Yeˬlaˬmiˇ 6:14 - Akha

¹⁴ Ngaˬ-euˬ tsawˇ haˬ deuˬ-euˬ maˇ kʼehˬ maˇ naˇ deuˬ-ahˇ, aˬ gah pyaˆ-eu naˆ ni tehꞈ-ehˇ aˬ yawꞈ maꞈ sawˇ nehˬ-awˇ, maˬ taˬ leˇ gaˇ keuˆ ni taˬ leˇ gʼaˬ mehˬ lehˇ myawꞈ-eu meh.

Yeˬlaˬmiˇ 6:14 Referans Kwoze

Yeˬsaˬgeˬlaˇ 13:10

“Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-aˬ, nui saˇ oꞈ-eu jeˬ maˬ jaˆ gaˇ, nui saˇ oꞈ-eu jeˬ jaˆ meh lehˇ ehˇ-awˇ, ngaˬ-euˬ tsawˇ haˬ deuˬ-ahˇ gaˇ ma sheuˬ bahˬ nehˬ-euˬ meh. Ngaˬ-euˬ tsawˇ haˬ deuˬ yaw muiˬ paˬ-ehˇ maˬ gawˬ ziꞈ taˬ-euˬ meuˬ lahˇ-ahˇ, Miˬyehˇ gʼaˇ duˬ ngehˬ dah-eu kʼoeˇ deuˬ lu boeˬ lehꞈ pyuˇ-euˬ meh.

Yeˬlaˬmiˇ 23:17

Ngaˬ-euˬ ehˇ dawˬ maˬ naˇ haˬ-eu tsawˇ haˬ deuˬ-ahˇ, nui saˇ oꞈ tehꞈ-a lehˇ aˬ yawꞈ maꞈ gʼaˬ biꞈ-awˇ, nui ma gʼahˇ dui dui-eu tsawˇ haˬ yawˬ gʼaˬ na luꞈ-ahˇ, shaˬ zahˬ maˬ puˬ le-aˇ lehˇ aˬ yawꞈ maꞈ gʼaˬ baꞈ baꞈ-eu meh.”

Yeˬlaˬmiˇ 4:10

Kʼoeˇ ngeh, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ nawˇ tmˬ jawˆ ni jaˬ myawꞈ myawꞈ-euˬ meh. Nui saˇ oꞈ-eu jeˬ bi keuˆ le ma lehˇ nawˇ ehˇ taˬ-euˬ kʼawꞈ, aˬ yawꞈ maꞈ-euˬ kuˬ byahˬ-ahˇ mi cehˇ gʼoˆ mawˬ nehˬ-euˬ meh.”

Ngoeˇ dawˬ 2:14

Miˬyehˇ gʼaˇ duˬ ngehˬ dah-eu deuˬ, nawˬ-ahˇ jaˬ myawꞈ myawꞈ nehˬ-euˬ meh. Nawˬ-ahˇ aˬ cawˬ maˬ bi nyehꞈ ni, nawˬ-euˬ yaw lehˬ iˬ baˇ deuˬ-ahˇ, aˬ yawꞈ maꞈ maˬ pah doˆ nehˬ-a. Aˬ yawꞈ maꞈ ngehˬ-euˬ tmˇ-euˬ jeˬ, nawˬ-ahˇ gaˇ ma sheuˬ bahˬ-euˬ meh.

Yeˬlaˬmiˇ 14:13

Kʼoeˇ naˇ, ngaˇ heu loꞈ-ehˇ ehˇ-euˬ ma. “Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-oˇ, nawˬ neh saˇ jaˇ dzaˬ taˬ-euˬ jaˆ-eu miˇ neh, miˇ kʼahˬ heu kʼahˬ laꞈ kʼoeˇ guiˇ deuˆ-eu jeˬ hawˇ-eu mehꞈ-eu shuꞈ-eu jeˬ maˬ keuˆ le-ehˇ, nui saˇ oꞈ-eu jeˬ tehꞈ-ehˇ keuˆ le tehꞈ-a lehˇ, Miˬyehˇ gʼaˇ duˬ ngehˬ dah-eu deuˬ ehˇ luꞈ-eu nawˇ siˬ nya meh.”

