Yeˬlaˬmiˇ 51:35 - Akha

³⁵ Nga maꞈ-ahˇ yaw doeˇ jahˇ taˬ-euˬ iˬ baˇ, Baˬbuˇloˬ kʼoeˇ taˆ keuˆ le luꞈ-uˇ” lehˇ, Ziˇoˬ tsawˇ haˬ deuˬ ehˇ luꞈ-uˇ. “Nga maꞈ-ahˇ shaˬ zahˬ laˆ naꞈ-euˬ iˬ baˇ, Baˬbuˇloˬ kʼoeˇ taˆ keuˆ le luꞈ-uˇ” lehˇ, Yeˬluˇsaˬlehˬ tsawˇ haˬ deuˬ ehˇ luꞈ-uˇ.

Yeˬlaˬmiˇ 51:35 Referans Kwoze

Panmaeq 18:20

Aˬ yawꞈ luˬ-iˇ seˇ-iˇ-euˬ gaˇ, Mˬ-oˇ laˬ kʼaˬ cehˇ-awˬ. Miˬyehˇ-euˬ tsawˇ haˬ deuˬ, Miˬyehˇ-euˬ gʼaˬ kʼehˇ deuˬ hawˇ-eu, bawˇ lawˇ peh deuˬ laˬ kʼaˬ cehˇ-awˬ. Naw maꞈ gʼaˇ duˬ meuˬ kʼoeˇ meuˬ-ahˇ, Miˬyehˇ yaˇ kʼaˬ daˇ nehˬ-euˬ meh.”

Yeˬlaˬmiˇ 50:29

“Kaˆ baꞈ-awˇ guiˇ deuˆ-eu deuˬ-ahˇ Baˬbuˇloˬ meuˬ-ahˇ deuˆ-awˬ lehˇ ehˇ nehˬ-awˬ. Kaˆ kʼaˇ beuˆ nya-eu deuˬ bi iˇ-awˬ. Tiˬ gʼaˬ-iˬ maˬ bi dzeuˇ-iˇ ni meuˬ-ahˇ loꞈ jawˬ-awˬ. Aˬ yawꞈ neh aˬ cawˬ-ahˇ kʼaˇ jahˇ nehˬ-euˬ jeˬ, aˬ yawꞈ-ahˇ paˇ jahˇ kʼoꞈ nehˬ-awˬ. Aˬ jeˬ miˇ neh ehˇ naˇ, aˬ yawꞈ nui ma huiˬ-eu laꞈ kʼoeˇ, Iˇsaˬleˬlaˆ-euˬ Muiˬ dui shawˇ dui dui-eu Gʼaˬ pyeuꞈ-eu ngaˬ-ahˇ jahˇ gʼeh haw-euˬ meh.

Panmaeq 18:6

Yawꞈ neh yaw doeˇ kʼaˇ mˇ-euˬ jeˬ, yawꞈ-ahˇ paˇ mˇ poˆ kʼoꞈ nehˬ-awˬ. Yawꞈ neh mˇ taˬ-euˬ naˆ maˬ tseˇ, nyiˬ bymˇ dzehˬ ni mˇ kʼoꞈ nehˬ-awˬ. Yawꞈ neh bi dawˇ laꞈ-euˬ kʼmˬ maˬ, nyiˬ bymˇ taˆ-eu ciˬ kʼoꞈ nehˬ-awˬ.

Panmaeq 16:6

Nawˬ-euˬ bawˇlawˇpeh deuˬ hawˇ-eu, muiˬ-eu shawˇ-eu tsawˇ haˬ deuˬ-ahˇ, yawꞈ maꞈ shiˬ sehꞈ yoeˇ-euˬ miˇ neh, yawꞈ maꞈ-ahˇ shiˬ bi dawˇ-eu-aˬ, oꞈ-eu geuˇ-eu jeˬ pyeuꞈ-eu meh.”

