Yeˬsaˬgeˬlaˇ 1:1 - Akha

¹ Aˇ kʼoꞈ smˬ tseˇ kʼoꞈ tiˬ kʼoꞈ, ba la oeˬ siˬ tiˬ siˬ, aˇ nah ngaˬ nah tiˬ nah-ahˇ, Buˇziꞈ-euˬ aˬ li pyeuꞈ-eu ngaˇ piˇ ma Yeˬsaˬgeˬlaˇ-aˬ, Baˬbuˇloˬ miˇ kʼahˬ-ahˇ bi nyehꞈ daˆ gʼeh-euˬ Yuˇdaˆ tsawˇ haˬ deuˬ nehˬ-ehˇ, Baˬbuˇloˬ miˇ kʼahˬ-ahˇ jaˆ-eu Ceˬbaˬ lawˇ baˬ dawˬ peh jawˇ luꞈ-eu ma. Mˬ pah dzeh le-awˇ, yaw sahˇ laꞈ kʼoeˇ Miˬyehˇ-ahˇ ngaˇ ya mawˇ-euˬ ma.

Yeˬsaˬgeˬlaˇ 1:1 Referans Kwoze

Panmaeq 19:11

Kʼoeˇ naˇ, mˬ pah le-awˇ, mahˬ mahˬ pyuˇ tiˬ mawˇ jawˇ gaˇ ngaˇ ya mawˇ-euˬ ma. Mahˬ dziˬ-eu gʼaˬ-ahˇ Saˇ jaˇ ziꞈ-eu Tsaˬ-eu dawˇ-eu gʼaˬ lehˇ kuˇ-eu meh. Aˬ yawꞈ-aˬ, yaw tsaˬ yaw dawˇ laꞈ kʼoeˇ yaˇ kʼaˬ daˇ-awˇ guiˇ deuˆ-eu gʼaˬ meh.

Gʼaˬkʼehˇ 7:56

“Haw sheˇ. Mˬ pah taˬ-awˇ, Tsawˇhaˬ-euˬ Zaˬmaˇ kʼoeˇ gʼaˬ Miˬyehˇ-euˬ aˇ maˇ paw yawꞈ luꞈ-eu mawˇ laˇ ngaˇ” lehˇ aˬ yawꞈ ehˇ-eu meh.

Maꞈtehˬ 3:16

Yeˬsuˇ iˇ cuꞈ shawˇ gʼaˬ-awˇ, iˇ cuꞈ laꞈ kʼoeˇ neh doˆ laˇ ngeh, mˬ pah le-awˇ, Miˬyehˇ-euˬ Yaw sahˇ kʼaˬ kʼoeˬ loꞈ-ehˇ zaꞈ le-awˇ, aˬ yawꞈ kʼoeˇ taˆ ga dawꞈ le gaˇ ya mawˇ-euˬ meh.

Yeˬsaˬgeˬlaˇ 11:24

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Miˬyehˇ ngaˬ-ahˇ ciˬ diˇ-awˇ, Baˬbuˇloˬ miˇ kʼahˬ-ahˇ bi nyehꞈ gʼeh-euˬ tsawˇ haˬ deuˬ jawˇ gaˇ sheuˬ kʼoꞈ gʼeh nehˬ laꞈ-euˬ meh. Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ jiˇ-euˬ meh.

Gʼaˬkʼehˇ 10:11

Mˬ pah le-awˇ, aˇ bui bui ma loꞈ-ehˇ gʼeh-eu tiˬ hmˬ laꞈ coeˇ oeˬ coeˬ-ahˇ aˇ caˆ paꞈ-awˇ, miˇ tsaˬ kʼoeˇ taˆ aˬ za za-ehˇ pyehˬ ka leꞈ luꞈ gaˇ mawˇ-euˬ meh.

Luˇkaꞈ 3:21

Tsawˇ haˬ kʼoeˇ deuˬ dawˬ tawˆ luꞈ iˇ cuꞈ shawˇ gʼaˬ ngeh, Yeˬsuˇ iˇ cuꞈ shawˇ-euˬ meh. Aˬ yawꞈ guiˬ lahˬ shaˇ luꞈ ngeh, mˬ pah le-awˇ,

Yeˬsaˬgeˬlaˇ 10:20

Aˬ yawꞈ maꞈ-aˬ, Ceˬbaˬ lawˇ baˬ dawˬ peh Iˇsaˬleˬlaˆ Miˬyehˇ-euˬ uˬ moˆ ngaˬ neh mawˇ-euˬ Jeˬluˇbeˬ kʼoeˇ deuˬ meh.

