Yeˬlaˬmiˇ 51:50 - Akha

⁵⁰ Baˬbuˇloˬ miˇ kʼahˬ laꞈ kʼoeˇ jawˇ-eu aˬ yawꞈ-euˬ tsawˇ haˬ deuˬ-ahˇ, Sahˬpaˬ Miˬyehˇ heu loꞈ-ehˇ ehˇ-eu meh. “Shiˇ-eu jeˬ-ahˇ naw maꞈ dzeuˇ-iˇ-euˬ meh. Maˬ nyi naˬ ni nymˬ-mˇ doˆ-iˇ-awˬ. Naw maꞈ gaˇ mahˇ kaˬ gaˇ jawˇ luꞈ kʼawꞈ, naw maꞈ-euˬ Sahˬpaˬ Miˬyehˇ pyeuꞈ-eu ngaˬ-ahˇ noeˬ mawˇ-awˇ, Yeˬluˇsaˬlehˬ meuˬ-ahˇ taˬ ngehˇ,

Yeˬlaˬmiˇ 51:50 Referans Kwoze

Yeˬlaˬmiˇ 44:28

Ehˇ kʼawꞈ, heu myaˆ gʼaˬ uˬ kʼawˇ buˬ-iˇ-awˇ, Iˇjiˇtuˆ miˇ kʼahˬ-ahˇ neh Yuˇdaˆ miˇ kʼahˬ-ahˇ gʼoꞈ doˆ laˇ tehꞈ-a. Kʼoeˇ ngeh jawˇ, kʼaˇ dzeuˇ-iˇ-euˬ tsawˇ haˬ kʼoeˇ deuˬ, ngaˬ-euˬ dawˬ tsaˬ nga loˇ, aˬ yawꞈ maꞈ-euˬ dawˬ tsaˬ nga loˇ lehˇ, ya siˬ duˬ tehꞈ-a.

Jaceuq 122:6

Yeˬluˇsaˬlehˬ meuˬ nui saˇ oꞈ ni guiˬ lahˬ shaˇ-awˬ. Nawˬ-ahˇ gaˬ-eu tsawˇ haˬ deuˬ baw le za le luꞈ-uˇ.

Panmaeq 18:4

Kʼoeˇ naˇ, mˬ kʼoeˇ taˆ heu loꞈ-ehˇ paˇ ehˇ-eu dawˬ-ahˇ ngaˇ ya gaˬ-euˬma. “Ngaˬ-euˬ tsawˇ haˬ deuˬ doˆ laˇ-awˬ. Aˬ yawꞈ jawˇ gaˇ neh doˆ laˇ-awˬ. Aˬ yawꞈ iˬ baˇ mˇ gaˇ taˬ ahˇ. Aˬ yawꞈ-euˬ shaˬ zahˬ taˬ caw pi.

Yeˬlaˬmiˇ 51:45

Iˇsaˬleˬlaˆ tsawˇ haˬ deuˬ-oˇ, kʼoeˇ gaˇ maˬ jawˇ ni cehˆ-awˬ. Sahˬpaˬ Miˬyehˇ nui ma pehˇ-eu jeˬ-ahˇ dzeuˇ-iˇ nya ni cehˆ-awˬ.

Iˇsaˬyaˇ 51:11

Nawˬ neh ka kʼoꞈ doˆ nehˬ-euˬ tsawˇ haˬ deuˬ, laˬ kʼaˬ cehˇ-eu caˇ dawˬ caˇ-awˇ guˇ-eu laꞈ kʼoeˇ, Yeˬluˇsaˬlehˬ meuˬ-ahˇ laˬ kʼaˬ tiˬ cehˇ ya gʼoꞈ keuˆ laˇ tehꞈ-a. Mˬ maˬ maˬ byaˆ zaˇ ziˇ aˬ yawꞈ maꞈ laˬ kʼaˬ ya cehˇ-awˇ, noeˬ shaˬ noeˬ zahˬ-eu jeˬ laꞈ kʼoeˇ mˬ maˬ maˬ byaˆ zaˇ ziˇ dzeuˇ-iˇ tehꞈ-a.