Panmaeq 6:10

Aˬ yawꞈ maꞈ teˇ saˇ yaw kʼaˆ-ehˇ guˇ-awˇ, “Baoˬ huiˬ-eu Sahˬpaˬ Miˬyehˇ pyeuꞈ-eu muiˬ-eu shawˇ-eu tsaˬ-eu dawˇ-eu gʼaˬ-oˇ, nga maꞈ-ahˇ sehꞈ-euˬ miˇ tsaˬ kʼoeˇ taˆ jawˇ-eu tsawˇ haˬ kʼoeˇ deuˬ-ahˇ aˬ myah yaˇ kʼaˬ daˇ nehˬ-awˇ kʼehˬ-eu kʼaˆ-eu gʼeh te” lehˇ ehˇ-eu meh.

Yaˬkoˆ 2:13

Aˬ cawˬ-ahˇ gʼawˬ shaˬ maˬ gaˬ nehˬ-eu tsawˇ haˬ-ahˇ Miˬyehˇ gʼawˬ shaˬ maˬ gaˬ ni yaˇ kʼaˬ daˇ tehꞈ-a. Ehˇ kʼawꞈ, gʼawˬ shaˬ gaˬ-eu jeˬ-aˬ, yaˇ kʼaˬ daˇ-eu jeˬ-ahˇ gʼaˬ leˇ nya-eu meh.

Maꞈtehˬ 7:2

Aˬ jeˬ miˇ neh ehˇ naˇ, aˬ cawˬ-ahˇ naw maꞈ yaw lehˬ poˆ-eu loꞈ-ehˇ, naw maꞈ-ahˇ kʼawꞈ Miˬyehˇ yaw lehˬ poˆ tehꞈ-a. Naw maꞈ aˬ cawˬ-ahˇ kʼaˇ haw doeˇ-euˬ naˆ ni, naw maꞈ-ahˇ Miˬyehˇ haw doeˇ tehꞈ-a.

Zaˬkaˬliˇ 1:15

Nui saˇ oꞈ-awˇ ciˬ cuˇ ni jawˇ luꞈ-eu miˇ kʼahˬ deuˬ-ahˇ ngaˇ nui ma pehˇ dui dui nya. Ngaˬ-euˬ tsawˇ haˬ deuˬ-ahˇ ngaˇ nui ma pehˇ-eu jeˬ ui cuiˆ tehꞈ kʼawꞈ, aˬ yawꞈ maꞈ ngaˬ-euˬ tsawˇ haˬ deuˬ-ahˇ aˇ dzehˬ dzeuˇ ni kʼehˬ-euˬ kʼaˆ-euˬ meh.

Jaceuq 12:5

Ehˇ kʼawꞈSahˬpaˬMiˬyehˇ ehˇ-eu, “Iˇshaˬzaˬ bi kʼehˬbi kʼaˆ-awˇ, tsawˇteˬzaˬmahˇluꞈ-eu miˇneh, aˬyawꞈmaꞈnoeˬtmˬdui dui-eu, nui saˇoꞈ-eu jeˬ biꞈ-eu lehˇ, nymˬ-mˇ ngaˇzaꞈka le-eu ma.”

Jaceuq 9:12

Bi kʼehˬbi kʼaˆ-euˬtsawˇhaˬ-ahˇ, Miˬyehˇtiˬjawˇ-iˬ maˬngehˇ-a, yawꞈmaꞈngoeˇ-eu teˇsaˇgaˬ-awˇ, haiˬ-eu deuˬ-ahˇkʼehˬnehˬ-eu meh.

Yaˇ kʼaˬ daˇ 9:24

Aˬbiˇmaˬlehˆ maˬ ehˇ, Giˇdoˬ-euˬ aˬ li shiꞈ tseˇ gʼaˬ-ahˇ sehꞈ ni aˬ yawꞈ-ahˇ gʼaˬ biꞈ-eu tsawˇ haˬ deuˬ maˬ ehˇ, aˬ yawꞈ maꞈ neh kʼaˇ mˇ-euˬ loꞈ-ehˇ ya daˬ poˆ ni, kʼoeˇ loꞈ-ehˇ pyeuꞈ laˇ-euˬ meh.

