Yeˬsaˬgeˬlaˇ 1:10 - Akha

¹⁰ Aˬ yawꞈ mawˇ yawꞈ myaˆ pyawˬ oeˬ jeˬ tsoꞈ-awˇ, mehˬ shi paw tsawˇ haˬ myaˆ pyawˬ, aˇ maˇ paw aˇ laˬ jaˬ shiˇ myaˆ pyawˬ, aˇ caˇ paw mawˇ neˇ mawˇ gaw myaˆ pyawˬ hawˇ-eu, naˇ kʼah paw kʼaˬ dzeˇ myaˆ pyawˬ tsoꞈ-eu meh.

Yeˬsaˬgeˬlaˇ 1:10 Referans Kwoze

Yeˬsaˬgeˬlaˇ 10:14

Jeˬluˇbeˬ tiˬ mawˇ-euˬ myaˆ pyawˬ oeˬ pyawˬ tsoꞈ-eu meh. Mawˇ neˇ myaˆ pyawˬ, tsawˇ haˬ myaˆ pyawˬ, aˇ laˬ jaˬ shiˇ myaˆ pyawˬ hawˇ-eu, kʼaˬ dzeˇ myaˆ pyawˬ meh.

Panmaeq 4:7

Yaw beh mawˇ-aˬ, aˇ laˬ jaˬ shiˇ-ahˇ duˇ-awˇ, nyiˬ mawˇ tiˬ mawˇ-aˬ, mawˇ neˇ mawˇ gaw-ahˇ duˇ-eu meh. Smˬ mawˇ ti mawˇ-aˬ, tsawˇ haˬ-euˬ myaˆ pyawˬ tsoꞈ-awˇ, oeˬ mawˇ tiˬ mawˇ-aˬ, zaw luꞈ-eu kʼaˬ dzeˇ dzeˇ ma-ahˇ duˇ-eu meh.

Panmaeq 5:5

Kʼoeˇ ngeh, aˬ yuiꞈ aˬ tsu kʼoeˇ deuˬ laꞈ kʼoeˇ tiˬ gʼaˬ, ngaˬ-ahˇ heu loꞈ-ehˇ ehˇ-eu meh. “Taˬ ngoeˇ. Haw-awˬ. Yuˇdaˆ tsawˇ jeuˬ-euˬ Aˇ laˬ jaˬ shiˇ pyeuꞈ-eu, Daˬbiˇ-euˬ Duˬ ciˇ kʼoeˇ gʼaˬ guiˇ deuˆ gʼaˬ-euˬ meh. Jmˬ shiꞈ tsahˇ diˬ taˬ-euˬ kʼoeˇ aˬ yawꞈ ngawˬ paˆ-awˇ, sahˬ boꞈ paˇ yoˆ pah nya meh.”

Luˇkaꞈ 15:10

Kʼoeˇ gaˇ duˇ ni, iˬ baˇ zaˬ tiˬ gʼaˬ iˬ baˇ noeˬ poˆ-euˬ gaˇ, Miˬyehˇ-euˬ mˬ taˆ gʼaˬ kʼehˇ deuˬ laˬ kʼaˬ cehˇ-eu meh lehˇ, naw maꞈ-ahˇ ngaˇ ehˇ-eu ma.”

Daˬyeˬlaˇ 7:4

Yaw beh mawˇ-aˬ, aˇ laˬ jaˬ shiˇ-ahˇ duˇ-eu meh. Ehˇ kʼawꞈ, kʼaˬ dzeˇ dzeˇ ma loꞈ-ehˇ aˬ dahˇ tsoꞈ-eu meh. Ngaˇ haw haw-ehˇ jawˇ ngeh, aˬ dahˇ kʼoeˇ ga-iˇ jiˇ-awˇ, tuˇ laˇ-awˇ tsawˇ haˬ loꞈ-ehˇ gawˬ yawꞈ yawꞈ laˇ-euˬ meh. Kʼoeˇ naˇ aˬ yawꞈ laꞈ kʼoeˇ tsawˇ haˬ zaˬ-euˬ nui ma ahˇ laˇ-euˬ meh.

Iˇsaˬyaˇ 46:8

“Iˬ baˇ zaˬ-oˇ, gaˇ kawˆ heu noeˬ mawˇ-awˬ. Ngaˬ neh mˇ dzeuˇ yaꞈ-euˬ gaˇ-ahˇ shaˇ noeˬ haw-awˬ.