Yeˬlaˬmiˇ 51:6

Baˬbuˇloˬ miˇ kʼahˬ-ahˇ neh cehˆ doˆ-awˬ. Uˬ kʼawˇ buˬ ni cehˆ-awˬ. Baˬbuˇloˬ miˇ kʼahˬ-euˬ iˬ baˇ baˬ da neh shiˇ gaˇ taˬ bi keuˆ. Miˇ kʼahˬ kʼoeˇ kʼahˬ-ahˇ oꞈ-eu geuˇ-eu loꞈ-ehˇ, nymˬ-mˇ ngaˇ kʼehˬ nehˬ luꞈ-eu ma.

Yeˬlaˬmiˇ 50:8

“Iˇsaˬleˬlaˆ tsawˇ haˬ deuˬ-oˇ, Baˬbuˇloˬ miˇ kʼahˬ-ahˇ neh cehˆ dzeuˇ-awˬ. Miˇ kʼahˬ kʼoeˇ kʼahˬ-ahˇ neh aˬ cawˬ mehˬ hu cehˆ doˆ-awˬ.

Yeˬlaˬmiˇ 31:21

Gaˇ ma-ahˇ tsaˬ tsoˆ taˬ yaꞈ-awˬ. Nawˬ neh iˇ-euˬ gaˇ ma paˇ noeˬ doˆ-awˬ. Iˇsaˬleˬlaˆ-oˇ, gʼoꞈ laˇ-awˬ. Nawˬ neh byehˇ-euˬ meuˬ-ahˇ gʼoꞈ jawˇ laˇ-awˬ.

Iˇsaˬyaˇ 52:2

Yeˬluˇsaˬlehˬ meuˬ-oˇ, kʼaˬ lehˇ byuˬ kʼaˇ dzeh-awˬ. Kʼaˬ lehˇ tsahˬ-ahˇ neh tuˇ laˇ-awˇ, dzoeˬ dzaˬ nuiˇ mahˬ kʼoeˇ taˆ nuiˇ-awˬ. Paꞈ tawꞈ taˬ-euˬ Ziˇoˬ meuˬ zaˬ deuˬ-oˇ, shmˇ caˆ tseuˆ puiˇ dzeh-awˬ.

Iˇsaˬyaˇ 48:20

Baˬbuˇloˬ meuˬ laꞈ kʼoeˇ neh doˆ-iˇ-awˇ, iˇ buˬ iˇ law gʼeh-awˬ. Gaˇ kawˆ kʼoeˇ laˬ kʼaˬ cehˇ taˆ ni guˇ-awˇ, yawˬ gaˇ na luꞈ bi gaˬ doe-awˬ. “Aˬ yawꞈ-euˬ zaˬ kʼaˆ Iˇsaˬleˬlaˆ-ahˇ, Sahˬpaˬ Miˬyehˇ ka kʼoꞈ-euˬ meh” lehˇ guˇ gaˬ-awˬ.

Yeˬsaˬgeˬlaˇ 6:9

Aˬ cawˬ aˬ yawꞈ maꞈ-ahˇ kʼoeˇ gaˇ nyehꞈ gʼeh-awˇ bi jawˇ tehꞈ-a. Kʼoeˇ gaˇ, aˬ yawꞈ maꞈ ngaˬ-ahˇ noeˬ mawˇ laˇ-awˇ, aˬ yawꞈ maꞈ-euˬ saˇ jaˇ maˬ ziꞈ-eu nui ma ngaˬ-ahˇ byehˇ dzeh-awˇ, ngaˬ-ahˇ naˆ maˬ tseˇ tahˬ pahˬ aˬ ma mawˇ kawˇ deuˬ-ahˇ taˬ huiˬ-euˬ baˬ da neh, ngaˬ neh aˬ yawꞈ maꞈ-ahˇ kʼehˬ-euˬ nya lehˇ siˬ leˇ tehꞈ-a. Kʼoeˇ ngeh jawˇ, aˬ yawꞈ maꞈ neh mˇ dzeuˇ yaꞈ-euˬ yaw haiˬ jeˬ hawˇ-eu yaw cawˆ jeˬ-ahˇ noeˬ doˆ leˇ-awˇ, yawˬ haˇ yawˬ ha nui daˆ daˆ tehꞈ-a.

Daˬyeˬlaˇ 6:11

Tsawˇ haˬ kʼoeˇ deuˬ oe-awˇ, Daˬyeˬlaˇ Miˬyehˇ-ahˇ uˬ duˬ tahˬ luꞈ gaˇ haw mawˇ-euˬ meh.