Yaˇ kʼaˬ daˇ 9:20

Ehˇ kʼawꞈ, naw maꞈ neh mˇ-euˬ heu maˬ sui maˬ dawˇ naˇ, Aˬbiˇmaˬlehˆ laꞈ kʼoeˇ neh miˬ dzaˬ doꞈ doˆ laˇ-awˇ, Sheˬkmˬ meuˬ hawˇ-eu Behˬmiˇloˬ meuˬ laꞈ kʼoeˇ jawˇ-eu tsawˇ haˬ deuˬ-ahˇ puiˆ-awˇ, Sheˬkmˬ meuˬ hawˇ-eu Behˬmiˇloˬ meuˬ-ahˇ jawˇ-eu tsawˇ haˬ deuˬ laꞈ kʼoeˇ neh kʼawꞈ, miˬ dzaˬ doꞈ doˆ laˇ-awˇ, Aˬbiˇmaˬlehˆ-ahˇ puiˆ luꞈ-uˇ.”

Aˇ dahˬ 16:5

Kʼoeˇ ngeh, Aˬbyaˬ-ahˇ Saˬlehˇ heu loꞈ-ehˇ ehˇ nehˬ-euˬ meh. “Haˬgaˬlaˇ ngaˬ-ahˇ yaw zeu maˬ baw-eu-aˬ, nawˬ-ahˇ neh ahˇ-eu meh. Ngaˬ neh nawˬ-ahˇ mehˬ-awˇ aˬ yawꞈ-ahˇ bi yuˇ-euˬ ma. Ehˇ kʼawꞈ, yawˬ haˇ yawˬ ha aˬ nyiˇ pi leˇ-euˬ miˇ-a lehˇ siˬ leˇ ngeh tiˬ nah neh, Haˬgaˬlaˇ ngaˬ-ahˇ yaw zeu maˬ baw-a. Nawˇ lehˬ-eu nga loˇ, ngaˇ lehˬ-eu nga loˇ lehˇ, Sahˬpaˬ Miˬyehˇ yaˇ kʼaˬ daˇ nehˬ laꞈ luꞈ-uˇ.”

Yeˬlaˬmiˇ 50:10

Baˬbuˇloˬ miˇ kʼahˬ myawˬ gahˬ bi ya jiˇ-awˇ, kʼaˇ geuꞈ mawꞈ-eu jeˬ bi yuˇ geuꞈ jiˇ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Haˬbaˬkuˆ 2:17

Leˬbaˬnoˬ sahˬ kʼaˆ nawˇ tuˇ-euˬ, nawˬ-ahˇ tuˇ poˆ gaˇ ya daˬ-awˇ, bawˇ tsahˬ jeˬ zaˬ-ahˇ nawˇ sehꞈ-euˬ, jeˬ zaˬ nawˬ-ahˇ paˇ sehꞈ tehꞈ-a. Tsawˇ haˬ-euˬ shiˬ nawˇ sehꞈ yoeˇ-awˇ, miˇ tsaˬ-ahˇ nawˇ kʼehˬ-euˬ miˇ neh, kʼoeˇ loꞈ-ehˇ ya daˬ poˆ tehꞈ-a.

Yeˬlaˬmiˇ 51:24

Sahˬpaˬ Miˬyehˇ heu loꞈ-ehˇ ehˇ-eu meh. “Yeˬluˇsaˬlehˬ meuˬ kʼoeˇ taˆ yaw haiˬ jeˬ mˇ taˬ-euˬ aˇ poeˬ, Baˬbuˇloˬ miˇ kʼahˬ hawˇ-eu kʼoeˇ gaˇ kʼaˇ jawˇ-eu tsawˇ haˬ deuˬ-ahˇ ngaˇ kʼehˬ nehˬ gaˇ naw maꞈ ya mawˇ tehꞈ-a.

Ngoeˇ dawˬ 1:22

“Aˬ yawꞈ maꞈ-euˬ yaw lehˬ dawˬ tawˆ, nawˬ-euˬ mehˬ shi bi keuˆ le-awˇ, ngaˬ neh mˇ-euˬ iˬ baˇ baˬ da, nawˬ neh ngaˬ-ahˇ kʼehˬ-euˬ loꞈ-ehˇ, aˬ yawꞈ maꞈ-ahˇ kʼawꞈ kʼehˬ nehˬ-awˬ. Shaˬ zahˬ naꞈ-awˇ mahˇ luꞈ-eu heu, nui ma shiˇ tsehˆ shaw-iˬ miˇ-a.”