Yeˬlaˬmiˇ 9:11 - Akha

¹¹ Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ-ahˇ meuˬ coeˬ jehˆ bymˇ bi pyeuꞈ-iˇ-awˇ, bawˇ tsahˬ aˬ kuiˬ jawˇ duˬ bi pyeuꞈ-iˇ ma. Yuˇdaˆ miˇ kʼahˬ-euˬ meuˬ deuˬ, bawˇ tsahˬ bawˇ dahˇ bi pyeuꞈ-iˇ ma.”

Yeˬlaˬmiˇ 9:11 Referans Kwoze

Iˇsaˬyaˇ 25:2

Meuˬ deuˬ-ahˇ nawˇ laˆ luˬ laˆ seˇ-awˇ, ziꞈ dah ni gʼeh-eu meuˬ deuˬ bi byaˆ-iˇ-euˬ meh. Nga maꞈ-ahˇ muiˇ-eu sahˬ paˬ deuˬ-euˬ nymˇ deuˬ, piˬ-iˇ byoˆ-iˇ jiˇ-euˬ meh.

Yeˬlaˬmiˇ 51:37

Miˇ kʼahˬ kʼoeˇ kʼahˬ-aˬ, yaw cawˆ jeˬ-euˬ duˬ gahˬ pyeuꞈ-iˇ-awˇ, bawˇ tsahˬ jeˬ zaˬ deuˬ-euˬ jawˇ duˬ pyeuꞈ-iˇ tehꞈ-a. Kʼoeˇ-aˬ, guˆ laˇ paˬ-ehˇ gʼeh-eu jawˇ duˬ pyeuꞈ-iˇ-awˇ, tsawˇ haˬ tiˬ gʼaˬ-iˬ maˬ jawˇ-eu uˬ taꞈ, kʼaˇ le mawˇ-euˬ tsawˇ haˬ deuˬ tsawˬ guˆ dui dui iˇ tehꞈ-a.

Yeˬlaˬmiˇ 10:22

Naˇ haˬ sheˇ. Gaˇ kawˆ gaˬ keuˆ le miˇ-a. Laꞈ taˆ paw jaˆ-eu miˇ kʼahˬ tiˬ kʼahˬ-ahˇ, yaw kʼaˆ-ehˇ luiˬ gʼa luꞈ miˇ-a. Aˬ yawꞈ maꞈ-euˬ guiˇ maꞈ deuˬ-aˬ, Yuˇdaˆ miˇ kʼahˬ-ahˇ jaˆ-eu meuˬ deuˬ-ahˇ, bawˇ tsahˬ aˬ kuiˬ jawˇ zaˇ loꞈ-ehˇ, kʼaˇ shuiꞈ shuiꞈ yaˇ laˆ pyeuꞈ tehꞈ-a.”

Iˇsaˬyaˇ 34:13

Sahˬ paˬ-euˬ nymˇ aˬ gah baw duˆ dehꞈ byah jiˇ-awˇ, meuˬ lahˇ baw-eu meuˬ deuˬ yaˇ moꞈ uˆ tehˬ jiˇ-awˇ, bawˇ tsahˬ aˬ kuiˬ hawˇ-eu dzeˇ ngawˇ deuˬ jawˇ byah jiˇ tehꞈ-a.

Iˇsaˬyaˇ 13:22

Loꞈ-eu nymˇ goˇ hawˇ-eu sahˬ paˬ-euˬ nymˇ laꞈ kʼoeˇ, kʼaˬ yehˇ hawˇ-eu bawˇ tsahˬ aˬ kuiˬ deuˬ lawꞈ gʼa tehꞈ-a. Baˬbuˇloˬ meuˬ-euˬ aˇ nah aˇ yamˬ keuˆ le luꞈ meh. Gʼawˬ myahˇ ni maˬ paˇ ca meh.”