Yeˬsaˬgeˬlaˇ 10:15

Jeˬluˇbeˬ kʼoeˇ deuˬ-aˬ, Ceˬbaˬ lawˇ baˬ dawˬ peh ngaˬ neh mawˇ-euˬ kʼoeˇ deuˬ meh. Jeˬluˇbeˬ kʼoeˇ deuˬ jaˬ lehˇ laꞈ kʼoeˇ tuˇ diˇ laˇ-euˬ meh.

Panmaeq 4:1

Kʼoeˇ naˇ, mˬ kʼoeˇ taˆ laˇ gʼoˆ pah taˬ-euˬ gaˇ, Yaw sahˇ laꞈ kʼoeˇ ngaˇ paˇ ya mawˇ-euˬ ma. Yaw beh ngaˬ-ahˇ dawˬ ngehˬ cawˬ le-euˬ daˇ heh baw gaˇ duˇ-eu teˇ saˇ kʼoeˇ saˇ ngaˬ-ahˇ ehˇ-eu, “Heu gaˇ daˆ laˇ-awˬ. Mehˬ hu paw pyeuꞈ laˇ-eu lehˇ gʼeh-eu gaˇ kawˆ ngaˇ nawˬ-ahˇ mehˬ nehˬ nyaˇ.”

Yoˇhaˬ 1:51

Kʼoeˇ naˇ, aˬ ha maꞈ-ahˇ aˬ yawꞈ ehˇ nehˬ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Mˬ pah le-awˇ, Miˬyehˇ-euˬ mˬ taˆ gʼaˬ kʼehˇ deuˬ Tsawˇ haˬ-euˬ Zaˬ maˇ kʼoeˇ taˆ tsawˬ toeˬ tsawˬ daˆ-ehˇ yaˇ gaˇ gaˇ tawꞈ le gaˇ naw maꞈ ya mawˇ tehꞈ-a.”

Yeˬsaˬgeˬlaˇ 43:3

Nymˬ-mˇ poˆ ngaˇ ya siˬ ya mawˇ-euˬ heu-aˬ, Yeˬluˇsaˬlehˬ meuˬ-ahˇ Miˬyehˇ laˆ cawˆ le ngeh poˆ hawˇ-eu Ceˬbaˬ lawˇ baˬ dawˬ peh mawˇ-euˬ poˆ-ahˇ duˇ-eu meh. Baˬ ba miˇ tsaˬ tuˆ ni ngaˇ awˆ byaˆ-euˬ ma.

Yeˬsaˬgeˬlaˇ 8:3

Aˬ laꞈ-ahˇ duˇ leˇ-eu jeˬ aˬ yawꞈ cawˬ doˆ leꞈ-awˇ, ngaˬ-euˬ uˬ duˬ tsehˇ kahˇ-ahˇ tsuˆ tehˬ-euˬ meh. Yaw sahˇ laꞈ kʼoeˇ kʼoeˇ loꞈ-ehˇ mawˇ laˇ-eu laꞈ kʼoeˇ Miˬyehˇ-euˬ yaw sahˇ ngaˬ-ahˇ yaw goˇ-ahˇ ciˬ diˇ-awˇ, Yeˬluˇsaˬlehˬ meuˬ-ahˇ sheuˬ gʼeh nehˬ laꞈ-euˬ meh. Miˬyehˇ-ahˇ nui ma bi pehˇ-euˬ tahˬ pahˬ aˬ ma mawˇ kawˇ jaˆ-eu tsahˇ pyeuꞈ-eu, Uˬ duˬ tahˬ nymˇ nymˇ ma-euˬ laꞈ taˆ pyawˬ lahˇ kʼehˬ laˇ gʼoˆ laꞈ kʼoeˇ gʼoˆ-ahˇ, ngaˬ-ahˇ sheuˬ gʼeh nehˬ laꞈ-euˬ meh.

Yeˬsaˬgeˬlaˇ 3:23

Kʼoeˇ naˇ, deh kʼawꞈ-ahˇ ngaˇ iˇ ngeh, Ceˬbaˬ lawˇ baˬ dawˬ peh ya mawˇ-euˬ poˆ loꞈ-ehˇ, Sahˬpaˬ Miˬyehˇ-euˬ yaw shehꞈ kʼahˬ sehˇ-ahˇ ngaˇ ya mawˇ-euˬ ma. Kʼoeˇ ngeh, ngaˇ moꞈ tsahˬ-ehˇ miˇ tsa coˬ-iˇ-euˬ ma.

