Yeˬsaˬgeˬlaˇ 1:22 - Akha

²² Jeˬluˇbeˬ kʼoeˇ deuˬ-euˬ uˬ duˬ uˬ taˆ, mˬ-ahˇ duˇ-awˇ, kʼaw teuꞈ ba la loꞈ-ehˇ guiˇ nyiˬ ni gʼeh-eu jeˬ jaˆ-eu meh.

Yeˬsaˬgeˬlaˇ 1:22 Referans Kwoze

Yeˬsaˬgeˬlaˇ 10:1

Jeˬluˇbeˬ kʼoeˇ deuˬ-euˬ uˬ duˬ uˬ taˆ jaˆ-eu mˬ-ahˇ duˇ-eu kʼoeˇ hmˬ-ahˇ ngaˇ haw gʼeh ngeh, nyoeˇ naˆ naˆ-eu kʼaˬ lo sehˇ neh jahˇ taˬ-euˬ nuiˇ mahˬ-ahˇ duˇ-eu tiˬ jeˬ ngaˇ mawˇ-euˬ ma.

Panmaeq 4:6

Dzoeˬ dzaˬ nuiˇ mahˬ kʼoeˇ-euˬ mehˬ shi, doˆ coˆ-ehˇ haw mawˇ nya-eu shawˇ jehˆ ni gʼeh-eu pyawˬ haw lah-ahˇ duˇ-eu lah tiˬ lah jaˆ-eu meh. Dzoeˬ dzaˬ nuiˇ mahˬ kʼoeˇ-euˬ tiˬ jawˬ oeˬ pyawˬ luꞈ, mehˬ shi naˇ kʼah myaˆ nuiˆ tiˬ byah ni tsoꞈ gʼoeˬ taˬ-euˬ dehꞈ luꞈ-eu jeˬ zaˬ oeˬ mawˇ jawˇ-eu meh.

Yeˬsaˬgeˬlaˇ 1:26

Mˬ kʼoeˇ siˬ-euˬ kʼoeˇ taˆ, nyoeˇ naˆ naˆ-eu kʼaˬ lo sehˇ neh jahˇ taˬ-euˬ nuiˇ mahˬ-ahˇ duˇ-eu tiˬ jeˬ jaˆ-awˇ, tsawˇ haˬ-ahˇ duˇ-eu tiˬ gʼaˬ kʼoeˇ-euˬ kʼoeˇ taˆ nuiˇ luꞈ-eu meh.

Panmaeq 21:11

Meuˬ kʼoeˇ-aˬ, Miˬyehˇ-euˬ yaw shehꞈ kʼahˬ sehˇ ahˇ-awˇ, yaw shehꞈ gʼawˬ mya jeˬ ahˇ-eu kʼaˬ lo sehˇ loꞈ-ehˇ yaw shehꞈ bya-awˇ, shawˇ jehˆ ni doˆ coˆ-ehˇ haw mawˇ nya-eu meh.

Panmaeq 4:3

Aˬ yawꞈ-euˬ myaˆ pyawˬ-aˬ, yaw byaꞈ byaꞈ-eu kʼaˬ lo sehˇ hawˇ-eu neˇ tseuˆ ni gʼeh-eu kʼaˬ lo sehˇ-ahˇ duˇ-awˇ, dzoeˬ dzaˬ nuiˇ mahˬ kʼoeˇ-euˬ tiˬ jawˬ, neˇ naˆ naˆ-eu kʼaˬ lo sehˇ-ahˇ duˇ-eu aˇ deˇ leˇ kʼah jaˆ-eu meh.

Yawˇbaˆ 37:22

Laꞈ taˆ paw pyawˬ-ahˇ shuiˇ loꞈ-ehˇ bya doˆ laˇ-awˇ, Miˬyehˇ-euˬ yaw shehꞈ kʼahˬ sehˇ-ahˇ aˬ dui maꞈ zahˬ leˇ miˇ-a.

Doˆ-iˇ 24:10

Iˇsaˬleˬlaˆ tsawˇ jeuˬ-euˬ Miˬyehˇ-ahˇ aˬ yawꞈ maꞈ ya mawˇ-euˬ meh. Aˬ yawꞈ-euˬ aˬ kuiˇ uˬ moˆ, mˬ loꞈ-ehˇ nyoeˇ leuˬ leuˬ-eu kʼaˬ lo sehˇ-ahˇ duˇ-eu jeˬ kʼawˬ taˬ-euˬ meh.

Yeˬsaˬgeˬlaˇ 1:25

Ehˇ kʼawꞈ, aˬ yawꞈ maꞈ-euˬ uˬ duˬ uˬ taˆ jaˆ-eu mˬ kʼoeˇ siˬ, teˇ saˇ mahˇ-eu maˬ naˬ leˇ-a.

Yeˬsaˬgeˬlaˇ 10:20

Aˬ yawꞈ maꞈ-aˬ, Ceˬbaˬ lawˇ baˬ dawˬ peh Iˇsaˬleˬlaˆ Miˬyehˇ-euˬ uˬ moˆ ngaˬ neh mawˇ-euˬ Jeˬluˇbeˬ kʼoeˇ deuˬ meh.