Miˇkaˬ 3:12

Naw maꞈ baˬ da neh Yeˬluˇsaˬlehˬ meuˬ-ahˇ deh yaˇ tsehˬ-eu loꞈ-ehˇ bi tsehˬ-awˇ, kʼaˬ lo tsaˬ byaˆ yaw cawˆ deuˬ baꞈ bymˇ taˬ-euˬ loꞈ-ehˇ jaˆ tehꞈ-a. Uˬ duˬ tahˬ nymˇ nymˇ ma jaˆ-eu gawˬ duˇ kʼoeˇ duˇ kʼawꞈ, yaˇ saˬ kʼehˬ ma loꞈ-ehˇ pyeuꞈ-iˇ tehꞈ-a.

Ngoeˇ dawˬ 3:47

Shaˬ zahˬ guˆ gaˆ-ahˇ daˬ luꞈ-awˇ, yaw cawˆ laꞈ kʼoeˇ jawˇ luꞈ-eu ma.

Ngoeˇ dawˬ 2:2

Yuˇdaˆ miˇ kʼahˬ pu dawˬ tawˆ luꞈ, gʼawˬ shaˬ tiˬ pawꞈ-iˬ maˬ gaˬ ni, Sahˬpaˬ Miˬyehˇ laˆ cawˆ-euˬ meh. Miˇ kʼahˬ kʼoeˇ-ahˇ loꞈ piˇ luꞈ-eu, ziꞈ dah ni gʼeh-eu taˆ deuˬ-ahˇ, aˬ yawꞈ laˆ byaˆ nehˬ jiˇ-euˬ meh. Miˇ kʼahˬ hawˇ-eu sahˬ paˬ deuˬ-ahˇ, miˇ tsa tuˆ ni gʼeu ka nehˬ-awˇ, daˬ ga-awˇ bi shaꞈ dawˇ-euˬ meh.

Yeˬlaˬmiˇ 34:22

Ngaˇ dawˬ biꞈ nehˬ ngeh, meuˬ heu meuˬ-ahˇ aˬ yawꞈ maꞈ guiˇ paˇ deuˆ poˆ le-awˇ, miˬ dzaˬ dzah puiˆ dzeh tehꞈ-a. Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ, tsawˇ haˬ tiˬ gʼaˬ-iˬ maˬ jawˇ-eu kʼaˇ shuiꞈ deh ga loꞈ-ehˇ bi pyeuꞈ-iˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 26:18

“Heˬsaˬgiˇ Yuˇdaˆ sahˬ paˬ geuꞈ ngeh, Miˇkaˬ lehˇ myahˇ-euˬ Mawˇleˇshehˆ meuˬ-ahˇ jawˇ-eu Miˬyehˇ gʼaˇ duˬ ngehˬ dah-eu kʼoeˇ gʼaˬ, Yuˇdaˆ miˇ kʼahˬ zaˬ dawˬ tawˆ luꞈ-ahˇ, Sahˬpaˬ Miˬyehˇ neh ehˇ-euˬ dawˬ heu loꞈ-ehˇ dzawˇ nehˬ-euˬ meh. Ziˇoˬ gawˬ jawˬ-ahˇ deh yaˇ loꞈ-ehˇ bi tsehˬ-awˇ, Yeˬluˇsaˬlehˬ meuˬ yaw cawˆ jeˬ pu cu pu lu lu-awˇ, Uˬ duˬ tahˬ nymˇ nymˇ ma jaˆ-euˬ gawˬ duˇ kʼoeˇ aˇ bawˇ sahˬ kʼaˆ pyeuꞈ-iˇ tehꞈ-a. lehˇ dzawˇ nehˬ-euˬ meh.

Yeˬlaˬmiˇ 25:11

Miˇ kʼahˬ heu kʼahˬ kʼahˬ lah ni cawˆ-iˇ jiˇ-awˇ, tsawˬ guˆ-iˇ paˬ-ehˇ jaˆ tehꞈ-a. Dawˬ peh jaˆ-eu miˇ kʼahˬ deuˬ, Baˬbuˇloˬ sahˬ paˬ-euˬ zaˬ kʼaˆ shiꞈ tseˇ kʼoꞈ ya geuꞈ tehꞈ-a.