Yeˬsaˬgeˬlaˇ 1:3

Baˬbuˇloˬ miˇ kʼahˬ Ceˬbaˬ lawˇ baˬ lawˇ dzeˇ kʼoeˇ gaˇ, Sahˬpaˬ Miˬyehˇ ngaˬ-ahˇ dawˬ ngehˬ cawˬ le-euˬ ngaˇ ya gaˬ-awˇ, aˬ yawꞈ-euˬ baoˬ ngaˬ-euˬ kʼoeˇ taˆ keuˆ le-euˬ meh.

Iˇsaˬyaˇ 1:1

Sahˬ boꞈ heu taꞈ laꞈ kʼoeˇ ahˇ-eu gaˇ kawˆ deuˬ-aˬ, sahˬ paˬ Awˇziˇ, sahˬ paˬ Yoˇdaˬ, sahˬ paˬ Aˬkaˆ, sahˬ paˬ Heˬsaˬgiˇ aˬ ha maꞈ Yuˇdaˆ miˇ kʼahˬ-ahˇ uˆ lahˇ-euˬ ziˇ kʼoeˇ ziˇ-ahˇ, Yuˇdaˆ miˇ kʼahˬ hawˇ-eu Yeˬluˇsaˬlehˬ meuˬ-ahˇ taꞈ leˇ-awˇ, Aˬmoˆ-euˬ aˬ li Iˇsaˬyaˇ-ahˇ Miˬyehˇ neh pah mehˬ nehˬ-awˇ bi ngehˬ dah-euˬ gaˇ kawˆ deuˬ meh.

Bawˇtsahˬ 12:6

Sahˬpaˬ Miˬyehˇ ehˇ-eu, “Ngaˇ ehˇ gaˇ naˇ haˬ-awˬ. Naw maꞈ laꞈ kʼoeˇ Miˬyehˇ gʼaˇ duˬ ngehˬ dah-eu deuˬ jawˇ naˇ, yaw sahˇ laꞈ kʼoeˇ aˬ yawꞈ maꞈ-ahˇ ngaˇ pah mehˬ nehˬ-awˇ, yuꞈ maˆ maˆ-eu laꞈ kʼoeˇ ngaˇ dawˬ ngehˬ cawˬ ma.

2 Gawˇliˬtu 12:1

Kʼahˬ sehˇ jehˆ-eu jeˬ gaˇ dahˇ maˬ tsoeˬ kʼawꞈ, ngaˇ kʼahˬ sehˇ ya jehˆ meh. Nymˬ-mˇ ngaˇ Sahˬpaˬ Yeˬsuˇ neh pah mehˬ nehˬ laꞈ-euˬ yaw sahˇ laꞈ kʼoeˇ ya siˬ ya mawˇ-euˬ gaˇ kawˆ ja ma.

Maˬkuˆ 1:10

Yeˬsuˇ iˇ cuꞈ laꞈ kʼoeˇ neh doˆ laˇ-eu nehˬ-ehˇ, mˬ pah le-awˇ, Yaw sahˇ Miˬyehˇ kʼaˬ kʼoeˬ loꞈ-ehˇ aˬ yawꞈ kʼoeˇ taˆ zaꞈ le luꞈ gaˇ aˬ yawꞈ ya mawˇ-euˬ meh.

Yawˇlaˆ 2:28

“Aˬ kaˇ keuˆ laˇ-eu aˇ yamˬ-ahˇ, yawˬ gʼaˬ yawˬ na luꞈ-euˬ kʼoeˇ taˆ, ngaˬ-euˬ yaw sahˇ shehˆ daˆ nehˬ-awˇ, naw maꞈ-euˬ aˬ buˇ aˬ li deuˬ, ngaˬ-euˬ gʼaˇ duˬ ngehˬ dah tehꞈ-a. Tsawˇ mawˬ deuˬ yuꞈ maˆ maˆ mawˇ-awˇ, zaˬ guˬ deuˬ kʼawꞈ yaw sahˇ laꞈ kʼoeˇ, siˬ-eu mawˇ-eu jeˬ za tehꞈ-a.