Iˇsaˬyaˇ 40:31

Ehˇ kʼawꞈ, Sahˬpaˬ Miˬyehˇ-ahˇ gʼoe-eu tsawˇ haˬ deuˬ, gʼaˬ yaw shuiꞈ paˇ ahˇ laˇ-eu meh. Kʼaˬ dzeˇ zaw-eu loꞈ-ehˇ aˬ yawꞈ maꞈ tuˇ laˇ-awˇ, cehˆ coeˬ coeˬ ngeh gʼaˬ doeˇ maˬ doeˇ leˇ-ehˇ, gaˇ ma cah ngeh gʼaˬ teˬ-iˇ-eu maˬ baw-a.

Dawqdaq 14:4

Deh ma mˇ-eu aˬ nyoˬ maˬ jawˇ naˇ cehˇ jiˇ yawꞈ ngehꞈ meh. Aˬ nyoˬ-euˬ gʼaˬ baˬ da neh cehˇ jaˆ le-eu meh.

Yawˇbaˆ 39:27

Gawˬ jawˬ yaw goˇ-ahˇ kʼaˬ dzeˇ dzeˇ ma bahˬ bahˬ-eu kʼoeˇ, nawˬ-euˬ ehˇ dawˬ naˇ haˬ-awˇ mˇ ta loˇ.

1 Laˬsaˬbaˬ 12:8

Heu-aˬ, bawˇ tsahˬ bawˇ dahˇ kʼaˇ shuiꞈ deh yaˇ laꞈ kʼoeˇ Daˬbiˇ taˆ tsoˆ-awˇ jawˇ ngeh, aˬ yawꞈ-euˬ guiˇ maꞈ laꞈ kʼoeˇ uˇ le-euˬ, guiˇ deuˆ-eu nya dui dui-eu tsawˇ myahˇ doˆ-euˬ Gaˆ tsawˇ haˬ deuˬ meh. Aˬ yawꞈ maꞈ-aˬ, dehˬ daˬ duˬ hawˇ-eu gahˬ baꞈ-awˇ guiˇ deuˆ-eu nya dui dui-awˇ, aˇ laˬ jaˬ shiˇ loꞈ-ehˇ guˆ laˇ paˬ-ehˇ gʼeh-eu tsawˇ haˬ deuˬ pyeuꞈ-eu uˬ taꞈ, gawˬ jawˬ-ahˇ jawˇ-eu kʼaˬ tsehˆ loꞈ-ehˇ kawˇ dui dui-eu meh.

Yaˇ kʼaˬ daˇ 14:18

Shiꞈ nah tiˬ nah keuˆ laˇ ngeh, yuꞈ zaˇ kuˆ lawˆ-ahˇ Saˬsoˬ maˬ uˇ leˇ mi naˆ-ehˇ, meuˬ kʼoeˇ meuˬ-ahˇ jawˇ-eu tsawˇ haˬ deuˬ aˬ yawꞈ-ahˇ ehˇ-eu, “Byaˬ byaˬ uiˇ naˆ maˬ tseˇ coeˇ-eu aˬ jeˬ paˇ jaˆ ta. Aˇ laˬ jaˬ shiˇ naˆ maˬ tseˇ gʼaˬ kʼaˆ-eu aˬ jeˬ paˇ jawˇ ta.” Saˬsoˬ ehˇ-eu, “Naw maꞈ ngaˬ-euˬ mawˇ neˇ mawˇ ma neh deh yaˇ maˬ tsehˬ-euˬ law nmˇ-aˬ, nymˬ-mˇ keuˆ ni dawˬ tsuiꞈ kʼoeˇ maˬ siˬ nya-aˇ.”

Dawˬmehˬ 28:49

Mˬ dzeˇ miˇ dzeˇ jawˇ-eu tsawˇ jeuˬ tiˬ jeuˬ-ahˇ, naw maꞈ jawˇ gaˇ Sahˬpaˬ Miˬyehˇ pyehˬ gʼeh leꞈ tehꞈ-a. Aˬ yawꞈ maꞈ-euˬ dawˬ naw maꞈ maˬ siˬ nya-a. Kʼaˬ dzeˇ ga le-eu loꞈ-ehˇ, naw maꞈ jawˇ gaˇ aˬ yawꞈ maꞈ ja pyuˬ ni ga keuˆ le tehꞈ-a.