Jaceuq 79:1

Miˬyehˇ-oˇ, aˬ cawˬ tsawˇ jeuˬ nawˬ-euˬ miˇ kʼahˬ-ahˇ uˇ le-euˬ meh. Muiˬ-eu shawˇ-eu nawˬ-euˬ Uˬ duˬ tahˬ nymˇ nymˇ ma-ahˇ aˬ yawꞈ maꞈ laˆ jawꞈ-awˇ, Yeˬluˇsaˬlehˬ meuˬ-ahˇ laˆ cawˆ yaꞈ-euˬ meh.

Miˇkaˬ 6:16

Sahˬ paˬ Awˇmaˬliˇ hawˇ-eu aˬ yawꞈ-euˬ aˬ li sahˬ paˬ Aˬhaˆ aˬ nyaꞈ maˬ tsaˬ maˬ dawˇ-eu jeˬ mˇ gaˇ naw maꞈ caw teh-euˬ miˇ neh, naw maꞈ kʼoeˇ taˆ kʼoeˇ loꞈ-ehˇ keuˆ le tehꞈ-a. Aˬ yawꞈ nyaꞈ kʼaˇ dehꞈ yaꞈ-euˬ loꞈ-ehˇ naw maꞈ caw teh-awˇ dehꞈ-eu miˇ neh, luˬ-iˇ seˇ-iˇ-eu jeˬ naw maꞈ kʼoeˇ taˆ ngaˇ bi keuˆ le-awˇ, yawˬ gʼaˬ na luꞈ naw maꞈ-ahˇ yehˬ bawˬ sehˇ lu-ehˇ ehˇ niˇ gʼa tehꞈ-a. Aˬ cawˬ tsawˇ jeuˬ deuˬ naw maꞈ-ahˇ ja bu ja doeˇ tehꞈ-a.”

Miˇkaˬ 1:6

Yeˬluˇsaˬlehˬ meuˬ baˬ da neh maˬ ngeuˇ-a loˇ. Kʼoeˇ miˇ neh, Sahˬpaˬ Miˬyehˇ ehˇ-eu, “Saˬmaˬliˆ meuˬ-euˬ deh ga-ahˇ nymˇ nymˇ cehˇ baꞈ bymˇ taˬ-euˬ loꞈ-ehˇ ngaˇ laˆ pyeuꞈ-awˇ, aˬ gaꞈ aˇ bawˬ ka-eu jawˇ duˬ bi pyeuꞈ-iˇ ma. Meuˬ gawˬ-euˬ kʼaˬ lo tsaˬ byaˆ deuˬ gʼaˬ lawˬ-ahˇ ngaˇ shehˆ dzeh-awˇ, meuˬ-euˬ dawˬ pehˬ neˇ myawˆ ni bi jaˆ ma.

Yeˬlaˬmiˇ 26:9

“Nawˇ-aˬ, ya bi diˬ sehꞈ gaˇ keuˆ-eu ngaˇ. Uˬ duˬ tahˬ nymˇ nymˇ ma heu Shiˇloˬ meuˬ loꞈ-ehˇ ya pyeuꞈ-iˇ-awˇ, meuˬ heu meuˬ tsawˇ haˬ tiˬ gʼaˬ-iˬ maˬ jawˇ-ehˇ pyeuꞈ-iˇ gaˇ keuˆ ni bi laˆ cawˆ tehꞈ-a lehˇ, Sahˬpaˬ Miˬyehˇ -euˬ tsawˇ myahˇ uˬ moˆ aˬ jeˬ miˇ neh nawˇ dawˬ ngehˬ te” lehˇ guˇ-eu meh. Kʼoeˇ naˇ, tsawˇ haˬ dawˬ tawˆ luꞈ, ngaˬ-euˬ dawˬ peh ga uiˬ laˇ-euˬ meh.

