Yeˬlaˬmiˇ 51:46 - Akha

⁴⁶ Aˬ cawˬ ja gaˇ naˇ haˬ-awˇ, guˆ-awˇ gʼaˬ taˬ baˬ. Aˬ yawꞈ kʼoꞈ yawꞈ, tiˬ kʼoꞈ tiˬ jeˬ ja byah luꞈ-eu ya gaˬ meh. Miˇ kʼahˬ cawˆ-iˇ-eu gaˇ kawˆ hawˇ-eu sahˬ paˬ tiˬ gʼaˬ tiˇ gʼaˬ guiˇ deuˆ-eu gaˇ kawˆ ya gaˬ luꞈ meh.

Yeˬlaˬmiˇ 51:46 Referans Kwoze

Iˇsaˬyaˇ 19:2

Sahˬpaˬ Miˬyehˇ ehˇ-eu, “Iˇjiˇtuˆ tsawˇ haˬ cawˬ cawˬ guiˇ deuˆ ni ngaˇ kawˆ pyaˆ ma. Mehˇ nmˇ yaw kaˬ tiˬ gʼaˬ tiˇ gʼaˬ dawꞈ-awˇ, nymˇ kaˬ taꞈ-eu deuˬ tiˬ gʼaˬ tiˇ gʼaˬ muiˇ tehꞈ-a. Tiˬ meuˬ tiˇ meuˬ yaw kaˬ guiˇ deuˆ-awˇ, tiˬ kʼahˬ tiˇ kʼahˬ ceh dui dui tehꞈ-a.

2 Sahˬpaˬ 19:7

Aˬ cawˬ gʼawˬ mya jeˬ ja guˆ nehˬ gaˇ Aˬshuˇliˆ sahˬ paˬ ya gaˬ-awˇ, aˬ yawꞈ-euˬ miˇ kʼahˬ-ahˇ ya gʼoꞈ leˇ ngeh keuˆ ni Sahˬpaˬ Miˬyehˇ jahˇ-eu uˬ taꞈ, aˬ yawꞈ-euˬ miˇ kʼahˬ laꞈ kʼoeˇ mi cehˇ laꞈ-ahˇ aˬ yawꞈ ya shiˇ ni jahˇ nehˬ tehꞈ-a.”

Luˇkaꞈ 21:28

Heu loꞈ-ehˇ gʼeh-eu deuˬ pyeuꞈ dahˬ beh laˇ ngeh, uˬ duˬ baꞈ diˇ-awˇ haw-awˬ. Aˬ jeˬ miˇ neh ehˇ naˇ, naw maꞈ-ahˇ ka kʼoꞈ le-eu aˇ yamˬ peh laˇ-euˬ meh.”

2 Laˬsaˬbaˬ 20:23

Aˬmoˬ tsawˇ haˬ deuˬ hawˇ-eu Mawˇbaˆ tsawˇ haˬ deuˬ Eˬdoˬ guiˇ maꞈ-ahˇ deuˆ-awˇ, dawˬ tawˆ luꞈ deuˆ sehꞈ jiˇ nehˬ-euˬ meh. Kʼoeˇ naˇ, aˬ yawꞈ maꞈ yaw kaˬ yaw kʼaˆ-ehˇ paˇ deuˆ ceh ceh-euˬ meh.

Yaˇ kʼaˬ daˇ 7:22

Giˇdoˬ-euˬ tsawˇ haˬ deuˬ daˇ heh baw luꞈ ngeh, muiˇ-eu deuˬ yawˬ ha cawˬ cawˬ mi cehˇ yuˇ-awˇ deuˆ ceh ceh ni, Sahˬpaˬ Miˬyehˇ jahˇ nehˬ-euˬ meh. Aˬ yawꞈ maꞈ Zaˬleˬdaˬ meuˬ paw cehˆ-awˇ, Behˬshiˇtahˇ meuˬ-ahˇ keuˆ ni maˬ ehˇ, Taˬbaˆ meuˬ dawˬ peh jaˆ-eu Aˬbeˬlaˆmeˬhawˇlahˬ meuˬ-ahˇ keuˆ ni maˬ ehˇ, cehˆ-euˬ meh.

Yeˬlaˬmiˇ 46:27

“Ngaˬ-euˬ tsawˇ jeuˬ-oˇ, taˬ guˆ. Iˇsaˬleˬlaˆ-oˇ, nui ma taˬ cawˆ. Naw maꞈ-ahˇ bi nyehꞈ byoˆ gʼeh-euˬ, gaˇ mahˇ kaˬ-eu miˇ kʼahˬ kʼoeˇ-euˬ laꞈ-ahˇ, naw maꞈ-ahˇ ngaˇ ka kʼoꞈ nehˬ ma. Naw maꞈ iˇ kahˇ gʼoꞈ keuˆ laˇ-awˇ, nui saˇ oꞈ-eu laꞈ kʼoeˇ ya dehꞈ tehꞈ-a. Nawˬ-ahˇ laˆ guˆ-eu tsawˇ haˬ maˬ jawˇ ni, kʼaˬ duˬ ni nawˇ ya dehꞈ tehꞈ-a.

Yawˇbaˆ 23:16

Ngaˬ-euˬ nui ma gʼaˬ baˬ ni Miˬyehˇ jahˇ-euˬ meh.

Dawqdaq 24:10

Shaˬ zahˬ puˬ le ngeh nui ma nyiˇ naˇ, nawˇ nui ma baˬ-eu tsawˇ haˬ meh. -25-

Iˇsaˬyaˇ 43:5

Taˬ guˆ. Ngaˇ nawˬ nehˬ-ehˇ jawˇ ma. “Nahˇ ma doˆ kʼehˬ ga kʼehˬ jawˇ byoˆ taˬ-euˬ, nawˬ-euˬ tsawˇ haˬ-ahˇ ngaˇ sheuˬ kʼoꞈ laꞈ ma.

Yeˬlaˬmiˇ 46:28

Naw maꞈ-ahˇ ngaˇ ka kʼoꞈ le ma. Ngaˬ neh naw maꞈ-ahˇ bi jawˇ byaˆ luꞈ-eu, miˇ kʼahˬ tsawˇ jeuˬ kʼoeˇ deuˬ-ahˇ laˆ cawˆ kʼawꞈ, naw maꞈ-ahˇ maˬ laˆ cawˆ ni bi dehꞈ ma. Naw maꞈ-ahˇ maˬ kʼehˬ-ehˇ-aˬ, maˬ bi dzeuˇ-iˇ nya-a. Ehˇ kʼawꞈ, naw maꞈ-ahˇ ngaˇ kʼehˬ ngeh, aˇ dzehˬ maˬ dzeuˇ ni jahˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”