Yeˬsaˬgeˬlaˇ 10:10 - Akha

¹⁰ Aˇ beuˆ kʼoeˇ tiˬ beuˆ tiˇ beuˆ daˇ leˇ-awˇ, aˬ yawꞈ beuˆ yawꞈ byaˇ gʼaˇ paw pyawˇ-eu aˇ beuˆ tiˬ beuˆ paˇ tsoꞈ-eu meh.

Yeˬsaˬgeˬlaˇ 10:10 Referans Kwoze

Yeˬsaˬgeˬlaˇ 1:16

Tiˬ mawˇ-euˬ gaˇ dzeˇ tiˬ beuˆ jaˆ-eu meh. Aˇ beuˆ kʼoeˇ oeˬ beuˆ luꞈ, aˬ yawꞈ tiˬ beuˆ-ahˇ duˇ-eu meh. Aˇ beuˆ aˬ yawꞈ beuˆ yawꞈ aˇ poeˬ kʼaˆ-eu kʼaˬ lo sehˇ loꞈ-ehˇ yaw shehꞈ bya-awˇ, aˬ yawꞈ beuˆ yawꞈ byaˇ gʼaˇ paw pyawˇ-eu aˇ beuˆ tiˬ beuˆ paˇ tsoꞈ-eu meh.

Lormav 11:33

Miˬyehˇ-euˬ guiˬ lahˬ aˇ naˆ ni huiˬ-eu nga. Aˬ yawꞈ-euˬ zaˬ siˬ nui gahˇ aˇ naˆ ni naꞈ-eu nga. Aˬ yawꞈ neh noeˬ tsehˆ-euˬ jeˬ-ahˇ tsawˇ haˬ tiˬ gʼaˬ-iˬ maˬ siˬ nya-ehˇ, aˬ yawꞈ aˬ jeˬ miˇ neh kʼoeˇ loꞈ-ehˇ mˇ-eu gaˇ kawˆ-ahˇ tsawˇ haˬ tiˬ gʼaˬ-iˬ maˬ gʼoˆ shaw nya-a.

Jaceuq 104:24

Sahˬpaˬ Miˬyehˇ-oˇ, nawˬ neh mˇ taˬ shaˇ taˬ-euˬ jeˬ myaˬ dui dui-eu meh. Tsawˇ gahˇ ahˇ dui dui-eu laꞈ kʼoeˇ, kʼoeˇ deuˬ dawˬ tawˆ luꞈ-ahˇ nawˇ mˇ taˬ shaˇ taˬ-awˇ, miˇ tsaˬ kʼoeˇ taˆ nawˬ neh beh taˬ-euˬ boeˬ boeˬ luˆ luˆ deuˬ byah luꞈ-eu meh.

Jaceuq 97:2

Mˬ dmˇ hawˇ-eu zahˇ tsui ni gʼeh-eu jeˬ, aˬ yawꞈ-ahˇ jawˬ lahˇ taˬ-euˬ meh. Yaw tsaˬ yaw dawˇ yaw muiˬ yaw jaˬ laꞈ kʼoeˇ, aˬ yawꞈ uˆ lahˇ luꞈ-eu meh.

Jaceuq 36:6

Nawˬ-euˬyaw tsaˬyaw dawˇjeˬ-aˬ, gawˬjawˬloꞈ-ehˇ goˇdui dui-awˇ, nawˬ-euˬ yaw sui yaw dawˇjeˬ-aˬ, laˆshaˆloꞈ-ehˇ naꞈdui dui-awˇ, tsawˇhaˬhawˇ-eu jeˬzaˬdeuˬ-ahˇ, nawˇngehˬgʼeh dah teˬluꞈ-eu meh.

Yeˬsaˬgeˬlaˇ 10:9

Jeˬluˇbeˬ kʼoeˇ deuˬ-euˬ gaˇ dzeˇ aˇ beuˆ oeˬ beuˆ tsoꞈ gaˇ ya mawˇ-euˬ ma. Tiˬ mawˇ-euˬ gaˇ dzeˇ tiˬ beuˆ tsoꞈ-awˇ, aˇ beuˆ kʼoeˇ deuˬ aˇ poeˬ kʼaˆ-eu kʼaˬ lo sehˇ loꞈ-ehˇ yaw shehꞈ bya-eu meh.

Yeˬsaˬgeˬlaˇ 10:11

Jeˬluˇbeˬ kʼoeˇ deuˬ kʼaˇ luˆ-iˇ ngeh, mehˬ shiˬ ciˬ pyawˇ-eu maˬ loˬ-ehˇ, kʼaˇ iˇ mawꞈ-eu paw iˇ nya-eu meh. Aˬ yawꞈ maꞈ dawˬ tawˆ luꞈ kʼaˇ iˇ mawꞈ-eu paw tiˬ kawˆ loꞈ-ehˇ iˇ-awˇ, mehˬ shiˬ ciˬ pyawˇ ciˬ pyawˇ-ehˇ jawˇ-eu maˬ loˬ-a.

1 Sahˬpaˬ 7:30

Laˆ lawˬ yawˬ laˇ na luꞈ, guiˬ shuiˇ puˬ juˬ-ahˇ guiˬ shuiˇ aˇ beuˆ oeˬ beuˆ jahˇ tsoꞈ taˬ-euˬ meh. Laˆ lawˬ kʼoeˇ taˆ jaˆ-eu sehˇ byehˇ ciˬ taˬ duˬ-ahˇ bi toˆ tehˬ-eu gʼaˇ duˬ, laˆ lawˬ-euˬ laꞈ coeˇ oeˬ coeˇ-ahˇ, guiˬ shuiˇ neh jahˇ taˬ-euˬ aˬ kuiˇ oeˬ kuiˇ bi tsoꞈ doˆ-awˇ, aˬ kuiˇ kʼoeˇ oeˬ kuiˇ-ahˇ aˇ boꞈ aˇ yehˆ yaw gʼoꞈ yaw diˆ-ehˇ boꞈ taˬ-euˬ meh.

Yeˬsaˬgeˬlaˇ 1:1

Aˇ kʼoꞈ smˬ tseˇ kʼoꞈ tiˬ kʼoꞈ, ba la oeˬ siˬ tiˬ siˬ, aˇ nah ngaˬ nah tiˬ nah-ahˇ, Buˇziꞈ-euˬ aˬ li pyeuꞈ-eu ngaˇ piˇ ma Yeˬsaˬgeˬlaˇ-aˬ, Baˬbuˇloˬ miˇ kʼahˬ-ahˇ bi nyehꞈ daˆ gʼeh-euˬ Yuˇdaˆ tsawˇ haˬ deuˬ nehˬ-ehˇ, Baˬbuˇloˬ miˇ kʼahˬ-ahˇ jaˆ-eu Ceˬbaˬ lawˇ baˬ dawˬ peh jawˇ luꞈ-eu ma. Mˬ pah dzeh le-awˇ, yaw sahˇ laꞈ kʼoeˇ Miˬyehˇ-ahˇ ngaˇ ya mawˇ-euˬ ma.