Yeˬlaˬmiˇ 25:18

Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ dawˬ tawˆ luꞈ, aˬ yawꞈ maꞈ-euˬ sahˬ paˬ hawˇ-eu sahˬ paˬ sahˬ ma kʼaˇ geuꞈ luꞈ-eu deuˬ dawˬ tawˆ luꞈ nehˬ-ehˇ tiˬ kawˆ loꞈ-ehˇ, kʼmˬ maˬ kʼoeˇ kʼmˬ ya ciˬ dawˇ-euˬ meh. Meuˬ kʼoeˇ deuˬ dawˬ tawˆ luꞈ, kʼaˇ shuiꞈ deh yaˇ bawˇ tsahˬ bawˇ dahˇ loꞈ-ehˇ pyeuꞈ-iˇ-awˇ, tsawˬ guˆ-iˇ paˬ-ehˇ jaˆ ni maˬ ehˇ, nymˬ-mˇ aˬ yawꞈ maꞈ yaˬ kʼehˇ yaˬ ngeh ehˇ-eu loꞈ-ehˇ, aˬ cawˬ yaˬ kʼehˇ yaˬ ngeh, aˬ yawꞈ maꞈ-euˬ tsawˇ myahˇ zmˬ-awˇ yaˬ kʼehˇ yaˬ ni maˬ ehˇ, aˬ yawꞈ maꞈ kʼmˬ maˬ kʼoeˇ kʼmˬ ya ciˬ dawˇ-euˬ jeˬ pyeuꞈ-eu meh.

Iˇsaˬyaˇ 44:26

Ehˇ kʼawꞈ, ngaˬ-euˬ zaˬ kʼaˆ aˬ kaˇ pyeuꞈ-eu gaˇ kawˆ mehˬ ngeh, ngaˬ-euˬ gʼaˬ kʼehˇ-ahˇ ngaˇ pyehˬ gʼeh leꞈ-awˇ, ngaˬ neh lehˬ hmˬ taˬ-euˬ gaˇ kawˆ bi ja mehˬ ngeh, aˬ yawꞈ neh kʼaˇ ehˇ-euˬ jeˬ ngaˇ bi pyeuꞈ laˇ ma. Yeˬluˇsaˬlehˬ meuˬ-ahˇ tsawˇ haˬ paˇ jawˇ byah-awˇ, Yuˇdaˆ meuˬ deuˬ paˇ teˬ ziꞈ jiˇ tehꞈ-a lehˇ ehˇ-euˬ ma. Meuˬ meuˬ tsoeˬ kʼoeˇ deuˬ meuˬ shuiꞈ paˇ shuiꞈ laˇ tehꞈ-a.

Neˬhaˬmiˇ 4:2

Aˬ yawꞈ-euˬ cawˬ deuˬ hawˇ-eu Saˬmaˬliˆ guiˇ maꞈ mehˬ shi aˬ yawꞈ heu loꞈ-ehˇ ehˇ-eu meh. “Aˇ gʼehˇ maˬ gʼehˇ-eu Yuˇdaˆ tsawˇ haˬ tsawˇ teˬ zaˬ teu deuˬ aˬ pa jeˬ mˇ luꞈ-eu nga. Meuˬ teu meuˬ-ahˇ paˇ tsoˆ muiˬ geuꞈ-eu lehˇ gʼeh ta loˇ. Lawˇ-eu shehˇ-eu jeˬ mˇ-awˇ tiˬ nah laꞈ kʼoeˇ tehꞈ-ehˇ paˇ tsoˆ muiˬ nya ma lehˇ aˬ yawꞈ maꞈ noeˬ ta loˇ. Bi puiˆ byoˆ jiˇ-euˬ kʼaˬ lo tsaˬ byaˆ kʼoeˇ deuˬ tsaˬ byaˆ paˇ pyeuꞈ laˇ ni aˬ yawꞈ maꞈ jahˇ doˆ nya te jeˇ loˇ.”

Panmaeq 18:2

Aˬ yawꞈ teˇ saˇ yaw kʼaˆ-ehˇ guˇ-awˇ ehˇ-eu, “Aˬ yawꞈ coˬ-iˇ-euˬ meh. Huiˬ dui dui-eu Baˬbuˇloˬ meuˬ coˬ-iˇ-euˬ meh. Aˬ yawꞈ-aˬ, nehꞈ deuˬ hawˇ-eu maˬ muiˬ maˬ shawˇ-eu yaw sahˇ deuˬ yaw bui bui duˬ pyeuꞈ-iˇ-euˬ meh. Jawꞈ dui dui-awˇ maˬ haw cawˬ nahˇ paˬ-ehˇ gʼeh-eu aˇ jiˇ dawˬ tawˆ luꞈ kʼoeˇ gaˇ jawˇ-eu meh.