2 Beˬtuˆluˆ 2:1

Aˇ hu ba-euˬ tsawˇ haˬ deuˬ jawˇ gaˇ maˬ ngeuˇ-eu Miˬyehˇ gʼaˇ duˬ ngehˬ dah-eu deuˬ doˆ le haw-euˬ loꞈ-ehˇ, naw maꞈ jawˇ gaˇ maˬ ngeuˇ-eu mehˬ-eu tsoˆ-eu saˬ laˬ deuˬ doˆ le tehꞈ-a. Yaw cawˆ jeˬ hawˇ-eu maˬ tsaˬ-eu jah-eu jeˬ aˬ yawꞈ maꞈ hehˇ ahˇ laꞈ-awˇ, aˬ yawꞈ maꞈ-ahˇ ka kʼoꞈ nehˬ-euˬ Sahˬpaˬ-ahˇ maˬ siˬ lehˇ ehˇ tehꞈ-a. Kʼoeˇ miˇ neh, aˬ yawꞈ maꞈ kʼoeˇ taˆ luˬ-iˇ seˇ-iˇ-eu jeˬ yaw kawˇ-ehˇ keuˆ le ni yawˬ haˇ ha mˇ gaˇ duˇ-eu meh.

Iˇsaˬyaˇ 30:26

Ba la yaw shehꞈ nahˇ ma loꞈ-ehˇ bya-eu uˬ taꞈ, nahˇ ma shiꞈ bymˇ bya dzehˬ laˇ-awˇ, shiꞈ nah bya-eu yaw shehꞈ tiˬ nah laꞈ kʼoeˇ bya jiˇ gaˇ duˇ tehꞈ-a. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ diˬ naˇ laˆ naˇ nehˬ-euˬ naˇ gawˇ deuˬ-ahˇ aˬ yawꞈ paˇ laˆ saˆ taˬ ngeh nah, kʼoeˇ deuˬ dawˬ tawˆ luꞈ keuˆ le tehꞈ-a.

Miˇkaˬ 2:11

“Naw maꞈ gʼaˇ duˬ aˬ gaꞈ dzaˇ uiˇ hawˇ-eu jiˇ baˬ yoeˇ le tehꞈ-a lehˇ jaˬ myawꞈ myawꞈ myawꞈ-ehˇ cah-eu Miˬyehˇ gʼaˇ duˬ ngehˬ dah-eu deuˬ-ahˇ tsawˇ haˬ heu deuˬ mawꞈ-eu meh.

Yeˬsaˬgeˬlaˇ 13:22

“Ngaˇ maˬ bi mˇ coeˬ mawꞈ-eu tsawˇ muiˬ deuˬ-ahˇ, naw maꞈ jaˬ myawꞈ mehˇ shuiˇ neh guˆ tsiˬ nyehꞈ-euˬ meh. Haiˬ-eu tsawˇ haˬ deuˬ yaw haiˬ jeˬ byehˇ dzeh-awˇ, saꞈ laˇ buˬ-iˇ ni maˬ bi mˇ-eu gʼaˇ duˬ, naw maꞈ laˆ tsoeˬ-euˬ meh.

Yeˬlaˬmiˇ 14:17

Aˬ yawꞈ maꞈ-ahˇ heu loꞈ-ehˇ ehˇ nehˬ-iˇ-eu gʼaˇ duˬ Sahˬpaˬ Miˬyehˇ ngaˬ-ahˇ dawˬ biꞈ laꞈ-euˬ meh. “Ngaˬ-euˬ tsawˇ haˬ deuˬ yaw kʼaˆ-ehˇ bi laˆ naˇ-awˇ, aˇ dzehˬ-ehˇ deuˬ leˇ-euˬ miˇ neh, ngaˬ-euˬ myaˆ biˇ maˬ tsiˇ leˇ ni yoeˇ-awˇ, maˬ naˬ leˇ ni ya ngoeˇ luꞈ-uˇ.

Yeˬlaˬmiˇ 5:12

Sahˬpaˬ Miˬyehˇ-euˬ tsawˇ haˬ deuˬ, Sahˬpaˬ Miˬyehˇ-ahˇ yaw zeu maˬ baw-ehˇ, heu loꞈ-ehˇ ehˇ-eu meh. “Aˬ dui-ahˇ aˬ yawꞈ tiˬ jeˬ-iˬ maˬ jahˇ laˇ-aˇ. Aˬ dui shaˬ zahˬ naꞈ gaˇ maˬ ya keuˆ-aˇ. Mehꞈ-eu shuꞈ-eu hawˇ-eu miˬ siˬ miˬ kaˆ, aˬ dui kʼoeˇ taˆ maˬ keuˆ le-aˇ.

Yeˬlaˬmiˇ 28:3

Sahˬ paˬ Neˬbuˬkaˬneˬzaˬ neh Baˬbuˇloˬ miˇ kʼahˬ-ahˇ kʼaˇ yuˇ gʼeh-euˬ, Uˬ duˬ tahˬ nymˇ nymˇ ma laꞈ kʼoeˇ jaˆ-euˬ pyuˇ shuiˇ myawˬ gahˬ deuˬ-ahˇ, nyiˬ kʼoꞈ laꞈ kʼoeˇ ngaˇ paˇ yuˇ kʼoꞈ keuˆ leꞈ jiˇ ma.

