Yeˬsaˬgeˬlaˇ 1:15 - Akha

¹⁵ Jeˬluˇbeˬ kʼoeˇ oeˬ mawˇ-ahˇ ngaˇ haw luꞈ ngeh, aˇ beuˆ oeˬ beuˆ miˇ tsa tuˆ gaˇ ngaˇ ya mawˇ-euˬ ma.

Yeˬsaˬgeˬlaˇ 1:15 Referans Kwoze

Daˬyeˬlaˇ 7:9

Ngaˇ haw haw-ehˇ jawˇ ngeh, dzoeˬ dzaˬ nuiˇ mahˬ ciˬ taˬ le-euˬ meh. Mˬ bymˬ miˇ bymˬ bymˬ ngeh neh dehꞈ luꞈ-eu gʼaˬ, dzoeˬ dzaˬ nuiˇ mahˬ tiˬ mahˬ kʼoeˇ taˆ nuiˇ le-euˬ meh. Aˬ yawꞈ dm luꞈ-eu mehˬ tsoeˬ saˬ laˬ loꞈ-ehˇ pyuˇ deuˬ ni gʼeh-awˇ, aˬ yawꞈ-euˬ uˬ duˬ tsehˇ kahˇ shawˇ jehˆ ni gʼeh-eu yawˇ caꞈ hm-ahˇ duˇ-eu meh. Aˬ yawꞈ-euˬ dzoeˬ dzaˬ nuiˇ mahˬ miˬ dzaˬ doꞈ luꞈ-eu daˇ jawˇ kʼoeˇ taˆ jaˆ-awˇ, miˬ lmˇ nyehˆ oˬ ni jaˆ-eu meh.

Yeˬsaˬgeˬlaˇ 10:9

Jeˬluˇbeˬ kʼoeˇ deuˬ-euˬ gaˇ dzeˇ aˇ beuˆ oeˬ beuˆ tsoꞈ gaˇ ya mawˇ-euˬ ma. Tiˬ mawˇ-euˬ gaˇ dzeˇ tiˬ beuˆ tsoꞈ-awˇ, aˇ beuˆ kʼoeˇ deuˬ aˇ poeˬ kʼaˆ-eu kʼaˬ lo sehˇ loꞈ-ehˇ yaw shehꞈ bya-eu meh.

Panmaeq 4:7

Yaw beh mawˇ-aˬ, aˇ laˬ jaˬ shiˇ-ahˇ duˇ-awˇ, nyiˬ mawˇ tiˬ mawˇ-aˬ, mawˇ neˇ mawˇ gaw-ahˇ duˇ-eu meh. Smˬ mawˇ ti mawˇ-aˬ, tsawˇ haˬ-euˬ myaˆ pyawˬ tsoꞈ-awˇ, oeˬ mawˇ tiˬ mawˇ-aˬ, zaw luꞈ-eu kʼaˬ dzeˇ dzeˇ ma-ahˇ duˇ-eu meh.

Yeˬsaˬgeˬlaˇ 1:6

Ehˇ kʼawꞈ, aˬ yawꞈ mawˇ yawꞈ myaˆ pyawˬ oeˬ pyawˬ tsoꞈ-awˇ, aˬ dahˇ oeˬ dahˇ tsoꞈ-eu meh.

Yeˬsaˬgeˬlaˇ 3:13

Jeˬluˇbeˬ aˇ mawˇ kʼoeˇ deuˬ jaˬ lehˇ laꞈ kʼoeˇ dahˇ diˬ diˬ-eu teˇ saˇ hawˇ-eu, aˇ beuˆ kʼoeˇ deuˬ-euˬ teˇ saˇ miˇ luˆ luˆ-eu loꞈ-ehˇ mahˇ gaˇ ya gaˬ-euˬ ma.

Yeˬsaˬgeˬlaˇ 10:2

Shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu gʼaˬ-ahˇ Miˬyehˇ ehˇ nehˬ-eu, “Jeˬluˇbeˬ kʼoeˇ deuˬ-euˬ uˬ moˆ jaˆ-eu aˇ beuˆ kʼoeˇ deuˬ-euˬ yaw kaˬ-ahˇ uˇ leˇ-awˇ, nawˬ-euˬ aˬ laꞈ tiˬ byah ni, doꞈ luꞈ-eu miˬ jiˆ tawˆ doˆ laˬ-iˇ-awˇ, meuˬ-euˬ kʼoeˇ taˆ byaˆ gʼeh-awˬ.”

1 Sahˬpaˬ 7:30

Laˆ lawˬ yawˬ laˇ na luꞈ, guiˬ shuiˇ puˬ juˬ-ahˇ guiˬ shuiˇ aˇ beuˆ oeˬ beuˆ jahˇ tsoꞈ taˬ-euˬ meh. Laˆ lawˬ kʼoeˇ taˆ jaˆ-eu sehˇ byehˇ ciˬ taˬ duˬ-ahˇ bi toˆ tehˬ-eu gʼaˇ duˬ, laˆ lawˬ-euˬ laꞈ coeˇ oeˬ coeˇ-ahˇ, guiˬ shuiˇ neh jahˇ taˬ-euˬ aˬ kuiˇ oeˬ kuiˇ bi tsoꞈ doˆ-awˇ, aˬ kuiˇ kʼoeˇ oeˬ kuiˇ-ahˇ aˇ boꞈ aˇ yehˆ yaw gʼoꞈ yaw diˆ-ehˇ boꞈ taˬ-euˬ meh.