Hawˇseˬ 12:10

“Bawˇlawˇpeh -ahˇ ngaˇ dawˬngehˬ-awˇ, yaw sahˇ laꞈ kʼoeˇ ya mawˇ-eu jeˬ, gʼawˬ mya poˆ ngaˇ byaˬ nehˬ-euˬ ma. Bawˇlawˇpeh-ahˇ gʼoe-eu laꞈ kʼoeˇ, ngaˬ-euˬ tsawˇ haˬ-ahˇ mehˬ-euˬ ma.

Yeˬsaˬgeˬlaˇ 40:2

Yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Miˬyehˇ ngaˬ-ahˇ Iˇsaˬleˬlaˆ miˇ kʼahˬ laꞈ kʼoeˇ sheuˬ gʼeh-awˇ, gawˬ jawˬ yaw goˇ tiˬ jawˬ kʼoeˇ taˆ ciˬ taˬ nehˬ laꞈ-euˬ meh. Ngaˬ-euˬ mehˬ shi nymˇ tiˬ deuˬ jaˆ-awˇ, meuˬ-ahˇ duˇ gaˇ ya mawˇ-euˬ ma.

Yeˬsaˬgeˬlaˇ 3:15

Kʼoeˇ naˇ, aˬ cawˬ neh bi nyehꞈ ka leꞈ-awˇ jawˇ-eu Iˇsaˬleˬlaˆ tsawˇ haˬ deuˬ jawˇ-eu Ceˬbaˬ lawˇ baˬ daw peh jaˆ-eu Teˬlaˬbiˇ meuˬ-ahˇ ngaˇ oe keuˆ-awˇ, ngaˬ neh ya gaˬ ya mawˇ yaꞈ-euˬ gaˇ kawˆ deuˬ-ahˇ zahˬ leˇ-awˇ, shiꞈ nah jawˇ-euˬ ma.

Bawˇtsahˬ 4:3

Sahˬpaˬ Miˬyehˇ jawˇ-eu Sehˬ gʼawˆ laꞈ kʼoeˇ gaˇ mˇ nya-eu smˬ tseˇ kʼoꞈ hawˇ-eu ngaˬ tseˇ kʼoꞈ yaw kaˬ-ahˇ jawˇ luꞈ-eu kʼaˬ dzeˇ zaˬ dawˬ tawˆ luꞈ -euˬ tsawˇ myahˇ yuˇ-awˬ.

Doˆ-iˇ 24:10

Iˇsaˬleˬlaˆ tsawˇ jeuˬ-euˬ Miˬyehˇ-ahˇ aˬ yawꞈ maꞈ ya mawˇ-euˬ meh. Aˬ yawꞈ-euˬ aˬ kuiˇ uˬ moˆ, mˬ loꞈ-ehˇ nyoeˇ leuˬ leuˬ-eu kʼaˬ lo sehˇ-ahˇ duˇ-eu jeˬ kʼawˬ taˬ-euˬ meh.

Aˇ dahˬ 46:2

Uˬ ciꞈ keuˆ le ngeh, yaw sahˇ laꞈ kʼoeˇ Miˬyehˇ aˬ yawꞈ-ahˇ pah mehˬ le-awˇ, “Yaˬkoˆ-oˇ, Yaˬkoˆ-oˇ” lehˇ kuˇ le-euˬ meh. Yaˬkoˆ gʼeh, “Ngaˇ heu gaˇ jawˇ ma” lehˇ ehˇ kʼoꞈ nehˬ-euˬ meh.

Gʼaˬkʼehˇ 10:3

Tiˬ nah-aˬ, uˬ ciꞈ uˬ taw paw naˬ liˬ smˇ laꞈ kʼoeˇ yamˬ-ahˇ, yaw sahˇ laꞈ kʼoeˇ aˬ yawꞈ bya cehˆ ni heu loꞈ-ehˇ ya mawˇ duˬ-euˬ meh. Miˬyehˇ-euˬ mˬ taˆ gʼaˬ kʼehˇ tiˬ gʼaˬ aˬ yawꞈ jawˇ gaˇ oe-awˇ, “Gawˬneˬliˇ-oˇ” lehˇ kuˇ le-euˬ meh.

Maꞈtehˬ 17:9

Aˬ yawꞈ maꞈ gawˬ jawˬ-ahˇ neh zaꞈ ka le luꞈ ngeh, aˬ ha smˇ gʼaˬ-ahˇ Yeˬsuˇ ehˇ nehˬ-eu, “Tsawˇhaˬ-euˬ Zaˬmaˇ shiˇ-awˇ, Miˬyehˇ neh maˬ bi gʼoꞈ dehꞈ laˇ kʼoeˇ keuˆ ni, naw maꞈ neh yaw sahˇ laꞈ kʼoeˇ ya mawˇ-euˬ gaˇ kawˆ heu, aˬ cawˬ tiˬ gʼahˬ-ahˇ-iˬ taˬ ja nehˬ.”

