-a.”

Yeˬsaˬgeˬlaˇ 1:3

Baˬbuˇloˬ miˇ kʼahˬ Ceˬbaˬ lawˇ baˬ lawˇ dzeˇ kʼoeˇ gaˇ, Sahˬpaˬ Miˬyehˇ ngaˬ-ahˇ dawˬ ngehˬ cawˬ le-euˬ ngaˇ ya gaˬ-awˇ, aˬ yawꞈ-euˬ baoˬ ngaˬ-euˬ kʼoeˇ taˆ keuˆ le-euˬ meh.

Yeˬsaˬgeˬlaˇ 1:1

Aˇ kʼoꞈ smˬ tseˇ kʼoꞈ tiˬ kʼoꞈ, ba la oeˬ siˬ tiˬ siˬ, aˇ nah ngaˬ nah tiˬ nah-ahˇ, Buˇziꞈ-euˬ aˬ li pyeuꞈ-eu ngaˇ piˇ ma Yeˬsaˬgeˬlaˇ-aˬ, Baˬbuˇloˬ miˇ kʼahˬ-ahˇ bi nyehꞈ daˆ gʼeh-euˬ Yuˇdaˆ tsawˇ haˬ deuˬ nehˬ-ehˇ, Baˬbuˇloˬ miˇ kʼahˬ-ahˇ jaˆ-eu Ceˬbaˬ lawˇ baˬ dawˬ peh jawˇ luꞈ-eu ma. Mˬ pah dzeh le-awˇ, yaw sahˇ laꞈ kʼoeˇ Miˬyehˇ-ahˇ ngaˇ ya mawˇ-euˬ ma.

Yeˬsaˬgeˬlaˇ 10:16

Aˬ yawꞈ maꞈ luˆ-iˇ ngeh, aˇ beuˆ kʼoeˇ deuˬ kʼawꞈ aˬ yawꞈ maꞈ nehˬ-ehˇ iˇ gʼeh-awˇ, aˬ yawꞈ maꞈ aˬ dahˇ mˇ pyeh-awˇ zaw gʼeh ngeh kʼawꞈ, aˇ beuˆ kʼoeˇ deuˬ iˇ caw gʼeh-eu meh.