Yeˬsaˬgeˬlaˇ 1:13 - Akha

¹³ Jeˬluˇbeˬ kʼoeˇ oeˬ mawˇ yaw kaˬ-ahˇ, maˬ naˬ leˇ ni iˇ luꞈ-eu miˬ dzaˬ doꞈ luꞈ-eu tsiˇ kʼmˬ-ahˇ duˇ-eu tiˬ jeˬ ahˇ-eu meh. Miˬ lmˇ kʼoeˇ mˬ myawꞈ pyehˬ doˆ-eu meh.

Yeˬsaˬgeˬlaˇ 1:13 Referans Kwoze

Panmaeq 4:5

Dzoeˬ dzaˬ nuiˇ mahˬ kʼoeˇ mahˬ mˬ myawꞈ myawꞈ-awˇ, teˇ saˇ gʼawˬ mya jeˬ hawˇ-eu mˬ jeˬ jeˬ-eu teˇ saˇ mahˇ doˆ laˇ-eu meh. Dzoeˬ dzaˬ nuiˇ mahˬ mehˬ shi Miˬyehˇ-euˬ yaw sahˇ shiꞈ sahˇ pyeuꞈ-eu tsiˇ du shiꞈ du doꞈ luꞈ-eu meh.

Jaceuq 104:4

Jaˬ lehˇ-ahˇ nawˬ-euˬ dawˬ tsaꞈ gaˬ-eu gʼaˬ bi geuꞈ-awˇ, mˬ myawꞈ-ahˇ nawˬ-euˬ gaˇ bi mˇ-euˬ meh.

Panmaeq 18:1

Kʼoeˇ naˇ, mˬ taˆ gʼaˬ kʼehˇ tiˬ gʼaˬ mˬ-ahˇ neh paˇ zaꞈ ka le gaˇ ngaˇ ya mawˇ-euˬ ma. Aˬ yawꞈ-aˬ, huiˬ dui dui-eu uˆ lahˇ-eu baoˬ ahˇ-awˇ, aˬ yawꞈ-euˬ yaw shehꞈ kʼahˬ sehˇ miˇ tsaˬ kʼoeˇ taˆ yawˬ gaˇ na luꞈ bya keuˆ-eu meh.

Panmaeq 10:1

Kʼoeˇ naˇ, gʼaˬ kʼaˆ dui dui-eu mˬ taˆ gʼaˬ kʼehˇ tiˬ gʼaˬ mˬ-ahˇ neh zaꞈ ka le gaˇ ngaˇ ya mawˇ-euˬ ma. Aˬ yawꞈ-ahˇ mˬ dmˇ neh lahˇ kaˬ taˬ-awˇ, uˬ duˬ tiˬ jawˬ aˇ deˇ leˇ kʼah tiˬ kʼah jaˆ-eu meh. Aˬ yawꞈ-euˬ myaˆ pyawˬ nahˇ ma-ahˇ duˇ-awˇ, aˬ kuiˇ miˬ dzaˬ kʼawˇ zeuˇ-ahˇ duˇ-eu meh.

Maꞈtehˬ 28:3

Aˬ yawꞈ-euˬ gʼawˇ mawˇ-aˬ, mˬ myawꞈ myawꞈ-eu loꞈ-ehˇ yaw shehꞈ bya-awˇ, aˬ yawꞈ-euˬ mehˬ tsoeˬ-aˬ, ngehˇ loꞈ-ehˇ pyuˇ deuˬ ni gʼeh-eu meh.

Yeˬsaˬgeˬlaˇ 1:7

Aˬ kuiˇ dawˇ coe ni tsoꞈ-awˇ, mawˇ neˇ loꞈ-ehˇ kuiˇ sehˬ tsoꞈ-eu meh. Aˬ yawꞈ maꞈ jeˬ ba taˬ-euˬ guiˬ shuiˇ loꞈ-ehˇ yaw shehꞈ bya-eu meh.

Aˇ dahˬ 15:17

Nahˇ ma ga ahˇ gʼaˬ-awˇ zahˇ le ngeh, uˬ kʼoeˬ doˆ luꞈ-eu miˬ dzaˬ tsawˬ bu tiˬ bu hawˇ-eu miˬ lmˇ doˆ luꞈ-eu miˬ dzaˬ miˬ doꞈ tiˬ hmˬ ja pyuˬ ni doˆ le-awˇ, deuˆ tm taˬ-euˬ jeˬ zaˬ kʼoeˇ deuˬ-euˬ gʼahˇ ceh oe tsehˆ leꞈ-euˬ meh.

2 Teˇsaˬloˇni 1:7

Kʼehˬ-eu kʼaˆ-eu jeˬ-ahˇ ya daˬ-eu naw maꞈ-ahˇ-aˬ, maˬ paˇ bi daˬ ni bi naˬ tehꞈ-a. Nga maꞈ-ahˇ kʼawꞈ kʼoeˇ loꞈ-ehˇ bi naˬ laꞈ tehꞈ-a. Sahˬpaˬ Yeˬsuˇ Ka li aˬ yawꞈ-euˬ baoˬ huiˬ-eu mˬ taˆ gʼaˬ kʼehˇ deuˬ nehˬ-ehˇ mˬ-ahˇ neh doˆ le ngeh, Miˬyehˇ aˬ dui-ahˇ kʼoeˇ loꞈ-ehˇ bi naˬ laꞈ tehꞈ-a.

Yeˬsaˬgeˬlaˇ 10:2

Shawˇ jehˆ ni gʼeh-eu saˬ paˇ neh guꞈ taˬ-euˬ mehˬ tsoeˬ dm luꞈ-eu gʼaˬ-ahˇ Miˬyehˇ ehˇ nehˬ-eu, “Jeˬluˇbeˬ kʼoeˇ deuˬ-euˬ uˬ moˆ jaˆ-eu aˇ beuˆ kʼoeˇ deuˬ-euˬ yaw kaˬ-ahˇ uˇ leˇ-awˇ, nawˬ-euˬ aˬ laꞈ tiˬ byah ni, doꞈ luꞈ-eu miˬ jiˆ tawˆ doˆ laˬ-iˇ-awˇ, meuˬ-euˬ kʼoeˇ taˆ byaˆ gʼeh-awˬ.”

Daˬyeˬlaˇ 7:9

Ngaˇ haw haw-ehˇ jawˇ ngeh, dzoeˬ dzaˬ nuiˇ mahˬ ciˬ taˬ le-euˬ meh. Mˬ bymˬ miˇ bymˬ bymˬ ngeh neh dehꞈ luꞈ-eu gʼaˬ, dzoeˬ dzaˬ nuiˇ mahˬ tiˬ mahˬ kʼoeˇ taˆ nuiˇ le-euˬ meh. Aˬ yawꞈ dm luꞈ-eu mehˬ tsoeˬ saˬ laˬ loꞈ-ehˇ pyuˇ deuˬ ni gʼeh-awˇ, aˬ yawꞈ-euˬ uˬ duˬ tsehˇ kahˇ shawˇ jehˆ ni gʼeh-eu yawˇ caꞈ hm-ahˇ duˇ-eu meh. Aˬ yawꞈ-euˬ dzoeˬ dzaˬ nuiˇ mahˬ miˬ dzaˬ doꞈ luꞈ-eu daˇ jawˇ kʼoeˇ taˆ jaˆ-awˇ, miˬ lmˇ nyehˆ oˬ ni jaˆ-eu meh.