Uˬ duˬ 26:32

Naw maꞈ-euˬ miˇ kʼahˬ-ahˇ ngaˇ nui kʼahˇ tiˬ shiˇ laˆ cawˆ-euˬ miˇ neh, naw maꞈ miˇ kʼahˬ-ahˇ deuˆ gʼaˬ-euˬ naw maꞈ-ahˇ muiˇ-eu tsawˇ haˬ deuˬ kʼawꞈ, ya tsawˬ guˆ-iˇ gaˇ keuˆ tehꞈ-a.

Jaceuq 44:19

Ehˇkʼawꞈhaiˬ-eu kʼaˬyehˇtsahˬ-ahˇ, nga maꞈ-ahˇ nawˇ bi shaˬ laꞈ-awˇ, yaw zahˇtsahˇlahˇnehˬlaꞈ-euˬmeh.

Yeˬlaˬmiˇ 1:15

Aˬ jeˬ miˇ neh ehˇ naˇ, laꞈ taˆ paw kʼaˇ jawˇ-eu tsawˇ jeuˬ dawˬ tawˆ luꞈ-ahˇ, ngaˇ kuˇ ka-eu lehˇ gʼeh-eu ma. Yeˬluˇsaˬlehˬ meuˬ-euˬ lahˇ kʼehˬ-ahˇ maˬ ehˇ, meuˬ lahˇ jawˬ jawˬ-ehˇ maˬ ehˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ-euˬ meuˬ lahˇ jawˬ jawˬ-ehˇ maˬ ehˇ, tsawˇ jeuˬ kʼoeˇ deuˬ-euˬ sahˬ paˬ deuˬ nuiˇ mahˬ ciˬ tsoꞈ le tehꞈ-a.

Yeˬlaˬmiˇ 4:27

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ tsaˬ tahˬ kʼawˇ heu-ahˇ ngaˇ laˆ byoˆ nehˬ gaˇ maˬ keuˆ kʼawꞈ, bawˇ tsahˬ bawˇ dahˇ ya pyeuꞈ-iˇ jiˇ tehꞈ-a.”

Yeˬlaˬmiˇ 44:2

Iˇsaˬleˬlaˆ-euˬ Miˬyehˇ pyeuꞈ-eu Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ hawˇ-eu Yuˇdaˆ miˇ kʼahˬ laꞈ kʼoeˇ kʼaˇ jaˆ-eu meuˬ dawˬ tawˆ luꞈ kʼoeˇ taˆ, ngaˬ neh bi keuˆ le-euˬ luˬ-iˇ seˇ-iˇ-eu jeˬ-ahˇ naw maꞈ ya mawˇ gʼaˬ-euˬ meh. Nymˬ-mˇ keuˆ ni meuˬ kʼoeˇ deuˬ yaw cawˆ-ehˇ jaˆ-awˇ, tsawˇ haˬ tiˬ gʼaˬ-iˬ maˬ jawˇ-a.

Yeˬlaˬmiˇ 49:33

Haˬzawˇ meuˬ-aˬ, mˬ maˬ maˬ byaˆ zaˇ ziˇ bawˇ tsahˬ aˬ kuiˬ jawˇ-eu kʼaˇ shuiꞈ deh ga bi pyeuꞈ-iˇ ma. Tsawˇ haˬ tiˬ gʼaˬ-iˬ kʼoeˇ gaˇ maˬ paˇ jawˇ leˇ-aˇ lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 50:3

“Laꞈ taˆ paw pyawˬ-ahˇ jawˇ-eu tsawˇ jeuˬ tiˬ jeuˬ Baˬbuˇloˬ miˇ kʼahˬ-ahˇ guiˇ deuˆ le-awˇ, kʼaˇ shuiꞈ deh ga laˆ pyeuꞈ nehˬ yaꞈ tehꞈ-a. Tsawˇ haˬ hawˇ-eu jeˬ zaˬ dawˬ tawˆ luꞈ cehˆ byoˆ jiˇ-awˇ, tiˬ gʼaˬ-iˬ maˬ jawˇ ni pyeuꞈ-iˇ tehꞈ-a.”