Bawˇtsahˬ 2:25

Daˬ-euˬ guiˇ maꞈ deuˬ-aˬ, laꞈ taˆ paw pyawˬ-ahˇ, aˬ yawꞈ maꞈ-euˬ paˇ loˬ paˇ lehˇ uˬ moˆ sehˬ gʼawˆ gʼawˆ-awˇ ya jawˇ meh. Daˬ tsawˇ haˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, Aˬmiˇshaˬdehˇ-euˬ aˬ li Aˬheˇzaˬ meh.

Bawˇtsahˬ 2:18

Eˇpaˬleˬ guiˇ maꞈ deuˬ-aˬ, nahˇ ma doˆ kʼehˬ paw pyawˬ-ahˇ, aˬ yawꞈ maꞈ-euˬ paˇ loˬ paˇ lehˇ uˬ moˆ sehˬ gʼawˆ gʼawˆ-awˇ ya jawˇ meh. Eˇpaˬleˬ tsawˇ haˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, Aˬmiˇhuˆ-euˬ aˬ li Iˇliˇshaˬmaˇ meh.

Bawˇtsahˬ 2:10

Luˇbeˬ tsawˇ jeuˬ guiˇ maꞈ deuˬ-aˬ, laꞈ oˆ paw pyawˬ-ahˇ, aˬ yawꞈ maꞈ-euˬ paˇ loˬ paˇ lehˇ uˬ moˆ ya jawˇ meh. Luˇbeˬ tsawˇ haˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, Sheˬduˇlaˬ-euˬ aˬ li Eˇliˇzuˇlaˆ meh.

Bawˇtsahˬ 2:3

Yuˇdaˆ-euˬ guiˇ guiˇ maꞈ deuˬ-aˬ, yawˬ ha-euˬ guiˇ guiˇ maꞈ baw baw-ehˇ, yawˬ ha-euˬ paˇ loˬ paˇ lehˇ uˬ moˆ, nahˇ ma doˆ kʼehˬ paw pyawˬ-ahˇ sehˬ gʼawˆ gʼawˆ-awˇ ya jawˇ meh. Yuˇdaˆ tsawˇ haˬ kʼoeˇ taˆ aˬ yuiꞈ aˬ tsu geuꞈ-eu gʼaˬ-aˬ, Aˬmiˇnaˬdehˇ-euˬ aˬ li Naˬshoˬ meh.

1 Gawˇliˬtu 14:20

Aˬ yuiꞈ aˬ nyiˇ Ka li zaˬ deuˬ-oˇ, naw maꞈ shaˇ noeˬ shaˇ sawˇ-eu paw dzeˇ zaˬ yaw nyiˇ loꞈ-ehˇ taˬ bi pyeuꞈ. Yaw haiˬ jeˬ mˇ-eu paw dzeˇ-aˬ, iˬ baˇ mˇ-eu maˬ siˬ nya-eu zaˬ yaw nyiˇ loꞈ-ehˇ bi pyeuꞈ-awˇ, shaˇ noe shaˇ sawˇ-eu paw dzeˇ-aˬ, tsawˇ mawˬ tsawˇ kʼaˆ loꞈ-ehˇ bi pyeuꞈ-awˬ.

Yeˬsaˬgeˬlaˇ 1:6

Ehˇ kʼawꞈ, aˬ yawꞈ mawˇ yawꞈ myaˆ pyawˬ oeˬ pyawˬ tsoꞈ-awˇ, aˬ dahˇ oeˬ dahˇ tsoꞈ-eu meh.

Yeˬsaˬgeˬlaˇ 41:19

Tsawˇ haˬ-euˬ myaˆ pyawˬ hmˬ-aˬ, tiˬ paw dzeˇ jaˆ-eu daoˇ aˇ bawˇ paw ciˬ pyawˇ taˬ-awˇ, aˇ laˬ jaˬ shiˇ-euˬ myaˆ pyawˬ hmˬ-aˬ, yawˬ paw yawˬ jaˆ-eu daoˇ aˇ bawˇ aˇ baˇ paw ciˬ pyawˇ taˬ-euˬ meh. Kaˇ pyawˇ dawˬ tawˆ luꞈ-ahˇ kʼoeˇ loꞈ-ehˇ taꞈ boꞈ taˬ-euˬ meh.