Yeˬsaˬgeˬlaˇ 10:22

Aˬ yawꞈ maꞈ-euˬ myaˆ pyawˬ-aˬ, Ceˬbaˬ lawˇ baˬ dawˬ peh ngaˬ neh mawˇ-euˬ kʼoeˇ deuˬ-ahˇ duˇ-eu meh. Jeˬluˇbeˬaˬ yawꞈ mawˇ yawꞈ, mehˬ hu paw dawˇ coe ni iˇ gʼeh-euˬ meh.

Aˇ dahˬ 15:1

Kʼoeˇ naˇ, yaw sahˇ laꞈ kʼoeˇ ya siˬ ya mawˇ-eu jeˬ laꞈ kʼoeˇ, Aˬbyaˬ-ahˇ Sahˬpaˬ Miˬyehˇ heu loꞈ-ehˇ ehˇ nehˬ-euˬ meh. “Aˬbyaˬ-oˇ, guˆ-eu nui ma taˬ bi ahˇ. Guˆ-eu gaˆ-eu jeˬ laꞈ kʼoeˇ nawˬ-ahˇ ngaˇ haw piˇ-awˇ, huiˬ dui dui-eu guiˬ lahˬ biꞈ ma.”

Luˇkaꞈ 3:23

Yeˬsuˇ gaˇ mˇ dahˬ beh ngeh, smˬ tseˇ kʼoꞈ ehˇ gʼaˬ ni byah laˇ-euˬ meh. Aˬ yawꞈ-euˬ aˬ da-aˬ, Iˇliˇ-euˬ aˬ li Yoˇsehˆ meh lehˇ aˬ cawˬ sawˇ taˬ-euˬ meh. Yeˬsuˇ-euˬ tsuiꞈ daˆ gui leꞈ ngeh, heu loꞈ-ehˇ meh. Yeˬsuˇ, Yoˇsehˆ, Iˇliˇ,

Iˇsaˬyaˇ 6:1

Sahˬ paˬ Awˇziˇ shiˇ ngeh kʼoꞈ, Sahˬpaˬ Miˬyehˇ-ahˇ ngaˇ mawˇ-euˬ ma. Aˬ yawꞈ-euˬ nuiˇ mahˬ-ahˇ nuiˇ-awˇ, aˬ yawꞈ-ahˇ ciˬ huiˬ ciˬ mahˇ nehˬ-euˬ meh. Aˬ yawꞈ-euˬ pehˇ kʼahˬ pehˇ mahˇ Uˬ duˬ tahˬ nymˇ nymˇ ma ma lah-ehˇ byah-eu meh.

Jaceuq 137:1

Baˬbuˇloˬ lawˇ baˬ dawˬ peh nga maꞈ nuiˇ-awˇ, Ziˇoˬ meuˬ-ahˇ noeˬ mawˇ-eu laꞈ kʼoeˇ tsawˇ ngoeˇ ngoeˇ-euˬ ma.

Yeˬlaˬmiˇ 29:15

“Baˬbuˇloˬ miˇ kʼahˬ laꞈ kʼoeˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ, Sahˬpaˬ Miˬyehˇ neh naw maꞈ-ahˇ biꞈ nehˬ laꞈ-euˬ meh lehˇ naw maꞈ ehˇ-eu meh.

Yeˬsaˬgeˬlaˇ 10:1

Jeˬluˇbeˬ kʼoeˇ deuˬ-euˬ uˬ duˬ uˬ taˆ jaˆ-eu mˬ-ahˇ duˇ-eu kʼoeˇ hmˬ-ahˇ ngaˇ haw gʼeh ngeh, nyoeˇ naˆ naˆ-eu kʼaˬ lo sehˇ neh jahˇ taˬ-euˬ nuiˇ mahˬ-ahˇ duˇ-eu tiˬ jeˬ ngaˇ mawˇ-euˬ ma.

Yeˬsaˬgeˬlaˇ 10:10

Aˇ beuˆ kʼoeˇ tiˬ beuˆ tiˇ beuˆ daˇ leˇ-awˇ, aˬ yawꞈ beuˆ yawꞈ byaˇ gʼaˇ paw pyawˇ-eu aˇ beuˆ tiˬ beuˆ paˇ tsoꞈ-eu meh.