Ngoeˇ dawˬ 1:4

Zahˇ sahˇ kʼoꞈ bawˬ-iˬ gʼeh yamˬ tsaˬ kʼawꞈ, tiˬ gʼaˬ-iˬ maˬ laˇ-eu miˇ neh, Ziˇoˬ gaˇ ma ngoeˇ luꞈ-eu meh. Yawꞈ-euˬ lahˇ kʼehˬ ciˬ cuˇ jaˆ-awˇ, piˇ ma deuˬ noeˬ shaˬ-eu toˇ-awˇ, dawˬ caˇ zaˬ miˬ nui noeˬ shaˬ-awˇ, shaˬ zahˬ naꞈ dui dui luꞈ-eu meh.

Dawˬmehˬ 29:23

Naw maꞈ-euˬ miˇ kʼahˬ kʼahˬ lah ni, miˬ dzaˇ dzaˇ shuiˇ hawˇ-eu saˬ deuꞈ tehꞈ-ehˇ byah jiˇ-awˇ, gaˇ dahˇ maˬ tsoeˬ ni pyeuꞈ-iˇ tehꞈ-a. Tiˬ jeˬ-iˬ maˬ ka dzaˬ nya-eu uˬ taꞈ, yaˇ moꞈ kʼawꞈ maˬ dehꞈ ni pyeuꞈ-iˇ tehꞈ-a. Naw maꞈ-euˬ miˇ kʼahˬ-aˬ, Sahˬpaˬ Miˬyehˇ nui ma pehˇ dui dui-eu laꞈ kʼoeˇ laˆ luˬ laˆ seˇ nehˬ-euˬ Sawˇdoˬ meuˬ, Gawˇmawˇlaˆ meuˬ, Aˬdaˬmaˬ meuˬ hawˇ-eu, Zeˬbaiˬ meuˬ heu deuˬ loꞈ-ehˇ pyeuꞈ-iˇ tehꞈ-a.

Jaceuq 107:43

Zaˬ siˬ tsawˇ gahˇ kʼaˇ ahˇ-eu tsawˇ haˬ deuˬ, gaˇ kawˆ kʼoeˇ shaˇ sawˇ haw luꞈ-uˇ. Sahˬpaˬ Miˬyehˇ-euˬ maˬ tsehˆ leˇ-eu gʼoeˇ-eu gaˬ-eu jeˬ-ahˇ aˬ yawꞈ maꞈ shaˇ noeˬ doˆ luꞈ-uˇ.

Yeˬlaˬmiˇ 8:22

Giˇlaˆ miˇ kʼahˬ laꞈ kʼoeˇ jaˆ gʼaˬ maˬ jaˆ-a loˇ. Jaˆ gʼaˬ nya-eu tsawˇ haˬ kʼoeˇ gaˇ maˬ jawˇ-a loˇ. Aˬ jeˬ miˇ neh ngaˬ-euˬ tsawˇ jeuˬ-ahˇ maˬ laˆ taˬ nya ta.

Yeˬlaˬmiˇ 16:10

“Gaˇ kawˆ heu deuˬ dawˬ tawˆ luꞈ aˬ yawꞈ maꞈ-ahˇ nawˇ ja nehˬ ngeh, aˬ jeˬ miˇ neh aˬ yawꞈ maꞈ-ahˇ kʼoeˇ naˆ naˆ-ehˇ kʼehˬ nehˬ-eu gʼaˇ duˬ ngaˇ noeˬ tsehˆ taˬ-eu ta lehˇ, aˬ yawꞈ maꞈ nawˬ-ahˇ naˇ haˬ laˇ tehꞈ-a. Aˬ yawꞈ maꞈ iˬ baˇ mˇ taˬ-euˬ aˬ jeˬ jaˆ-awˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ yawꞈ maꞈ neh mˇ bahˬ taˬ-euˬ aˬ jeˬ jaˆ ta lehˇ naˇ haˬ laˇ tehꞈ-a.