Iˇsaˬyaˇ 1:6

Aˬ kuiˇ pehˬ zaˬ-ahˇ neh uˬ duˬ-ahˇ doˆ ni, geuꞈ-eu maˬ paˇ ahˇ ngaˇ. Maˇ kʼehˬ maˇ naˇ hawˇ-eu shiˬ dzahˬ maˇ lu tehꞈ-ehˇ jaˆ-awˇ, shiˬ doˆ dui dui luꞈ nga. Nawˬ-euˬ maˇ naˇ maˬ laˆ taˬ-ehˇ, saˬ paˇ maˬ lahˇ taˬ-aˬ. Jaˆ gʼaˬ maˬ laˆ saˆ-aˬ.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

2 Saˬmeuˬlaˆ 17:3

Kʼoeˇ naˇ, zaˬ miˬ zaˬ-ahˇ yawˬ ha-euˬ kʼaˬ dzeˇ zaˬ jawˇ gaˇ sheuˬ kʼoꞈ laꞈ-eu loꞈ-ehˇ, aˬ yawꞈ-euˬ tsawˇ haˬ kʼoeˇ deuˬ dawˬ tawˆ luꞈ-ahˇ, nawˇ jawˇ gaˇ ngaˇ sheuˬ kʼoꞈ laꞈ ma. Tsawˇ haˬ tiˬ gʼaˬ-ahˇ tehꞈ-ehˇ nawˇ sehꞈ mawꞈ-eu nui ma jaˆ-eu loꞈ-ehˇ, nui deuˬ-ahˇ tiˬ jeˬ-iˬ maˬ bi ca laˇ.”

Iˇsaˬyaˇ 30:10

Miˬyehˇ gʼaˇ duˬ ngehˬ dah luꞈ-eu deuˬ-ahˇ, aˬ yawꞈ maꞈ kʼaˬ meh paꞈ tsoeˬ tsoeˬ nehˬ-awˇ, “Yaw tsaˬ yaw dawˇ jeˬ gaˇ kawˆ maˬ mehˬ ni, nga maꞈ naˇ haˬ mawꞈ-eu dawˬ deuˬ hawˇ-eu, gaˇ jaw jaw-eu dawˬ mehˬ le-awˬ” lehˇ ehˇ-eu meh.

Yeˬsaˬgeˬlaˇ 13:16

Nui saˇ oꞈ-eu jeˬ maˬ jaˆ gaˇ nui saˇ oꞈ-eu jeˬ jaˆ meh lehˇ ehˇ-eu Miˬyehˇ gʼaˇ duˬ ngehˬ dah-eu kʼoeˇ deuˬ maˬ paˇ jawˇ meh lehˇ, naw maꞈ-ahˇ ngaˇ ehˇ nehˬ ma” lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ ehˇ-eu meh.

Yeˬsaˬgeˬlaˇ 14:9

“Miˬyehˇ gʼaˇ duˬ ngehˬ dah-eu gʼaˬ mehˇ shuiˇ bi shuiˇ-awˇ maˬ tsaˬ-eu jeˬ ehˇ kʼoꞈ nehˬ naˇ, mehˇ shuiˇ shuiˇ-euˬ gʼaˬ-aˬ, Sahˬpaˬ Miˬyehˇ pyeuꞈ-eu ngaˇ ma. Iˇsaˬleˬlaˆ tsawˇ jeuˬ laꞈ kʼoeˇ aˬ yawꞈ-ahˇ paˬ tseuˆ tseuˆ dzeh ma.

Miˇkaˬ 3:5

Aˇ poeˬ biꞈ nya-eu tsawˇ haˬ deuˬ-ahˇ “Naw maꞈ-ahˇ Miˬyehˇ guiˬ lahˬ biꞈ-eu laꞈ kʼoeˇ yaw saˇ saˇ-ehˇ ya dehꞈ tehꞈ-a” lehˇ ehˇ nehˬ-awˇ, aˇ poeˬ maˬ biꞈ-eu tsawˇ haˬ deuˬ-ahˇ, “Naw maꞈ-ahˇ Miˬyehˇ laˆ cawˆ tehꞈ-a” lehˇ ehˇ-eu Miˬyehˇ gʼaˇ duˬ ngehˬ dah-eu deuˬ neh, ngaˬ-euˬ tsawˇ haˬ deuˬ gaˇ ma bi sheuˬ bahˬ-euˬ meh. Kʼoeˇ loꞈ-ehˇ Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ Sahˬpaˬ Miˬyehˇ heu loꞈ-ehˇ ehˇ-eu meh.